بلا رقيب / لعاشقه ديرتها ، كاملة

بســـم الله الرحمـــن الرحيـــم
الســلام وعليكــم رحمــة الله وبركــاته ...



بالامــس ومـازالت مستمــــره
(..الزمـن طبعـــه كــذا ..)
واليـــوم وبالغــد القريب :
×O× ـبلارقيــبـ ×O×
حينمــا يختلط الواقـــع بالخيـــال
شخصيــات أبعـــد ماتكــون الا الواقعيــه واقعهـا خيــال وخيــالهــا واقـــع ...
,,, شخصيــات متمــرده ليــس فقط علــى من حولهــا بل على الدنيــا بالذاتهــا
فقـــــر _ضيــاع _تشـــرد _تســـول _انحــراف _مخــدرات والكثيـــر الكثيـــر تحتــويــه بلارقيــب ...
فـــي بلارقيــب ستشاهـدون كوميــديا فكـاهيـــه
سخـــريــه لاذعــــه
حب ورومانسيــــه
كــره وانتقــــام
واقــع مـــــر
شــــر وخيــــر
قلـــوب ميتـــه

أبطــال القصــه قيـل عنهـم في المجتمــع :
(تكملـــة عــــدد_ عالــــه_ وصفـــر على الشمــال )لأحــد يشعــربهـــم ...
هل كنا سنرضــى بهذا التصنيــف بالتأكيــد لاحتــى هم لم يرضــوا فكانت الانتفاضــه قلبــوا الموازيين على المجتمــع الظالم كلـــــه صنعــوا المستحيــل ليذكــروا النــاس بهــم
ولم يــوجـد من يوقف تمــردهـم ويضع حــد لاتجـاوزاتهـــم ... ولاكـــن هــل فات الاْوان ..!!!
تبــدأ القصــه عنــدمـا :

(..عبق الماضــي ..)
1984

مبـارك:يمــه ليه ماتفهميــن .؟!
خديجه هــذي مابيهـا النفس طابت منهـا عفتهـا ...
أم مبـارك :ياويلدي اذكـر ربك هذي خـديجـه اللي اخذتهـا غصبً عن أبوك وعنـا كلنـا ...
مبـارك:ملكتــي على صبـاح بكــره ,,وخديجــه بطلقهـا
والله يخليج يمه لاتعورني راسج معــي ...
-------------------------------------
1986
مبارك
بتزوج يعنــي بتــزوج انا رجـال وشوري بيدي انا موجاي اشاورج انا جاي اقـولج تخليـن بنات صباح عنـدج لأنــي مسـافر الدمام ...
أم مبـارك:حرام عليك خل البنات مـع امهــم لاتيتمهـم مثـل خواتهـم ...
مبـارك:بناتي مايعيشن الافبيتـي ومريم بتكـون لهن أم ..
--------------------------------
1988
مبـارك: انا اتزوج ابــي ولد لأنــي مليت من البنات ليـه ماتفهمــوني ابـي ولد ...
-----------------------------
1990
مبـارك:أيــه بتزوج بعــد احـد يقدر يمنعنــي ..!!
والبنات موقاصـرهم شي أكلين شاربين متعلميـن شتبون زود ...
--------------------------

1991
مبارك
تبينــي أخلــي مــرة المــرحوم يأخذهـا غريب وعيالــه من يربيهــــم حشــى مايصيــر هذا وأنا راســي يشــم الهـــواء .....
--------------------------
مبارك
بطلقهـا نوره شرطهـا على زواجـي منهـا اطلق ..؟!
مبارك
نــوره ماهــي ملزومــه تربــي بنات ماهـن بنـاتها وهن عنـدج وماعليهـن شـــر ...
اصلاً هـن غلطتــي فهادنيـا مخربات علــي عيشتـي ليتهــن ماجــن ...
-------------------------------
مبارك :أنا خـــلاص ماعاد ابغى اسمع عنهــن شــي بنسـاهــن انا متبــري من هــن لاخر يوم في عمري...
أم مبارك :ذولي بناتك كيف تبرأ من هــن .؟؟!!
مبارك :بناتي اللي جبتهــن بوقت طيشــي واللحيـن ماعاد ابيهــن ... خليهـن عندج ربيهــن ...

---------------------------------
بدايـة النهايــــه ...
لا أنا مالــي ابـو .؟!
أنتــي ماتربيتـي في وحـده تقـول عن أبوها كذا ..
أيـه فيهـا أنا .. انا مو متـربيــه ..
--------------------------------------
ابــي اعيشـ الحـريهـ محــد يقـولي لااا ...اصلاً من يقـدر يقـولها لـي ..
_أنا اقــولهـا لك ...؟؟!
لاحبيبـتـي ذاك أول اللحــين أنا حــره محد يقدر يقولــي تلت تلاته كام ...

-------------------------------------
ابــي بابا مابيكـــم ابـي باباااااااااااااا ....
حبيبتـي انســي أبوكـ رماك مثـل مارمانا قبلك ...
كانــوا يناظـرونهـا بخـوف بنت الاربعت عش كانت اطول منهــم والشـر يتطاير من عيونهـا ..ليهـم تركهـم أبوهم معهـا ...
نادت بصـوت عالــي :بناااااات تعالـوا شـوفـوا ابوكـم شجاب درزينـه جديده دمى نلعب فيهـا ..
دخلــوا خواتهــا بفرحـه بالالعاب الجديده ...
ويــن الالعاب ..
ماقلت العاب قلت دمــى أو خوات جدد ...
شلون يعنــي من وين جم ذول ...
رفعت كتوفها وقالت :مادري ..
طالعـن هم التـوأم بالشقاوه ...
طلعت الحلاوه من فمهـا وقالت لاصغـرهم رافعـي ريلج وطالعـي فالحيط ..انفجـرت الصغيـره صياح وراح تركـض لخدامـه اللي كانت تحمـل بيـن يديهـا طفـل رضيـع ...

-----------------------------
جدتـي تعالي معــي الابلـه تقـول لازم اتجيبـين امك وامـي هذي من وين اجيبهـا اقولها ابوي مطلق أمــي وماتفهــم ...
------------------------
ضحــى امي شسمهـا الابله تسألنـي عـن اسمهــا وأنا ماعرف وش اسمهـا والبنـات يضحكـون علي ...
امكــم اسمهـا صبحــى مادري ورده والله نسيت اسألي جدتي .!!
-------------------------------
ضحـى وش فيهـا جدتي بتمـوت ..اصلاً كلـه من عمـي ماجـد هـو اللي ذبحهـا ...
لا اصلاً جدتــي بتمــوت والسبب مبـارك ....
مبــارك مــن مبــارك ..؟؟؟!!!!
-----------------------
ببراءة طفــوله سألت:هذي بنت عمتــي حـرام صغيـره ليـه ابوهـا تركهـا عندنا ...
أيــه حبيبتـي ابوهـا رماها عنــدنا مثــل مسوى فينــا ابـوي كلـهم عيال عــم يعنــي مارحـنـا بعيــد ؟.؟
------------------------------
انا موبنت افهمــوا انا مــووو بنت انا ولــد قــوي ومحــد يقدر ياذينـي ...
لاحبيبتــي انتي بنت لوكنتـي ولد ماكان هــذا مصيرنا ...
-----------------------------هــذه كانت بعــض الحورات والاحــداث التي حصلــت فالماضي البعيــد أما فالحـاضــر القريب فهــذا مايحــدث:
2006
فــي جامعــة الملك سعــود حدثت هــذه الحـورات بيـن طالبتيــن وفي اوقات مختلفــه ....
بثينــه : ومـن شفتـي مسوي هالحـركـه ....
غيـداء :ومـن توقعيــن ..!!!
بثينــه :لاتقولين ميشــو ...
غيداء :ومــن بيكــون غيرها ميشو مبـارك ...
--------------------------------------------------
بـ مــوقف آخــر ...
بثينــه بصـرخه :لابنات ماراح تصــدقون اللي بقوله لكــم ...
غيــداء :من الآخــر قولي ميشــو مبارك شمسويه المـره هذي ..
بثينــه :واشــمه ...
غيداء :واشمــه ويــن ...
بثينــه :بظهــرها ...
غيداء :كيف شفتيــه ..؟؟!!
بثينــه :يعنــي ماتعــرفين بلايز بنت مبارك كيف ...
------------------------------------------------
غيـداء :الا ماقلتــي لي بثينــه وش أخبـار ميشـو ...
بثينــه :لاتقولين أنك ماتدريــن ...
غيداء :لاوشو لاتقـولين تزوجــت ...
بثينـه :مالت عليك لاان شـاءالله وش تزوجت بعــد افصلوهــا ....
غيـداء :افصلوهـا ليش ...
بثينــه :والله مادري بــس اكيد شكـوى ...
-----------------------------------
بثينــه :شفتــي ميشو كيف تلبس قميصهـا ..
غيــداء :شكلهـا بتصيـر موضــه ...
وحـده من البنات :والله هذا اللي كان ناقصنـي اعكــس ازرة قميصـي عشان اقلد ميشــو والله لصيـر مضحكــه ...
غيـداء:أنتـي اتصيرين مضحكـه بس ميشو قدوه والله لو تلبس خيشــه ليقلدونهـا ..
بثينـه :هذي بايعتهــا ....
غيــداء :يقولون لقيطــه …
----------------------------
مــــــن الشــــــارع ( شــــر وخيــــر)
(...لله يامحسنين عطنـي ممأعطـاك الله ,,,الله يخلي لك عيالك,,الله يرحم والديك ,,الله يرزقك ويكثـر مالك,,,أرمله برقبتها سبع عيال وعلي مية ألف الديون فرج عنــي الله يفرجهـا عليك من واســع ابوابــه ...)

- انا كم مره قلت لك لاتجيــن تشحدين قدام فرعنــا دوري أي فرع ثاني ومارسي هوايتك عنـــده ...
_ لامأقدر انا منتدبـه هنا بعــدين هذا اقرب فرع لبيتنا …
-----------

--------------------------------------------

وفــي احد المدارس الثانويــه .. "سخـريه لاذعــه "
المعلمــه :
ارجعــي للمكــانك ياحلــوه المسألـــه ذي مانتـي من مستواهـا ولاراح تاصلين لها ورينـا كيف فلــوس أبوك بترفعــك لمستواها ...
_مولازم افهمهـا كفايـه انتي فاهمتهــا ..

:يالله يالشاطـره مكانك بس وبعـــدين ابوك ذا اللي فرحانتن فيـــه تلقينـــه مامعــه حتـى شهادة ابتدئي ..

_أنتــي على ايش شايفــه حالك لافلوس لاســم ولاحتــى شكــل ولالبس تدريـن إن لبسك هذا الخـدامـه عندنا ماتلبســه ...

-----------------------------
فـــي البيت "كوميــديا فكـاهيـــه"
يابناااااااااااااات ياهبلاااااااااااااااااااااااااااااات الحقـووووووووووووووووووووووووووووووووووووووووووووو ووووووووووووواااا
علـــي ...
_وش بك يابنت خضتينـا عسى مانخطبتـي بس ...
:حمـاره انتي وش هالافكـار بعـدين من بيخطبنــي مافيـه أحد من مستوانا غيـر كايد السكـران وهذا مستحيـل اقبـل فيـه لأن من ملكياتك الخاصــه ...
:وأنتن عندكن أمل انكت تزوجن اصلاً من بيفكـر ياخذ وحـده لاوراهـا حسيب ولارقيب ...
:زين اللحين خربتوا علي فرحتـي بتحقق حلمــي ...
:أي حلــم ....
قلت برومانسيــه مولايقـه علي كلش ولاعربجيـه مثلي وش عرفهـابالحركات هذي :اخيـراً تحقق حلمــي وبعيش السعـاده اللي كنت اتمنـاها طـول عمـري لوحتـى ليوم واحـــد ....
:أي حلـم اللي بتحقق .....
---------------------------
"قــلوب ميتــه"
_مادري ليش متحملينهـا للين اللحيـن مارمينـاها بالدار العجـزه حنـا ناقصين حمـل ماحنـا بصايرين احسن من عيالهااللي من طاحت ماسألوا عنهـا ,,أنا مستحيـل انسى اللي كانت تسويه فينـا وحنا صغـار وتعذيبهـا لنا وكنـا حنـا اللي ابعـدنا عنهـا ولـدها ليل ونار تدعي علينـا وعلى امهـاتنا ...
----------------------------------------
"واقـــع مــــــر"
_ قولي عن اللي تبيـن فاسده ماعليه فاسـده ليـه وش كان المتوقـع من وحـده طلعت علـى الدنيـا لاتـريبـه ولااهتمـام تربيـة مع خواتي المراهقات والمسؤال عنـي أكبـر منـي بخمـس سنوات لاتطالبنـي بشـي انا ماتربيت عليـه .. ليش أنا لقيت أحـد اذا غلطـت يقول اوقفـي حدك الاهالخط ماتجاوزينـه يعلمنـي الصح من الخطـأ..


هــذا وأكثـــــر فــي بـلارقيــب ...

ابطــال قصتــــي ليس عليهــم رقيب (ارضــي ) ســوى قلمـــي ....

هـــذا جديدي اعــرضـه بيــن ايديكــم .. اذا تلقـى قبـول من قبلكــم

بلا رقيب / لعاشقه ديرتها ، كاملة






OOالحلقــه الاولـــىOO






((1))
<<ظلـــم ولاكــــن >>


ضحــى


سـارعـي للمجــد والعليـاء
مجــدي للخالق السمــاء
وارفعي الخافق الأخضــر
يحمــل النـور المسطــر
رددي الله أكبــر
يامـوطنــــي ..
مــوطـنــي
عشتي فخـر المسلميــن
عاش المليـــــك
للعلــــم والوطـــــن
عــاش عـــاش ...( وعاشــقه تــردد معـــك عاش عاش )
شكلــي اندمجت مــره وعشت الجــو لأنـي قلت الكلمتيــن الاخيرات بصوت عالي جاني هالاحساس لما شفت المعلمـات كلهـم يطالعــوني ....
انتبهــت علــى المديره مشت صف ثانيـه علمـي اللي أنا عنــدهم مشيت وراهــم للصف ...لول نسيت اعرفكم بنفسـي أنا ضحـى 24 سنــه معلمـة احشــي رؤوس الطلاب بالمعلـومات والارقـام والمعادلات تسألون وش ادرس ..؟! ملكـة المــواد الرياضيــات ....ههههههههههههههههههه ادري محـد يحبهـا غيري ولاتدرون حتـى أنا مأحبهــا بس تخصصت فيهـا لأنـي محتـاجه للوظيـفه .... أكمل لكــم شرح سبب حاجتــي للوظيـفه بالوقت اللي اصوب فيــه الواجـب للطالبات
....
اخيـراً البنات انتظمـوا فاماكنــهم ....
قلت اصبح عليهــم بالمصـري عبط ..!!!
ضحــى :صباح الخيـر عاملين ايه النهار دا ...
وحــده من الطالبات :واضـح عليه يومنـا نكــد ...
سألتهـا وانا عارفـه الجواب
ضحــى :ليه ياكافــي ...
طالبه ثانيــه :الصراحه صرنا نكــره يوم الاربعــاء حصتيـن الرياضيـات والمصيبـه وحده منـهم الاولــى والثانيـه بعد الاستـراحــه ..
انبسطــت من قلب الصراحــه عندي حاله غريبــه انبسط اذا شفت البنـات مقهـورين ويكــون يوم سعـدي اذا شفت نظـرت الاكتئاب علـى وجيهـم مثل اللي أشوفهـا اللحيــن أحسهم بنات ترف ماعاشو الي انا عشتــه يوم كنت بعمـرهم الدنيا دايـم مبتسمـه لهــم خل اعذبهــم شوي دام الامـر بيدي ... قلت عشـان اغيـر الموضوع
ضحــى :هاه كلكم مسويــن الواجب ...
وحــده من البنات :أبله والله الواجب كثير وصعب وماقدرت اسويـه كله ...
ضحــى :مو مشكلتـي انك ماعرفتي تحليــه قومـي واقفـه اشوف ...
البنت :أبله الرحمــه ...
ضحــى :اوقفــي بدون كلمــه زياده ... وطلبت من وحـده من البنات تصوب الواجب ... بس كالعاده البنات يقومـون الوحده ورى الثانيــه ولايعرفوا يحلــوه بكـل بساطــه لأنــي اعطيـهم اسأله تعجيـزيـه المتخصصين بالماده بصعـوبه يحلونـها كيف هالفروخ يحلوهـا ... جت للاداره شكاوي كثيـر ضدي بس أنا ياجبـل مايهزك ريـح دام الله عطاني الموهبـه والسلطـه ليش مأستغلهــا هـذي أسئلة الواجــب اما بالنسبـه للأسئلة امتحانات اعمـال السنــه والنصف فــن محـد يقدر عليــها بنت أبوها اللي تجيب عنــدي نصف العـلامـه لاتـقوالوا ظالمــه لأنــي بينــي وبينكـم فعـلاً ظالمــه ولاتفاجئــو لأنكــم بتشـوفوا العجــب معـي ...
مو موضـوعنا نرجــع لسبب حاجتــي للوظيـفه السبب يلخـص فكلمتيــن أنا من عائلــه حالتهـا الماديـه تحت الصفــر وأنا المعيــل الوحيــد لعائلتـــي ...
يوووه وش سوو المتخلفيــن ذولا كيف قدروا يحلونهـا.. تخصرت لهـم وسألت باستهـزيء ...
ضحــى :خير ان شاءالله من عبقريـة زمـانها ذي اللي حلـت المسائلــه ..؟!
منــى بفخــر: انا اللي حليتهـا ...
ضحــى بسخـريه واضحــه:ياحظ امك فيك اللحيــن من طلب منك تحلينهـا ...
منــى :أنتـي كنتـي تقوميـن البنات بترتيب يوم جاء دوري قمـت من نفسي ...
ضحــى :أنصحك من اللحيـن لاتذكـرين للأمتحـان الشهــر ...
منــى بغصـه :أبلــه حـرام عليك ...
×××××××××××××××××××××××


((2))
<< الثنــائي اكــس و أو >>

ســارا

الاســم :سارا
العمــر :21سنــه
الوظيـفه :عاطلــه عن العمــل ...
هههههههههههههههههههههه ادري محــد سألنـي بس أنا كذا مسويـه فيهـا حـركــه ..!!
علــى فكــره لي أخـت تؤام اسمهـا مـلاك ونفـس بطاقتـي الشخصيــه ... أدري بعــد محـد سألنـي بـس حبيت اخرب عليهـا واعرفكـم أنا عليهـا .. لوووول تللقونهـا اللحيــن محتـرقه بمحلهـا خخخخخخ ....
وش كنت جالسه اسوي قبـل ماتجونـي ايه صـح كنت رايحـه للمطبـخ بسوي لي نسكافيـه ...
تونــي بدخــل المطبــخ رجعــت اطل مع الشباك لأنــي حسيت حركه بالحـوش ...
شفت ورى النخــل اللي بحوشنـا خيال أحــد حاولت اركــز اشوف منـو يمكــن تكون وحده من خواتــي مارحت المدرسـه بس مو واضــح ...
قلت بنفسـي يابنت اطلعي وشوفي مــن بس يوم جيت بطلع باب بيتنا كان مقفل من داخل يعنـي أكيـد مو وحده من خواتي الي برى ولاكيـف الباب مقفل ....
رحت اركض لغرفتنــا وشفت مــلاك توها طالعـه من الحمـام سابحــه ...
قلت وأنا اقفز وادور على نفـسي من الحمـاس ..
سارا :ملووووك تعالي فيــه احد طاب بحوشنــا ...
مــلاك بعـدم اهتمـام :وش اسوي ليــه ..؟!!
سارا :ياهبــلا امشـي خل نشوف ميــن يمكــن مجــرم مطلـوب نقبض عليه ونأخـذ المكافأه ...
مــلاك رمت الفوطـه اللي تجفف فيها شعـرها :تهقيــن ...
سارا :مو وقت تهقيـن بعــدين نكملــها ...
جريتها من يدها ونزلنـا الدرج الطـويل ركــض ويوم وصلنــا باب البيت مابقـول كنـا نلهث من التعـب لأنا رياضيـات بس كنـا تعابــنين ...
كنت متـردده طلبت من مــلاك هــي تطلع قبلــي ...
سارا :ملاك يالله ورينا شجاعتك ...
مـلاك :لاياروح امك .... انتــي اللي منزلتنـي من فوق واللحين تبنـي أنا اتقدمــك ...
سارا بقهـر :خلاص لاتذلينـا ماينطلـب منك شــي ...
طلعت وأنا ركبـي تصاقع فبعـض من الخوف صدق اللي قال الذله بنت حلال ...
يوم قربنـا من المكـان اللي شفت الخيــال فيـه ترددت اتقــدم ولاأرجـع بس مستحيـل اطــلع نفســي مضحكــه قدام ملاكـوه من يفكنـي من لسانهـا بعـدين ... وأنا غرقانــه بافكـاري
ماسمعـت الا مــلاك تقــول بصرخـه :منيـررررررررر هذا انت يالنتفـــه ...
منيــر وكـل هالخـوف اللي صايبنــي وأم الركـب اللي جتنــي وأخرتها منيروووه ...قلت وأنا واصله حدي منــه ..
سارا :منير ورى مـارحت للمـدرسـه والله لروح أعلم أمك عليك يالفاشـل ..
منيــر :لاتكفيـن سارونـه خلي عنـك حركات النذاله انا منيـر حبيبكم صاحبكــم تسوون فينـي كذا ...
مــلاك :تستاهل ليه تدخـل بيتنــا تقل حـرامـي ...
سارا :لايكـون تحسب بيتنـا سبيـل لاحبيبـي هذي ملكيــه خاصيـه ...
مسكيـن شفتـه كيف خايف مألــومه وراه اخـوان مايرحمــون اصلاً حنا مستحيــل نخبـر عليـه بس لازم انتلاعب فيــه ولامانكـون التوأم اكـس أو ...
لفيت يدي علـى خصـر ملاكـوه وقربتهـامنـي وهـي حطـت يدها على كتفـي وقلت له وأنا اتـلاعب بحواجبـي ...
سارا :ياربـي تصدق كسـرت خاطـري خـلاص ماراح افضحـك .. بس كل شي بثمنـه والا وش رايك ملاكــي ...
مـلاك :أكيــد سارونـه منيـر سيد العارفيـن وياما لعـب معنـا لعبـة كل شي بثمنــه ...
منيـر بقهــر :خلاص فهمـت وشو الثمـن اللي تبينـه ليدي ...
جيت بتلكــم بس ملاكـي سبقتنــي ..
ملاك بخبث وهي ماسك ضحكتهـا :جب لي موبايـل جبوري ..
منيــر بصرخـة رعــب :ايييييييييييش ...
والله شكلــه يحــزن والظـاهر بتجيـه جلطـه منـا ياقلبـي عليه والله حنـا وحشات .. بس قررت مارحمــه ...
سارا :اللي سمعتــه نبـي موبايـل أخوك جابــر ..
منيـر :طيب وش تبــون فيـه ..
ملاك :مأعتقــد هـذا من شؤوانــك ....
الصــراحه أعجبتنـي كلمتهـا بس وش معنــاها ...
سارا :حلــوه شؤونــك بــس وش معنـاها ....؟!!!
مـــلاك :مأدري بس اللي اعتقـده ... وسكتت ماتدري وش تقــول أكيــد أدور نصبــه ترقع فيهـا جهلها بمعنـى الكلمــه ...
مــلاك :تبين الصراحــه مادري .. منيـر انت وش توقع معنـاها ...
منيــر :واذا علمتكـم ماتخلوني اجيب موبايل جابـر ..
مــلاك :لاحبيبـي قص على غيـرنا والموبايــل جايبه جايبــه ..
منيــر :حــرام عليكــم مالقيتــو الا جابــر أجيب لكم موبايل عنـتر بن شداد وماجيب حق جابــر ..
ماقلت لكم مسكيــن بس كيف بيجيب موبايل عنتــر هم ذاك الوقت عنـدهـم موبايلات .؟؟!!
مــلاك :يوه ذبحتنــي الشمس خل ندش داخــل ...
منيــر تعال داخــل اذا بتشــوف الاكاديميــه ..
سارا :ياربيــه فاتت علينــا دروسهــم ...
ودخلــا نركــض كلش ولا الاكاديميـه تفوتنـا وشذى بنت بــلادي العـراق الجـريح ..!!!!
××××××××××××××××××××××


((3))
<<بنــات مبــارك >>


شهــــــــد


انا اللحيـن جالسه بالفصل والهبـلا قصدي الابلـه تشــرح وطبعـاًوأكيداً انتم ماتدرون أنا بأي مرحله ولابأي صف ولاحتـى أسمــي فأنا بتنازل وقولكم أنا :شهــوده العســل 19سنــه باولى ثانــوي ادري اني كبيره على هالصف بس انا كذا مابي انجح واحب اخبركم أني انا وخواتـي اشواق وهنـــد بنفس الصف وبنفس الفصل ...
وكلنا جالسين جنب بعض واللحيـن انا وهنــد جالسين نأكـل حب والحسـاسه اشـواق نايمـه لأنها فاليل ماتقـدر تنـام بالحـر والله ارأف بحالها بعض الاحيـان ...
ماحسيت الا على هنــد تشهــق وبعـدها تكـح بقــوه انهبلت عليهـا شكلها بتمــوت لدرجـة ان اشواق صحت على كحتـها ...
جلست اضربها على ضهرها بخفه لأنها الظاهر شرقت بالحب ياعيني عليها أكيد أحد صكهـا عيـن ..
بدت تهـدأ وشكلهــا طلعت الحبـه اللي غصت فيهـا ... قالت المعلمــه تطلـع اذا تبـي والحبيبه ماصدقت ماشفت الاغبـارها الحمـاره ماقالت أطلع اختــي معـي ....
شــوي وشوف وعــد علــى الباب وتـقول لأبلـه انها تبغـي تكلمنــي برى الابـله بطـلوع الروح رضت ...
اول ماخطـت رجلـي برى الفصـل صرخت فينـي وعـد :صـادونــي ...
الله ياخذ روحهـا ندى حـرشت علــي ...
ياربــي وش اسويلهـا هذي جريتهـا معــي ودخلنـا دورة الميــاه ولافكـرت استأذن من الهبـلا ..
وعــد :بليز شهـد ساعـدينـي والله المـره ذي فيهـا فصـل وضحـى ماراح ترحمنــي ..!!
شهــد :وش تبغينـي أسويلك حتــى أنا لو قلت أنهـم لــي بيفصلـوني الانذرات عنــدي فـول ونوف نـفس الحاله مابقـي غيـر هنـد وشوق ...
وعــد :شهــد انا بعرضك كلمهيــم ...
ياربـي منهـا هالورع دايــم تطيح نفسهـا بمشاكـل أكبـر منها وأنا لازم أساعـدها الله بلانـي فيهـا أخـت ...
شهــد :كــم عددهــم ..؟!!
وعــد بخـوف :خمســـه ...
خمســه ياويلي من هالمجنــونه خمـس مـره وحــده ذي قلبهـا ميت من زمـان ...
وعـــد :وش أســـوي ...
شهــد :اللحيـن هــم استدعــوك ...
وعــد:لايـوم دخلــوا يفتشــون جـيت ركض لفصلكــم ...
شهــد :طيب قولــي أنهــم مو لك لشــوق اوكـي ...
وعــد :لا مأقدر شوق بتذبحنـي ذي خوافــه وبتخبـر علي ضحــي ...
شهــد :طيب ياغبيه المفـروض يوم دريتـي عن نيتهـم بالتفتيش حطيتـه بشنطة بنت مثـل كل مــره ...
وعــد :وش أحطهــم بشنطــه خمســه أقولك ..
شهــد :طيب لو وزعتيهـم بالشناط البنات ..
وعــد :اصلاً طبو علينـا مره وحـده محـد درى أنهـم بيفتشــون ..
سكت .. وسكتت هــي بعــد وشكلهـا صدق خايفـه ...
فكـرت بكـل الاعـذار اللي دايـم تضبط معنـا بـس خلاص مكشـوفه ...
قلت بأخــر عـذر يمكـن ينجح معنــا ...
شهــد : مافيـه الا حـل واحد كلنـا نوقف يد وحــده وتصـر كل وحـده منا أنــه لهــا ...
وعــد :وتهقين تزبط معنــا ...
قلت لهـا وأنا علــي يقيـن بقـوتنا اذا أجتمعنـا ..
شهــد :وليه لااا ...
وسمعنـا صوت جـرس الاستـراحــه ..
وعــد:جاك الموت ياتارك الصــلاه ..
شهــد :خليك من حركات التندم هذي وروحـي لمبناكـم نادي نـوف وأنا بنده علــى هنـد وشـوق وزي مأتفقنــا ...
بعــد عشـر دقايق أجتمعنـا بمـكانا المعتـاد علــى السلم اللي يودي لسطــح ...
كنـا أنا وهنـد وشوق نتناقش بالموضوع لما جونا نوف و وعــد ...
نوف :اس اس اســلامـوا عليكــوا ...
هنــد :هــلا تفضلــوا الدار داركــم ...
وعــد :رايقيـن وأنا مستقبلــي قاب قوسيـن أو ادنــى بيتحطــم ...
شــوق :تستاهليــن وخبـزاً خبزتيــه يالرفلا وكليــه ...
قلت لهـا وأنا مـلانـه من أمثلتهــا اللي كلهـا عـن الاكـل ماتحسين فينــا وحنـا شوي ونمــوت من الجــوع ...
شهــد :يأختــي خلي أمثالك لك وزي مأتفقنـا كل حده تقـول أنهـم لهـا وتاركتهـن مع وعـد ...
وعــد :حتــى أنا ...؟!!
هنـــد :ايه حتــى أنتــي ولا بتورطينـا يمكـن يكتبونا كلنـا تعهــدات وذيك الحزه أنتي بتطلعين منها مثل الشعره من العجين ...
نــوف :بيكتبونا كلنـا تعهــدات طيب وش استفدنـا ...
شهــد : حنـا نقـول يمكـن ... وصح هم يقدرون يكتبونـا كلنا تعهـدات بس مايقدرون يفصلونا كلنــا ...فهمتـي اللحيــن !!!!
وأنا اتكلــم شفت نــدى االحــروش جايــه لمنـا بنت اللذينـا ولهـا وجــه بس ماقـربت كلمتنـا من بعيــد :وعــد الاداره طالبينـك ..
قلت لهــا بحقــد ..
شهـــد :طلبوك بنــار جهنـــم قولـي أميــن يالصعيــديه أنقلعــي عن وجهــي لأرتكب فيك جريمـــه ....
وماشفت الاغبــارها بعــد جايه لحد عنــدنا شيــن وقــواة عيــن ...
والله هالمثــل ينطبق علينـا لأنا رحنا للأداره كلنــا ولا كأنا مسويـن شــي ...
أول مادخلنــا الاداره رحـبت فينـا أبلـه عـطوف مـديرة المتــوسط ...
أبلــه عواطف وهي تسوي نظارتهـا:ياحـي الله من جانا بنات مبارك مشرفينــا حتــى بنات الثانــوي خيــر ان شاءالله ...
هنــد بتريقـه :اشتقنـا لشيفتــك ...
أبلـه عواطف :وش قلت الحياء هـذي لاتحسبين أنك لبستــي المـريول الرمادي خـلاص مالي حكـم عليك ....
وبعــدين معهـا ذي مابتوقف حكــي قلت لهـا بتكبــر ...
شهــد :سمعت أنكـم طالبيــن وعــد خيـر ان شاءالله ...
أبلــه عطــوف :ومــن ويـن بيجـي الخيـر لمدرستنـا ووحده من بنات مبارك فيهـا...20 سنــه لي فالتدرس و15 سنـه منـهن قضيتهــن بالمــدرسه ذي ماعمــري مرن علي خـوات بعــددكــم ولابحياتـي كلها شفت خـوات يورثـن لبعـض قلة الحيــا والانحــراف مثل ماتورثونـها لبعــض ...
شفتــو مغثــه أكثــر من كــذا ولاحنــا منحــرفيــن انشـاءالله تنحـرف رقبتهـا ثمانيـن درجـه عن محلهــا ...
شهــد :والخــلاصـه ..
أبله عواطــف :والله دام أنتـي القدوه مأتوقــع أن خواتك بينتصحــن ...
ورمــت علــي الكيس اللي فيــه افـلام وعـدوه ...
ابلــه عواطف :اللحيــن مراهقة الثالث طعــش تشـوف هالافــلام ... حنـا الكبـارعجــزنا نشوف مشهــد واحـد منهـا أنتـي كيف ترضيــن لأختك تابع مثــل هالاشيـاء ....
شهــد :من قالك انتابعهـا حنــا نبيعهـا بــس ...!!! .. واذا تابعتهـا وش فيهـا أنا كنت اتابع وأن عمـري سبــع سنيــن فيهـا شــي (لامافيهــــا ..!!!)
ابلـه عــواطف: أنتــي أبد ماتحتـرميــن أحـــد وش قــواة العيــن هـذي ... انا خــلاص غسلت يدي أنكــم تنصـلحـون بــس لي كــلام ثانــي مـع أختك وباستهـزاء أبلــه ضحــى ..!!!
قلت لهـا بشمــاته :تغارنـي منهـا صــح .. ياقلبــي عليك شوف وحـرقت جــوف .. وطلعت من الاداره بسـرعه قبــل ماتسوي فينــي ولحقـوني خواتـي وهــم يضحــكون تستــاهل الحقــود أم القــرود ..
دخلــت الصف ماكان عنــدنا معلمــه شفت البنات يتكلــمون بـس يوم شافــونا سكتــوا ...
قلت لهــنـد بهمــس :شفتــي موقايلــه لك يحشـون فينـا من ورانا بــس مأنتــي مصــدقه عسى لسنـاتهم لشــوي .. علــى فكـره انا وخـواتـي مالنـا صديقــات لأن كــل البنـات من يوم كنا صغــار أهلــم يبعــدونهـم عنـا يخـافون نخـربهــم ولا كأنا اطفــال مثلــهم كـرهونـا بأنفسنـا لما كنــت صغيــره كنت استغــرب لما اسمــع البنات يتكلــمون عـن أمهـاتهـم وأنا ماعنــدي ام طيــب ليــش ..؟؟!!! ماكنت أدري بس اللحيــن أقدر أخبــركم لأن أمــي وأمهـات كـل خواتــي رمــونا وتخلـوا عنـا بعـــد ماطلـقهــن أبوي وكلــن راحـت فطريقهــا واللي أعـرفه عن امــي أنها تزوجـت بعــد أبــوي وعايشــه مع زوجهـا واولادهـا .. أما بالنسبــه لأبــوي فلاتسألــوني عنــه وأنا اصــلاً ماراح أجاوبكــم ..
يــوه هـذا جــرس الطلعـــه يالله تشــاوووووووو اشـوفكــم فيبت العـز بيتنـا زي مايسمنــه خواتــي ...
×××××××××××××××××××××××


((4))
<<بيــت العــز يابيتنـــا >>


مــــــلاك
مرحبــــا وعلـى فكــره أنا مــلاك مو سارا ولاتقــولن مافيــه فرق الافيــه فـرق وفـرق كبيـر اللي هـو : أنا مــلاك وهــي سارا شفتــوا فيــه فــرق ... سمعــت ازعاج بالحـوش عـرفت أنهــم خـواتي رجعـوا من المـدرسـه مادري وش حادهــم علـى الشقــى لاوراهــم لأب ولا أم يقــولون لهــم ادرســـوا بــس وراهــم ضحــى اللي عـن الف أب وأم الصــراحــه مأدري كيف شايلــه هالحمــل الثقيـــل لحـالهـا ..لــو أنــه أنا أنتحــرت من أول يــوم توليت فيـه المهمــه ...
سارا :مــلاكـوه وصمخ اكــلمك ليـه ماترديــن ..
يــوه نسيت هالمغثــه أنها معــي ...
مــلاك :وش تبيــن ..؟!
ســارا :ياخبلــه كأنت أسألك عطيتـي جدتـي علاجهــا ...؟!
ياربــي أنا كيف نسيــت اللحيـــن ساراوه مـاراح تـرحمنـي بلسـانه وشي اكيد بتخبــر علي ضحــى ...فأحســن شــي أغيرالمــوضع وبعــدين تغافلهــا وروح اعطــي جدتـي عشـاها ...
مــلاك :اعيــه عطيتيـها .. وقلت لهـا بخبــث :روحــي الحقـي شوفــي جبــور هـذا موعــد رجعتــه من الدوام ...!!
ســارا وهــي تقفــز من مكـانها وطيــر لدريشــه :والله يذكـرك بالشهـاده ذكــرتيـن ...
تسللت من عنــدهـا ومـريت علــى المطبــخ وأخـذت غــداء جدتــي وعـلاجهــا ورقيتـهم لهـا فوق طبعــاً جدتــي ماتقــدر تخـدم نفسهــا مشلــوله بوقت الصبــح أنا وسارا نسـاعدها واذا رجعت ضحــى من المــدرســه تكفــل فيهـا ويساعـدونـها خواتــي شهــد وشــوق بالمسئـوليه أما ميشــو فشايــل يدهــا من مسئــوليات البيت كلــه مـو بــس جدتــي وخــواتي البـاقيات صغـار مـو قد المسئــوليــه ...
بعــد ماعطيـت جدتـي الغــداء وبعــده العــلاج طلعــت من عنـدها لأنهـا رجـعت تنـام ... وأنا طالعــه شفـت شدن طالعـت من غـرفة ضحـــى لأنهـا تنــام معهــا ...
مــلاك :قمتــي يالدبا ...
ناظـرتنـي وهـي شوي وتصيــح ...
شدن :أنا مو دبا أنتـي الدبــا ...
مــلاك :طيــب لاتصحيــن ...
شدن بقهـر :كولـي تبــن ...
ياويلـي شكلـها عصبت وشــي طبيعـي بتخبـري علــي ضحــى ...
مــلاك:شدن حبيبـي أنا امزح معــك أنتـي ماتعـرفيــن المــزح ...
شدن: لا مأعـرفـه ويـن روبـــي ...
مــلاك :لاتقـربين من روبي ياويلك من ميشــو ...
شدن :والله ماراح اسوي فيهــا شــي بس بلعـب معهــا ...
جيـت انزل مع الدرج وانا احذرهـا انهـا ماتســوي شي بروبــي ولاصدق ميشــو بتذبحهـا كلش ولاروبــي عنـدهـا ...
نـزلت تحـت وشفت سارا مبــرطمــه ياويلــي منهـا أكيــد كشفت لعبتــي عليهـا الغبيــه الساعــه كانت 12 وجابــر مايرجـع من دوامــه الا الساعــه 2 .... بـس الغبيــه من قال تكشفيــن لأنـهـا أول ماشافتنــي قالت ...
سـارا :مــلاك ماجاء أكيــد ماراح يـرجع للبيــت راح للأستـراحــه ...
مــلاك :ياحــرام مالك نصيب تشــوفينــه ...
وبعــدها ماتكلمنـا بالمــوضوع لأن شـدن جات وحطت التلفزيـون علــى MBC3وجلسنــا نتـابع معهــا وماحسينــا بالوقت ليــن سمعنــا صــوت ضحــى وهــي داخلــه مع باب الشارع وتهـاوش خواتــي الباقيــات اللي مالهــم حـــس ...
دخلــت ضحــى وشكلــهـا فاوج عصبيتهــا وطلعــت علــى طــول فــوق بــدون ســلام ولاكـــلام اصــلاً هـي ماتعبــرني وأنا وسارا ولا تعتبــرنا بشـر ودايــم مطنشتنــا وتحتــرم شــدن اكثــر منــا مع أنا بالعكــس نحتــرمهـا ونعتبــرها رجــال البيت ههههههههههههههههههههههههههههههههههه
...وأكــيد بعــد ماشافت شدن معنـا تحت وتطمنت عليهـا بتــروح تطمــن علـى جدتــي لأنهـا ابد ماتثــق فينــي انا وسـارا ...
انتبهــت علــى صـراخ بـس المــره ذي وسارا لا شــدن ...مأدري وش فينــي اليــوم اســرح كثيــر ..؟!!
مـــلاك :خيــر وش تبيــن ..؟!!
شدن وهي حاطـه اصبعهـا بثمهـا :وين روبــي ..؟!!
صـرخت عليهـا طفشتنــا روبــي روبــي ...
مــلاك :هــس أنتــي ترى ذبحتيــن بروبــي قلت لك مأدري وينـــه ...؟!
سمعــت سارا تهمس لــي: جاك المـوت ياتارك الصــلاه ...
مافهمــت وش قصــدهـا ليــن التفت وشفت ضحـــى جالســه علــى المكتبهــا االلي بأخــر الصاله من جهــة السلــم ..ياويلــي متـى نزلت ذي ماشفتــه ..؟!!
ضحـــى بصـراخ:مليــون مـره قلت شــدن ماتصـرخين عليهــا مالكــوا دخلــه فيهــا خـواتك صـرخين عليهــن براحتــك بس شدن لاااااااااااااا فاهمـــه ...
ونـادت شدن تجـي تجلس عنــدها ...
اوووووووف هــذي ماتعــرف تلكــم بس تصـراخ ...تدرون ليش ماترضــى على شدن لأنهــا موأختنــا بنت المــرحومه عمتــي وأبوهـا يصيـر ولد عمــي أبــوي بعــد ماتوفت عمـتـي رمــى بنتــه علــى جدتــي وسافــر وليـن يومنـا هذا مارجــع واكـلام هـذا يوم كانت جدتـي بصحتها قبــل ماتنشــل وتطيــح كل المسئــوليه علـى بابا ضحـــى هههههههههههههههههههههههههههههههههههههههههههههههههه ههه ....
لـووووووووووول ماقلت لكــم اليــوم بـس اسـرح كثيــر .. عاد المــره هذي اللي كانت تنـادي بابا ضحــى وقالـت لــي انادي منيــر يتغــدى معنــا لأنهـا شافتــه جالــس عنــد باب بيتهــم ...
طلعــت فالحــوش والشمــس كانت قــويه بشكــل يـاربــي كيف متحملـها أكيــد أخوانــه طاردينــه .. بـس ليش ماجاء عنــدنا ..فتح الباب وصفــرت له بقــوه بــس ماجاء ورجعت أصفــر له ليـن جاء ...
كـان منــزل راســه يوم دخل مع الباب ..
مــلاك بأستهبــال :ياحــرام مطــرود ..!!
بس منيــر ماتحمــل الكلمــه وجاء بيطلـــع ... مسكــته قبـل مايطلــع وشفنت كيف دمــوعه تنــزل علــى وجهــه اللـي كـان معلــم علــيه أثـر الضــرب ... الحقيـرين .. مابينت أنــه انـي انتبهــت لدمــوعه وقلت لــه وأنا أدخــل للبيــت ...
مــلاك :تعال الحق الغــدى ضحــى المـره ذي اللي عازمتــك ...
أول مادخلــت شفـت خواتــي كلهــم بالصاله قلت لهــم بصـوت قصيــر قبل مايدخــل منيــر ..
مــلاك :طاقينــه الحقيـرين يبكـــي ...
شفت الشفقــه بعيــون خواتــي والغضب بعيــون نــواف اللــي يحب منيـر ومايرضـى عليــه ...
ضحــى بسخــريه :مولازم تبيـنون لـه أنكــم داريــن وشيلــو نظــرات الشفقــه هـذي من عيــونكــم اشفقـو بالأول علــى انفسكــم ....
×××××××××××××××××××××××××××


((5))
<<أخواتـــي والذئاب >>

ضحـــى


هــذا هــم أخـواتـي دايــم كــذا قلـوبهــم طيبــه رقيقــه وهـذا اللــي مأحـب فيهــم أبغـاهــم يرضــون بحيـاتهــم وينســون الفكـره المسيـطره عليــهم انهــم ولاياء بـدون رجـــال ..13 سنـــه عشنـاها بدون رجــال من تركنـا أبــوي وقبلهــا حياتــي كلـها ماحسيت بوجـود أبــوي .. و6سنــوات عشتهـا أنا رجــال البيت يعنــي ماعاد تفــرق لوقضيت عمــري كلــه بدون رجــال تعــودت بكــل موقف المفــروض يكــون فيهــا رجال اقــوي نفســي وصيــر رجــال غصبــاً عــن الكــل تعـودت اراكــض للمستشفيــات باخــر الليــل وانا شايلــه بيــن يدي وحــده من خواتــي الصغــار وأنا مادخلــت العشــريــن سنـــه كنت ام وأب لهــم ... عمــرهم ماكانــوا فمـوقف يحتـاج لـرجال وخذلتــهم فيــه تعلمــت اعتــمد علــى نفســي وخليــت خواتـي بالمقـابل يعتــمدون علــي وينســون فكــرة أنهــم بحاجــه لرجـال بــس يـوم كبـروا بدت هالفكــره تـرجع لهــم ...خواتــي صنفيــن صنف رقيق مايـقدر يكمـل حياتــه بدون سنــد اللي هــم شوق وهنــد وشهــد ووعــد بعكــس نوف وسارا ومـلاك اللي عـن الف رجــال اما بالنسبــه للي ماتنسمــى مشـاعل فهــذي محـد يعـرف لهــا بــس اللـي أنا متأكــد منــه انها تكــره مثل مأنا اكــرهـم واللي متأكـده منــه أكثــر أنهــا بقـوة رجال وهـذا اللي أبيـه ...
اما باقـي خواتـي فبأذن لــه بعلمــهم كيف يعتمــدون علــى انفسهــم ويكملــون باقــي حياتهــم بدون ذيابــه ...
أيــه الذيابـه الرجال فقامــوسي ذائب ...
قمـت من علـى الغـدا خـلاص انســدت نفــسـي من هـالافكــار جلست علـى مكتبــي اصحح دفاتــر البنـات اللي بديت فيهـا كنت حاطــه مكتبــي بالصــلاه عشـان اقــدر اشــوف كــل اللي يصيـر فالبيــت وخـواتـي ممنــوع يطلعـون لفــوق قبل مـوعد النــوم عشـان مايسببـون ازعاج لجدتــي وحتــى المـذاكـره يذاكــرون هنـا هذا اذا ذاكــروا ...
وهـم من أنفسـهم مايطلعــون فوق لأن البيت كلــه مافيـه الا مكيفيــن اللي بغرفـة جدتــي وهذا اللي بالصاله وحتــى هذا بعـد صلاة المغــرب خـلاص ماعاد تشغلــه ومــن زين الحـلايا مكيف صحـراوي وجــوده مثـل قلتــه ...
وعــد :ضحــى بنطلــع مـع منيـرنلعــب كــوره ...
ضحــى :مو وقت كــوره اجلســوا شـوفـوا التلفزيون اذا ودكــم واذاكــروا والعصــر لبردة الشمــس العبـوا كوره وبالحــوش مـوبالشارع ... تأففـوا وعــد ونـوف ومنيــر وجلســوا يتابعــون فلـم ...
وأنا جلست اصحح الدفاتــر اللي بيدي وعينــي علــى التلفـزيون اخاف الفلــم مايناسب اعمـارهــم ...
مــع أنهـم محلليــن لأنفســهم كل شــي ...
وأنا منغمســه بالتصحيــح شفت مــلاك وسارا داخليــن ومعهــم الطبــل حقهـــم ااستغـربت ليكــونون بيطقــون على راســي هنـاوالله لأذبحـهــم ...
ضحــى بسخـريه :وش عنــدهم الزقـرت طربانيــن ..
سارا بحـركه تضحك :لاتخافيــن مو طاقيـن هنــا بروح نخـرب نومــة قيــس عشــان مايتعـودها يطق منيــر ...
ضحــى :هــي انت وياها خربـوا علــى اللي تبــون بــس صوتـكم مأبغــى اسمعــه ...بعــدين هــو مشغـل مكيفـه ماراح يسمعــكم ...
منيــر اللي نط بالسالفـــه :لاهــو ينـام بالمشـب عشـان عيـال أختــي منيــره مايزعجــونه ...
وطلعــوا وهــم يطقــون ويغنــون ناويـلك علــى نيــه ... بس مغيــرين بكــلامتهـا :
ناويلك على نيه
بس انت اصبر شويه
اذا ماطفشــك منـي
وعقلـك يصير بيديا
والله لأجنن راسك
وانشـر بالحـاره أخبـارك
واسكن منيــر بدارك
واعلمك السنــع بيديه
ودي اسمع انا اسف
غصب يقـولها لسانك
واشوف الخـوف بعيـونك
بالروحـه والجايه
بس أنت اصبـر اشـويـه
والله انه غبيـات لو سمــع قيـس كلــمات اغنيتهـن بيدري ان منيــر هـو اللي دازهــن .. رحت الحقهــن قبل مايطيحـن الولد بمصيبــه ...
نديتهــن وانا علــى الباب لأنـي ماكانت لابسـه شبشب والارض حـاره ...
ضحــى :سارا وياسارا ...
سارا :اهبــو تونا ماغنينــا امداك تسمعيــن صجتنــا ...
ضحــى :ماسمعت اصواتكـم بس الاغنيــه اللي تو قلتــوها لاتغنـونها لانــه بيدري ان منيــر هو اللي دازكم ...
صرخت سارا وراحت تركض تسكـت خواتهــا ...
الزمــن يعيــد نفســه.... نفــس الحــركه هـذي كنــا نسويهــا علـى أيـام أبــوي فذاك الــوقت كان متزوج انسـانه لاتطـاق كنــا تبث سمـومهـا علينـا بس انا ومشـاعل كنـا واقفين بوجهــا كـنت انا اكبـرهم عمـري 13 سنــه
فالأيـام كنـا بشهـر رمضـان كنـا نحتــري ليـن أبوي يطلـع لسهـرته وجدتــي تروح تصلــي الترويــح وتبــدى ليالينــا المـــلاح كنـا نكـد عليهـا عيشتهــا الليــل كله نطبــل ونغنــي ليــن تكــره نفسهـا ولرجـع ابوي تشتك عليــه بس من يسمعهــا ...والطبــل كنـا نخبيــه بالسطــح عشـان ماننكشف فيــه... آآآآآآآه صدق أيــام وهــذا هــو الزمــن يعيــد نفســه نفــس الطبــل ونفــس اغنيتنــا المفضله اللي كنـانرددهـا كثيــر اسمعهـا بصـوت خواتــي سارا ومــلاك وأنا جالســه هنـا على مكتبــي ..!!!
مقــاديـــر ياقلـــب العنــا مقاديــر وش ذنبــي أنا ...؟؟!!!
صدق مقــاديـــر أجــل وش ذنبنــا أن وخواتــي نعيــش حيــاة الحــرمان وشكلنــا بنجلــس طــول عمــرنا نردد اغنيــة اليتامــى اللي اسمعهـا كل يــوم بالاذاعــه بصــوت وعـــد ...
الايالرب ساعدني ترى درب التعاسـه طال تعبت وتعبت اقدامـي دروب الهم تمشيـها
عرفت الحزن من صغـري عـرفت أني فقيـر الحال غريب وكــل هالدنيــا علي ضاقت اراضيها
فقدت امـي فقدت ابــوي ولالــي عزوتن ورجـال قهـر ابكي قهر اشكـي حياتـي صرت مأبيهـا
يتيــم وقسمتــي اعيــش بليــا عم وبليـاخـال يتيــم وقصتــي قصـه من أولهــا لتـاليهـا
شربت اليأس واصبحت فحياتي فاقد الآمــال وعنــدي المـوت ارحـم لي من الدنيـا وبلاويهـا
تعبــت اصبــر تعبت اسهـر وحظـي بين ربعــي مال اعانــي من ردى حظي وروحــي من يسليهـا
احس المجتمــع يرفض وجـودي واطلــب الترحــال ونظــرات البشـر تقتــل طمــوحي وأنكــوي فيهـا
احس اني بلاقيمــه شكيــت الذل والاهمــال وحيــد ودنيتـي قفـره علــي تظلــم لياليهـا ..
انا والله محتـاجاً لكــم ياطيبيـن الفال ابــي حباً يعوظنــي عـن أيامــي ومأسيهــا ..
تعالــوا بددو خــوفي وخلــوا عطفكــم شلال ابروي ظـامي جروحاً بشوفتــكـم وداويهــا ..
تعالــوا ومسـحوا دمعـاً على خـدود اليتامــى سال تعالـوا وسألـوا كل اليتامــى عــن امانيهــا ...

×××××××××××××××××××××××××


((6))
<<عيــال الجيــران >>


ســـارا


أحــس بمتعــه ماله مثيــل الله يامحــلا طعــم الانتقــام اكــره هالقيـس مو عشــان منيــر بس عشـان اللي كان يســويه فينــي وأنا صغيــره يانــي اخذت منــه علقـات ليــن قلت بــس يستـاهل كــل اللي بيجيــه منــي :
ســارا :وش رايكــم بأغنــي البرتقـاله ...
منيــر :لاوش البــرتقال بنغنــي الامــاكن ...
مـــلاك :لا البرتقاله ولا الأمكـان وش الفنان اللي يسمــع له قيــس وبنغنــي أغنيتــه وبنخـربها يصوتنـا بنكـره بالاغنيـــه ...
شــدن :لا أنا بغنــي بابا فيــن ..؟؟!!
والله تكســر خاطـري هالبـنت آآه ياقلبــي عليهـا والله لايقــه بابا فيـن علـى الوضـع بس قلت لهـا ...
سارا :خـلاص انتي تغنــي بابافيــن بس بعــد مانغنــي لفنانه المفضــل ....
منيــر :خالد عبـدالرحمــن وخاصـه اغنيتــه الجديده عود الليـل ...
صدق بــدوي وش غـرفنــي بأغانــي خالــد القـديمـه صح ولاتناسب مـزاجــي بس مأعرف اضبط اغانيــه وماودي سـوي نفسـي مطنـزه لقيســوه ...
سارا :لا وش عـرفنــي فيهـا هذي ..
منيــر :طيب أي اغنيــه لعبـدالمجيــد ..
سارا :ايوه عبــد المجيــد..هـذا اللي أعـرف اضبط اغانيــه ...
وبــديت اغنـــي اغنيتــي المفضلــه :
ما بين ما عطيتكبعينك على كثر ما جاك لا وحسافة ليتني
تخطي و اعذرك و اتحمل خطاياك هويت غلطاتك كثر ما هويتك
على شان دنياك خليت كل اللي يبيني وضحيت بالدنيا جيتك
غمضت عيني لقيتككنت بعيوني وين ما طالع القاك حتى ولو
من كثر ماحبك واقدرك واهواك ماذكر اني في حياتي عصيتك
فاد كلي اللي اسويه وياك اتعبتولا قلبي ليتك تحس ليتك
انساك ولا تجي حتى لو انيوالحين روح ارجوك ساعدني بغيتك
ما نسيتكوان مر في بالي بقايا لذكرياك بحاول انساها مثل
كنت عايشــه جو مصــدقه عمــري وماصحيــت الا علــى صوت قيــس يسب ويلعــن بــس حنـا طنشـنا وكملـنا طق
لــو أن الشمــس احــرقتنـا والظــل اللي كنـا فيـه مايكفــي بس شعــور أنك حـارم الانسـان النــوم شعــور خطيــر ..
بعــد ماخلصــت تركت المجـال لشدونه تغني بابا فين وحنا معهـا نـردد لا والمطافيـق وعد ونـواف ومنيـر ومـلاك يرقصــون ..عايشيــن جــوه مع الاغنيــه المجنـونه وأنا صابنــي الحمـاس وجلست اطبـل بكــل قوتــي ...
وهنــد وشهــد يصفقــون بس شـوق اللي كانت ناقصتنـا لأنهـا ماتحمـل حرارة الشمــس ...
وحنـا نغنــي سمعنـا صوت جابـر شكلـه توه راجــع من دوامـه ويتكلـم مع قيــس ...
جابــر :وش فيهــم جيــران الفلس ثارت جنــونـهم ...
قيـس بصـوته المبحــوح :الله لايبارك فيهــم اكيــد فرخ أبليس معهــم ماخلـوني أنام ...
جابــر :الكلـ .... وش عنــده بعــد هذا مايستحـي على وجهه نسى انا اخوانه ...
قيــس :ضربتــه عشـان ماراح للمـدرســه ...
جابـر :يستـاهل اللي يكسـر راسه بعــد ...
مأدري كيف دروى ان منيــر معنـا مع انه ماكان يغنـي ... وبدت اصـواتنـا تعلــى وغطت علــى اصـواتهـم ...
بس كنت اسمــع كلمـات سب واختفت تدريجيـاً شكلــهم دخلـوا للبيت .. وبعــد خمــس دقايق جـاتنا ضحــى ودخلتنــا للبيـت اتقــول أم كايد اتصـلت تقـول صجينـاهم ماقيلـوا أكيــد عيالها دازينهــا ...
ماكنــا بندخــل بس كنــا عطشـانيـن والحــر ذبحنــا وهــم اصلاً دخلــوا للبيــت يعنــي قعدتنـا مالهـا معنــى ....
سألتنــا ضحــى وهـي كاتمــه ضحكتهـا :وش سويتوا فيهــم أسمــع اصواتهـم يوم ام كايد كلمــت وشكلـهم مـره مقهــوريـن ...
مــلاك :ماسوينـا شي بس طلعنـا بعض مواهبنــا عليهــم ...
نــواف :منيــر لاتـروح لبيتكــم اليــوم نام معنــا أكيــد بيجلـدونك ...
شفت الخـوف بعيــون منيــر بس هــو طلـع يعـرف الاصــول بعـد وأن جلستــه معنـا اصلاً غلط علــى قولت اخـوانه مـع انـي ماشـوف فيهـا شــي ...
ضحــى :وش اخبـار أختــك منيــره مارجعهـا زوجهــا ...
منيــر :لامارجعهـا عمــى بعيــنه مع انهـا طيبــه وليتهـا ماترجع لـه اصلاً أنا ماروح للبيـت الاعشـانها وعشـان أمــي ولاتركت البيت من زمـان وجيت اعيش مـعكـم ..
هذا اللي قبل شوي قلنـا عنـه انه يعـرف الاصـول سحبت كلمتــي ...






نهــايـة الحلقـه الأولــــى
اتمنـــوا أتقولــوا لــي عن رأيكــم بالقصـــــه ...
والفكــره بشكـــل عـام
وتـوقعاتــكــم من أبطــال القصـــه كبدايـــه ....
وشخصيــات من اللي حبيتوهـــا ....
وبكـــون ممتنـــه لكـــــم ....

الحلقـــه الثانيــه





((1))
<< فــي بيتنـــا هــزه >>



ضحـــى



صحيــت علــى صـوت انفجــار قــوي ناظــرت بساعـة المنبـــه اللي يوم شغالـه ويوميــن عطلانــه كانت سبــعه المغــرب نزلت من سريري بســـرعه بشــوف وش السالفــه وأنا بطلــع مع باب الغــرفه سمعت صــوت انفجــار ثانــي حسيت الارض من تحت رجــولــي تتحــرك,,, لااااااااا هــذا أكيــد شــي كايـد كنت اركض وأنا انزل مع الدرج صقعت بهنــد اللي طالعــه .. سألتهــا وأنا امسكهـا لتطيــح ...
ضحــى :وش صــار ..؟!
هنــد :مأدري تونــي صاحيــه وأفــرش اسنـاني ماحسيت الابصــوت أنفجـار وبلعـت المعجــون من الرعبــه ....
وكملـت :شكلــه الفــرن ..!!
ونزلت ركــض وأنا اركض وراهـا مثــل الهبــلا .. اول ماوصلنــا المطبــخ طلعـت منــه شوق ...
شــوق برعــب :زلــزال ...!!!َ
هنــد :يعنــي مو الفـــرن ... اجــل الصخـانه ..؟؟!
وراحـت تركض لفــوق وحنـا وراهــا بــس تذكــرت شــي خــلانــي أمسكهــا مع قميصهـا واوقفهـا عن الركــض وصــرخت عليــه تستغبــي علــي ذي ...
ضحــى :غبيــه أنتـي أي صخـان وحنـا فالصيف جالسه من الصبح تطـامريــن من محـل لثانــي وأنا بغبـاء احلقك ...
هنـــد: يعنــي هـذا ذنبــي أنــي كنت أحاول أختصــر عليكم الوقت وعـرف وش سبب الانفجـرات هــذي ...
شــوق برعــب :ياويلــي لايكـون تفجيــر ارهـابي ...
الصــراحــه مـت من الضحـك عليهــا أفكـارها اغبـاء من الغبـاء نفســه تذكـرني يالطالبات اللي ادرســهم ...
سمعتهـا تسألتنـي .. شـوق :ليش تضحكـين ..؟!
ضحــى بسخـريـه واضحــه :اضحــك علـى غبـائي كيف ماتوقعــت انه تفجيــر تــدرين عنــد أماكن استــراتجيــه يفجـرون فيهــا مثـل دكان ابــوبكــر مغسلة يعقــوب ومحــطة صالــح ...
وقطــع كـلامي تفجيــر بعــد لفت أنتبــاهي لمصــدر الصــوت وماكان بذاك القــوه وشكــل اللي قبلــه ماكانــوا بذيك القــوه بــس لأنهــم جـو فجــأه ... طلعــت للحـوش ولفيــت على البيـت وشفت اللــي ماتوقعتــه ...
ضحــى :هــذا انتـــم ..!!!
سارا بصدمــه :صحيتـــي ...
صحيتــي ياويــلي ودي اذبحهــا على هالبــرود اللحيــن كل هالخــرعه وباالاخيــر يطلعــون هــم ...قلت وأنا أخــذ منهــا كيس المتفجــرات اللي بيدهـا :أنتــوا متــى بتـوبون عــن هالتصـرفات وأخــرتهـا معكــم يعنــي ...وبعــدين
مــن وين جبتـوهـا هذي غاليــه ...
منيــر :أنا جبتهــا من بيتنــا ...
ضحــى:ماشاءالله وبيتكــم صار مخــزن للبيــع المفتجــرات ... وكملت بأستهـزاء :والله مأدري لــو بكــره يطلـعون بيتكــم بالأخبــار لأنهــم مخبــأ للتصنيـع اليورانيــم ..!!!
ودخلــت عنهــم وان اسمــع احتـجاجاتهــم المكتــومــه ... والا هـذا اللي ماتوقعتــه أنــي اصحــي بهالـطريقه المفــزعه من النــوم ...
دخلـت للمطبــخ وجلسـت اســوي قهــوة المغــربيــه دخلـت علـي شدن :ماما أبــي حـلاوه ...
وبعــدين معهـا هذي مليــون مــره قلت لهــا أنا مو ماما بــس مصـره كلـه من مشاعــل هي اللـي تدزهــا علــي ...
وعطيتهــا حــلاون من اللي رافعتهــا لهـا ...
ضحــى :روحــي العبــي بالصـاله ...
شدن بدلــع :لا بجلــس معك ...
ضحــى :حتــى انا بطلــع وبتجلسين معــي بس بـرى ...
شدن :ماما متــى بدرس ...
ياربــي وبعـدين معهــا هذي ماتـشوفنــي الا وتسألنـي هالسؤال ..!!!
ضحــى :بعــدين ياماما بعــدين لاكبـرتي ...
شدن :بــس أنا كبيــره أكبــر كثــر من كذا ...
قلت لهـا وأن اشيل الصينيــه وطلـع فيهـا للصـاله ...
ضحـــى :روحــي نادي خـواتك من برى ...
شــدن :هـم فالصاله ..
سكت عنهـا ماكملــت مناوشــه واصلا ً أول ماشفت خواتــي المحتـرمات نسيت موضوعهــا وطحـت فيهم تهــزيء بـس ياليتهـا تنفــع ...
بعــد القهــوه جلست علــى مكتبــي وبديــت احضــر دروس بكــره .. والباقيــن كانــوا يتابعــون مسلسل مدبلــج بــس أيــش شي ماينشــاف وشيف والمشكلــه كل المــوجودين مراهقيــن وأطفــال والخبــلات ذولــي ولاطــرى عليهــن يفكـــرن يحتـرمن انفسهــن متسدحات لـي تحت التفلزيــون ويتفــرجن يــوم ماشفت ان عنــدهن نيـه يحتـرمن حالهــن .. قمـت وبـدون سابق أنذار فصلــت الفيش ومأنتبهــت الاعيــون الكـل علـي حتى شــدن ...
ســارا :خيـر ان شاءالله ليــه طفيتيــه لاتكـونين تبينــا نذاكــر ...
ضحــى :لاحبيتــي مأبيك تذكــرين ابيك تحتـرمين حالك اللحيــن ممكــن تقوليــن كيف تابعــين هالاشيــاء والاطفــال ذولــي عنــدك ...
وعـد بأعتــراض :من الاطفــال لايكــون تقصــدينــي تـرى أناعمــري 13 سنــه يعنـي كبيـره ...
ضحــى بطنـازه :لابســم الله عليك كبيــره ... أحــد تكلــم عنـك أنتــي ...
منيــر : عادي اصــلاً عيــال منيــره الصغار يتابعــون كل شــي ...
سارا بلقـافه :وجابـــر ...
قلت لهــا والشرار يتطـاير من عيــوني هذي متــى بتستحــي على وجهــا ..
ضحــى :وانتـي وش دخلــك بالرجال ...!!
سارا :أخــاف علــى أخــلاقه بعــدين من بترضــى فيــه ...
كنت بــردعلــيه بـس صوت التفلـون قطـع كلامــي رحت لمكتـبي ورديت عليــه ... كانت أم كايـد تسأل عن منيــر لأن الليـل دخـل وهـو مارجــع للبيتهــم ...
بعـد ماقفلـت منهـا قلت لمنيــر والعيــون كلهـا علــي ..
ضحـى :أمك تسأل عنــك ..؟!!
منيــر: لامــاني برايــح ليــن يطلعــون جابــر وقيــس ...
ضحــى :لا منيــر عيب أمك متصـله تسأل عنــك ..
منيــر :اصلاً هــي ماسألت عنــي الا تبينــي اجيب لهــم خبـز ولبــن للعشــاء اعـرفهم مايسألــون عنـي الا يبــون يرسلـوني خل تـرسل عيالهــا المتــرززيــن عنــدها ...
سارا :والله لو انــي منك ماروح ان شاءالله يمــوتون جــوع ...
شفــتو اللعــانه بتخلــي الولد يتمــرد علــى أهلــه ...
ضحــى :أجــل بتخلينـا نمــوت جــوع اليــوم ومأنتـي جايبـه لنـا خبـز ... ترى اليــوم دورك أنتــي و وعــد ..
وعــد بأعتـراض :لاااااااا أنا قبل أمــس ...
ضحــى :ماتبغيــن مصـروف لاتـروحيــن ...
هــزت راسهــا بانصيــاع ....
ضحــى :طيب وش تحتــرون روح اللحيــن ...
×××××××××××××××××××××××××××


((2))

<< صدق تحبينــه ..!!>>


ســارا


لبســت عباتــي بـروح اجيـب خبــز من عنــد الخبــاز عــلى أوامــر الست ضحــى مع أنا نقــدر نتصــل ونخلــي السواق يجيــب لنــا بس على قـولت ضحــى زيادة مصــاريف ... وبعــدين وش ورانا نأخذلنـا لفـه بالحـاره ونغيــر جــو وطلــع معنــا منيـــر .. قضينــا الوقت بسوالف والضحك واستهبــال ويوم وقفنـا عنــد الخباز منيــر راح يشتــري لنـا الخبــز ..
وحنــا واقفيــن سمعــت وعــد تغنــي ناويللك علــى نيــه وتضحــك ويوم طالعــت ويــن نتطالــع شفت جابـــر.. قلت لــوعـد بصـوت مسمــوع
سـارا :وانا اشــوف دقات قلبــي زادت فجــأه ....
وعــد ويـدها علـى قلبهــا:قلبــي آآآه ياقلبــي ...
كتمت ضحكتــي يوم شفـته صد لجهــه الثانيــه وشكلــه مغتاض منــا ...
وعــد بصوت عالي :سارا أنتــي من صدقك تحبينــه ..
لاااااااا مستحيــل ياويلــي يالفضحيــه هذي وش قالت احس وجهـي طاح بالارض والناس كلهـا تطالعــني حسبي الله عليهــا تــرى أحــس مــو الناس تطالعنـي صدق...
وجـابر جالس يطالعنـا بالصدمــه مع أنهـا ماقالت اسمــه بس الكلمــه لحالهـا قويـه لااا وقـدامــه ...
جانا منيــر بعـد ماشتــرى الخبــز ... وشكــل جابر انصــدم بالكلمــه وماعبــر منيـر الحمـدالله ولاكان مابيأكلــه الا مرمر ...
رجعنــا لبيتنــا بالســلام .. بعـد العشـاء جلسنــا نتابــع فلم ومرمر معنـا كان ينتظــر ليـن أخوانــه يطلــعون للأستـراحه اللي يسهـرون فيهــا وطلـع لبيتهــم .. والبنـات نامــوا علـى الساعـه وحده لأن عنــدهم دومات ...الساعــه ثلاث دخلــت علينـا ميشــو ...
مــلاك :لا بعــد لوتأخــرتي شوي ...
ميشــو ضحكــت بمجاغه واشرت بيدها يعنــي أنهـا مسطلــه بتنـام مالهـا خلق ... أختـي مشاعـل هـذي حالتهـا غريبــه ماتنـام ليــن يمــر 24 ساعــه الوقت اللي صحـت فيـه واذا نامت علـى الكثيـر 6ساعات أيــه صح ماتـدرون عنهـا شي خـل اعرفكــم عليـهم اختـي مشاعـل عمـرها 22سنــه تـدرس بالجامعـه أي قسـم مأدري بس شي أتـوقع له دخـل بالانجليــزي عندنا فالبيت مانسميهـا الا القطــوه علــيها عيون ماتقـولون ال عيــون اقطــوه مافيـه فرق بينهـا وبين روبي قطـوتها ..دايم بلبسهـا و بتصـرفاتهـا تحسونهـا متشــرده واللقـبين ذولي معهـا من كانت صغيــره أذكــر كـأن أحد يناديهـا بالالقـاب ذولي ولصقن فيهـا لليــومنــا هــذا ..ولاتســألـوني من الشخص اللي كـان ينـاديهـا كــذا لأنــي مأدري ..؟!! .. وقتهـا أنا كنت صغيــره يعنــي عنـدي عذر بجهلــي لهالمــوضوع بس لـو سألتـوها هـي أكيد بتجاوبكــم ... ولاشــي اللي صدق بيصدمكم لــون عيــونهـا ازرق ... من ويــن جابتــه مأدري بــس الاكيــد أن امهـا سعــوديه وانتــوا حزروا عـاد من ويــن جابتـه..؟؟!!.. مع ان لـون العيــون اللي منتشـر بين خواتـي البنـي والعسلــي ماعــدى ميشـو عيونهـا زرق ونـوف عيـونها ســود ...
لاااااااااا نص الفلـــم فاتنــي كله منكــم ...
××××××××××××××××××××
((3))
<<..ماضينــا يلاحقنــا .. >>


ضحـــى

فزيت من نومــي بعـد الكـابوس اللي شفتــه وأنا مرعـوبه لفت نظـري النور اللي جاي من الشباك لاااا مستحيـل معقوله طلـع النهار الساعه كـم والمنبـه الزفت هـذا ليـه مادق مايبغى لهـا ذكاء اكيد مافيه بطاريه ...
طالعت بالسـاعة يدي اللي كانت بجنبـي على الطـاوله لامستحيـل ست ونص ...
بعـدها بعشـر دقايق كنـت بغرفـة سارا ومــلاك ...
:سـارا اصحـي خلصينـي ,,اوف بلوه مو راضيـه تصحـى شوف البنت غطت راسهـاوانقلبت على الجنب الثانـي ولاماعبـرتني ..
صرخـت بأعلـى صوت اقدر عليـه :سـارا وصمخ انشـاءالله ..
فتحت عيونها الكبـار وبكسـل قالت :خير انشاءالله اتوقع اني تاركه الدراسـه من اربع سنوات ولاكل هذا كان حلم ..
ياربي من هالانسانه حتـى وهي نايمـه فايقه ...
مو وقت رواقتكـ اللحين اسمـع وش بقولكـ انا متأخره على المدرسـه وبروح مع اسواق يعنـي اذا صحـوا خواتكـ خليهن يارجعن يكملـن نومتهـن مافيه مدرسـه ...
هزت راسهـا بلاهـه ورجعـت راسهـا على المخـده ...
نومـت جـدي ...

ركبت السياره واعصابـي مشدوده لأن اليــوم الثلاثاء وأن الثلاثاء والاربعاء عنــدي انتداب بمدرســه بشمـال الرياض وبيتنـا بجنـوبه يعنـي يبغـى لـي وقت علـى بال ماصـل ومع هالزحمـه والسواق اللي كنه يمشـي على بيض يارب عديهـا على خيـر انا ماضمـن نفسـي لو المديره حاولت تخصـم منـي الله يصبـرني على هالانسـانه مادري وش هوله حاطـه دوبهـا ودوبـي كل شـي عنـدها المركـز والمـال والجـاه وحاسدتنـي قال ايش املكـ الشخصيـه اللي تحلـم فيهاطول عمـرهاتحسب هالشخصيـه جاتنـي بالفطـره مادرت انه من هول ماقاسيتـه من عمـري 17سنـه وأنا شايـل حمـل ماشالوه طـوال الشوارب الله يكفينـي شرها بس ,,انا بس لو تضبط معـي فكـرت الدروس الخصوصيـه بـس الناس ماتقتنـع فينـي لانـي سعـوديه يبغون اجنبيـات مـع إن شـرحي لايعلـى عليـه بـس الشكـوى لله ...
تنهــدت بمـراره كــل هـالتـوتر مل امه داعــي احسـن شي بحالتـي هــذي الاستـرخاء ..قلت لسفــر يشغــل الاماكــن ... أحـب اسمعهـا على الصبــح استغفـر لله ياربــي مع ان المفـروض هـذا مايصيـر بس الشكوى لله ...

-------------

سارا


حسيت بالصوت ينادينـي من بعيـد طنشتـه لين زاد صار مزعج فتحـت عيوني وشفت ضحـى قدامـي كانت تقول كلام مافهمـت منـه شـي ويوم طفشتني هزيت راسي عشان اصـرفهـا وهي طالعه قالت كلمـه وحده بـس اللي فهمتهـا :..(نـومـت جــدي..)
من طلعت ضحـى لي ساعه وأنا اتقلب ماجانـي نوم ..
اوف أكيـد ماراح يجينـي نوم وحنـا بشهـر الثنيـن ومافيـه مكيفـات وبعـدين مع هالحاله رميت اللحـاف وأنا قرفانه ...
اروح اشوف التلفزيون يمكن القى فيه شـي ينتابع ...
نزلت لصاله تحـت شفت الشيخـه شهـدماسكـه التلفون اللـي اصلاً استقبــال وضحكها مالي الدنيـا مويقولون لوغاب القط العب يافار أكيد تكلـم اللي ماينسمـى مادري وش تاليتهامـع هالبنت ... والله خايفـه عليهـا من اللي بيجيهـا لودرت ضحـى أكيـد بطين عيشتهـا يارب مايجـي هاليوم مابغـى ضحـى تندم على المعروف اللي مسويتـه فينـا والا هـي مو مكلفـه فينـا ماذكـر أن ابونا اسمـه ضحـى ...
رجعت للارض للواقـع يوم حسيت بوسـه قويه علـى خـدي ..
قلت وأنا امسح خـدي بقـرف :مــلاك يامصخك ....
قالت توأمـي الغثيث :وش فيـه نصفي الثاني مبوز على الصبح .؟!
قلت لهـا :قرفانـه امانه مامليتي من هالحـاله وبعـدين ماعاد اتحمل هالحـر احس بصيـر داجاجـه محمـره ...
شوفو الخبلـه قالت بتلذذ وهـي تمـرر لسـانهـا على شفايفهـا
مــلاك:اممممممممم اح علـى الدجاج ياشيخـه حرام عليك سيلتـي لعابي الله يالدنيـا أبونا اللـي املاكـه ماليـه الدنيـاوفلوسـه كثـر التراب وحنـا مولاقيـن نأكـل ..
قلت لهـا وان احس بالشفقـه عليهـا :ومـن ويـن جبتـي هالكلام ياحكيمـة زمانكـ إنتـي مصدقـه النـاس أبوك تلقينـه عـدمان حافي منتف ولامارمانا هالرميـه ...
ضحكـت وغمضت عيونهـا وجلست تحلـم احــلام اليقظــه
مــلاك :
تبيــن الصـراحه انا مادري ليــش هالفكــره موقادره أطلعهـا من راســي أن ابونـا مليونيــر بس رمــاينـا ومخلينـا نعيش هالعيشــه
عشــانا بنــات اعتـراض علـى حكمـة ربـه مو راضـي باللي قسمـه له تزوج خمـس مرات وماجاءله الولد اللي يحلـم فيـه فالرمـانا والله اعلـم كـم تزوج مره بعـد وكـم من عيال شـرد ...
قلت وأنا فاقده صبـري خلاص فكينـا من هالسالفـه اللي ماتسبب لنـا الا الالـم والعـذاب ,,,مريتـي على جدتـي ...
بس من قال مــلاك تسكت رجعتنا لنفس الموضوع ...
مــلاك:أنا مادري ليش متحملينهـا للين اللحيـن مارمينـاها بالدار العجـزه حنـا ناقصين حمـل ماحنـا بصايرين احسن من عيالها اللي من طاحت ماسألوا عنهـا ,,أنا مستحيـل انسى اللي كانت تسويه فينـا وحنا صغـار وتعذيبهـا لنا وكنـا حنـا اللي ابعـدنا عنهـا ولـدها ليل ونار تدعي علينـا وعلى امهـاتنا ...
صرخـت فيهـامن القهـــر ليش نكــران الجميــل علـى الاقل هـي الوحيــده اللي ماتنكـرت لنـا..
سـارا:أنتي انسـانه من ايش مخلوقـه قلبك اللي بصدرك هذا ايش صخـر بدال ماتشفقين عليهـا وتبرينهـا بتحطينها بدار العجزه ارحمــوا من فــي الارض يـرحمكـم من فـي السمـاء ...
جانـي صوت شهـد اللي مادري من متـى جالسـه معنـى
شهــد :معها حق حنا مو مكلفين فيهـا ..
ماتحملت وقاحتها فالكـلام اصلاً هالانسـانه هـذي ماتنزللي من زور سـارا:انتي عاد آخـر من يتكلم مابقى الا أنتـي يالفاسـده بتعلمينـا وش نسوي بعـدين اللي متكفله فيهـا ومتكفله فينا كلنـا ضحـى للمعلـوميـه ...
شفت الصدمـه على وجـه شهد والدمـوع اللي تجمعت بعيونهـا بس رافضـه تنزل ...
قالت والعبـره خانقتهـا ادري جرحتهـابـس لازم تفــوق
شهــد:قولي عن اللي تبيـن فاسده ماعليه فاسـده ليـه وش كان المتوقـع من وحـده طلعت علـى الدنيـا لاتـريبـه ولااهتمـام تربيـة مع خواتي المراهقات والمسؤال عنـي أكبـر منـي بخمـس سنوات لاتطالبنـي بشـي انا ماتربيت عليـه .. ليش أنا لقيت أحـد اذا غلطـت يقول اوقفـي حدك الاهالخط ماتجاوزينـه يعلمنـي الصح من الخطـأ..
مواحنـا ضحيـة الدنيـا أجـل خل تحملنا بنسوي اللي نبـي بنتمـرد على الحيـاه بكبرهـا ليه غيرنا عايش مرتاح وحنـا حتى اللقمـه محسوبـه علينـا وزياده علـى كـذا لاأم ولاأب وليتنـا يتامــى لاحنـا يتمتنـا الدنيـا اذا كان ابونا اللي هـو أبونـا نفانا ولاأعتـرف فينـا تبغيـن الناس تعتـرف فينـا ..أنتــي عشتـي اللي عشنـاه شفتـي البنـات فالمـدرســه كيف مايتقـربون منـا وكأنــه مكتـوب علينـا (قــف ..خطــر ) النــاس كلهـا حاكمــه علينـا بالخـراب والفجــور حتـى قبل مايعـرفونا علــى حقيقتنـا قولي لأي أحـد يسألك عـن اسمــك أنا سارا بنت مبـارك الـ .... وبيفــرون منـك وكان فيك جــرب أو مـرض معــدي .. لـو كنتــي اصـلح وحـده بالدنيـا بس قولــي لهـم من أنتـي ماراح يصدقــون اللي يشفـونه بعيـونهـم بيصدقــون أنك من بنات مبــارك اللي رماهـن أبوهن وماسأل عنهـن وعايشـات بلارقيب ...
حنـا وجـودنا فهالدنيـا غلطــه تعـرف وش معنـى غلطــه ..>> وصـرخت بآخـر كلمـــه ...
قال نواف اللي متكتف وواقف بالزاويـه بعيده فالصاله ..
بصوته الخشن اللي كانت تصنعـه لين صار طبيعي
نــواف:اناودي افهـم
أنتـوا ليش تحبـون تعذبـون انفسكــم بالكــلام هـذا ليـه تفكـرون بالنـاس ولاطريتـو علـى بالهـم يعتبـرونا غلطـة اجتازوها وكملـواحيـاتهـم وحنـا واقفيـن عند هالنقطـه ونعيـد ونزيـد فيهـا ,,انا مريح بالي من زمـإن ...لأني من طلعت علـى هالدنيـا وضحـى هـي ابوي وأمـي وماعترف بغيـرهم لأم ولأب ....
وكلكــم لازم تاخـذون هالنقطــه انسـوا إن لكــم أحـد فهالحيـاه غيـر ضحـى وخلوهـا ابونا وأمنـا وكل اهلنـا ...
والله كنت بوقف وصفق له هلانسـان رغـم كل تصرفاته الطايشـه الا أنها لاتكلم بالعقل والمنطق رغـم صغـر سنه مقنع صادق يتكلـم من قلب مجـروح ..علــى فكــره أخــوي نـواف هـو اختــي نوف فهمتــوا شــي ...!!!
××××××××××××××××××××××××××
((4))

<< ...فالمــدرسـه فالبيــت ...>>


ضحـــى



دخلــت غرفـة المعلمــات وهـي واصلـه اتش معــي وش هالمعـامله الزفت الي تعاملنا فيها المديره على ايش شايفه نفسهـا هلانسـانه يعنــي هي ناقصتهـا بعد الحمدالله انها ماجابت خصـم لراتب لأنه لحضتها كـل الكبت اللي فينـي بفجـره فيهـا من زين حالتنـا المـاديه عشـإن تخصم منـي بعـد الحمـدالله إن اليوم ماعنـدي الحصــه الاولــى ولاصـدق مادري وش بسوي ,ووالأحلـى بالموضوع إن غرفـة المعلمـات فاضيـه كلن بحصتـه يعنـي اقـدر اخذ راحـتي بتفكيـر بمشـاكلنـا بس من قال إنـي محظوظـه توني بس بجلـس على الكرسـي دخلت علـي ابلـه عطيـات بدون حتـى سلام :فينك يأبله ضحـى تأخرتي ليـه دالمعلمـات ماخلوكيش بحالك اطعوك من الافتـراء بيألوانكـ متسيبـه ومابتحلليش المرتب اللي بتاخزيـه وانا باولهـم ياقماعه الغايب عزروه معـه وهم مش راضين يفهمـوا دنا كنت متأكــده انك حدومــي ..
يمــه عليهـا هالمصـريه اكبر نصابه فالعالم العربي كلـه أكيـد هي اللي جالسه تحش فينـي وترميـه على غيرها مع إن الباقيات مايقصـرن بس هي اعوذ بالله منهاماتخلي احد بحاله ...
رديت عليهـا وانفخ غرتـي اللي طاحت على عيونـي عشان ترجـع على ورى ضحــى:استـاذه عطيات لوسمحتـي بحظـر ممكن تكرمين علـي وتسكتيــن ...
حسيت أنها انحـرجت بـس طقاق يطقها انا صريحـه وماعرف اجـامل ...
طلعـت وهي تعتـذر انها عطلتنـي عن شغلي بـس انا عارفــه انهـا بتاطعنـي حتت من السب اول فرصـه تسمح لها ...
اوووووه خلـونا منهـا انا عنـدي بلاوي اكبــرمن سخافات عطيـات اللحيـن علاج جدتـي اللي مخلـص يبيلـه فوق الالفيـن انا من وين اجيبهـا يالرب ولاخـواتـي وطلبـاتهـن لو سارا ومـلاك مكملات الكليـه يمدينـا استفدنا من مكافئتهن بس وش اقـول الشكـوى لغيـر الله مذلـه وهـن هذا اللي يبنه ..الله يثبت خواتـي الباقيات ويكملــن دراستهـن أنا موناقصه بلاوي بعــد .....ولا اللي قاصـي ظهـري صـدق شدن هالطفـله
الي متحملـه معنـى هالعيشـه اللي ماتنطـاق وخايفــه عليهـا من كـلام الناس صـدق هـي بنت عمتـي بس والله عمـري ماعتبرتها غيـر وحده من خـواتـي تحملـت رعايتهـاوهي طفلـه عمـرها سنـه لوكنت أكبـرشـوي بذاك الوقت كنت اعتبرتهـا مثـل بنتـي مواختـي ...
أخاف لدخلتهـا المدرسـه تسمـع كــلام يجرحهـا أنا لازم احميـها بس كيف وانا نفسـي موقادره احميـهـا ...
الامتــى بظـل شايلــه هالحمـل يارب .....
صحيـت على رنـة جوالــي وسمعـت صـوت الرجــه سارا قلت بخــوف :سـارا صار فيكـم شـي من وين تكلـمين ..؟!
قالت سارا وشكلهـا تأكــل :من بيت العجـوز أم كايدووه ...
قلت بقهـر تسب بالمـره وهي فبيتها بس شكلها موجالسه عندها ولاماقالت هالكلام اعرف سارا صح رجه بس محترمه ...
ضحــى:طيب ليـه متصله احد منكم فيه شــي ..
سارا بـرود :لابـس اسطوانة الغاز فظـت ..
ياربـي من هالبنت المتخلفـه شتبي بالغازعلــى حد خبــري ماعنـدهم شي يطبخــونه...
ضحــى:اللحيـن متصـله عشان هالشي السخيف بعدين وش تبغون بالغاز عندكم شـي تطبخــونـه ,, وكملت بأستهـزاء:لايكــون بس نزلت عليكــم هبــه من السمـاء ...
سارا:يعنـي مانشرب شـاي ..
ضحـى:عمـركم ماشربتم شاي مو انتم اللي رميتـوا غلايـة الكهـرباء ..
شهقـت وكنـي متهمتها بجريمـة قتل..
سارا:والله موانا هـذي اشـواق اللي تقـول مضـره بالصحـه ...
تاففت بمـلل وأناصبـر نفســي الصبــر يارب اصبــر
ضحــى:عندك شـي ثانـي غير هالسخافات.؟!
××××××××××××

ســـارا


اووف منهـا هالانسـانه كلـه جديه ماتمـل من هالجديـه مومنهـا من الرياضيات التـي تدرسهـا الله يعين الطالبات اللي درستهـم قلت لهـا باستهبـال وأنا داريـه بتعصـب علــي
سـارا:أيــه ..
سألتنـي بعصبيــه موقلت لكــم هــي كذا ضحـى بالفلفل الحــار ...
ضحــى:وش بعــد..؟!
ضحكـت وقلت سـلامتك ورقعت السماعه بوجهـا قبل ماتسبقنـي ..
لفيت بنظـري على صالة جيرانا وع مـوحلـو بيتهم بيتنـا أحلـى مـع إنـه صايـر كنـه صحـراء لاننا بعنـا اغراض كثيره منـه بالحـراج .. جلست افكــر ارقى فــوق ودور غــرفة جابــر بس بعــدين خفت الطيح فينــي منيره ويـن اودي وجهــي منهـا وهي صــح تعطينـا وجــه بس واضح عليهـا أنهـا ماتبــي تقرب منـا ...
لبسـت عباتــي وبصــوت عالــي ودعت أم كايد اللي بالمطبــخ وزياده ماتسـمع زين فرددت الكـلام ثلاث مرات وهي كله تقـول هاه هاه بالاخيـر طنشتهـا وطلعـت ...
وانا بطلـع مع باب الشـارع طلـع بوجهـي كايدوه وهـو رايح فيهـاوكـإن معـه مخده وبطـانيـه ...
قال وهي يترنح بمشيتـه ويمطط كلامـه
كايد : يـ ـوه بعـ ـد اغلطـ ـت فالبيـ ـت أنتـوو كم بيت عنـ ـدكم تونـ ـي شفتك بالبيت الاخضـ ـررر اللحـ ـين شجابـ ـك هنيـه لاتطرردينـ ـي برقـ ـد بحوشكـ ـمممم ..
حمــدت ربـي على نعمــة العقـل وزفيـته عن طريقـي
تعــودنا انشـوفه بهالحـاله الصـراحـه يكسـر خاطـري الخمـر يسـوي بــلاوي ...
دخلـت بيتنـا وشفت خـواتـي جالسات تحت النخـل بالحـوش ..
توني افسـخ عباتـي صرخـت المرجوجـه تو مـلاك لأنـي أنا ون
مــلاك:تعالـي سارونه فاتكـ لقينـا كايـدوه السكـران نايـم تحت النخلـ ...
صرخـت بذعــر من حقهــم الناس يشتبـوهن فينـا وحنا مخلين بيتنـا سبيـل ..!!!
ســارا:خيبـه تخيبــه هالسكيـر بيجيب لنا الشبهـات ..
مــلاك:افا عليكـ برد خاطركـ فيه نـواف ...
قلت بحمـاس الصـراحـه يعجبنـي نوافـوه بـس جابـر أكثــر ..!!
سارا:بعـدهلــي نـواف هـذا العشـم والله ...
وقلــت بحالميــه ..
سارا :آآآه لو اللي غلطـان فبيتنــا جابــر ...
مــلاك بالصدمــه :لهــدرجــه سارا.. الصـراحه طحتـي من عينــي ...
سارا :عســى ماتكسـرت بس ...
مــلاك :لاويـن تكسـرين مع هالشحــوم ...
الشحــوم الصـراحه شكيت بنفســي ورحت اركض علــى المـرايــه ماشفت شــي بشكـل متغيـر بــس بعــد للحيــن شاكــه رحت اوزن بـس وزنـي كان نفســه ماتغيــر 45 اما النكتــه ميشــو وزنهــا 39 الصــراحه شكلهـا يحـزن كأنهـا جايه من مجاعات افريقيـا ...
××××××××××


((5))
<< ..نلعـب بالسكــه..>>

مــلاك


وش تبـوني اقـول لكــم صح أنتو مصـدوميـن بـ سـارا مثلـي انا للحيــن واقفـه بالحـوش تحت تأثيـر الصدمــه الصــراح بديـت اخاف علـى سارا مـن جابـرووه يخـوفي يخطفهـامنـي وتصيـر اتحبـه أكثـرمنـي بس انا توامــها حتـى لو مانشبـه بعض كثيـر .. معقـوله يجــي يوم وتحبـه اكثـر منــي الموضوع هــذا شغـل بالي لدرجــة انـي مأنتبهـت أنــي واقفــه بالحـوش وتحت الشمــس وماسمعـت صوت مرمر يوم كــان ينـادينـي ...
منيــر :ملااااااااااااااااااااااااااااااك .. وجع مــلاكوه ملوكـه ..اوف ملاك صـرتي صمخــه ...
قلت لـه بعد مافقت ...
مــلاك :خيـر وش تبــي لايـكون اليـوم بعــد مارحــت للمــدرسـه ..
منيــر :لا والله رحت بـس انحشت .. وطلــع لسـانه بأحــراج .. حـركته هذي تجننــي دايـم يسويهـا لأنحــراج .. دايـم أتمنــى لويكــون منيـر أخــوي لأنــي أحبــه كثيــر ...
مــلاك :رحـت للمــدرسـه هاااه علـى مين تلعبـها ...
وجلسنـا نغنـي :علـى مين تلعبهـا علـى ميـن يأبـن النـاس
عيــوني تعذبهـا ولاتحـرم الاحســاس
تجينــي وتهـواني وترحـل وتنســانـي
وترجـع علـي ثانـي شعـورك غريـب أحسـاس
دخلنـا وحنـا نغنيهـا بالصـاله وهنـاك شفنــا سارا جالسـه توزن ...
منيــر :بالرميــل انتبهـي لاتكسـري الميـزان ...
التفت علينـا سارا بعصبيـه ..
سارا :ناقصتك أنت ..حـرام خليتـوني اشك بنفســي بعـدين كيف يتزوجنـي جابــر ...
شفت الصدمــه بعيـون منيــر وقال وهـو مو مصدق ...
منيــر :خبلــه أنتـي مالقيتـي الاجابــر بـس الحمـدالله ماقلتـي قيـس واذا كنتـي متلهفـه علـى الزواج لهدرجـه انتظـرينـي ليـن اكبـر وتزوجك ...
سارا بالضحكــه :هذا وأنا متلهفــه اجـل لوكنت صدق بنتظـرك بتقـول انتظـري لين اشيب ...
منيــر :أنا اشيب مستحيــل مايليق علــي ...
سارا :ايه صـح تـرى البنات اليـوم ماراحـوا المدرســه ...
صدق اللي قال قلنـا القـط جـانا ينـط ..لأن بـس سارا كملـت جملتهـا نزلـوا نوافو و وعـد مــن فوق ..
وعــد بالدهشـه :مرمر هنــا والله ونـاسـه امشـو نلعب كـوره بالسكــه ..
نـواف :والله فرصــه لغاب القط العــب يافأر ...
وطلعــوا يلعبــون بالسكــه.. الصـراحــه غبنــتهـم تمنيـت ارجــع والعـب بالسكــه مثـل زمان اللي يسمعنــي يقـول من كبــري اصلاً لــو أطلــع اللحيـن وألعــب محــد داري عنـي اصلاً شكلــي صغيـرونـه مايـوضح علــي ... ياشيخـــه ..!!!
سـارا:ملاكــي امــشي نتفـرج عليــهم من الدريشــه ..
جلسنــا نتفــرج عليهـم وهـم يلعبــون حافييــن والغبـار مغطيهــم .. وفجـأه صار اللي ماكان فالحسبــان جاء قيــس وكان يمشــي رجـل لأنــه يوقف سيـارته الـ BM
بــرى الحـاره لأنــه يخاف عليهـا تعـرفون حارة فقـــر ... المهـم خلونا منــه سارا حسيتهـا مو طبيعيــه لأنهـا جلست تنـادي عــلى وعــد ونواف ومنيـــر بقــوه ويوم مانتبهــوا لهــا طلعـت تركض لهــم وتأشــر على قيــس تبيـهم يدخلــون بس هــم مافهمــوا عليهـا وقيــس يوم شافهـا طلعت صار يركض
عشـان يسبقهـا علـى منيــر ... من مكـاني هــذ شفت سارا كيف زادت رجفتهــا وصراخهـا زاد وكانت تحـاول تدخلــهم بالقــوه
وفجـأه الموقف تشــربك وماشفت الايد قيــس اللي ماسكــه شعــر ســارا ويهــزها ... قبــل شـوي كنت أتمنــى نرجــع للأيام السكــك بس اللحيــن العــن نفــسي لها لأمنــيه لأنـا بنرجــع معها للأيـام اللي كان فيهــا قيــس يذوق سـارا أصناف العذاب ...
مــن زمان كنت احــس أن قيـس يتلذذ بضـرب سارا وأكبــر دليـل اللي شفتــه اليوم بعيــونـي قيس حتــى مالمــس أاخــوه لاكـان جاي من بعيــد وعينــه على شعـر سارونــه جعــل يده للقــص ...




نهــاية الحلقـــه الثانيـــه

اتمنـــوا أتقولــوا لــي عن رأيكــم بالأحــداث
وبعـــد حلقــة اليــوم من توقعـاتكـم الابطـــال
وشخصيـات اللي حبيتـوها ..

الحلقه الثالثه ..


((1))
<<..مأساة سارا ..>>


مــلاك


ضميت ســارا اللي نايمــه على رجلــي بمحاوله لتـهداتهـا بس كيف أهـديها وأنا مو قادر أهــدي نفســي كانت تنتفض بيــن يدي وتهلــوس بأسمــه كانت خايفه مرعـوبه معهـا حق أذا انا كنت للحيــن ماني مستوعبــه اللي صار للحيــن ومنظـر قيس وهـو يزف سارا علــى الجدار ويمشــي مشيت المنتـصـر ويناظـر بتلذذ لشعـرها الاشقــر اللي غنمــه من المعــركه ..
سارا :أنا أكـ ,,ـرهه أكـ ,,ــرهه مأحبــ،،ـه دايـم يضربنــ،،ـي ليــ،،ش أنا شسويت له مــ،،ـلاك خبينــي أخاف يجــي يذبحنــي ... ورجعتت ترتجف وهــي تحاول تدخــل فينـي عشـان أحميهــا ... قلت لهــا بحنــان ودمـوعي شلال ...
مــلاك :سارا حبيبــي خلاص هــو راح مستحيــل يرجــع ...
حسيت حـركة سارا هــدت رفعتهـا عشــان اشوفهــا كان وجهــها أحمـر والدمــوع مغطيتــه ,, كيف نامت بهالســر عه لا مانامـت ماتتتتتتتتتتتتتتتتتتتتتتتتتتتتتتتتتتتتتتتتتتتتتتتت تتتتتتتت ... قلتهـا وأنــي ماني مستوعبــه اللي قاعــده يصير جلست اصـرخ بجنــون ..
مــلاك :لاااااااااااااا مستحيــل سارراااا ماتتتتتتتتتتتتتتتتتتتتت ...
حسيت خواتــي كلهــم مجتمعين علــى راســي ويحاولــون يأخذونــها منـي بس مستتحيــل اسمح لأحــد يأخذها منـي حتى لوكان المــوت نفســه كنت متشبثــه بسـارا باستمــاته ماحسيت الاكف علــى وجهــي ويد قـويه اسحبتهـا من حظنــي كانت ضحـى حطتها علــى رجلهـا ومن قلاص المويا اللي معهـا رشت عليهــا وبغضــون ثوانــي صحت سارا وفتحت عيونها بس رجعت قفلتهــم بألم قالت بصوت ضعيف ...
سـارا:وخــروا بأتنفــس ... كنت اصــرخ واضحك وأبكــي بنفس الوقت موقادر احدد مشــاعري سارا رجعت لــي بعـد ماحسبتها بعداد الموتى ... رفعــوها ضحـى وشهــد ومددوهـا على الكنبــه اللي كنا جالسيــن عليهـا قبل مأحسبهـا ماتت ..كنا جالسين حولهـا لين هدت وأنتظــم نفسهـا .. رفعــت راسـي وقلت لهــم .. :ماا ماتت ...
محــد عبـرني الكــل عيــونهم مركـزه علـى سارا الا ضحــى اللي عطتنــي نظـره الله لايوريكــم واصـرخت علــي ...
ضحــى :متى بتخليـن الخبال عنـك مــره ثانيــه تأكـدي قبل ماتخضينـابهالطـريقـه ...
قلت ودمــوعي تنزل ...
مـلاك :أنتي ماشفتيهـا بعــد ماطقهـا الكلــ .. قيس ...
حسيت بصدمــة ضحــى اللي قامــت وصكت عبـاتها اللي كانت علــيهـا للحيـن وتغطت أي كــلام وطلعــت .. ويـن رايحـه مأأدري اصلاً أنا للحيــن مو مستـوعبه كيف جات وبالوقت هــذا وكأنهـا الام العـطوف اللي تحـس بعيالهـا اذا كانــوا بخطــر وميــن عاد الغاليـه سارا ...حمــدت ربــي الف مره اللي رجـع لنا سارا كنـا أنا وخواتــي للحيــن ملتفــين على سارا اللي نايمـه ولاحاسـه فينــا يوم دخلـت ضحــى علينـا وهي تنافخ وكانت بأسـوا حالتــها ماتصـور نفسي أوقف بوجهـا لاكانت بهالـوضع قالت لنا بلهجـه آمــره ...
ضحــى :لاتسببون أزعـاج البنت اللي فيهـا كافيهـا حسو علــى دمــكم شــوي أنا طالعــه انام .. كانت بتطلـع بس رجعت توصينـا على شدن ومانسمح لها تطلـع بالحـوش ...
جلسنــا كلنا وعيــونا علـى سارا مأحد له نفـس يتكلــم ولايأكــل حتـى شدن كانت جالسـه بالمكـان الضيق الباقـي على الكنبـه ويدهـا على راس سارا تمســح عليـه بحنيــه جلست مده اطالع في يدهـا الصغيـره تمســح على شعـر سارا الاشقــر كنت أحسـه مره حلو مع أنه نفس لون شعــري كسـر صمتً شدن بصوتهـا الطفـولي ...
شدن :لو عنــدنا بابا مأنضـربت سارا ...
مأحــد رد علـيه اصلاً وش عنــدنا نرد عليهـا فيــه ..
تراجعت وعـد لين جلست بمكــان جلستنـا قدام التلفـزيون وجليت تنشد بصـوت هــادي ..
وعــد : يبه وراك عنــي اختفيت وامــي معاك بعــده شكيت
يبــه ضناك عنـه سليت مـراً جفاك منــه ارتـويت
اطلب دفاك لاكـن قسيت يبه بكاك طفـلاً رميت
شاف الهلاك له ماحميت نادى رجاك عنـه التهيت
صوته نصـاك له مادريت طحت بحماك عالي وميـت
لاا ماكفاك دماً بكيت صاح ونخاك قلباً وطيـت
عــادي تعــودنا عليهـا تجيهـا طفــات تطربنـا بأحـزانهـــا .. سمعنــا صوت جـرس الباب بشكـل متواصـل بس محد فكـر يفتحـه وتكــرر الصوت لدرجـة أن سارا صحـت ...


سار بصـوت متعـب وشكلهـا صاحيـه من مـده :افتحـوا الباب يمكـن منيــر ... قفـز نواف ياحبيلـوه مايهــون عليـه منيـر ..مأمداه يفتح الباب الا ودخـل علينـا منير مثـل البرق والكـدمات ماليــه وجهـه بس ماكان يبكــي ... توجـهه مباشـره وجلس قدامهـا على الارض ..
منيــر :سارا عــورك .. أنا آسف أنا السبب كنتــي تحاوليـن تسـاعدين بس المتــوحش ضربك عســاه للشلل ...
أنا خــلاص بقطع رجلي من بيتكــم أدري اللي فيكـم كافيكــم ... حتى ضحـى اليوم قالت أنهـا ماتبـي أحد منا يتعرض لكــم لا بخيـر ولاشــر ... أنا جاي أودعكــم وأقول لكــم جميــع أنا أحبكــم أكثــر من أهلــي ولو خيرونـي بينكـم وبيـن أهلــي بأختــاركم ...
كان يقـول كــلامـه هذا والدمــوعه تنزل الدمــوعه اللي مانزلت من الضرب والالم انزلت اللحيــن من ألم القلب .. كنت بقوله أنه حتــى لو هــو تخلـى عنا حنـا مستحيـل نتخلـى عنــه .. بس سارا قالت هالكــلام عنـي ...
سار :اصلاً من قال أنا بنستغني عنــك حتى لو كنت أنت اللي ماتبينـا حنا نبيك .. وضحــى اللي قالت هالكلام لأمك صدقنــي من ثاني يوم بترسلني أناديك أتغدى معنــا لأنها شافتك جالسـه عنـد
باب بيتكـم مثل الشحاديــن ...
حلــوه شحـادين جلست اضحـك وكلهـم يطالعــوني بأستغــراب بس مو مره لأنهـم متعوديـن على خبالي بس اليوم يمكـن عشــان ماهـو وقتــه ... ماقطـع ضحكـي الا صرخة وعــد :منير خشمك ينزل من دمــه ..
رجـع منير راسـه على ورى ونام علـى الارض .. وبصوت مايشوبـه أي خـوف قال ..
منيـر :عادي متعـود بس ابغـى كمادة ثلج .. قامت شوق تجيب له وهي تحذره مايتحـرك من مكــانه .. عشـان مايوصخ الموكيــت ..شوق هي الوحيــده اللي تهتــم بنظافة البيت والطبــخ عليهـا الطبـاخ يم يم بــس للاسف ماحنـا متهنيـن فيها بسبب ظروفنـا المـاديـه يعنـي يمكـن اسبوع واحـد بالشهـر اللي نطبــخ فيــه والباقي ندبر عمـرنا بأي شــي يساعدنا نعيش ... نرجع لشـوق بالعربي هي ربة منزل من الدرجـه الممتـازه ..رجعت ومعهـا كماده ومنـديل وقطـن وجلست تنظف وجـهه منيــر اللي كان واضح عليـه الاحـراج لأنـه ماتعـود على هالعنـايه وبعـد ماخصلت عطتـه الكمـاده يحطهـا على راســه جلسنــا نسولف سوالف عـاديه لين قالت شـوق أنها بتجيب لنـا الغــداء الله والغــداء لايفـوتكم صامــولي بجبـن وشاي ... مأقـول الا الحمـدالله علـى كل حال غيـرنا مولاقـي يأكل ...
×××××××××

((2))
<<..حــدود الجيــره ..>>


ضحــى
صحيــت على صوت جوالي يدق شفتــه رقم غريب مارديت وهـو مارجـع يدق ناظـرت بالساعة الجوال كانت 2:45
رجعــت أنام بــس النوم ماجانــي والذكـريات هاجمتنــي ... كنت تونـي جايـه من المدرســه يوم سمعــت صراخ من داخــل وكلمــة ماتت أول من طرى على بالي نوف دخلت اركض بس الحمـدالله نوف كانت واقفـه وبكــامل صحتهـا أجـل مين البنت قربت من تجمعهـم شفت سارا بحظـن ملاك اللي تبكــي وتصرخ بس اللي اتضح لـي رغم كل هالضجـه والربكه أن سارا فاقده وعيها مو ميتـه بعيـد الشر عنهـا حاولت أخلصها من حظن ملاك اللي كانت متمسكـه فيها بأستمـاته فماكان قدامـي الا اصفعهـا وأخذ سارا منهـا لحظنـي رشيت على وجهـا ماء عشـان تصحـى وأثبت لهم بالفعل مو بالكـلام أنها مو ميتــه لأن الكــلام معهم ماراح يفيــد ذيك الساعــه .. صحت سارا وفتحـت عيونهـا بس رجعت تقفلهـم أكيــد تشعـر بألم بـس وش سببـه فذاك الوقـت ماكنت أدري ..؟!! .. ماتطمنت لين تكلــمت وطلبت من نبعـد عشان تتنفس .. ساعـدتني شهـد ورفعنـاها علـى الكنبــه ... بعـدها التفت علـى ملاك اللي قهـرتني بتهـورها وخبالهـا ... كانت تصـرخ وتضحـك وتبكــي صدق خبلــه وعديمـة أحســاس ... جلست اعاتبهـا على تصرفاتهـا الغبيـه والغير مسئولـه وأنا للحيـن مو عارفـه سبب كل هـذا لين جانـي الجـواب من غيـر سؤال ...
جن جنونــي يوم سمعــت من سبب الآم سارا من يومــه وهو سبب الآمهــا .. غطيت وجهــي بيد كانت ترتجف من الغيض وعبـاتي كانت علـي لأني ماكنت منزلتهـا .. ليـه هـم تركـوا لي وقت افكـر بشــي ..!!! .. طلعــت من باب البيت وحالتــي مأقدر أوصفهــا لكــم ومأشوف احــد قدامــي خلاص أنا سكت لهــم كثير بس من هاليوم علـي وعلى اعدائي واللي يرشنــا بماي برشـه بالدم .. وصلت فيهــم الوقاحـه يمدون يديهــم على خواتــي قبل قلنا صغــار ومراهقيــن بس اللحيــن كبروا خلاص رياجيل وأخــرتها معهــم يعنـي نترك لهـم الحـاره وأنطلــع بس بالمشمش أذا فيه أحد بيطلــع فهم هــم هــذا بيتنـا وجذورنا فيــه مستحيــل نتركـه ... والي فيـه خير يتعرض لنا بعـد اليوم .. دخــلت مع باب بيتهـم وكنت ملاحضه انه فالشارع سيارات غريبــه بس مأهتميـت لكل هــذا وحتـى مافكـرت أدخل للبيت مباشـره رحت للديـوانيه وشـلي بالحـرايم أنا اواجهــم رجال لرجال عمــر الضعيف ماينفع أهلــه ..
دخلـت عليهــم وشفت نظـرات الاستنكــار من البعض والدهشــه من البعض الاخــر بس كل هـذا ماثنى عزيمتــي لي حق وجايـه ادافع عنــه ...
ماكنت متأكده كــم عددهم بس كاونوا كثيرين وبيـنهم أشكــال غريبـه مو من اهــل البيت ...
تكلــمت بصوت عالي ثابت ماهزتــه كل العيـون المسلطـه علي ...
ضحــى :واخرتهـا معــكم عيـال مجــاهد متى بتصيرون رياجيــل وتكفـون يديكــم عن خواتــي .. استحــوا على وجيهكــم يالكبـار ولاتحسبـون الرجوله بفرد عضــلاتكم علـى الوليـاء ..... حسيتهــم متفشلين ودهــم يمسكــوني ويرمـوني بالشارع بس مايقـدرون كملت صامده وعيــويني على قيس عسى ماقيس بهالدنيــا:أذا كان فيكــم ذرة احـترام لأنفسكــم ومناصبكم ياراعيــن المناصب أمسكــوا أخوكـم المحتــرم المتمــدن عــنا ولا بتشــوفون فضـايحــكم علــى كل اللســان وبأشكـيكـم بكل مركــز ترى ماوراي شي أخاف عليــه .. شفت قيس بيتكلــم والقهـر واضح عليـه وشكله بيطـردني لأن الكــل يناظر فيـه بنظرة أتهــام بس ماعطيتــه فرصـه :مد يدك علــى وحــده من خواتــي مره ثانيــه وشف وش بيصير لك .. وطلعت بدون مأسمع أي رد من ردودهــم .. بس وأنا واقفــه مع ام كايــد اللي كانت تحاول تهـديني سمعـت أخوانه يلفقون لهــم كذبـه وأنها وحـده من خواتــي الصغار وكان قصده يأدبهــا ..
انقهــرت زياه وماعطيت أم كايــد فرصـه .. لأنــي اذا كنت فحالتــي ذيك مأحشـم أحــد كنت بحالـة هيجـان شديده وبشراسـة لبـوه تدافع عن صغـارها رفعت صوتــي وأنا اطلب منها تبعــد عيالهـا عنا ومأبغــي أي واحد منهــم يعتب باب بيتنــا ابيهــم بس يفكـونا من شـرهم .. بس اللحيــن تندمــت على تصرفي معها بس هس وش ذنبـها الا ذنبهــا هي اللي ماعرفت تربـي عيالهــا بس ولو هـي حرمه كبيــره وكانت صديقت جدتـي واعز جاراتهـا كانوا مره مع بعض وبعـد طيحت جدتــي فالبدايــه كانت تزورنا شبه يومـي لين بدت تخف رجلهـا من بيتنــا لين صار لهـا سنتين ماطبت فيهـا بيتنا أكتفت تسأل عنهـا من شهـر لشهـر ...وكله من تحت روس عيالهــا ... رجعت بأفكــاري لســار... سارا آآآآه ياسارا وياعذابك بهالــدنيـا ...تعذبه بحيـاتها من كانت صغيـره بطفولتهـا الكــل فضل عليهـا توأمهــا ملاك اللي كانت دلوعـه ومجغه تخلي الواحـد يحبهـا غصباً عنــه بعكـس سارا اللي على نيـاتهـا وبريئــه ... بس جدتــي كانت تسمـي براتهـا ثقالة دم فضلت عليهـا ملاك وكـانت تحبهـا أكثــر منهـا وبالعلــن ... كبرت سارا شــوي وماصارت تهتــم بكلمـات جدتــي رغـم قساوتهـا واللي فرحنــي أن مــلاك كانت متعلقه بسارا ولاصقـه فيهـا مثل ظلهـا وطلع لنــا قيـس اللي كان مكـرها بحيــاتها كان يضربـهـا اليــوم وتنســى من بكـره وتطلــع تلعب مع الصغـاريه بالشــارع وهــو من يشوفهـا يطيـح فيهـا ضرب بسبب وبـدون واللي كان قاهـرني أن جدتــي ماكانت تهتــم فيهــا وتقــول لعـب صغـار يكبــرون وينسـون بس قيس ماكان صغيـر كان عمـره 16 سنــه وسارا 6 سنــوات بس .... وكـل ماكبـرت سارا زاد خوفهـا منه وصارت تجايهـا كوابيس وياما سمعتــه تهلـوس بأسمــه وهي نايمــه الحرامـي والوحش والبعبع اللي كانوا الصغـاريخافـونـه كانت كلهـا عنــد سارا قيس هو البعبع والوحش والحرامي كانت تقــولي أنهـا تشوفه وعيـونه حمـر يلحقهـا بيأكلـهـا ...
وجتهـا فتره ماتأكــل ولاتشـرب والبيت ماتطلــع منـه لين افرجهـا ربــي من عنــده ودخــل قيس الجامــعه وبعـدها صار يسافر دورات كثيره للخـارج ... لين رجـع قبل أربـع سنــوات وسارا كان عمـرها 16سنــه وللحيــن ماتغطــت تنــي يومهـا وهي تبكــي وترتجف تقــول قيس رجــع ونظرات التهــديد بعينــه,,فذاك اليـوم اقنعتهـا أنهـا لو لبست عبـاه ماراح يقـدر يتعرض لهـا لابنظرات ولاالكـلام والفعـل لأنه أصلاً ماراح يعرفهـا ... بس الوقح وقـح هــذا هـو بعـد اربـع سنيــن ضربهـا وعلى مرأى الجميــع ولاأهتــم لا لعـرف ولاديــن .. سمعــت صوت المؤذن قمـت اصــلي العصـر وبعــدها نزلت تحــت شفت سارا النايمــه بس لمـا لمست راسهـا كانت حـاره طلبت من شوق تجيب لـي كماده شفت منيـر جالس مع خواتــي يتابـعون فلـم بس ماعلقت علــى الموضوع ...
×××××××××××××

((3))
<<..أناوالشيطـان.. >>

سارا

فتحـت عيوني علـى وجـه ضحـى كانت تحط شي بارد علــى راســي ,,, راسـي آآه ياراسي حسبــي الله على اللي كان السبب حتــى دعاء أخاف أدعـي عليــه هــذا وحـش شيطـان
صدقــوني شيطــان ...
سألتنـي ضحـى بحنـان..
ضحـى :سارا تروحيــن تجلسين قـدام التلفـزيـون عشـان ماتشغلك الهـواجيــس ... هـزيت راسي بنعـم لأنــي لو تكلمـت كنت ببكـي .. ساعـدتني ضحـى وجلس معهم قدام التلفـزيون وحطت لي ضحـى مخدات تحـت راســي .. كنت أحـس جسمـي كلـه متكسـر مع انــه بس كان بس شادنـي مع شعـري ويهــزني ..خـلاص مأبغــى أتذكــر اللي صـار معــي ركـزت عيـوني علـى التلفزيــون واسـودت الدنيـا بعيــوني .. صحيت علـى صوت صـراخ شــوق :الحقــواااااا بتنتحــررر بتذبح نفسهـا ... حاولت أقــوم بس ماقــدرت ... رفعت راسي لخــواتي اللي كانـوا يركضــون طالعين فــوق ..مأدري وش سبب كــل هذا بس أكيــد نوف اللي تحـاول تنتحـر لأنهـا مو أول مره تســوي هالحــركــه .. بعـد عشـر دقايق من الصــراخ والصيـاح نزلت ضحــى وعبـاتهـا عليهـا وجالسه تكلــم بالجـوال .. ونزلوا بعــدها شهــد ووعــد وشهـد بعـد عليهـا عباتهـا كني فهمت السالفـه بس صبروا شــوي ...
تحاملــت على نفسي ومشيت لين وصلــت الحـوش جلست علـى الدرج الباب كان مفتــوح والصـوت كان واصل لحد عنــدي سمعت ضحـى تصـرخ علــى أم شهــد ونـوف ووعــد ...
ضحــى :هذولا هــم بناتك قدامــك اسأليهـم يبـون يروحـون معك ...
أم شـهد :يالله بنـات ويــن نوف أكيـد بتروحـون مع أمــكم أنا ياما جيت بأخذكــم بس ضحـى كانت تكذب علـي وتقــول أن ابوكــم ساكـن معكم بس اللحيــن عرفت الحقيقه ومستحيـل أخليكم تجلسون يوم زياده هنــا ...
شهــد :اصلاً من قال أنا بنروح معــك أبوي فيـه ولامـوفيــه يالله حسـن الخاتمــه اللحين تذكـرتي أن عنــدك بنــات حبيبتـي روحي العبـي بعيــد مالنـا روحـه معك ...
ياعمــري والله شهــد طلعــت رجاله بس باقي وعـد ماسمعت تعليقهـا المطفـوقه لاتكــون بتتركنــا وتروح معهـا ... بس لحظـه هذا صوتهـا ...
وعــد :أنا ماراح أرفع صوتـي عليك لأنــي متربيــه (احلـى يالمتربيــه ) بس اقولك لاعاد نشوفك فيذا يأمنــا صح النــوم توك تفطنيـن أن عنــدك بنـات قاطتهــم وينك من 13سنــه يوم رميتنــي وأنا بالمهــاد وماسألتــي عنــي ...
أم شهــد شكلـها بلعت لسـانها اللي كان يلعلع من دقايق ...
أم شهــد :ربيتهــم على التمــرد يابنت أبوك مو منك من عجــوز النــار ...

ضحـى بعصبيــه:والله لوأنك مو أم خواتـــي كان عرفت ارد عليك وجدتـي لاعاد تغلطيــن عليها لاوريك تربيت جدتــي كيف ويالله اللحيـن ورينـا مقفاك ولاعاد تمرين من شارعنـا وبس ...
أم شهـد : والله لأشتكـي عليك بالشرطــه وخليهــم يعطـوني بناتي غصبً عنــك قبل قلنــا بحضانـة أبوهــم بس ابوهم ويــن اللحيــن ..
ضحــى :أعلى مابخيلك اركبيــت بس انصحك لتعبين نفسك
لأن خواتــي ماراح يطلعـن من بيتهـن الابرضاهــن ...ودخلـن خواتــي واصقعــن الباب فوجهــا ..
شهــد :هي انتي يالخبلـه وش تسـوين هنـا ..
قلت لهـا وأنا أحـس بالنشاط بعــد الهوشه اللي سمعتهـا تعرفـونـي أمـوت بشي اسمــه هوشـه ...
سارا :بشوف وش السالفـه وش صار علــى نوف ...
وعــد :غبيــه طيب تبي تذبح نفسهـا يقالهـا بترتاح من عذاب الدنيـا بس عذاب الاخـره وش بيفكهـا منــه ...
ضحــى :خلاص وعــد ماله داعـي هالكلام هاللحيــن هي تدري عـن كل هـذا بس القهـر يعمـي عيونهــا ...
دخلنــا داخــل وبهالحـادثـه انتهــي يومـي لأنـي صعــدت لغرفتــي من بدري وماصحيــت الاعلـى صوت ضحـى وهي تستعجــل خواتــي عشـان يرحـون المـدرســه من بدري ... نزلت تحت وشفتهــم طالعيـن يركضـون لأن الباص حق المـدرسـه جاء ...
سالت ضحـى اللي جالسه على مكتبهـا وتشرب شاي ...
سارا :اليوم أنتداب ولاباللمـدرسـتك ...
ضحـى وعيونها على دفتر تحضيرهـا ..
ضحـى :لا أنتـداب اليوم الاربعــا ...
قلت وأنا اجلــس بمكاني المفضل تحت التلفزيــون وافتحــه ...
سارا :والله ماصرت افرق بين الايام ...
ماردت علي ضحــى وأنا اندمجت باللي اتابعــه وماحسيت الا على صوت الباب الخارجــي يسكــر .. وبعــده بخمس دقايق صوت الباب ينفتح لااااا يمــه حرامــي ... تخبيت ورى وحــده من الكراسي وشفت روبي تدخــل وبعــدها ميشــو ...
قلت لهــا بغباء ..
سارا :هـذا أنتــي ..
ضحكــت بمجاغه واشرت بيدهـا بأستخفاف أنــي مجنـونه وشالت روبــي اللي كانت تمشـي قدامهـا وطلعت فــوق ...
الحمـدالله ردت عـلي بالاشـاراه لأنهــا لو تكلمــت معي ماراح أفهـم عليــها ...
يــوم أنا عنــدي اشيــاء كثيره أفكـر فيهـا افيدلـي من التفكيـر بميشــو المتشـرده ...
×××××××××××××××


((4))
<<.. شحـــاده ..>>

(...لله يامحسنين عطنـي ممأعطـاك الله ,,,الله يخلي لك عيالك,,الله يرحم والديك ,,الله يرزقك ويكثـر مالك,,,أرمله برقبتها سبع عيال وعلي مية ألف الديون فرج عنــي الله يفرجهـا عليك من واســع ابوابــه ...)
رمــى عليهـا مية الريال وكمـــل طريقــه ....
:تف عليك يالبخيــل الشنطــه محمله بالألوف وتعطينــي هالطفســه الله يسكـرها بوجهك ويــن مارحــت حنـا ومو كدر علينـا عيشتنـا إلى هالاشكــال فلوسهم ماتحــرقها النـار ويبخلــون على الفقارى مثلنــا ...

:لوفقيـره مثل ماتقولين مالبستي هالعبـاه ..!!
التفتت على اللي يكلمهــا :ليه العبـاه هذي حرام علينـا وحلال عليكم ...
وطالعت فيه من فوق الا تحــت :روح الحق على زباينك يمكن واحد منهم يحتاج مليون ويموت لو مالقى احد يصرفها له تعرف ذي مسأل موت أو حيـاه ....
:انا كم مره قلت لك لاتجيــن تشحدين قدام فرعنــا دوري أي فرع ثاني ومارسي هوايتك عنـــده ...
بتريقــه :لامأقدر انا منتدبـه هنا بعــدين هذا اقرب فرع لبيتنا …
:ماشـاءالله ساكنيــن بالعليـاء والله شحـاده هاي ,,أقــول أنتــي اذا شفت رقعت وجهك هنـامره ثانيـــه ببلــغ عنك مكافحــة التســول ...
:اقسم لك بعــد هالتهديد لخلــي هالشـارع مركــز لتســول واخلــي الشحادين مثل الذباب يتجمعون على زباينكم ...
حمــر وجهــه من العصبيـــه :انقلعــي من هنـا لأرتبـك فيك جريمــه اظن اللي كسبتيـه الليوم يكفيك شهــر ...
:كم كسبت ألف ريـال ماتجيب حق المواصلات حتـى ...
:وأنا شكـو فيك عمـرك مالقيتـي تأكليــن بعــد يالله فارقــي من هنــا ..
ضحكت بمجاغـه :والله اذا مانفذت وعــدي مأكون شوشو كــول وبتشــوف ,, يالله بايــــوووو .. واشــرت له بيـدها اللـي كانت تلمــع من البياض ...
الله ليـردك صدق المثـل الم تستـح فصنـع ماشئت ....
كان مقهـور منهــا ماتلقــى تشحد الا قــدام فرعهــم ولو استــدعى مكافحــة التســول مايشـوف الا غبــارها مايــدري ليـه يحس انهـا لعابــه وماهــي محتاجــه .... دخــل للبنك وهـو يغلي كان قايل لرجال الأمـن اذا شافوهـا يبلغــونه ساءت سمعت الفرع اللي هـو مديره والسبب الشحـادين اللي يتجمعـون عليـه من كــل صوب .. كمــل شغلــه وطلـع على السـاعه ثنتيــن شافهــا واقفـه بعيــد وتكلــم مع واحــد من الشحاديـن الصغار ... بدت من اللحيــن بتنفيــذ خطتهـا ...
سألتــه :أي صف وصلت ..
الولد :رابع ابتدائي ...
:وكـم لك سنـه مادرست ...
الولد :سنتيــن ..
:خلاص زي ماقلت لك انت روح للمــدرسه وأنا اعطيــك يوميـاً كثر اللي تكسبــه ..
الولد بفرحــه :صدق طيب وأمــي وش اقولهـا ...
:قولهـا اللي قلت لك ...يالله عاد روح الشمس حاميــه ...
اشرت له بااااي وراحــت ...
وصلت لشله اللي تدورهــم من الصبــح كان قريب من الاشاره نادت لرئيسهــم مـوس ...
وجاءها يركض كان عمـره بين 16 وال18
مــوس :هلا شــوشـو للحيـن ماشطبتــي...
شـوشـو :لاعيـوني للحيـن اقولك ابيكــم من بكـره ترابطـون قريب من منطقتــي ..
موس :أحلــى شوش وش عنــدها راضيـه علينـا ..
شوشو :لاراضيـه عليكـم ولاشي بس بأدب الخنـزير مـدير الفرع واعلــمه حدوده ...
مـوس :طيب شوشو اشوف الزعيــم وأرد عليك ...
شوشو :ماله داعــي تكلمــه هـو كيف يدري ..
موس :أخاف يكــون حاط بينا جواسيس ماترضينهـا علي اتورط معــه ...
شوشو :خلاص ســو اللي تبــي بس حاول تقنعــه ضروري اشوفكــم بكـره هناك أنا ماراح أجــي بس بأتصــل وتأكــد ..
موس :خلاص حبي ولا يهمــك حنا تحت الأمــر ..
شوشو :يالله بايــوووو ...تأخــرت على البيت ...
مـوس :أنتبهــي بيتكــم لايزل عــن مكــانه ..
شوشو :ياسخفــك سلم علــى المستــر ...
مــوس وهو يركض بعيــد :يــوصل ...
أركبت شوشو أول تاكســي قابلهــا وطارت لبيتهــم ....



نهــاية الحلقــه الثالثــه ...
ارئكــم وتوقعــاتكـــم ...
شــوشــو بيكــون لهـا عــلاقــه بنــات مبــارك ولا لهـا طريق ثانــي ...؟؟!!
ابــي جواب علـى هالسؤال ...
وأشوفكــم بالحلقـه الرابعــه من ـبلاقيبـ.

الحلقه الرابعــه ..]

((1))
<<..الثـالثــه الثابتــه..>>

ضحــى
يوم جــديد ولاشـيء جديد ...تأففت للمــره الالف من صحيت من النوم قبـل ساعتيــن الا اللحيــن ,, قلت للمعلمــه اللي واقفه جنبــي وصادف أنهـا أبلــه سمــر ...
ضحـى :حشى مو اذاعــه مدرسيــه حفل خطــابي ...
سمــر :اتصـدقيــن صرت أنطق الكلمــه قبل ماتنقــال ...
ضحكنــا جميــع وزادت الضحكــه يوم شفنــا أختــي وعـد تشدو برائعتهــا ... أنا مأدري متى بيفصلــون الثانــوي عـن المتـوسط بس ياخوفي مايحصــل الفصل ليــن تنتقــل وعـد لثانــوي ...
انقطعــت افكــاري بصـوت النشيــد الوطنــي ....
دايــم انســى نفسي وأهتف بالكلمــه الاخيــره بصوت مسمــوع (.. عاش الملك للعـالم والــوطـن ..) .. مشيت ورى ثانيــه علمــي اصلاً أنا ماني عنـدهم بس اخذتهــم انتظـار ,,أول مادخلـت عليهـم كانوا البنـات يصـرخون ومبسوطيـن بس كل شي اختفى يوم شافوني داخله ومعي دفتــر التحضـير والله أني كنت نايسـه بس على نفسها جنت براقش ,,كنت جايبه دفتـر التحضيــر عشان بحشـر درس ماني شارحـــه بس اللي صار غيــر رايي .... فقلت وقلبي يرقص من الفرحه بضيع مللي فيهــم ...
ضحــى :يالله اشوف مأبي أي دفتر ولاكتاب غير كتاب الرياضيـات ... تأففت شتـايم ولعنــات مكتـومه ووجيـه عابسـه ..كل هذا يسلينــي اللي يشوفه وجيهــم يقول جارتهـم لمنصـة الاعــدام ولا شايليــن همــوم الدنيا كلها على روسهم ,, ولدهشتــي مأدري كيف طلعت منــي ...
ضحــى :أذا كانت الدراسـه أكبر همومكــم فحمــدوا ربكــم لأنكــم ماشفتــوا من همــوم الدنيــا شي .... وبديت اشرح الدرس بضيقة خلق وعلى غير عادتـي خلصت الرس قبل مايدق الجــرس وطلعت اقف برى ...تذكــرت مره خرب فيهـا الجــرس وخلصت الحصه والبنات يقولون خلص الوقت وأنا ارد عليهــم براءه :أنتوا افهــم من الجــرس ..!!!
فأخذت حصــه زياده مأدري كيف حنيت عليهــم وطلعـت خخخخخ والله أني ظالمــه ...
حست جوالي اللي على الصامت الهزاز يهتـز بجيبـي طلعتــه شفتــه رقم غريب وطـويل مارديت عليــه ايه صح هذا اللي دق علــي قبل كم يوم العصــر طنشتــه ومـن على الدربزيــن كنت اشــوف الرايح والجاي بالطابق الارضي وجيـه باسمــه وعابسـه ووجيــه ماتدري وش تخبي وراهـا سعاده أوحــزن ادقق النظـر أحاول افهــم هذي وش تقــول لذيك مأفهــم شي بس أذا شفت احد يضحــك ابتســمت والله ارحــم الصـــم حالتهــم صعبــه استغفــر الله وصلت بسخــريتي لهــدرجــه ...
مضــى بقيت يومــي مثل أولــه ليــن جاء الطلــعه مأدري من ويــن جاتنــي الرحمــه ووصلــت خواتـي معي بدال مايركبــون باص المــدرســه ...قالت وعــد وهي تركب ...
وعـد :والله انك شقرديــه ...
نوف :ايه ضحـى اتهبليــن لاصـرتي طيبــه ...
صدقــوني كل هالمــدح وراه شــي ...قلت لهــم بمعنى كاشفه حركــاتهــم ..
ضحــى :جيبـوها من الآخـــر ...
وعــد :متأكــده بتسمعينهـا اللحيــن ... ترى قـويه شوي ...
ضحــى :بتقــولين والا اصكك بالشنطــه ...
نوف :تقـول بس لاتعصبيــن ...
وعد بسرعــه :افصلونــي يوميــن ... والله آخــر مرره ..
وكملــت بمحاوله فاشلــه للكـذب ترى أنا غبيــه ...
وعــد :ظلمــوني والله ظلــم اصلاً بنات النظام مايحبــوني ووالمراقبـات والمشرفات حتــى المديره ماتحبنــي اصلاً المدرســه كلهــا ماتحبنــي ...
نــوف :صح هم مايحبــونا ولاذيك المــره يحطــون العلك على كرسي أبله سمــر ويقولون وعــد اللي حاطتــه ...
قلت لكــم انا غبيــه مأفهـــم ..
ضحــى :يعنــي بتفهمـوني ان انتــم مالكــم يد بالمـوضوع ...
وعــد :هاه لاااا فهمتــي خطأ هــم قالوا لي بنحط العلك وانا حطيتــه بعـدين خونوا فينــي ...
ضحــى :فالحــه وتجيـن تشكـين أجل تستاهليـن مستعملينك مصخـــره وشماعــه لأخطائهــم ....
نـوف :اصلاً حنـا ماسوينـا كذا الا بميـزاجنــا ...
مليت مــن مناقرهــم حسـابهم عسير معــي بس مواللحيــن .. أول مانزلنا من السياره سمعت صرخة استنكار من شوق ...
شوق :لااااا مخالفة مـاء ....
هزيت راســي بأسف ياربي أنا من وين القاهــا ليش المصــايب الليوم تطايح علــى راسي من كل حــدب وصــوب هـذي الثانيــه
الله يستــر ياخـوفي يجنــي ثلاث والثالثـه ثابتــه على حد قولهــم ,,, بعــد الغداء جلست على مكتبــي بحضر درس بس شفتهـم يطالعـن فلم حلــو تابعتــه معهــم من علــى مكتبـي ... دق الجـرس ودقت أجـراس الخطــر بداخلــي ...
جلست مــده ثابتــه على نفس حـركتـي لين لقيت صوتــي ..
ضحــى :شهــد خوذي نوف ووعــد وشــدن وطلعــوا للمــخزن اللي بالسطــح وصكــوا الباب وراكــم ....
شفت نظرات الاستنكـار بعيونهـم بس نفذوا الاوامـــر ...
لأن الثلاثــه ذولا هــم والشدن اللي فيــه خطر عليـهم ...
لبست عبــاتي وطلعت بالحـوش ماسألت ميــن لافتحـت بااب الشارع وقفلتــه وراي شفت الرجــال ثنيــن ومعهمــم حـرمه ..
سألت بأستغــراب وش يبـون بعــد ذولا لايكــون ديانــه ...
ضحــى :خير ان شاءالله ...
رد واحــد من هــم :ماراح تقلطينــا ... نتكلــم بالشارع يعنــي ..
ضحــى :والله بيتنـا مو سبيـل ولاني مغفله بدخـل كل من دق بابي ...
سأل بطنـازه :وش اخبــار أم مبــارك .؟!!
ضحــى :وش لك فيهـا خلصوني وش تبــون ..؟!!
:نبــي بنتنــا ..
قلت له بسخــريه وأن حاســه أن وراه مصيبــه ..
ضحــى :ليه مدرسه ولاملجأ أيتـــام أي بنت هذي اللي تبــونهــا ...
ردت الحـرمه وعلى طــول عرفتهــا صوت العنـز هذي مستحيـل أنسـاه ...
يســرى :بنت اخــوي شدن ...
أيه اللحيـن فطنـوا ان لهــم بنت اخو ماني قايله وراهــم مصيبه بس بالمشمش اعطيـهم بنت عمتـي نجــوم القايله اقرب لهــم ...
ضحــى :اهــااا شدن بنت عمتــي المرحــومـه بس للأسف راحت عليكــم ...
الرجال اللي هــو صلاح عم شدن :وش راحـت عليكم ذي اخزي الشيطان وعطينــا البنت ...
ضحــى :أي بنت أنتوا بتبلــون علي بنت اخوكــم اخذها بنفس اليوم اللي سافر فيــه ...
يسرى :والله وطلع لك لسان ياضحــى وتعرفين تكذبيــن بعــد ...
علــى قولة ميشـو :
إذا نطق السفيه فلا تـُجبهُ = فخير ٌ مِن اجابته السكوتُ
فـــإن كلـّمتهُ فرّجتَ عنهُ = وإن خلـّيــتـَهُ كـــمداً يموتُ

ضحــى :بغيــتو شــي غير بنت أخوكــم ....
بيتكلــمون بس صوت باب الجيــران اللي انفتح سكتهــم ... كان منيــر وشكلــه توه اخذ علقــه يوم شاف اللي واقفيــن راح لويــن مأدري بس ناديتــه ..
ضحــى :على وين ان شاءالله ..
منيـر :ولامكــان ..
ضحــى :طيب تعال ..
مديت له المفتــاح فتح الباب ورجعه علي ودخــل وصك الباب...
صلاح : اللحيـن تعيـن علينـا وهالصعلـوك تدخلينــه ...
قلت بعصبيــه ماهـي غريبه علــي ...
ضحــى :عـن الغلط عــاد بعــدين ماتوقع حضـراتكــم بتنازلــون وتدخلـون مجلسنـا المتـواضع ...
شفت الثانــي اللي صاد عنـا يكــور يده وكأنه بيضـرب أحــد ...
لايكــون مستقــوي يتجــرأ يمد يده ويشـوف وش يصيــر ..
صلاح :أهــم شي ندخل لو بحــوش غنم ...
يتطنــز حضرته بــس مشيتهـا له ودخلت ودخـلوا وراي شفت نظــرة الحيـره بعيونهــم مايدرون ويـن يروحــون أشرت على المجلس ...وبسخــريه قلت ..


ضحــى:تفضلــوا للمجلــس بس لاتلومـونا اذا كـان وصخ لأنه لـه ست سنيــن مانفتح .. وشددت على الكلمــه الاخيــره ...
شفت الثاني مو صلاح تصـدقون للحيــن مادري من هــو لأن أبو شدن ماعنــده غيـر أخوين صلاح وصالح الله يرحمــه أجل ميـن هذا ..؟!!
معقــوله من عيال صلاح بس مأتوقع لأن صلاح تقريباً أكبــر عياله بالمتوسط بعمـر وعـد...
ايه المهــم شفته يفتح المزلاج حق الباب ويركله برجــله لين انفتــح وفتح النــور بس مأشتغــل هههههههههه كسحــه ...
يســرى :اوووووف وش هالحــر فيه مجلس مافيه مكيف ...
جلست غبــار ماغبــار طقــاق,,,وهم للحيــن واقفيـــن أكيــد اصحاب المقامات الرفيـعه مايبغــون ثيابهـــم توصخ قلت للعنــز الي الا اللحيــن تحتــري ردي عليــها ... قلت لهــا بروده تجمــد صيف مايـو ..
ضحــى :لاحبيبتــي اعذرينــا ماحطينــا مكيــف لا ماهـو هالتعبيــر اللي اقصده كنت اقصد بعنـا المكيــف اللي كان هنــا قبل خمس سنيــن وليه مارجعنـا نحط غيــره ,,,غيــر أن ماعنــدنا فلـوس ماعنــدنا الرجال اللي يفتــح مجلــس الرجال ...
يســرى :عاد يقولون الرجال مانقطعــت رجليهــم من بيتكــم ...
لاعاد هــذي تبغــى اللي وقفهـا عنــد حدهــا ..
ضحــى :للأسف للحيــن أعتبــر جدتــي كبيرة البيت أما لوكنـت أنا راعيتــه فماراح ارد عليــك الابالفعـــل واذا كنتي بتقـولين شــي فاقوليــه على بلاطــه بدون لف والدوران واذا ماكـان عنــدك الجـرأه فأحسل لك تسكتيــن يابـنت عمــي ... قلتها بطريقه مهينــه تذكــرها بأصلهــا وماطار طيرً وارتفع الاكمــا طارا وقــع ....
صلاح :ماكانت تقصــد شي واللحيــن أخلصي علينــا نبــي نشوف شـدن أبوي يبيهــا مرضان بالمستشفــى من شهـور ..
عســاه مايطلــع منــه وأنا شكــو رديت عليــه بأسف مصطنــع ..
ضحــى :اسفه يالطـويل العمــر بس قلت لك من البدايــه شدن ماهي عنــدنا واذا مأنت مصدق هـذا البيت قـدامكــم فتشــوه ...
كان بيتكلــم بس قطـعت كلامــه يوم ناديت بصـوت عالي اللي فتـح الباب ..
ضحــى :ميشـو هذي أنتــي ... ؟!!
الكــل سكت بس صــوت كعبــها وهي جايــه للمجلــس ..
وقفت عنــد الباب طلـت شافت المــوجوديـن وطلعـت ,,لاتستغـربون هــذي ميشـو ماتحـب تكلــم قدام الاغــراب موقصدهـا أهانـه لامنعاً للأحــراج ...
بس اللي استغــربته أنها مغطيـه وجها العاده لثــام ويخـب ...
يســرى :ماشاءالله أختــك تعرف الاصـول بقــوه ...
قلت لهـا بأستخفــاف ...
ضحـى :خليك مــن أختــي وربي عيالك أما خواتــي فأنا المسئوله عــن تربيتهــم وأحبهــم مثل ماهم واضن مافيــه أحـد هنا يستحق الاحتــرام تحتــرمه ...
جاء الرجل الصامــت هاجــم بس صلاحــوه فيه الخيــر قضبــه ...قلت برود متعمــدتها ...
ضحــى :زيـن بعــد أنك وقفتــه موعشـاني عشـانه هــو لأنك ماتعـرف اللي يمــد يده على بنــات مبـارك وش يصيــرله ...
شفت الغضب بعيــونه اللي ماطالع الاهــي لأنـه متلطــم ...
طنش صلاح كــلامي وعلق على أقتراحــي لهم أنهــم يفتشـون البيت ...
صلاح :لاتحسبين أنك لاقلتــي فتشـو البيت بتمشـي علينـا اللعبــه وأنـقول لاخـلاص صدقنــاك ...
مارديت قمــت واشرت لهــم يتفضلون معــي وعنـد باب الصاله قلت ...
ضحــى :لحظــه بشوف خواتي يدخلــون ...
زفنــي صلاح وهـو يقــول ...
صلاح :من زين خـواتك لاتخـافين ماحنـا ناظرين فيهن...
حـاولت اوقف بوجـهه بس ماقدرت وكلهــم دخلــوا ...
بس جمــدوا علــى حركتهــم دخلـت وراهــم وشفت التـوأم منسـدحيــن قدام التلفــزيون ومنيــر وهنــد وراهــم وشوق مدري ويــن طاســه ...
التفتت سارا براءه وهي تقــول :ضحـى راحـ .... وانبترت الجملــه يوم شافتهــم ...
أما اللي ماهـم ناظـرين بخـواتي ضاعـت علــومهــم يوم شافــو سمــر بشعـر اشقـر وعيـون عسليــه ...
مــنيــر بعصبيـه:برى وش قلة الحيــاء هذي ماتشــوفون بنات ...
ياحليلــه طلع رجــال وأرجــل منهــم بعــد ...
.. وطلعــوا عنــد الباب وخـواتي تناقزن يلبس عبيهــن
بعــدين قالت لهــم العنز ...
يســرى :خلاص خشــو ...
ودخلـــوا سألتني سارا..
سارا :وش يبون ذولا ضحــى لاتكـونين بتبيعين البيت ...
رديت عليهـا وأنا كنت ناويه أطنشـها بس لزوم رفعت الضغط ...
ضحــى :لاذولا مضيعيــن عنزهم وجايين يدورونهـا عنـدنا ...
سارا :حلــوووووه بس عيــد الاضحــى باقي عليــه كثيــر ...
مــلاك بغبـاء :يمكــن فاتحيــن سوق غنم بحارتنـا ..
شكلــهم ارتفـع الضغط عنــدهم وخاصه الرجل الصامـت اللي ماخلى خرم أبره فبيتـنا الا وفحصــه بعيــونه ..
صلاح :من وين نبـدأ ...
قلت لهــم وأنا أجلــس ..صح أن الوضع موعاجبنــي بس لازم اوضح لهــم أني واثقه من نفسي ...
ضحــى :البيت بكـبـره قدامكــم فتشـو فيـه وعلى أقل من مهلكــم ومنيــر بيروح معـكم ...
طلعــوا بس بقى الرجل الصامت يراقبنـا يخاف نهــرب أحــد ...
سارا ومــلاك رجعــوا يتابعــون بس أحتــرمن نفسهـن وأجلسن زيــن ..
بس بقت هنـد واقفـه جنبــي ...وسألتـنـي ...
هنــد :لاصدق وش يبــون وليش يفتشــون ..؟!!
اشوى طلـعت وحـده من خواتــي نبيهه وسألت مو مثل الغبيـات اللي حتى ماكلفن انفسـهن عناء السؤال ...
ضحــى :يقولون انهم أهــل شدن بنت عمتــي تذكــرينـها ولاأنتــي كنت صغيره ماتخبــرين .,..
هنــد :أي شدن أي بطيـخ مبسمـر..صدق أهــل العقـول براحــه ...
وجلست طبعـاً هي قالت هالكــلام بعد ماغمـزتهـا .. والخبــلات ذوليك لفن بالطــريقه تلفت الانتبــاه وشكــل الرجل الصامـت انتبـه عليهــن ...
بعــد ساعــه نزلـوا وسألهــم الرجل الصامــت أخيــراً تكلــم بس ليتــه مانطق لأن كلنـا فزعنــا من صوته الجهــور اللي يجمـد الدم بالعروق ...
لقيتــوها ..؟؟!!
صلاح :لاااااا ...
:وأخـرتها يعنــي ... وصــرخ بصوت مرعــب :بطلعــونها ولاأيــش ..؟!!
بس أنا ضحـــى الرياح العـواتي ماتحــركني ولاحتــي أعصـار توسنامي يهـزنــي ..
ضحــى :لاترفع صوتك علينــا اذا كنتو مضيعيــن بنتكــم لاتجــون ترمـون بلاويكــم علينـا وكلمــه زياده اتصــل على الشرطــه وتشـوف شغلهــا معكــم ...
:بتخــوفينـا بالشرطــه يعنـي أنا اللي بجيب لكــم الشرطـه واتهمكــم بالأختطــاف ...
ضحكــت وضحكــت لين ملنــي الضحك بعـدها قلت ..
ضحــى :احشـم نفسك وطلــع لأن مافيــه أحــد أكثـر مني يعـرف يتبـلى علـى النــاس مو بس بجيب لك الشرطــه وبس لاوالهيئــه بعــد ...
شكــله ماتحمــل كلامـي وهجم للمــره الثانيــه اليوم ...
صلاح :خلف لاتهــور ذولي بلاوي أمــش نطلـع وحنـا نعرف كيف نأخــذ بنت عساف منهــم ...
×××××××××××××××((2))
<<..مشــرده ..>>

ميشـــو
صحــوت علــى صوت رنيــن المنبــه ,,, ثلاثــة اصـوات أكـرها صوت منبــه الساعــة وصوت جــرس الفسحــه وصوت آخــريثيــر اشمئزازي لأستطيــع في حالتــي هذه اتذكــرماهــيتـه ,, حالتــي ناتجــه عن نــوم 13 ساعــه متواصلــه ربمــا تشعـر غيري بالراحـه أما بالنسبــه لي فهـي تسبب صداع مــزعج يكــاد يصيبنــي بالجنــون من فرط المــه ,,, لأعتــقد ان الحـديث بهـذه الامــور اهم بالنسبــه لي من زيارتــي الطارئــه لـ سوسو كم اشتقــت لهـا تلك الحمقــاء ... نهضت من فراشـي على عجلــه وفتحــت خـزانتـي ومن بين ملابســي اللتــي تختنق بهــا الخـزانه فمنهــا الفخــم باهض الثمــن ومنهــا التافــه باخس الثمــن .... اختــرت جنـزي الباهــت المشقـوق اسفـل الركبــه من كثـرة الاستعمـال وقميـص رمــادي بلا أكمــام وثبـت بنطالي بحــزام جلــدي لأعلــم ماســر اتسـاع ملابسي علــي بهـذه الصــوره ..!!! وشعــري الطـويل بالسـواده الفاحــم اللذي ادخلــت اليـه الكثيـر من الالــوان الامـر الذي يثيــر سخط الكثيـرين رفعتــه بعشــوائيـه على راســي فتبعثــرت كثير من خصلــه على وجهـي فرفعتهــا بشريطــه صفــراء ,,, حسنـاً ماذا تبقــى ..؟!! لأظهــر بمظهـر المتشرده أجـل حذائي الابيض الذي تغيـر لونــه وأصبـح يميــل الى الاصفـر و حقيبتــي المفظلــه بلونهـا الاحمــر الفـاقــع لبستهـا بطريقتهــا من اعلــى الرقبــه لتمـر على طــول الصدر ثــم تستقــر فــي الجنــب الاخــر تحت الخصــر ... لبسـت عبائتــي اللي تحمـل جميع الوان الطيف وطــرحتـي تلثمـتُ بهــا ...
أصبــحت جاهــزه ولاكــن ماذا عـن الخروج من المنزل.. فمـازلت غيـر قادره علـى خوض معـركه الخصــم بهـا ضحــى ..حسنـاً ماذا..؟!.. سأسلك مسلك الجبنـااء واتسلل للخــارج ... لم أعتقــد أن المهمــه ستتـم بهـذه السهــوله هأنا فالشـارع ولاكــن أيـن سفــر ....
ليس أمامي سوى الانتظار فرصيدي صفـر ولأستطيـع الاتصـال به .. أحسست بأنا شخص ما يراقبنــي لم أدير نظـري أليـه لأعرف من هــو فحدســي أخبــرني أنــهُ ذالك السـافل جابـر,,, لم اطلــق عليــه لقب سافل من دون سبب فهــو يعلــم أن شقيقتــي تهيـمُ بـهِ عشقاً وهـولايتـوانى عــن ملاحقتــي ... لم أكــن اقصد بشقيقتــي سارا بـل ملاك فلاتغـركم المظــاهر !!! ...
هاهـو سفــر صعــدت في خلف وبادرنــي بســؤالـه المعتـاد:ماما فيــن روح ...؟!
ثبت نظــري علــى الخـارج فهــذا الانسـان مأن يرانــي حتى لايزيح عينيـه عنــي كماأكــره ذلك ...أجبتــه مكرهه ..
ميشــو :أذهب بنـا ألــي منزل سعـاد وستحضـر لتأخذنــي بعـدها بالساعتيــن ...
هــز راســه علامـة الموافقــه .. وادر جهــازالتسجيـل ليصدح بصـوت فنانـي المفضل كاظــم الساهــر : اللي يريد الحــلو يصبـر على مـره ...
سبحـت بخيالاتــي ولم اصحــو الا علـى صوت سفــر القبيح ,,,هـل هو ثالثهــما ..؟!! .. لأعتقــد فصـوته لايثيـر اشمئزازي ويصيبنـي بالرعب كمـا ذالك الصــوت ... طوال جلوســي فالسيـاره لــم انفك عـن الدعاء بان لايجمعنــي القدرفي هـذه الزيـاره مع باشــه والدة سوسو أو خلف شقيقهــا ...نزلت من السياره بعــد أن أعدت التعليمـات علـى مسمع سفـر ذالك الابلــه كم أود لو انزل بحقيبتـي على راسـه حتى يفقد ذاكـرته..!! .. تسللت الا الداخــل وهنــاك لعنــت حظـي السيء فقــد رأيت باشــه تملــي تعليمـاتها علـى مدبرة المنــزل ولاكــن ياللهــول لم تشعـربي ركضت بخفــه الا السلــم وصعــدته حتـى اصبحت لاراهمـا ولاكــن من قال الحظ دئمــاً في صفي لاكــن ماذنب الحظ فاخطأ خطــأي أنا لأنــي لم ادعــو أن لأقابــل ريــم زوجـة خلف ولاكــن اليس الزوج والزوجـه شيء وأحــد حسنـاً فالمـره القادمـه لن أنســى أن ادعــي الا ارى صقــر ولأي من زوجاتــه ..
نظرت ألــي ريــم بعجـرفه وبعيــون تلـمـع بخبث :احــد يدري أنك هنـا .. يابنت أختشـي علـى دمك متى بتتركيــن عادات الحـراميـه هـذي عيب والله عيب ولامتشــرده مثلك وش عرفهـا بالعيب ...
الصمــت هـو شعــاري ألم يقــل الشافعــي
(إذا نطق السفيه فلا تـُجبهُ ** فخير ٌ مِن اجابته السكوتُ
فـــإن كلـّمتهُ فرّجتَ عنهُ ** وإن خلـّيــتـَهُ كـــمداً يموتُ)
دعهــم يقولوا مايريــدون لن أتنازل واخـوض معـهم بأحدايث عقيمــه .. رمتنــي بنظــرة أستطيــع أن اسميهــا قاتلــه ... واكملــت نزولـها لأسفـل واتخذت أنا طريقي المعاكس بالصعــود لأعلــى .. تعبــر هذه الحـركه ببســاطه عـن حيــاتنا فأنا دائمـاً اسعــى لصعــود لأعلــى وللأخــرين فـي هبــوط أراه سـريع للأسفـل ... أخيـراً وصلت لجنـاح سـوسو ... طرقت علـى بابهـا ولاكــن لامجيب أعدت الطرقات بصوت اكثــر ازعاج ونفــس الرد ...
صــوت أنفتـاح أحــد الابـواب ادرت رأسي لأرى خادمة سوسو تخرج من أحد الغرف ..
روزي :ماما سعـاد مافيــه رد كل نفــر مافيه يقدر يدخـل ...
حسناً لقد فهمــت هـي لاتعلــم من الطارق ,,, ربمــا لو اطلعتهـا على هــويتي ستفتــح لـي الباب ألست مغروره ..؟!! كــلا لأقصــد ذالك,,,فقصــدي أن اثيـر شفقتهـافتفتـح لــي مغارة علـي بابا ...
طرقت علـى الباب وقلت ...
ميشــو :سوسو افتحــي الباب هذا أنا ...
أعــدت الطرقات حتـى انفتح الباب ولاكــن ماهـذا الذي اراه بالاحــرى أنا لاأرى شــيء والسبب أن الظـلام مخيـم علــى الغـرفه .. تحسست الجدار أبحـث عن مفتاح النـور حتـى وقعت يدي علـيه فأدرتــه .. وضعت سـوسو يديهـا على عينيهـا وصرخت بــي ...
سوسو :صكــي النور ماني خلقك ميشــو ...
ميشـو :ولاكنــي اتيت لأحادثك لقد جازفت بالزيارتك ...
سوسو :ماشاءالله صح النــوم لك ست شهــور من تزوجت ماشفت رقعت وجهك وش تبيـن اللحيــن جايتنــي قولي كــم تبين ...
لقد تعـودت الاهانات فهــي لاتأثـر بي ولاكــن تمدني بقــوه خرافيــه ...أجبتهــا ...
ميشــو :في تلك الاشهـر لم تكونــي بحاجتــي أما الآن ...
سوسو :جايـه تشمتيــن الله يجزاك خيــر ...
ميشــو :انا اشمت بك كــم أنتـي مغفلــه هل أصبحتــي تصدقيـن أقوالهــم عزيزتـي أنا لست بحـاجه لك أم أصبحتــي تذيعين الكذبـه ثم تـكوني من مصدقيهــا ..
سوسو :وش مصلحتهــم يقولــون هـالكلام ...
لقــد مللت حديثهـا ومجادلتهـا فـوجدت نفسي أرد عليهــا بكملــات جميل بثينه ...
ميشـو: أتوهـا بقـولٍ لم أكـن لأقولـه ... وكلّهـم حـرف عليّ ظلـوم
بقولٍ جزيت النـار إن كنت قلته ... وكلّ جـزاء الظالميـن أليـم
أخــذت تتطلــع بي ووقفـت كثيراً عنــد عينـاي ثم قالت بألم ..
سوسو :ميشــو أنا آسفــه صدقينــي متوتره مأعـرف وش اقــولك ...
ميشــو :حسناً ياعزيــزتي لم أطلب أن تقــولي شي سوى أنكِ تصــدقنـي ...
ســوسو :ميشو انتي تدرين قد ايش اصدقك بــس ...
ميشــو:لاكــن ماذا أحمـــد...
أجــل أعلــم أن دائهـا أحمــد لاكــن كم تستمــرعلى ماهــي عليــه
تبكــي على الاطــلال وعلــى قصة الحب المــرحومه ... يجب أن أخرجهــا من الظــلام الذي تتخبــط به ... صـرخت بهــا لاا أستحمــل أن اراهـا بهــذا الضعف ...
ميشــو :سعــاد الحيــاه لم تتــوقف عنــد ترك أحمــد لك ,,ِ افيقــي من غيبــوبتك أنظــري لناس من حــولك لقــد أصبحتــي فاكهــة مجـالسهــم ...

سوسو بألم :ميشــو انتـي ماتحسيــن باللي أحســه به أنتي ماقضيتــي خمس سنــوات من عمــرك تحبيــن ,,, صمـتت لثـواني ثم أردفت من بيــن دمـوعها :ميشــو تعرفيـن وش معنـى أحمــد طلقنــي ...
أجبتهــا ...
ميشــو :أجل ياعزيـزتي أعلــم معنـاها أنكي ستعــودين سعــاد القـويه كماعهــدتك ...
ســوسو :لا ميشـــووو مأقــدر مستحيــل ...
رفعت رأسهــا بأناملــي لأنظــر لعينــاها الباكيــه :بلى ياعزيزتـي تستطعيــن ,,, الم تسمعــي بقول الشافعــي :


إذا الـــمـــرء ُ لا يـــــرعاك إلاّ تكلفا = فـــدعـــه ولا تــكــثــــر عـــلـيه التأسفا
ففي الناس أبدال ٌ وفي الـترك راحة ٌ= وفـــي القـــلــب صبر ٌ للحبيب ولو جفا
فـــمــا كُـــلّ مـن تهواه ُ يهواك قلبه = ولا كــــلّ مــا صــافــيـتــه لـك قد صفا
إذا لـــم يــكـن صــفـوُ الـوداد طبيعة ً= فـــلا خــيـــر فـــي خـــل ٍّ يــــجيُ تكلفا
ولا خــيــر فــي خــل ّ ٍ يخون خليله = ويــلـقــاه مــن بــعـد الــمـــودة بالـجفا
ويــنــكر عــيــشـا قـــد تقادم عهده = ويـُــظـهــر سِـــرّا ً كان بالأمس قد خفا

مــع أنــي لأمـؤمن بخــرافة الحــب ولاكــن أجــد قول الشافعــي مجــزي لمـوقفك هـل تشاطرينــي الرأي ...؟!!!
صمـــت سعـــاد اقلقنـــي فسألتهــا ..
ميشــو :أما زلتـــي تريــديه ... ازداد صمتهـا حتى نحيبهــا أختفـــي ...
رفعــت وجهـها ألـي وقد ارتســم على شفتيهـا شبه ابتسـامه ...
ســوسو :صدق الشافعــي ولي باعنــي بالرخيص بالتراب ابيعــه ...
ضممتها الاصدري وأنا اغمـزها بقــولي ...
ميشــو :صدق قائل مثلك العامــي ....
سألتهـا ومازلنـا على وضعيتنــا ..
ميشــو :اترغبيــن بالانتقــام منــه لتريحــي قلبك ..
نظــرة لي بأحد نظراتهـا البريئــه
ســوسو :أيـه بس يرجــع لي ...
تركتهـا فوضعـت راسهـا على ركبتـي ...
ميشــو :كلا ياعزيزتــي الانتقـام معناه أنــه لن يعـود لك الى الأبــد ولاكـن بنفـس الوقت لن يهنـيء بحيـاته ولن يستطيـع الزواج مــن بعــدك ...
رجعــت للبكــاء ,,سألتهـا ..
ميشـو :مارأيك ...
سوسو :مـ ,,ـوافقـ,,ـه بس اشـوفه يبكــي مثل مأنا أبكــي ..
ميشــو :لاتقلقــي سنجعله يعض اصابــع النـدم لتفـريطـه بك وعينيـه تريق مائها بلاتوقف ...
سوسو :ميشـو أنا احبـه بالصدق ليش لعـب بمشــاعري وقال أنه يحبنــي ميشــو مامر يوم مكان يقولي أنــه يحبنــي عيشـني بالدنيـا ثانيــه وفجأه يجينــي يطلقنـي والسبب مافيه سبب مقنــع ...
ميشــو :ســوسو متــى ستتخليـن عن نظراتك الرومنطيقيـه ,,, الرجال لايمكــن أن تثقــي بهــم فهــم ذئاب الم أخبــرك الا تثقـي بهــم ... ولكــي ابرهـن لها صدق نظــريتي أخرجت جهـازي المحمــول من حقيبتــي وفتحته لأسمعهـا أحد المحادثات المسجلــه لدي بصوت أحــد صديقاتنا والطـرف الاخـر زوج صديقــه أخــرى لنا... رأيــة الدهشــه علـى وجــه سعــاد ليحـل محلـه التسليــه لأعــلم ماذا يدور براسهـا الصغيـر ولاكان بالتأكيد فكـره من افكـارها الساذجــه ...
سوسو :ش رايك نلعب علــى أخـوي خلف ...
الم أخبــركم ...
ميشــو : أعتقـدت أنك بعــد زواجك تخلصتــي من أفكــارك الصبيـانيه
...
رأيت منظــر الالم علــى وجهـها الأمــر الذي لم أتحملــه فسألتها بجديــه أن تملــيني الرقــم ...
سـوسو :وش بتســوين ...
ميشــو :اعطيني هاتفك ...
وبعــد أن حصلت عليــه اتصلت علــى أحدى صديقـاتنا وشرحـت لها المـوضوع وطلبـت منها ان تجــري الاتصـال الآن وترسل الي المكـالمه مسجلــه بعد الفراغ منها...
سألتهــا بمكـــر ...
ميشــو :الا يـوجد لديك ماتضيفي به زائريك ...
سـوسو :لاحبيبتــي ماعنـدي أنا بخيلــه ...
ميشــو :ياللأسف ألست ِمن أحفـاد حاتــم ... ستصيبــه الخيبــه لو علــم بأمــرك ...
رمقتنــي بنظــرة استســلام ورفعــة سماعــة الهـاتف لتطلــب ماتضيفنــي به وبكــرم شديد ...
نصف ساعــه مــرت قبل أن تصلنـا المكــالمه المسجلــه من ريــدا
كنـا نستمــع للمكـالمـه حين سمعـت صـوت الباب ينفتــح وشخص ما يدخــل لم أكلــف نفسي لأعــرف من هــو ..؟!! فقـد جزمت بأنهـا الخادمــه وأنتهــى الامــر ...
ولاكــن وياللهــول سمعت صوت ريم الغاضب...
ريم: وش هــذا سعــاد ..؟؟!
رأيت الرعب كيف كسى مــلامح سعــاد فالشقيقهــا خلف مصــدر رعــب لهـا وبالتأكيــد تلك الخبيثــه ريم ستستغـل الموقف ...
جذبت الجهـاز من يد سوسو واغلقــته ورميتـــه في حقيبتــي ..ارينـا أيت الواشيــه كيف ستقنعيــن ذالك المتعجــرف بدون دليــل ... رأيت الغضب في عينيهـا لاكــن لم اهتــم ولو احــرقت نار غضبهــا الغرفـه بأكملهــا ... صرخت بي ...
ريــم :عطينــي الجـوال أنا عارفـه أن كل شي من تحت راسك أحسن لك تعطينيــه وتفكيــن عمرك لأن خلف لو درى عنك ماراح يرحمــك ...
لم أرد كعادتــي وبدأت بارتــدأ عبـأتي لأخــرج ..
ريم :والله ماراح تطلعيــن لين تعطينــي اللي معك ...
سعــاد بخــوف :ريم فكينـا من شرك وأنقلعــي وخلف بلاويــه كل الناس عارفتهـا ماوقفت علــى هذي ...
ريم :طيب طيب كــل هالكــلام عنــد خلف ...
لم أتحمــل الصمت أكثــر ..فحدثتهـا بسخريه ...
ميشــو:هل أخبــرك عقلك المريض بأن ذالك المتعجــرف زوجك يخيفنــي كلا ياعزيزتــي هــو بعبع فقط لك
.. وخرجت من الغرفــه وسط دهشتهــا ...
وخــرجت من المنزل ومحيطــه بكل سهــوله تبقى علــى وصول سفــر الكثيــرمن الوقــت ماذا أفعــل ...؟!!

[..الحلقــه الخامســه ..]

((1))
<<..تـابع متشـــرده..>>


ميشـــو

خرجــت من المنــزل وأنا لأعــرف لأي بقعــه أسيـر..؟!! بدأت أسير على الرصيف وأعــود بذكــرياتي لماحدث ظهيـرة أمـس حينمــا كنت عائده من الجامعة استغــربت فتـح مجلسنــا المغلق منــذ دهـراً من الزمـــن سمعت تساؤل ضحــى إذا ماكنت أنا من دخـــل ..؟! لما أجبهــا بل اتجهت إلى المجلــس لأعلــم مالذي جعلنــي أغطي وجهـي بأكملـــه ولاكنه من سعــد حظــي لأنـــي على باب المجلس اصطــدمت بوجــود عــدد من الرجــال وكــم دهشــت حينمــا رأيت من بينهــم خلف شقيق سوسو شكــرت ربـــي الذي نجـــاني من مــوقف لم أكــن سأنجــو منــه فلاأحــد من منــزل سعـاد يعــرف شخصيتــي الحقيقة فأنا بالنسبة لهم لست ســوى المتشــرده صديقــة سعــاد والمستغــله الأولى لكــرمهــا فهــم لايكلفون أنفسهــم عناء معـرفة جوهــر الشخص بل يكتفـون بالمظهــر لتصنيف ,,, حينمــا عدت لرشــدي كنت قد ابتعــدت كثيراً عــن منزل سعـاد أوقفت سيارة أجــره وصعــدت أليهــا ,,,وصلت إلى المنزل في السابعــه أنــه وقت مبكــر لأعــود به إلى المنــزل فعادةً لأعــود قبل الثالثــه صباحاً ...
فتحــت باب الشارع ليصلنــي أصوات شقيقاتــي ومنيــر أبن الجيــران يلعبــون الكــرة...
توقفــوا عنــد رؤيتــي وانطلقت من شقيقاتي صيحــات الاستهجــان ....
سارا :أحلى حركات ميشو فالبيت ...
ملاك :ميشوو ياميشـووو نسينـا شكلك يابنت اشتقنــا لك ...
وعـد :ميشوووو صايره دب وش تاكليــن برى ياخطيــره ...
لم أكلف نفسي الرد علــي أي من تلك الاسئله فقد جاء دوري لأسأل ....
ميشــو :أين الآخرين ..؟!!
سارا :جوا وش تبيــن فيهــم مانكفيك حنــا تعالي ألعبــي معنـا ...
ميشــو :شكـراً للطفــك ولاكنــي لاستسيغ هذه أللعبه ...
مــلاك :ولمــاذا يابنت العرب ...
كــم أكــرهـهم إذا سخــروا من طريقتــي فالكــلام ...
تركتهــم خلفي يلعبــون لعبتهــم ألمفضله وولجــت أنا لـداخــل لأرى لعبتــي المفضلة ... فصحـت بصوت عالي : روبي روبــي أيـن أنتــي ياروبــي ..؟!!
صوت رنيــن جهـازي النقــال أوقفنــي عن البحــث ...
رفعتــه ليصلنــي صوت سوسو المليء بالحمــاس ...
سوسو :ميشووووو فاتك ماصدقهــا ميشو فشلها خلف فشــل ريمــووووووووووووه ...
كــم هي غبيــه هــل هذا مأسعــدها حقاَ غبيــه فالريــم لن ترضى بالهزيمـــه ... فذكــرتها بذالك ...
ميشــو :وهل تجدين الامــر رائـع ...
سـوسو :أكيـــد اقولك ماصدقهـا لو تشــوفين كيف صار وجهـها ..
ميشــو :هذا ماسيدفعهـا للأنتقــام ...
كان قد أختفى المــرح من صوتهـا حينمــا قالت ...
سوسو :ماحسبتهـا كذا .... ميشــو ياويلي طحـت بشر أعمـالي ...
أجبتهــا بالثقــه ...
ميشـو :لاتجعلي هـذه الامــور تقلقك فتلك المخلــوقه المغروره لن تستيطــع مهما حاولت أن تصــل لنصف دهائي ....
سوسو:ياشيـــن الغرورو أنا اللي بأكلهــا أما أنتي متوزيه فبيتكــم ماشين ضارك ...
ميشــو:لايدعــى غرور أنمــا ثقـه ... ودعيك من هذه الاحاديث امثيره للضجــر اخبرينـي هل ستأتيــن للشقتنــا حيث تقـام الحفلــه هذا المســاء ...
سـوسو :بحــاول أشوف مالك اذا رضى يوصلنــي ...
صحـت بهــا ..
ميشــو:مالك كــلاااااا ...
صوت ضحــك سوسو المحمــوم اثار غضبــي ...
سوسو :يابنتــي خليكــي فررررري متى بتتركيــن هالاخلاقيــات عنــك شو في كــل البنــات عنــدهم عادي الا أنتي عشان كـذا هــو طالع عليك ...
غبيــه حمقــاء تافــهه ماذا ايضاَ أود قتلهــا هي وشقيقهـا ذالك السخيف الابلــه ... أجبتهــا بحنق ...
ميشــو:للمــره المليــون بعـد الالف أخبــرك أني لست من ذالك الصنف واذا كانت لديك الرغبــه بصحبــه مسليــه اذهبــي لشقة دينـا فهــي لن تتردد فأستقبالك وأستقبال شقيقك ...
سوسو :افاااا ميشو وأهــون عليك أصلاً أنا امزح مـعك يالله بااااااي ...
حينمــا انتهيت من مكالمتــي كانت روبــي تحت قداماي حملتهـا وصعــدت الى اعلــى ...
أخــذت دش ساخــن لكــي أستعيــد قواي المنهكــه ومازال الصـداع يسبب لــي وطنيــن مزعج ... خرجــت من الحمــام وأن الف المنشفـه حول جسمــي بحثـت عن ماينــاسب حفلــة الليلــه لتأخذكــم أفكــاركــم بعـيداً فأنا لأشجــع الحفــلات المختلطـه حفلتــي من نــوع أخــر ...
لم تعجبنــي أي من الفسـاتيـن أو البدلات المعلقـه في خزنتــي التـي أكثرهات هبـات وهـدايا لأني حتــى لو عشت ضعف عمـري عشـر مرات لن أمـلك مايتيح لــي شرائهــا ... بحثت عــن شي غريب يناسب شخصيتـــي المزاجيــه ولاكــن لم أجد شــيء مناسب ففكــرت أن اظهـر بمظهـر متواضع جداً فأختــرت بنطال أبيض طويــل وبدي مقلــم بلـون شمــاغ رجالي ... ..
مـاذا عـن الميك آب ..؟!!!
لأحتـاج الكثير فقط عــدسات لاصقـه تخفف من لون عينـاي الفـاتح وبعض النقوش على الوجــه والرقبـه .... بدأت بطلـي أظافري يدي وقدمــي بالون الاحمــر وبدأت بأرتداء ملابســي .. أصبحــت جاهــزه في الثامنــه ارتـديت عبائتــي على عجــل وخرجــت من الغرفــه لأصطـدم بضحــى الخـارجـه من غرفة جدتــي ... بادرت بالحديـث ...
ضحــى :ماشاءالله تنازلتــي ورجعتــي للبيـت علـى وين ان شاءالله ...
قلت بعــد مبالاه ...
ميشـو :كم أمقت معاملتك لي وكأني طفله بالثالـثه من عمــرها عزيزتي الفرق بينـنا عاميــن فلاتلعبـي معي دور الراشــده ...
ضحــى :انا مألعب معك أي دور هـذا ذنبـي عشان خايفه على سمعتك بعــدين كـل اللي اسويه هذا عشــان ميـن ...
ميشـو :انا أقدر ماتفعليــه من أجــل الجميـع ولاكـن لست مجبـره على تقبلــه والآن اعذرينــي لدي موعــد مهـم ...
رأيت نظــرات الشك في عينيهــا ...
ميشــو :حمقاء لو فكــرتي بأن هـذا المــوعد مع رجــل ...
ضحـــى :من حقي أشك ولاكــل السمـرمد اللي معك ماعنـدهم حركات زي كـذا ...
ميشــو :هل ساتصيبك الخيبـه لو قلت نعــم ...!! .. ولاكـن هذه الصدقات مع الجنـس الاخـر لامفــر منهـا فنحـن في جيــل منفتــح ... أما بالنسبـه لي فالفكـره غيـر وارده هــل أطمئــن قلبك ....
اشفق عليهــا حمـلهـا الزمــن اكثــر من طاقتهــا والمجتمــع الظالـم حملهــا الكثيــر في الحافظ علــى سمعــه نظيفــه ولامجال لنظافتهـا فيكفــي أن نكــون بنات مبــارك لنصبــح ملوثات بحــديث النــاس ... وتغيب الحقيقــه عـن أفكــارهم فقط حكمــوا ورفــع القلم لامجــال لتـرفع لامجــال لدفاع عــن الشــرف ....
اسخــر اضحك أبكــي على ظلــم مجتمعي الجائر ....
نحــن ضحايا المجتمـــع ...
كـلااا المجتمع من سيصبح ضحيتنــا ...
وصلت الــى شقــتــي لأبـدأ بتجهيــز لحفلــه صبـاحيــه ....
تبــدأ حينمــا تعــود الطيـور لأعشـاشهـا وتنتهــي مع تغــاريد صحـوتها ...
ساعـدني بالترتيب ثلاث عامــلات احضـرتهن ريــدا
في تمــام الثانيــه عشــر أبتدأت حفلتنـا مبكــره قليلاً ولاكــن تاخيــر سوسو أصابنــي بالقلق ماذا لـو أحضــرت شقيقهــا ...
كـان صوت المــوسيقى الصاخــب يزيــد من حدت صداعــي جلست بأحد الزوايا حيـث لايرانــي أحد وارى الجميــع ثلاثون فتــاة تتراوح اعمـارهم من العشرون فمـافـوق ..... لم أشعــر بالريـدا التــي كانت تجلس بجـانبي الا حينما صاحــت بصوت عالي للأتمكــن من سماعهـا وسط هــذه الضجــه
ريـدا:بنبدأ الرقص ...
رفضت العرض قائلــه...
ميشــو:كــلا بعــد العشــاء ...
ريــدا :حنا وين والعشــاء ويــن قومـي بس ورينــا كيف اللعــب ...
لم أصــر بالرفض فحمــى الرقص تجــري بالدمـــي رقصت وقلبي من أفكــاري التعيســه ينزف دماً أعــذب نفسي بهــذه الحفــلات التي يصبح فيــه الفرق الطبقـي واضحـاً فأنا لن أكــون هنـا لولا حاجـتهم لي هــم من هنــاك جأوا من أعلــى لينزلــوا لأسفل وأنا بمباركتهــم صعدت السلـــم لألتقـــي بهــم أكــره كل من هنــا أكتفيت بهــذا العذاب أنسحبــت لأدخـل أحد الغرف اقفلت بابهــا خلفي ورمـيت بجســدي علــى السرير لينخفض تحــت ثقــل ... أي ثقــل ذالك ..؟!!! فلست ســوى طائر نتف ريشــه الزمــن ... وسيأتي اليــوم الذي سينتف فيـه الطائر ريــش الزمــن .... فتحـت عينـاي على صوت طرقات عاليــه على الباب فتحتــه لأجــد وجـه سوسو البشوش يستقبلنــي ...
سوسو :وش بك حبــي تعبانــه ...
رمقتهـا بنظرت الفارس الذي لم يذق طعــم الهزيمـه ...
ميشــو:كــلا عزيزتـي لست من يهـزمنــي التعب فهـو أحد ضحـاياي ...
رأيت التردد في عينيهــا ... ولأسهـل عليهـا الوضـع ...
ميشــو :تحدثي ليــس بيدي السيف الذي سأقتلع بهـا رأسك عن جسدك ....
سوسو :بقولهـا لك على بلاطــه مالك مصــر يطلــع بعــد الحفله هنــا ....
ميشــو:جيد أنك حذرتنــي ..
سوسو :بس ميشو أرجــوك اسمعينــي مالك بيفضحنــي بيخبــر أمــي عن حفلات دينـا اللي أحضــرها ...
ميشــو :والمطلــوب منــي أن احميــك كلا ياجميلتــي أنتي من يجب عليك الوقــوف بوجــهه ... ومازحتهــا وأنا خارجــه ...
ميشــو :الم اخبــرك بأنك جميلــه هذه الليلــه ....
لحقت بــي ومنظــر الأحبـاط في عينيهــا يألمنــي ولاكــن مللت التضحيــه من أجــل الآخــرين ...
أنتهــت حفلتنــا في الرابــعه صباحاً لم يبقى الا اصحاب الشقـه ريدا سوسو دينـا مياده وكـراميل (كريمــه )
دخلت الغرفـه حيث تـوجد عبائتي وحقيبتــي ... ولاكـن فات الاوان فقد سمـعت صوت مالك فالخــارج ... لبستهـاعلى عجــل لن تخذلنـي شجاعتــي في مواجهـة ذالك الفاجــر ...
×××××××××××××××××××××

((2))
<<.. الحــ ,, ــب ..>>

ســارا
مــرت 3 ساعـات علــى الوقت اللي دخلت علينـا فيـه ميشــو وأنا اللحيــن جالســه لحـالي مأدري ليش حاســه بملل أحبـاط وخـوف بدون سبب وجيــه يمكـن حاستي السادسـه والله ماني فاهمــه حاجــه من المكتــوب رميت الكــتاب اللي عطنتيــه ميشــو هـديه قبل شهـر عشان ارتقي بلغتــي والله ماعنـدهـم ماعنـد جدتي ولا الغبي هــذا جميـل يحب وحـده متزوجــه ولا اهلهـا المتخلفين يزوجونهـا واحـد ماتبيــه ويـن عايشين حنــا ... سمعت ضحـى تسألنـي يوم شافتنـي أكلــم نفسي ...
ضحــى :وش فيك ماني ناقصـه مجانين بعد ...
قلت لهـا مطنشـه طنازتهـا اصلاً هــي لو ماتطنزت ماتكــون ضحــى مأدري من ايش مخلوقه ...
ضحــى :مخلوقه من لحــم والدم ...
اخخخخ شكلي قلت سؤالي بصوت عالي ...
قلت أجاوب سؤالها اللي قبل ....
سارا :مقهــوره ليش مازوجـوا جميل بثينـا ...
ناظرتنــي بذهــول ونزلت نظارتهـا وسألتنــي ...
ضحــى :ليش مازوجـوا جميل و بثينه هـذا اللي شاغـل بالك ... اللحيـن هذا سؤال أنتي وجهــك ...
صدق مالت علــي ولاهذي وحــده احـد يناقش معهـا قصص الحــب .. سكت شوي بعـدني رجعت أسألهــا ..
سارا:ضحــى صدق عاد اللحيــن فيه ناس صدق تحـب بعض ويتزوجــون ...
سمـعت مــلاك تقــول ...
ملاك :لا البنت جنت علينـا والله ماسوى فيك خيــرقيس يوم طقك ... ياشطــوره انتي ياماما لاعاد تابعي أفلام هنــديه قال ايش قالت تحــب ... صدق بزرنــه ..
حست برعشــه من داخلــي يوم سمـعت اسمــه اكـرهه هالأنســان أكــرهه ...
تأففت ياربي وش هالملل طرت علــي فكره ليش مانسـوي حفله بمنـاسبة سلامــة شدونــي الحمـدالله مأخذوهـا والله بنفتقدهـا ..
قلت الاقتـراح اللي لاقــى من الجميــع قبول طبعاً حنا طبقة المهبــل .. طلعنـا فالحــوش على ضوء القمــر .. أي قمـر وحنا ب25 من الشهـر صايره شاعريه بالزياده هاليوميــن ...
جلسنـا نطق بديــة انا بأغنيــة عبد المجيـد (قمــر) ..
وبنص الاغنيــه ..
ملاك :وعععععععع وش هالصوت وش فيك سارا صوتك صاير نشـاز ...
قلت لهـا بقهـر ..
سارا :ياشين الغيــره انا اللحيـن صار صوتي نشـاز ...
مــلاك :ماجبت شــي من عنــدي سجلــي صوتك وأسمعيــه والله تغربيــن قبيلــه ...
أنقهــرت منهـا صوتي هـو الشي الوحــيد اللي واثقــه منـه تجـي هذي تكســر مجاديفــي بس هيــن أوريهـا ...
سارا :اجل أنا بروح أنام بدري عشـان يطلع صوت حلــو ...
مــلاك :لاياشيخـه وتتركينـي لحالي ...
قلت اقهــرها واذلهـا ...
سارا :ياحبيبتــي وش فيك تروعتي زمن الاشبـاح خلاص ولــى ...
نــواف :ياربي منكــم اللحيــن انتوا بتهاوشون وتخــربون حفلنــا ...
قلت له بمـلل ..
سارا :اصلاً هو خربان من بدايتــه ودخلت البيت .. اووووووف وش هالمــلل ..
دخلنـا البيت وكــلً مو طايق الثانــي تونا جالسين نزلـت هنــد من فوق كنها صروخ ورمـت المنشفـه اللي لافـه فيها شعــرها على الارض وضربت رجلها على الارض بقــوه وصرخت بجنـون ...
هنــد :وتاليتهـا يعنــي أنا خلاص مليت حتى شامبــو مافيــه قولوا لي وش اســوي ...خلاص مليت يارب اموت وأرتاح من هالعيشــه ..
ضحـى بالصــرخه :شيلي المنشفــه عن الارض وأنقلعــي عن وجهي موعاجبتك العيشــه هذي الباب يوســع جمــل تراني ماني مكلفــه فيك روحي دوري أبوك اللي رماكــم عالـــه علي وحاسبيـــه أما فهــذا البيت تعيشيــن بالموجــود وبدون نقــاش ...
هنــد بالصيـاح :اصلاً أنا اكــرهك وأكـره أبوي وأمي وجدتي وكــل الدنيـا ...
وطلعت تركــض فوق بالنفس القوه اللي نزلت فيهــا ...
ياحليلهـا ولا ياليت تمــوت وترتاح من طلعت على هالدنيــا وهذي دعوتي بــس ماتحققت اصلاًهذا قدرنــا نعيش فالدنيـا معذبيــن ...
شفت ضحــى تجمع اوراقهـا وتحطها بالدوسيــه يوم خلصت نادت شدن تطلــع معها ينامــون ...
ولحقنها خواتي الوحــده ورى ثانيــه لين بقينـا أنا ومــلاك وجهينـا بوجيـه بعض ...
سألتني ملاك بشكـل مفاجيء ...
ملاك :كم مره فاليوم تدعيــن على نفسك بالمــوت ...
سارا :حد أدنى ثلاث مــرات ...
قالت مــلاك بالدهشــه ...
ملاك:اجل قيس كم مره تدعيــن عليــه ...
هذي ماعلى لسانها اليــوم غيـر هالقيس ...
سارا :كثيرررررررر لاتعـد ولاتحصى اكثر من شربي للمـاء ...
×××××××××××××××××((3))
((..مستشـفى الحكــومــه ..))


ضحــى


حاولت أنام بــس مو قادره صايبنـي ارق فضيــع نزلت من السرير وفتحــت دريشتــي تذكــرت شي جدتـي مامريت عليها قبل مأجـــي عشـان أنام .. توني بطلــع سمعت صـوت شدن تأن ...
قربت منها ..
ضحــى :شدن حبيبتــي فيك شــي ..
شدن :ماما بطنـــي آآآآآآآآآآآآآآآآى بطنــي ...
لمست جبينهـا كان حار مــره ياربــي وش اســـوي ...
ضحــى :شدن كيف يوجعك مره قوووه ...
شدن :ماما بمــوت آآآآآآآآآآي ...
لبست عبــاتي على عجلـــه وشلتهـا ونزلت فيهـا تحــت ..
شفت سارا ومــلاك جالسيــن على التلفزيــون ...
مــلاك بالصرخه :وش فيها ...
قلت لها بالسـرعه ..
ضحــى :مأدري وش فيها تقــول بطنهـا أن بوديها للمستشفى انتبهـوا أنتو على البيت .,...
صرخـت ملاك :انا بجــي معك وخذت عباتها من على الشمـاعه وطلعنـا نركض ... مشينــا مسافــه طويله على بال ماوصلنا لشـارع العام ولقينــا سيارة أجــره نوقفهــا ...
الهواجــس بتذبحنـي ياويلي لوصـار بالشدن شي ماراح اسـامح نفســي ,,, يارب أرحمهــامن الالم يارب كانت تتلــوى بين يدي وتصــرخ وحرارتهــا مره مرتفــعه ...
وصلنا للستشفــى على وجــه الفجــر ...
كانت الطواريء مزدحمــه جلسنا بالاستراحـه ننتظـر دورنا بالفحــص وصوت أنات شدن معذبنـــي وبعــد ساعتيــن تنازل الدكتــور وفحصهــا ...
الدكتــور :دي الزائــده الدوديــه وقعــوا على الورق هذا عشـان نعمل العمليــه ...
هذا يستهبــل علينـا وش عرفه أنها الزايــده ..صرخت فيــه ..
ضحــى :على كيفك زايــده بس عشان الاعراض يمكـن يكــون تسمم أو حتى مغص عــادي ...
الدكتــور :تسمم طيب نعمل لها غسيل معــده ...
لا هــذا اللي بيجننــي هذا كيف حطــوه دكتور يارب وش اسوي بعمــري يارب ... ماقدرت أمسك اعصابي كنت اشوي وضربه ...
ملاك :انت يامتخلف كيف وظفــوك هنا ياغبــي سو لها تحاليل أشعه عشــان تعرف وش سبب هالمغص ...
الدكتـور بقهــر :أنت حتعلمينــي أزي أشتغل ... حتوقعـوا الاوراق عشـان نعمل لها العمليــه أو تطلــعوا عشـان العيــان اللي بعــدكم ...
مـلاك بالصــراخ:يمل العيــاء اللي يصيبك ياامل الماحـي أن شاءالله مالت عليكــم هذا مستشفى هــذا ...
حسيت الناس تجمــع علينا والموظفين السعـوديين والاجانب والمــرضى ...
واحـد من الموظفيــن :وش فيه اختي ..؟!!
ملاك بقهــر :خوت روحك أن شاءالله ماني أخت أحــد ... ضحــى امشي نطلع منها لأحــرق بمستشفــاهم ...قال مستشــفى حكـومي قال الا مجــزره ..
جانا دكتــور سعــودي مأدري من ويـن طلــع واخذ شدن اللي كانت تصــرخ من الالم من بين يدي وتوجه فيها لغرفـه ثانيــه وجلس يفحصهــا وبعد التحاليل والاشعــه اللي جلست ساعتيــن ...
قالنا الدكتــور :نزلـه معـويه ...
ملاك بقهــر :زايــده هاه زايــده ... وبطرفة عيــن قفزت من مكـانها وطلعت من الغرفـه والله اللي بتفضحنـا هذي ...
لحقتهــا ومسكتها مع طرف عبايتهــا ..
ضحــى :تعالي أنتي وين رايحه ...
ملاك :بروح أوريه كيف يسوي شغله عدل هذا يحسب ارواح الناس لعبـــه بدينــه ...
ضحـى :امشي بس مايكفي الفضيحه اللي سويتيها قبل شــوي ..
رجعنـا لغرفة الدكتــور اللي اعتذر منا على اللي سواه الدكتور المصري ....


وحنا طالعيـن صرفنا علاج شدن من صيدلية المستشفى بس مالقينا الا واحــده من العلاجات الاربعــه فضطرينا نشتري الباقي من صيدليه ثانيــه ..
وصلنا البيت على الساعــه ثمان وشدن نايمــه على كتفــي بعـد مأخذت المسكــن طلعتها فوق سدحتها على سريرها غمضت عيـــوني بس ورحت لعــالم ثاني ...
×××××××××××××××××××
((4))
<<.. اعـراقنـا مختلــفه ..>>

مـــلاك

مفاجئــه صدمــه لي أخيــراً واحــد من احلامــي تحقق ماني مصدقـه دايم الحظ السيء حليفي وش اللي تغيــر وخلا الحظ يبتسـم لي وهي الامنيـه صعبـة المنـال ...
بقيت فتـره حتـى تعديت مرحلة المفاجئه وصـرخت بصوت عالـي :يابناااااااااااااات ياهبلاااااااااااااااااااااااااااااات الحقـووووووووووووووووووووووووووووووووووووووووووووو ووووووووووووواااا
علـــي ...
جـن البنات وماكذبت يوم قلت عنهــن هبلات ..
أول من نطق توأمــي العجيب سارا..
سارا :وش بك يابنت خضتينـا عسى مانخطبتـي بس ...
رديت وانا مستغـربه من طريقـة تفكيـرها :حمـاره انتي وش هالافكـار بعـدين من بيخطبنــي مافيـه أحد من مستوانا غيـر كايد السكـران وهذا مستحيـل اقبـل فيـه لأن من ملكياتك الخاصــه ...
فتحت عيونهـا على لآخـر وهي تصرخ برعب وكأن الموضوع صدق سارا:انتي تكذبين صح انا مستحيـل أخذ واحـد سكيـر تأخذه مشاعل يناسبهـا أكثـر منــي ...
تنحنح نواف وبصوته الخشن قال
نواف:وأنتن عندكن أمل انكت تزوجن اصلاً من بيفكـر ياخذ وحـده لاوراهـا حسيب ولارقيب ...
اللحيـن هادم اللذات هذ وش يبي بعدين ليه يذكرنا بموضوع حنـا فاهمينـه زين لازم يكـدرنا يعنــي ...
قلت بقهـر وأنا ودي اقوم وتوطى فبطنــه ..
مــلاك:زين اللحين خربتوا علي فرحتـي بتحقق حلمــي ...
قالت شوق بنعـومه احسدها عليــه
شوق:أي حلــم ....
قلت برومانسيــه مولايقـه علي كلش ولاعربجيـه مثلي وش عرفهـابالحركات هذي
ملاك:اخيـراً تحقق حلمــي وبعيش السعـاده اللي كنت اتمنـاها طـول عمـري لوحتـى ليوم واحـــد ....
عضت ساراعلى لسانهـا وهي شوي تنفجـر وبصوت حاد كررت السؤال للمـره المليــون
سارا:أي حلـم اللي بتحقق أحــلامك كثيره ماتنعد ولاتحصى ,,,.....؟؟!!!
هنــد :فزتي بالمليــون ...
شهــد :فزتي بالرحلــه لدبـــي ....
وعـــد :فزتي بجهــازي بلاي ستيــشن ...
اووووف وش هالغباء اللي فيهــم أنا قلت حلــم مو جائزه صدق مخ مافيــه فكــر ...
مـلاك :لاهذا ولاذاك ...وكملت وانا أدور على نفســي
مــلاك:الليلـه بيستضيفون كاظـم الساهـر علـ.....
ماقدرت كلامــي لأنهن طاحـن فينـي طق ....
صرخــت علـى نوافـوه الدب اللي جلس على بطنــي وهات يتكفيخ ...
مــلاك :لااااااااا ايي حــرام عليك وخــر موقادره اتنفـس ...
قام نوافـوه بعــد مابرد حرتـه فينــي وقال باستهـزاء وأنا آن من الالم
نواف:كل هالحشـره والازعاج عشـإن كاظـم أيـه مألومك ريحـة اهـلك العرق دساس أنا مأدري أي شيطــان كان راكـب مبارك يوم تزوج عـراقيــه ...
شـوفو ابن اللذينــا حتى المفعوص نوافوه يتريق علينـا ...
مــلاك:وش فيها العراق ارض الرافديــن تهبـل تجنن تخبـــل و
اذا بنتكلم عـن الاهـل فالعـرق عنـدك مايحتـاج العرق القصمنجـي ضبط الدور معك عربجيـه من الطـراز الراقــي ...وللمعلــوميـه حنا نفتخـر أن امنــا عراقيــه صح هــي مو وجـه احتــرام لأنها رمتنـا لأبونا بعــد ماطلقـها بس بعـــد أحســن ولا نعيش فالعــراق يمــدي صدام ذابحنــا ...
كنت بكمـل كلامــي بس وقفت يوم حسيت إن بابا ضحــى معنـا بالصـاله والله اللي رحت فيهـا الظاهر بتسوي فينـي كبسة ضبـان من اللي يحبها قلبـي كان لازم نوافوه وجـه النحـس يتكلــم عن الاهــل ...
××××××××××××××××××××××

ضحــــى

انا خلاص غسلت يدي منهـم صعبــه يعنـي أنا ننسـى إن امهـاتنـا غيـر وماحنـا من أم وحــده لازم هالعصبيـات للأهـــل اللي ولا درو عنــا إن ودي افهــم ابـوي هذا أي شيطــان كان راكبـه يوم فكـر يتزوج خمــس زوجات ويخلف منهـم ...
قلت بصوت حازم :ماشاءالله مـن متـى صار الانتسـاب لأهـل الام تصدقـون ماكنت ادري ولاحـزمت عفشــي وعلى اول الطيـاره رحـت للشمـال عنـد أهـل أمــي ...
شفت الصدمــه على وجيهـم أول من تكلــم شدن بعـــد عمــري ... اللي صحت بسبب صراخهــم ..
شدن بصوتهـا البريء الهادي
شدن:ماما وأنا بعـد اروح معك ...
ناظـرت لهـا بالشفقـه وقلت بصوت خالي من أي عطف
ضحـى:انا مو ماما انا ضحـى بس ...
ماهتمـيت لدموعهـا مع انهـا تذبحنــي وكملـت محاظـرتي الشبه يوميـه عن تحـريم العصبيـات للأمهـات فهالبيـــت وياليتهـا تنفــع .... ولا يهتمــون يدخلون مع اذن ويطلــعون مع الاذن الثانيـــه شكـله لو مــر أسبوع مانفتحت فيــه هالقضيــه يمـوتون ... يحبــون يعذبون انفسهــم يمكــن يحسبــون صدق أمهــاتهم بيحســون بعذابهم ويتعــذبون .. وش خباله هــذا .. قلت بعــد ماخلصت المحـاضره ...
ضحــى :مو عشــان اليوم غايبيــن بتأخذون راحتــكم أشوف الامتحانات على الابــواب ولاوحــده من كــم فتحـت كتاب ...
وطالعت بشهـد وشوق ذولي لاازم ينجحـون هالسنــه ولابيضيع مستقبلهــن ...
ضحــى :انتن جيبن كتاب رياضيات وتعالن أشرح لكــن ..
شفتهــن يتذمـرن ويتمللن بس رضخـن وجابن كتاب وجلست أشرح لهــن وبعد ماخلصت كتبت لهــم ورقة اسئلــه يحلنهــا ...
ضحــى :يالله وعــد نوف تعالوا اشرح لكــم ...
وعـد :وليه حنا شاطـرين مايحتاج ...
ضحــى :لاياشيخـه تراك مره شاطـره بالانجليزي ...
وعد :وش اسوي اول مره ادرسهــا ...ولا أنا شاطـره طالعـه عليك صح ...
ضحــى :لامــو صح يالله جيبـي كتابك وتعالي ...
وعد :نوف وين كتابك ...
نوف :مع الأبلــه ...
ضحــى :وأنتي وين كتابك ..
وعــد :حتى انا كتابي مع الأبلــه ...
سارا :وهذا وش .. وكان بيدهـا كتاب .. ماتدرين ان اللي يكذب يدخـل النار ...
وعــد :وانتي يالملقــوفه شكــو .. وراحت وأخذته منهـا بقــوه ...
ضحــى :جيبيــه ...
جت تمشــي ورأسهـا بالارض ومـدته لــي ...
انصدمت مافيــه أي شــي يدل على انــه كتاب غــلافه صاير سبــوره شعـر نكت أغاني اسامي القاب سوالف وشوفوا بعضـها ..(( ياليت أبله سمــر غايبــه ... ياليت الله يسمــع منك ,,,صباح الرومانسيه والأغاني الكلاسيكيــه لأحلــى بنت فالأراضي السعـوديــه ,,, يالله نعيش بالدنيـا غير مليانه حب مليانـه غيــر ,,,ياسـلامي عليكــم يالسعــوديــه ,, تخيلي الأبلــه تحـول نملـــه .. والله وناســه بقطــع رجولها ... خخخخخخخ الله يقطـع أبليسك نوافـواااه ,,,مافيش حاقه تقي كــدا أهدى حبيبــي كدا ,,, عمري ماتمنيــت شي كثر مأتمنــى اذبحــه ندوووه الدبه ... خليك منـها شوفي كيف تطالعنا أذا ماحرشت علينا مأكــون نواف ,,,فيه سكـران قتل صديقه قال ياحــرام اذا صحى بيلقى نفســه ميت ,,قنـوع بمظهري والسم مايذبح ثعابينــه ومثل ماقال المثل ماني حلــو بس ماني شين
............الخ
طالعتهـا مصدومــه يعنـي انا دايم وأنا اشرح فيــه بنات يسولفــون ويكتبــون مثل هالتعليقات والله اذبحهــم اخخخخ يالقهـر حنا نشـرح ونحرق دمنـا وهــم طايحيـن فينا تعليقات ...
صرخت فيهــا ..
ضحــى :وش هالخربيط أنتي رايحـه المدرسـه اتعلمين ولاتعلقين على الأبــلات ...
وعــد :ملل طفش انتي مادرستي عنــدهم وعشتي غثاهــم
عجاويــز ابليس الوحــده رجلها والقبر وللحيــن تدرس تدريـن كم معلمــه فالمدرســه تشرح وهي واقفــه ثلاث بس انتي وأبله سمر وأبله عطيــات ...
ضحــى :هذا مــو مبرر عشــان تصرفين هالتصرفات الهمجيــه انتي طالبة علــم وهم مدرساتك ماسمعتي قول الشـاعر قم للمعلــم وفه التبجيـل كاد المعلـم ان يكــون رســول ...
وعــد :وانا اقدر مأعرف اصلالأ ماخلــو حيطــه فالمدرســه الا وكتبـوا عليها هالعباره لين حفظناها أكثــر من أنفسنــا ...
معها حق المــدرسه كلهــا مليـانه بهالعبــاره عاد ليت الطالبات يعتبــرن وبفهمــن المعنــى ...
ضحــى :طيب تعالي اشــرح لك ,, وبعــدين كراستك الفنيــه ليش مو كاملــه أبلتكـم كل يوم جايه تشكــى منك ومن اهمــالك ...
وعــد :/ياسلام يعنـي بس انا حتــى نوف كراستهـا ناقصـه ...
ضحــى :بس هي قالت وعـد ماقالت نوف ...
وعــد :طيب طيب يالله اشـرحيلي وفكينــي ...
ضحــى :بشرح لك بس غصبً عنك بتفتحيــن دماغك وتفهميــن ولا والله الأسبـوع الجاي كله مافيـه مصروف ....
المصـروف الكـلمه السحـريه بعـدا مانطقت وجلست بأدب تستمـع للشــرح ...
شدن :ماما أسأليني وش معنى صباح الخيــر ...
طالعتها بأستغراب بس بعـد سألتهـا ...
ضحــى :وش معناها ...
شـدن بتلعثم :قـووود مورنينق ...
فتحـت عيني وش عرفها هذي بسم الله عليها لاصكها عيــن ...
ضحـى :شدن حبيبي كيف عرفتي ...
شدن براءه:أنتي تقولينه لوعــد وأنا ادرس معكي ...حلوه الدراســه ...
اللحيــن شدن حفظت من كثر مارددها والغبيــه هذي مثل الجدار اللي وراها طنشت وعـد وجلست أسأل شدن عن الكلمـات بالعربي وهي تقولها بالانجليزي ومره تصيب ومره تخيب وبعــد نطقها مو صحيح لكل الكــلمات بس بعــد مدهشــه ...
ضحــى :طيب لوقلت الكلمــه بالانجليزي تعرفين معناها بالعربي ...
هزت شدن راسهـا بقوه علامــة أيــه ...
وسألتها وفعلاً عشــره على عشـــره ...
لا أنا لازم ادخلهــا للمدرســه وبأي طريقــه ومن اليوم ببدأ ادرسهـا فالبيت وخصوصاً الرياضيات والانجليزي ...
وأخيــراً بيرجع الأمـــل للبيت مبـــارك الـ ........ ..
×××××××××××××××××
((5))
<<..شحــاده بشهـادة دكتــوراه ...>>


كانت جالســه تحت وحـده من البنايات الشاهقــه واللي تضــم وحـده من اكبــر الشركات الخاصــه بالرياض وبيدهـا صوره كل مامر واحد ناظرة بالمـار بعـدين ناظرت بالصوره لين حفظت شكـل صاحب الصوره جلست على اعصـابها وبدون ماترجع للصـوره عرفتــه ..
شوشو :فيصــل ...
كان بيدخـل من البوابــه بس رجــع وقرب منها وهو يتلفت حــوله ...
فيصل بقرف:خير من أنتي ..؟!!
شوشو :وش فيك تقـولها من طرف خشمــك ..
فيصل طالعها بأستغراب المصيبه هذي وش عرفهـا بأسمـه وش تبــي منــه :وأنتي وش دخلـك .. اصلاً من أنتي ,, وش عرفك بأسمــي ...
شوشو :على مهلك كل هذا بتعرفــه بس موهنا لأن المكــان غير مناســب ... وطالعت برجال الأمــن ..
فيصل :و وين المكــان المناسب برأيك ..؟؟!!
شوشو :سيارتك ...
فيصل بعصبيــه :والله ماعاد الاهــي أركـب بنت شوارع سيارتي ...
شوشو :ليش الغلط طيب ترى انت اللي بديت
وكملــت بالصراخ :وأذا أنا بنت شوارع فأنت اوطى من كــذا ولا واحـد مثلك يامحتــرم يرمي أمــه العجــوز وخواتــه الولايا والله فاتحها عليـــه صدق الدنيــا ماعاد فيها غيــر الفلوس خربتكــم ياهمج حتى اهلكـم تبرون منهــم وش بتفيدكم هالفلوس اللي تبيعـون اصلكم عشـانها
ماهي اخـرتكم لتراب يالتراب ...
واختفت ...
لس فيصل متصنم مكانه أنفضح أكيــد أنفضح شاف كم واحد من الموظيفين يدخلــون مع البوابــه وعلى وجيهم علامــة الدهشـــه ...
وبالنسبــه لشوشو بيبتنا اخذت لها سيارة أجــره وصلتها للمنطقتهــا ...
نزلت وبعد مادفعت الاجــره وجلست فمركزها بس استغربت الشارع هادي وين شلة مـوس ..عشــر دقايق بس وطلــع لها مدير الفرع هذا اكيد حاط له جواسيس يمشــون وراها وجـع يوجعــه ...
المــدير :ياعنــي لازم انتصبح بشيفتك أنتي متى بتستيحــن على دمك وتفكينا من شرك ...
شوشو :وأنا وش مسويــه جالسه اسعى لعيشي وعيش عيالي ...
المدير :اسعي وطوفي على كيفك بس بعيــد عن فرعنا وبعــدين المشرديــن اللي دازتهــم علينـا ترى أحذرك المره هذي رحمتـهم ومابلغت عليهم مكافحة التســول مره ثانيــه ببلغ عنهـم وعنك ...
شوشو بسخريــه :لافيك الخيــر استاذ قيس بس على مأعتقد الشارع مو شارع أبوك انت لك اللي داخــل بنكك وحنـا مالك دخـل فينـا ... وقطعت كلامهــا يوم شافت واحــد طالع وشكله ساحب مبلغ محتــرم وبكم كلمــه ودعوه حافظتهم عن ظهـر غيب عطـاها المقســوم وكمل طريقــه ...
قيس بقهــر :لابعــد وتشحـدين عينـي عينك ... دامك للحيــن بالشبابك ليه ماتوظفين بدال هالشغلــه ..
شوشو :ياحليلك مره طيب خايف على مستقبلــي ,,, وفر نصايحك لنفسك اللي معها شهادات ماتوظفت عشــان انا اتوظف ...
قيس :احســن وأن شاءالله كل عمــرك تقضينه بهالشغله بس رجلك اذا شفتها ماره بهالشـارع بقصهـا لك ومشردينك برشهــم بمبيــد حشــري ..
شوشو :الاصدق بفتح لي حســاب عنــدكــم اذا ساعـدتني اوعـدك ماعاد تشوف خشتــي .. وكملت بالضحكــه :الساعتين الجايــه ...
وحطيــت رجلي وهربت وبعــد ربع ساعــه كنت واقفــه عنـد اشارة الشلــه شفتهــم متفرقيــن اللي يشحد واللي جالس واللي يبيـع مناديل ...
بوووووووووووو ...
شوشو :هذا انت وين الوعــد ...
مــوس :والله لنا يوميــن وحنا مسنتـرين هناك وينك أنتي أختفيتــي ...
شوشو :مشغــوله بس قول وش سوى لكــم ...
مــوس :ماسوى شــي بس قاعـد يهدد ,, تعالي لقينا مركز استراتيجــي شحـاده هناك مكســب ...
شوشو :لا انا عاجبنــي الوضع هنــا..
موس :ايه هين انتي ماينخاف عليك شحاده بشهادة دكتــوراه ... بس فيك شي غريب صوتك كل مره يختلف ...
شوشو بضحكــه :والله مأنت بالصاحي كيف يختلف ...
مــوس :يعني يختلف مره صوت ناعــم مره صوت واحـد عربجــي ولا النظارات هذي ليه ماتفصخينهــا ...
شوشو بمكــر:عورى ومأبغى اضحك الناس علــي ...
مــوس :علينـا وحتـى لو كنتي عـورى اكيــد احلى عورى بالشرق الاوسط كلـــه ...
شوشو بالسخــريه :والله شحـادين اخــر زمـن يعرفـون يغازلــون بعـــد ...!!!

نهــاية الحلقـــه الخامســـه

[..الحلقـــه السادســـه ..]
((1))

(..فاجــــر ..)

ميشــو
مــرحبــا أنا الآن فــي الجامعه السـاعه الثانيــه ظهراً أتصلت بالسفــر منذ ساعــه ولأعلــم ماسبب تأخيــره ذالك الأخــرق لن ينجــو بفعلتــه الا يعلــم من هي ميشــو..؟!!! ضجــرت من الأنتظــار وهذه الشمــس تكاد تحــرقني .... أخيـــراً هـل حضــر حقاً أم لازلت أحلــم .. بالتأكيــد لأحلــم فأنا لست مجنــونه صعــدت لسياره وزفــرت بغضب وأنا اشعــربأن الدخان يخــرج من أذنــاي وانفــي ... وصلت للمنــزل وحينمـا فتحت الباب وصلنــي صوت ضحــى الغاضب يألهــي رحمـاك ... تقــدمت من مكان جلوسهــم رأيت أنظــار أخــواتي اللاتي تحاظـرهن ضحــى تتصوب علـــي .. فقلت بهلــع ..
ميشــو :لمـاذا تطالعــوني هكـذا وكأني اقترفت ذنــب ..؟؟!!
طالعتنــي ضحــى بحــده :وين بايتــه البارحــه ..؟!!
فأجبتهـا بالصدق :يوم أمـــس نمت عنـدا احدى الصديقات ..
ضحـــى بالصياح :ماشاءالله ماعنــدك بيت تبـاتيــن فيـه تنقلين من بيت لبيت تقـل مشرده...
أكره ان تعاملنــي بهذه الطريقه امام شقيقاتي فهذا يحط من قدري عنـدهن هذا أذا كان لي قــدر ... لذلك تحدثت معهــا بعصبيـه شديده ..
ميشــو:أرجــوكي ضحــى لاتلعبــي معي دور الوالد الغائب ... فلن تنجحــي بمهمتك يكفــي عليك دور ربت المنــزل ...
وادرت وجهــي عنها وتحــركت لأصعــد السلــم ...
ولكنها قبضت على ذراعي وأدارتنــي بقوه لاواجهــا ...
ضحــى :يوم اكلمك ماتعطينــي ظهرك وتقفيــن فاهمــه ...
صرخت بهــا ..
ميشــو :اتركينــي وشأنـــي اذا أردتــي أن تبقي علــى الروابط بيننا ...
وأفلت يدي منها وصعــدت الدرج لأكتــم غيضي ليس من مصلحــة أي منــا أن يحتــد النقـاش وأمام شقيقاتنا ...دخلت لغرفتــي ومنها للحمــام وقفت تحت المــاء المنهمــر من الدش بكامــل ملابســي وعبائتـــي ...
وأنا اردد لنفســـي :أهدائي اهدائي ... لم أكــن لأغضب لوكانت بظــروف غير ظروفي فأنا حانقــه غاضبـــه من ليلــة أمـــس ...
مازال الحــوار الذي دار بينــي وبين ذالك الفاجــر مازال يتردد صداه في مخيلتـــي ....
(..مالك :عاد لاتسوين فيها صعبــة المنـــال ...ترى والله محداً ناظــر فيك غيــري ولا عيون زرق وفصحــى ..
ميشــو :ومادخلــك أنت أفعــل ماشاء وأتحدث بالطريقــه التــي أحــب ...
مالك :والله كــلامك زي العســل بس لو هالراس يليــن ...
ميشــو :أبعد يدك القذره عنـــي ...
مالك :ياربي ترها بتفهمنــا أن ماعمر أحد لمسهــا شريفة مكــه ...
ميشــوبحنق:شريفــه بالرغــم عنك وأنت من يشكك بشرفك ...
مالك بالضحكــة عدم تصــديق :ياماما اصحــي أنا رجال مايعيبنــي شي ...)
رجــل وماذا يعنــي رجــل أليس له شــرف يجب أن يحافظ عليــه لماذا يغفــرله عنــدما يخطأ ونحــن معشر النســاء رغم عفتنــا يشكك بنــا وهو موضــع الشك يقف له الجميــع أحتراماً لماذا ..أكــرهم أكرهم معشر الرجــال وجدت نفسي أخــرج من الحمــام وأجلس على ركبتاي وكفاي مرفوعتــان لسمــاء :
ربــي لاتسلــم أين من بنــي آدم على هــذه الأرض ربي أبتليهــم بأنفسهــم عنــا ربـــي أحمـــي بنات حــواء منهــم ومن أراد أي منهــن بشــر رد كيــده فــي نحــره ... ربــي أنصــرنا عليهــم وأجعــل لنا الغلبـــه في الأرض ...
لا تبحلقــوا بي هكـــذا أجــل أدعــي عليهـــم وأتمنــى لو كان أمــرهم بيدي .. منذ خروجــي على هذه الحيــاه وسبب تعاستــي وأشجاني الرجال لم اجد مايشفــع لهــم كي لأكــرهم أجــل أكرهم وساظــل أكـرهم ولن يغيــر أحد نظرتــي بهــم ....
ولجــت لغرفتــي شدن فجأه وصاحـت حينمـا رأت حالتـــي ...
شدن :ميشو ياهبــلا بتمرضين كــذا ...
تذكــرت حالتي المزريــه فبدأت بنزع عبائتي وبقيت بمــلابسي التي تتساقط منها قطـرات المــاء ...
فتحت ذراعــي وأمرتها ..
ميشــو :تعالي لأقبلك لقد اشتقت لك كثيرأ ...
ولاكنهــا تمنعت كعادتهــا ..
شدن :لاااا حبيبتـــي مافيه شي بلاااش تبوسيني بالريال وأبوسك بالرياليــن ...
هــذه الاستغلاليــه الصغيــره ..
ميشــو:تعالي الآن والحســاب فيمـا بعــد ...
أقتربت منــي بملل ..
شدن :يالله بالســرعه لاتطــولينـها ...
ولكنــي بعنــاد قبلتهـا بالشده حتـى صرخت من الألم ...
شدن :متوحشــه والله اعلم عليك ماما ...
ماما أمازالت تقــول لها ماما الاتمــانع ضحــى .. كم أنا حمقــاء بالتأكيــد تمــانع وشدن هــي من تصــر على مانادتهــا ماما ولهــا الحق كل الحق لأعلــم لما ضحــى تقســو عليهــا وتحــرمها من هذا الحق الصغيـــر ...
××××××××××××××××××××
((2))
<..لااا لظلــــم ..>

وعــد

هااااي وش اخبــاركم شفتــو كل اللي صارفوق هــذا أمــس وحنــا اللحيــن بنهـار جديد وحيــاه جديده وأمــل جديد وخبـــر جديد بيصدمكـــم أنا بعــد أكــره الرجـال موبـــس خواتي وأحمــد ربي أنا ابوي متبـري منا مأدري هاج وتاركنــا والف حمــد لك يارب أن بعــد ماعنــدي أخــون ليــه اكـــره الرجال اللحيــن بتعــرفون ...!!!
صفـــر جرس الفسحـــه وأنا قايمـه بطلــع من الفصل أنتبهــت على لطــوف ... من لطــوف هذي الله يسلمكــم وحــده من بنات فصلنـا مسكينــه من النوع الهادي اللي مالها ولاعليهـا مأدري ليــش اشفقت عليها وتقربت منها مع أن كل الفصل مايحتــرمها ودام يتمصخــرون عليها عاد أنا صــرت جلــس معها من هنـا نواف أوحنا اللحيـن بالمدرسـه احــسن شي أقول نــوف .. المهــم صارت تجلس معها بعـــد اذكــر أول مره جيت لمهـا وجلست بالكــرسي اللي جنبهــا جلست تطالعنــي بنظـرة أنكســار كانت متأكــد أني جاي بتمصخــر عليها زي باقي البنــات صح أنا شيطـــانه وسليطــة لسان وماوراي أحــد أخاف منــه بس أنا بعــد بشر وأحـــس
مو معنات أن مارباني رجــال خلاص أنا منفلتـــه والله اني افضل من كثير متــربيات فبيــوت أهلــهن
وأبو الوحــده ينحسب له ألف حســاب وبنته أفسد منهــا مافيــه ... خلونا بمــوضوعنا سلمت على لطــوف وجلست معها وقعدت اقرق على راسهـا بس هي ماعطتنــي وجـه وكل سرحانــه ...لايكــون البنت مريضه ولافيها شــي وأنا مدوختها ...
سألتهــا :لطوف وش فيك اليوم مو على بعضــك ...
قالت بتردد :مافيني شــي ...
لا والله البنت فيها شــي من جت الصبح وهي ترتجف وتتنـافض ... اصريت عليها وهي ماتحملت عاد أنا لحــوحه والبنت حســاسه جلست تبكــي ياربي وش فيها البنت شكلي زودتها عاد انا خلقه ثقيلة دم ..
كنت بقوم عنها بس هي تكلمــت ..
لطيفــه :وعــد انا تعبـانه تعبانــه حيل ...
ياحــرام تعبانه لازم أوديهــا للمشــرفه ..
وعــد :طيب يالله قومي اوديك للمشرفه ...
شوفوا البنت زاد صياحهــا والله ماقلت شــي يزيدهــا ...
لطيفــه :وعــد تعبي نفسي موجســدي أنا طايحــه بمصيبه مصيبــه ياوعـــد ...
الصـراحه أنا مأؤمـــن بالمصايب واحــس كل شي له حـــل ..بس هذي عاد تقــول مصيبه بس ماقالت نوعها جيت بسألها بس هي كملــت ...

لطيفــه :أنا بقولك لأني اثق فيك بس أرجوك لاتطلعيــن الموضوع هذا لأحــد انتي تدرين فيه بنات كثير بالفصل يعــرفوني ويعرفون اهلــي وأخاف احد منهم يسمعنـي والموضوع اللي بكلمــك فيـه حساس...
الصــراحه البنت كلامها يخـوف بس انا طمنتها بس أبي أعرف وش فيها من صدق ودي اساعــدها ...
مأدري كيف نطقت بعــد تردد وبعـد ماتأكــدت ان مافيه احــد يسمعها اصلاً كيف بيسمعونها وأنا اللي ملصقــه اذني بفمها بالعلــه أسمــع ...
لطيفــه :مثل ماتعرفيــن أنا أجي من بيتنا مشي ومن بداية السنــه كنت ملاحظــه ان فيه سياره تمشــي وراي فالبدايــه قلت صدفـه بعدين تأكـدت ظنــوني تصوري الصبح والظهـــر يمشــي وراي قبل كنت بس خايفه احد ينتبــه له واللحــين أتمنــى صدق أن أحــد ينتبــه له ويبعــده عن طريقي سبب لي رعب كذا مره قرب من بالسيارته وحاول يخطفنـــي واليوم وأنا جايه الصبح ماشفته يلحقنــي فطمنــت وجيت بسرعــه أمشي ويوم مريت مع شارع خالي طلع مأدري من ويــن طلع ومسكنــي مع يدي حاولت اهرب ماقدرت ...
وجلست تبكــي بألم ...
حاولت أهديها عشــان افهم الباقي لأني للحيــن مأشوف بالمــوضع أي خطــأ ... فقلت لها بعصبيــه ..
وعــد :كملي وش صــار ..؟؟!
لطيفــه :وش تبغيــن يصير اكثــر من كذا ...
وعــد :مسك وبعــدين ..
لطيفــه :حاول يشدني للسيـارته بس كانت فيه سياره ماره وتركني يوم شافها وأنا جيت أركض للمــدرســه ..
شوفــوا الغبيــه طيب ليه ماتقول لأهلهــا ...


وعــد :طيب ليه ساكتـه ماتقوليــن لأهلك ..
لطيفــه :اهلــي ميــن أمـي وقلت لها بس مابيدها حيلــه أذا قالت لأبوي أو واحــد من أخواني بيدفنـوني حيـــه ...
قلت لها بعــدم تصديق ..
وعــد :والله أنك خبله ترى انتي ماسويتي شي هــو اللي متعرض لك ...
لطيفـه :ماراح تفهميــن ياوعــد هــوولــد مستحيــل يخطأ ,, الخطأ كلـه علي انا البنت ..وبعــدين بقولون أنه ملاحقك منيه والطريق اكيد شايف عليك شـــي ...
وعــد :والله ماعنــدك سالفه اما واحــد مترصد لك طــول السنــه وأنتي ساكتً لــه ..
لطيفــه :وش بيدي أسويه انا مغلوبــه على أمري ..
وعد بقهــر:قسم بالله أنك جبانه الحمــدالله انك مأنتي من بنات مبارك ولاتبــرينا منك من زمــان ...
ياربي انا ليش صارخت عليها اللحيــن هذا وش يسكتها والله ضعيفــه أنا لازم أساعــدها وبأي طريقــه ومو مهــم الثمـــن ولــد الحــ .... لازم ألقنــه درس
يتوب مره ثانيــه يتعرض للبنــت ...
وأذا شاف بنت جايه مع طريق يصد لطــريق الثانــي ...
هيــن بس صبرك علـي والله الفكــره جالسه تمحــور فبالي بس فيــه شي محيــرني ... اللحيــن هو كيف يعـرفها .. والله اني غبيــه ليش أسألكــم اسألهــا هـــي ...
وعــد :قوليلي هــوكيف يعرفك ...
لطيفــه :هو من عيال حارتنا وصديق واحــد من اخواني ...
وعــد :اوووووف وش الغباء ذا اللي فيك أنا قول كيف يعرفك من كل هالبنات لاشافك بالشارع ...
لطيفــه :يشوفني كل يوم لاطلعــت من بيتنا ويعرف جزمتــي وشنطتــي ...
وعـــد :جبتيهـــا ..
لطيــفه :وش اللي جبتها ..
وعــد :الفكــره أسمعينــي زيــن واحــد من الأيام فالطلعــه بنتبادل فالجزمات والشنط أوكيــك ...
لطيفــه :طيب وبعــديـن ..
وعــد :انتي أطلعي وتوكلــي على بيتكم وأنا بعــد مأحس أنك خلاص وصلتي بيتكـــم أو على الأقل صرتي خارج نطاق الخطــر بطلــع وطبعاً أنتي بتكونيــن مأعطيتنـي أوصافـه ونوع سيــارتــه ويــن يأقف بالعاده .. بمر من عنــده وبمشــي للحاره اللي فيها بيتكــم هو بيلحقنــي خواتي بيراقبنـه من بعيـــد وبعـدين مالك دخل باللي يصير ...
لطيفــه :بس متــى انا خايفه ايسوي فيني شي قبل مايجــي هاليوم ..
وعــد :لا تخافين أنا وخواتي ماراح أنتخلى عنك وكل يوم بنمشــي معك ليـــن بيتكـــم ,,
ودي أقول نوصلك بالسياره بس عارفــه بتقـولين اهلي بيجزرونـــي ...
...وبأقرب فرصــه بنفذ الخطــه بس لازم اتكتكها أنا وخواتـــي ونمخمخها عشان تضبط ونوديه بالستيــن داهيــه ...
لطيفــه :بس اخاف أنتي تنضرين أو يجيبلك شبهه... وكــلام الناس مايرحــم ...
والله انها على نياتها قلت لها بالضحكــه ...
وعــد :ليه والناس فكونا من كلامهـــم ... وتطمنــي بنات مبارك يدخلــون بالنار ويطلعــون منها بدون لسعـــه ...
رفعت راســي فجأه يوم حسيت أحد واقف فوقنـــا كانت نوف وشكلها معصبـــه ...
نوف :أنتي هنا وأنا قالبــه الدنيـا أدور عليك ...
وعــد :ليه فيه شـــي ...؟؟؟!
نــواف :الغبيـــه منــارووه ذي جالس تحكي عنك بفصل أولى هـ ...
الحقيـــره بس وش قالت عنــــي ....
وعــد :تكلم عنــي وش قايلـــه ...
نـوف :تقول الفلم اللي بايعتـــه عليهـــا مــو أخر فلم للفنــان وأنك غشــاشه تلعبين عليهم ....
وعــد :هي خليها تسدد اللي عليهــا بعـدين تجي تحكـــي واصلاً هي وش عرفهـا بالفنـانين وأخــر افــلامهم يازينـها ساكتــه بس ...
نــواف :المهم لاعاد تبعيــن عليها خليها تعرف قيمتــك ...
وعــد :شي أكيــد لازم أربيهـــا ....
ودخلــت المعلمــه وأنقطع حكينـــا ...
بس سلمـت وعلى طــول ..
الأبلــه :وعــد أطلعي برى ...
شهقت من الصدمــه ياجعلي للسرطـان لو كنت فتحت اثمـــي ....قلت بأحتـجاج ...
وعــد :أبلــه شسويــت والله تحت النفس مأخذتــه...
الأبلــه :واللي يعافيك اطلعي برى بدون نقـاش ...
شوفــوا القهـــر بتطردنــي من الباب لطاقــه ...
وعــد :لاوالله ماني طالعــه بدون سبب ...
الأبلـــه :أنتي طالعه اللحيــن ولا بالنص الدرس وأذا تبغينــي مأنقصك أطلعي من اللحيــن ...
يالناس ياعالم شــفت ظلم أكبــر من كــذا ...
وعــد :يعني لازم انطرد يمكن ماتحكى طول الحصــه ليش الظلم ...
الأبلـــه :لأنه ماعمره مرت حصـه ماطردتك فيها وانا اليوم مصـدعه مالي خلقك سوالفك فأطلعي من اللحيــن وريحينــا ...
تـرى هالفصل الكبيــر هذا مافــيه غير وعــد تسبب الأزعاج أيــه مو انا شماعة هالفصل وكبش الفداء فيــه .... بـــس والله لأوريها جالســه على قلبها وملــعونه لو طلعــت طـوع لها ...
وعــد :الله يلعنــي لو طعت شورك وطلعــت من هالفصل بالظلــم ...
الأبلــه بقلة صبــر لوحده من البنات :روحــي نادي أبلــه ضحــى ...
قلت لها بضحكــه وأنا مبسوطــه ..
وعــد :ضح ضح اليوم بالمـدرسه المنتدبــه لها ...
الأبلــه بأنفعــال :يعنــي مأنتي ماني طالعــه ...
قلت لها بالتأكيـــد ...
وعــد :قلت لك أنا ملعــونه وملاعيـن كل جداني لو طلعت من هالباب مجبوره ...
الابلــه بالصراخ:أجل الدرس هذا مشــروح
لاكــل الوحـده مشــروحه والأمتحــان كله بيجــي معك ...
ورمت علــي نظرت أحتقــأر وقبل ماتطلــع صحت بعالي صوتـــي ...
وعــد :الله معك والقلب داعيلك ولو تبيــن أسبريــن مانقصــر ...
وطلعت ودمعـــة قهر بعينــها وعاد الفصل ماصدق انوا الصراخ والتصفيــر ريحتهم من العلــوم أسبــوع كامــــل فيه شــي احلى من كــذا بس الله يستر مادري وش بتسوي فينـي ضحـى لودرت بس أنا ماغلطت ادافــع عن نفسي بتقــول المفروض أروح للأداره بس جوابي جاهــز اللي مايأكل بيده مايشبــع !!!!...
××××××××××××××××××
((3))
<..من يحمينـــي ..>
ســارا

صحــت على صوت شي مزعج تصفير وطق وأغاني لايكـون بيتنا اقلبــوه أستادا الملك فهــد ... جيت بتلكم بس ملاكــوووه أي ملاك الا شيطــان ...
ملاك :أصحـــي ساراااااااااا وجع ان شاءالله قومي رحـت وجيت وأنتي نايمــه ..
اووف وبعـدين معها هذي ماتعرف تخلينــي نايمــه لازم أتنكــد علي ....
ملاك بقهــر سارا وجع قومــي بالسـرعه ولا ترى بروح من دونك قومي معزوميـن على الغجاء فبيت ام خــالد ....
نطيت من مكـاني وكأنهم مبشرينــي بالجنـــه ..
سارا :أحلفــي ..
مـلاك :قسم بالله أجــل أمزح معك بالسـرعه اغسلي وجهك وأمشي بنروح لهـــم ..
بس لحضــه وش طاري عليهـــم مسويــن عزيمــه اذكـرهم بالاضاحــي مايسون أضحيــه من بخلهــم بسأل هالخبلـه يمكن تدري ألا اكيــد تدري .,..
سارا :وش المناسبـــه ..؟!!
مــلاك :مادريتــي ...
شوفــوا الخبلـه لو أدري ليه أسألها ...
سارا :يابنت الحلال وأنا وش درانــي ...
ملاك :أجل مادريتي ...
هذا اللي بتذبحنــي اليوم .. سايرتها وأنا اتصنع الحماس ..
سارا:لاوالله مادريت أيــش ...
ملاك :خالد ولدها توظف ....
صرخت بعــدم تصديق ...
سارا:مستحيــل كيف له ثمان سنيــن من تخرج كيف توظف ...
ملاك :ربك كريــم يالله أمشـــي بنروح لهم هي يوم أتصلت قالت لازم تجيــن أنتي وكل خواتك بس الباقيـن متى بيجــون بنروح أنا وياك ونجيب للباقيــن معنا غداء ...
غسلت وجهــي وفتحت دولابي وأول عباه شفتها بوجهــي أخذتها وجيت بلبسهــا يوم شدتها من يدي ملاك وبنظــرة عتاب ...
ملاك :جنيتــي أنتي ...
شفت العباه اللي كنت بلبسهــا وشهقت بالدهشــه ..
سارا :سوري ملــوك مأنتبهت للحيــن الدور الثاني مستأجــر ...
ملاك بقهــر :مره ثانيــه أنتبهي ولا بتجنيـن على نفسك ...
خلوكـو منهــا دايم تحـب تضخم المواضيــع ,, المهم طلعنا للبيت ام خالد جيرانا اللي بيتهم بأخــر الشارع وعنــد باب بيتهم شفت خالــد واقف عنــدباب الرجال ومعه واحد شكلــه من اخوانــه يحليلـه والله ماني مصدقـه للحيـن أنه توظف ... فشلــه لازم أبارك له مايصير بعد هذا صاحبــي أيام اللعب بالسكــه وكبتنا بلعب الكــوره ...
سارا :خلــوووود مبرووووك ...
شفته يبتســم ويجي لمنــا ...
خالد :مين سارونــه وملاك ياهــلا والله ...
سارا :مبروك مابغيت تفرحنــا عقبال ماتعرس ...
خالد بالضحكــه :الله يسمع منك...
ضحكت معه ورفعت عينــي يوم حسيت الشمــس حاره بشكــل اليوم
أحــس جلدي بيحتــرق تحتها ...بس الحــراره مو من الشمــس من الأنظــار اللي كانت مسلطــه علينــا ...
جريت ملاك ودخلت للبيت بدون مأناظــر وراي قيس هــذا وراي وين مارحـــت ولا نظــراته لو كانت تذبح يمــديني بقبــري من زمان رجعت بذاكــرتي كم سنــه ورى تذكــرت كيف كان هــو وخالد تعادوا بعــدما كانوا اأصحــاب والسبب أنا كل هوشاتهم وأختلافاتهم بالسببــي خالد كان يعطف علي ويدافع عني قدام جنــون قيسوه ... ايه جنــون قيسوه مجنــون للحيــن اذكــر اليوم اللي صدم فيــه خالد بالسيارته قدام كل عيال الحــاره لأنه وقف بوجهــه يوم جاء بيطقنـــي بعدها جلست شهــرين مأطلــع من البيت وصورة قيس وهو يدعس خالد بالسيارته أشوفها بنومــي كل ليلــه ...
رجعت للواقــع على سؤال سخيف من أسئلة مــلاك ...
ملاك :هذا وشو اللي بالصحـــن وعع شكلـه يقرف..
سارا :ماتعرفين وش هذا ... هذا جريــش ياحمـاره ...
ملاك :وعععع شلون يأكلــونه ...
سارا :يابقره لاتطلعيــن لسانك ام خالد أتناظــر فيك يمكـن تخطبك لخالد ...
اخخخخخ بس لو تشوفونها كيف تلــونت البنت اصلاً انا العب عليها محد طالع فيها بس أبعقلهــا ...
خلصنـا غداء وعطتنــا أم خالد قدر كبير فيــه غداء لخــواتي وكــرتون كبيــر بس مافتحنـــاه وماندري وش فيـــه .. وطلعنــا للبيتنـــا ... وفالطريق كنا نسولف ونغنــي ونضحك ويوم وصلنا اللبيت حسيت الأرض تهتز تحت رجــولي أرتجفت يدي وطيحت القدر اللي بيدي وتنثــر الرز اللي فيه على أرض الشــارع ..
ملاك صرخت فينــي
ملاك:بالســرعه اركضي على البيت ...
مأدري كيف طاوعتني رجلـــي بس ركضت ودخلت للبيت قبل ماتاصلني يد قيســوه الوحــش ...
وقفت متسنــده على الباب ويدي على قلبـــي ملاك بـــرى بس هو ماعمــره مد يده عليها ... وفعلاً جاني صوتها بعد خمــس دقايق ..
ملاك :سارونــه حبيبتــي أفتحــي الباب خلاص طــس ...
ياسهلـها عليك يامــلاك طس وبــس ..
فتحت لها الباب ودخلت للبيت ورميــت نفسي على الارض ...
ضحــى :سارا وش فيك وين كنتم ...
ملاك :كنا فبيت أم خالـد مسوين عزيمـــه خلود توظف وجبنا لكــم غداء بس طاح من سارا فالشـارع ...
جيت بالتكلــم بس ضحـى سبقتني ..
ضحــى :دفعت بلى أصلاً حنا جايبين معنا غداء بس كنا ننتظــركم ...
ملاك :غداء من برى اكــيد الراتب نــزل ...
ضحــى :ايه نزل وبعد الغداء اكتبــوا قائمه بطلباتكم بس حاولوا تقتصـدون أبيها العصـر جاهزه...انا قايمـه أنام ..
شوق :وين والغداء ..
ضحــى :تغدو أنتــم عليكم بالعافيــه أنا مصدعه وبالنــام ....
بس طلعت ضحـى سمعت صوت منيــر اللي مأنتبهت على وجـوده ..
منيـر :قيس صح ...
رفعـت عيني اناظــره كان شكلــه حاس بالذنب ...
ابتســمت بالغصب عشـان اريحـــه .. وبفرحـه قلت ...
سارا:ماقدر يضربنــي .. بس كيف عرفت
منيــر :كنت راجــع من المدرســه وكان جالس على الباب وكل دقيقه يطالع بالساعتـه وعينه على بابكــم ويوم شفتك داخلــه بهالحـاله عرفت أنه سوى لك شــي ...
ملاك :الحمــدالله جت سليمـــه ...
جت سليمــه يامـــلاك ليـه وش تبغيـن اكثر من الرعب اللي يصيبنــي كل ماشفته على باب بيتهــم مالازم يمـد يده عشـان أخاف يكفينــي نظراته اللي زي الســم والعذاب اللي مسببــه لي الراحــه مأعرف طعمها وكيف برتاح وانا أعرف أن فيــه وحـش متربص لــي ويتحـرى الفرصه عشـان ينقض علــي ...
أحـس بألم بعذاب بالضعف لو كانت عنــدي أم ماحسيت بهالخــوف كان التجأت لحضنهـا الحنــون الدافــي وحسيت بالأمان لوكان عنــدي أب ماكان قيس تجــرأ ورفع عينــه لي لو كان عنــدي أخ شكيــت له وقف بوجــه قيس وماسمح له يرفع يـده علـــي ....
بس أنا ماعنـدي أب ولا أخ ولا أم .. قــولوا لــي أجـــل من بيحمينـــي من قيـــس ...؟!!!
ماقدرت احبس دموعي اكثر من كذا ...
ملاك :تبكيــن ياسارا هذا عار نقطــه سوداء فحيـاة بنات مبــارك ....
صرخت فيهــا ...
سارا :بنات مبارك بنات مبارك ليش تعزون وتفتخــرون فيــه وهو سبب عذابكــم ...
الرد على أعتراضي الثائــر جاني بالفصحــى ..
ميشــو :ليس افتخـاراً بمقـدار ماهـو اهانــه لــه فنحن بناتــه رضي أم ابــى وسيشهـد لنا التاريخ بحربنا مع الحيــاه التي كسبناها وسنبقى كاسبيها بعـد ماتخلى الجميـع عنا وسنبقــى بنات مبــارك قصــه تتواردها الأجيـــال ...
مثــل الأشبـاح تدخــل وتطلــع محـداً درى عنهــا
لا وكنهـا موقتـه تجي بالأوقات الحــرجــه ... اسمعـوا تعليق وعـد عليها هالادميتيــن مايتواطــن ...
وعــد :والله اخاف بس يدرســون قصتنا فالمــدارس ,,, والله اللي بينغثون الطلاب منها وخاصــه مشاهــد ميشــو أبوك يالفصحــى ...
ميشــو :يالصغر عقلك ياعزيزتـي وهل تعتقـدين أنهم سيكتبـون عاميتك في كتــاب ..
وعــد :عادي وش فيهــا اصلاً كل الناس تحكـي العاميــه
وبحيــاتي كلها ماشفت احد غيرك يتكلــم بالفصحــى حتى ابلــة العربي ماتكلمــت مثلك ...
وكملــت بحشـريه :الا صدق ليــه تكلميــن بالفصحــى ..؟؟!!
ميشــو :أهتمــي بشؤانك وتوقفي عن حشــر أنفك بأمــور الاخــرين ...
الصراحــه حتى انا ودي اعــرف بس ماتجرأ اسألها أخاف منهــا عيونها الزرق تسبب لي الرعب من كنت صغيــره ... رفعت راسي بالتأكــد أن لون عيونها زرق صدق
وأختفت فجأه مثل مادخلــت أضيفــوا لقب ساحــره لألقـابها السابقــه ...
×××××××××××××××
((4))
<..انتقــام ..>

ميشــو
لماذا اتحــدث الفصــحى لن أجيــب قبل مايخبــرني أحدكـم لماذا أنتــم تتحــدثون العاميــه القبيحـه المشوهــه ... بأنتظـار اجابتكم ..؟؟!!!
لم أذهب اليــوم للجـامعه مازالت حالتي لاتسمــح لي بالأختــلاط بالاخــرين أشعر وكأني برميــل من المتفجــرات سأنفجــر بوجــه أول منحــوس يقتـرب منــي ...
التفكيــر بالأنتقــام لأخـواتي من عائلة أبــي يرهقنـــي
ولكنــي لن استسلــم وسأبقى على العهــد الذي قطعتــه على نفسـي بأن أشعــل النار في قلــوبهـم اقسمــت أنا اقلب محبتهم لبعض بغض وترابطــهم تفكــك سأخــرب حيـاتهم وستتحــول قصـورهم خرابات بالتعاسة ساكنيهــا ...سأسرق فرحتهم اللتـي اغتصـبوها منـــا سيتمنــون المــوت علــى حياة الهــلاك التي سيعيشونهــا
كـل هذا الكــلام لن ينفعنـــي الفعـل اجدى من القــول ...
أخذت جهازي الجــوال وطلبت رقــم سوسو ...
سوسو :هلا والله ...
ميشــو :مرحبـا كيف حالك ياعزيزتــي ...
سوسو فقط التــي سأعفيهـا من الأنتقـام فالقدر انتقم لـي منها بتحطـم حيـاتها الزوجيــه وهي في بدايتهـــا وقد وعدتها بأن اساعـدها بالأنتقـام من طليقهـا ودافعــي الوحيـد أنــه رجـــل ...
كم هــم خونـــه فليذهــب جميــع الرجــال ألى الجحيـــم ...
عدت الى الواقـع على صوت سوسو ..
سوسو :وينك يابنت ...
ميشــو :أنا وأيــن سأكــون بمنزلنا بالتأكيــد ..
سوسو :طيب وش قلتي تجـي معــي ..
ميشــو :اذهـب معك أيــن ...
صرخت بي بيأس ...
سوسو :وأنا من الصبح وش قاعــده أقولك بنت خالتي عازماتنــي على حفلـه بأستراحتهــم تجين معــي ...
كلا يألهــي هل جنت هذه ... قلت بالنفــي تام للفكــره ...
ميشــو :بالتاكيــد لااا ...
سوسو :يالخبلــه مأنتي قايلـه تبغين تشوفيــن زوجـة أخــوي الرابعــه ...
ميشــو :أخيك مــن ؟؟؟!!
سوسو :اخوي خلف الله يخلف على امً جابتك ...
تهجد صوتي وأنا أقول ..
ميشــو :أمي رحمــة الله عليهــا ..
ردت علي سوسو بصوت أسف ...
سوسو :أسفــه والله ماقصدت أقلب عليك المــواجـع ...
آآآه ياســوسو لاتعرفيــن أي جــراح مست يداك ولا أي عواطف تثيريها ببرائتك ...
كم أحسدك على جهلك المــاضــي ...!!!
فالجهـــل نعمـــه كالنعمــة النسيــان صعبـة المنــــال ...
سوسو :يالله عاد وش قلتي بالتجيــن ولا أيــش ...
ميشـو :وعلى من وقـع الأختيــار هذه المــره ..
سوسو :على بنت خالتــي هند تعرفينهـــا المزيــونه ....
ميشـو:وكيف علم اخيك بأمــرها ...
سوسو بالضحكــه :تصدقيـن عاد أن وحده من حريمـه المطفق مطريتها قدامــه صدق الغبــاء بلــوه ...
أجبـت بحنق ...
ميشــو :وهل ذنبهـا أنها طاهرة القلب ..؟!! .. مأدراها بنوايا أخيك الخبيثـــه الا يسمــع بفتاة جميلــه الا ويتزوجهــا ... والآن وقد أكتمــل العقــد ماذا سيفعل لو هبطت حوريــه على أرضــه ...
سوسو :يعني وش بيسـوي أكــيد بيطلق وحده من الدرزن اللي عنــده ويتزوج الحــوريه اللي هبطت على أرضــه على قولك ... الاصدق فيه سؤال يطقطق فكبــدي من زمان ودي اسألكي ياه ..؟!!
ميشــو :وماهذا السؤال أرجــو الايكــون في الحســاب ...
سوسو بالتصنع ضحكــه :ياسخفك بس السؤال ياحبيبتي الأبلــه كم كانت تعطيك بالانشــاء ...
جوابي الوحيــد لها أن أغلقت الهاتف بوجههــا ...
ماذا عــن الحفلــه هــل أذهــب ..؟؟!!!
لدي الكثيــر من الوقت لأفكـــر والآن الا عالم الأحـــلااام ...

××××××××××××××××××××

((5))
<.. خطـــر .. >


ضحـــى
صحيت من النــوم على صوت نغمــة جوال مزعجـــه نظرت بالساعة المنبــه كانت الساعه خمــس العصــر يووووه راحت علي نومــه ياربي وش هالأزعاج الجوال للحيــن يدق ..
طلعت من الغرفه وتتبعت الصوت لين وقفت قدام غرفة مشــاعل فتـحت الباب عليها وفعلاً كان جوالهــا اللي يدق بس هــي وينهــا .. انتبهت على شي متكــوم على الأرض كانت هي شكلهــا غاطســه فالنــوم أخذت جوالها وصكيته بوجـه المتصل وحطيتـه على الصامـت وطلعــت من غرفة مشـاعل ...
نزلت تحـت وعصــري كلــه قضيته ادرس خواتي والشدن اللي بديت اعطيهــا دروس مكثفــه في الرياضيــات مادري كيف مانتبهت لذكاءها اللي
واضح وضوح الشمــس اللحيــن بس بديت أذكــر مواقف استوت قدامــي بس مافكرت فيها مرتين عشـان كذا مرت مرور الكــرام ...مره لما كانت عمــره سنتيــن كانت جالســه تلعب فمجله ..
وجات لعنــدي وهي تأشــر على صوره فالمجلــه :روتانا خليجــي ...
طالعت بالمجلــه اللي كان فيها موضوع عن روتانا وفيــه شعـار القنــاه
وشدن رغــم صغـر سنها اقدرت بنباهتهـا تربط بين الشعار فالقناه واسم القناه اللي يتكررفيهــا وبين الشعار
بالمجلــه ...
ومره وعمرها ثلاث سنوات قدرت تكتشف من المجــرم


بالرسوم المتــحركه ووعــد اللي أكبــرمنها ماقدرت..
وأشيـاء كثيره مــره مثل انها تقدر تحفظ أشيــاء كثيره بالنفس الوقت وذاكرتهــا القويـــه ... ماحسيت الا على يدها الصغيـره تهزنــي ..
شدن :ماما خلصت الواجــب ....
ضحــى :وريني أشوف ,, بس عندك خطأ هنــا ...
يالله روحـي حليــه من جديد وأرجــع ورينــي ...
وبعــد ماحضــرت الدروس اللي بشـرحه بكــره طلعت لســوق ومعي شدن أشتري الأغــراض اللي ناقصتنــا ...

كنا بالســوبر ماركت كبيــر يوم قالت لــي شدن ...
شدن :ماما ابي فلــه ...
ضحــى :طيب حبيبتــي اذا كان سعــرها مناسب بشتريها لك ...
شدن : بليز ماما أبيهــا ...
اووووف أنا ليش جايبتها معك دفيت العربــه اللي معي ورحت معها لقسم الألعــاب ياحبيبــي بالسبعيــن الريال يعنــي مية الريال الا شــوي والله هذا اللي ناقص أشتــري لك يابنت عسـاف لعبــه بميــة الريال ...
قلت علشــان أفتك منهــا..
ضحــى :خلاص حبيبتـــي المــره الجايه نشتريهــا ...
شدن بأصرار :اللحيــن ولا خلاص مأبيهــا ..
لا بعــد تعــرف تعزز ...
ضحــى :أجل خلاص مافيــه ويالله قدامــي بنطلــع نحاسب ...
شدن :ماما بليز ...
ضحــى :شدن يالله بلاعنــاد حنا ماعنـدنا ناكـل عشان اشتريك لعبــه بميـة الريال ...
تاففت شدن وسبقتنــي للمحاسبــه ...
وقفنا فالصف ننتظــر ... كان اللي قدامنــا رجــال كان مشتــري أغراض ومن بينها لعبــة فلــه اللي كانت تبغاها شــدن اكيــد مشتريها لبنتــه لأنه واضح عليــه كبير ومتزوج ...
شدن :ماما مأشترينا بونتــي ...
أووووف ذي كل شوي متذكــره شي ...
ضحــى :طيب روحي جيبــي لك بالسـرعه .. وبالسـرعه راحت وجابتــه وحاسبنــا وطلعنــا وقـدام الباب .. كان واقف الرجال اللي قبل شــوي وبس شاف شدن ناداها وعطاها اللعبــه ...
وكلمنــي وهو يناظــر بالأرض ...
الرجال :اسمحي لي يأختــي أنا مأبغي أحرجك بس انا سمعت كلامكــم داخــل وماهانت علي الصغيــره اللي أعتبـرها مثل بنتــي المرحـومه ...
كنت برفض بس بعــد كلامــه عن بنتــه الصراحـه انصدمت ومأقدرت أتكلــم معقولــه فيه احد يحزن على بنتــه لماتت أذكــر اللي يزعلــون عليه الولد بس البنت مأعتقــد وحطــوا قدامهــا علامــة استفهــام كبيــره ..!!!
كان يتكلــم بس ماسمعت الا أخــر كلامــه اللي كان مع شــدن يسألها وش اسمها وكم عمرها ومن هالأسئلــه ...
كنت بطلب من شدن ترجع له اللعبــه بس بعد ماشفتها كيف متعلقـه فيهـا ماقدرت أكســر خاطـرها مايكفـي أني موقادره أشتريها لهــا بعــد أحــرمها منها وهي جايتهــا هــديــه ... رجعنا للبيت ومــر بقية يومــي مثل بدايتـــه طلعت أنام على الســاعه وحــده ...
وجلست فتره كبيــره والنــوم مجافينــي أحــس بخــوف فضيع أحـــس بخطــوات الخطــر تقترب منــي وأنا جالســه مكاني اقتربهــا ... صوت نعاله على الأرض وخطــواته يصعــد الدرج يفتح باب غرفتــي ويحط يده على رقبتــي ويخنقنـــي بــموووت لااااااااااااااااااااااااا ....
صحيــت والعرق يتصبب منــي وقلبي من كثر مايدق أحســه بيطلــع من صدري ... همست لنفسي بصوت مسمــوع ...
ضحــى :كان حلـــم ياضحــى حلـــم الخطـــر عمـره ماكان له رجلين يمشــي فيها ولايدين يخنق فيهـا ...
رجعت أنام بس ماقدرت وصوت خطــواته فالحــوش ثم على الدرج وبعــدين يرجع ينــزل ...
لوجلست دقيقــه الزياده على هالحـاله بجـــن ...
استغفــرالله العظيــم ...
جلست أقــرأ بعض سور القراءن اللي حافظتــه فالسري ...
وغفيت بعــدها بالسلام لين جاني الخطــر بس هالمــره مايخنقنــي لا يصحينـــي ...
ملاك وهي تهــزني بقـــوه :ضحــى أصحــي ضحــى ....
سألتها وأنا للحيــن ماني مستوعبــه اللي قاعد يصيــر ...
ضحــى :وش فيك ..؟!!
سارا برعب واضح والصدمــه واضح عليهـا
:اصحي ضحــى أبوس رجلك أصحــي واللي يرحم والديك ..
ملاك :ضــحى فيــه واحد تحــت ...
ضحــى :الخطــر لا أنا للحيــن احــلم .. وغطيت وجهي بالغطاء ...
هزتني سارا بقوه ورفعت اللحـاف عنــي ..
سارا :قومي انتي ماتحلميــن فيــه واحد تحت ...
ملاك :ضحــى بالسراعه قومي قولي وش نســوي ...
فتحت عيونــي ببطء وأنا أحاول أقنع نفسي أن اللي يصير واقع مو واحـد من كوابيســي ..
سألتهم بهدوء بعد مأنتبهت على أشكالهم الشاحبــه وصدقت أن فيه شي خطأ قاعـد يصير ...
ضحــى :عيدي من جديد ماكنت صاحيـه يوم كنتوا تكلمون ...
سارا :فيه أدمي مأدري جنــي تحت .. واشرت بيدها لطابق السفلي ...
ملاك :ضحـى تكفين لاتجلسين تطالعيــن كذا والله فيــه واحد وحنا جالسين تحت فتح الباب بمفتاح ودخل علينــا ضحــى هذا أكيــد جنــي ...
واحد تحـت ,, جنــي ,, ادمــي ,, المحصلــه فيه شخص غريب فبيتنــا قمت من مكــاني مثل الملدوغه وبسرعه خرافيــه طلعت المسدس اللي احتفظ فيـه بين ملابسي ... ونزلت الدرج اللي كان مظلــم وسارا ومــلاك يمشــون وراي ...
ملاك :بتذبحينــه فيــه ...
كملت انزل بدون مارد عليها ...
وبس وصلت لمكــان كانت الصاله واضحــه لي فيــه شفت الخطــر جالس على الكــرسي اللي مقابلنــا وراســه بين يديـــه ...
يارب كنت احلــم كابوس ثاني وثالث ورابــع خيــر من الواقع اللي متجســد قدامـــي ....






نهايــة الحلقـــه السادســـه
من هالنهــايه تبتــدي قصــة احد أبطــال القصـــه ..؟؟!!!
توقعــاتكم أرائكم أنتقــاداتكــم لاتحــرموني منهــا .

و راح اكمل تنزيل ان شفت تفاعلكم.سلاااااااااام

[..الحلقــه السـابعـــه ..]


تابـــع
<<..خطـــر ..>>


ضحـــى

كابــوس كل اللي قـاعد يصيـــر الا اللحيــن كابــوس وبصحــى منه مهمـا طالت مــده .. لأن اللي يسـافر مايرجــع للأبــد .. بـس الخيـال اللي جالس على الكــرسي وشناطـه اللي عنــد الباب تقــولــي الا المسـافر يــرجع ولو طال سفــره ..
أنتبهـت على خبطــه على كتفــي ..
سارا :وش فيك واقفــه روحـي طلعيـه من بيتنــا ..
قلت وأنا أحاول أوطي صوتي وخليـه ثابت ...
ضحــى :طيب أنتـوا أطلـــعوا لغرفتكــم عشـان لاصـار شـــي ...
ملاك :لامستحيــل ونخليك لحالك ..
سارا:ياربي هذا كيف دخــل أنا بجــن ..
اووف وبعـدين معهم لو نزلــوا معــي ماراح أقدر أطــرده من البيت وبيعــرفون من هــو...؟!
سـارا :اأنا اقولكــم بنهجــم عليه مره واحده ونضربه لين يفقــد الوعي بعدين نرميــه بالشــارع ...
والله الفكــره ماهــي بطـاله بس وين نقــواه هذا بيــد وحده يحطنـا كلنا على بعـض ويرمينـا بالشــارع .. اووف حسبــي الله عليــه هـذا وش رجعــه ماكنـا مرتاحيــن وهــو بعيــد ..
ملاك بخــوف :لايكـون سكــران ...
صـرخت فيهم كأني ناقصتهــم ..
ضحــى :انقلعـوا فوق وأنا اعرف اتصـرف بنفســـي مأحتـاج حمايتكــم ماتشوفـون المســدس اللي معــي ...
كانـوا خلاص استسلمــوا للأمــر الواقـع وبيطلعــون فوق وبقـدر أتعامــل مع المصيبــه هذي بس شدن اللي طلعت بالسـاحه بوقت غيـر مناسب وصـرخت بذعــر يوم شـافت المســدس اللي كان معــي
خربـت كــل شي ولفتت أنتبــاه أبــوها (..عســاف ..)
××××××××××××××
((1))
<<..ضيف غيــر مرغوب فيــه..>>


عســاف
وصلنــي خبــر وفاة أبــوي اللي لــه مده تعبـان وفالمستشفــى واضطــريت أرجــع من سفـري الطــويل وكنت أتمنــى ارجـع بظرف غيـر هذا ,,وبعد المده الطـويله اللي قضيتهــا فالطيـاره كنت مــرهق والتعـب هالكنـــي ولو رحـت لبيتنــا بمثــل هالظـرف بالزيــد الطيــن بلــه فتوجهـت على طــول لبيت عمتـي أم مبــارك اللي كان معـي مفتاحــه فتحـت باب الشـارع ودخلـت قلت أنام بالمجلــس لين يجــي الصبــح بــس مجلسهم كان مقفل وأنا تعبـان ومامعي قــوه افتحـه طيب ليــه القــوه وأنا معي مفتـاح البيت الداخلــي وعمتــي ماعنـدها أحــد بعــد سمـاح ألا بنات ولـدها وصغــار...
فتحـت الباب ودخلــت بس نزلت شناطــي على الأرض حسيت فـيه احد بالصالــه وصـوت صــراخ وشخصين يطلـعون السلــم ركــض ...
جلست على أقرب كرســـي صادفتــه التعـب مو سامح لــي حتـى أفكــر باللي قاعـد يصير جلست فتــره وأنا على جلستـي هذي لين سمعــت صوت صرخــه ...
رفعت راســي يوم شفت مجمــوعة بنات واقفات علــى السلم ويناظــروني بالدهشــه وخــوف وترقب ...
معقــوله هذا مـوبيت عمتــي يمكـن انباع علــى احد ثاني ياءالله هذي كيف طافتنــي يعنـي اللحيـن أنا متعدي علـى بيت شخـص ثانــي بس لوعمتــي بايعـه البيت مو معقـوله السكـان الجدد ماغيـروا قفــل الباب ... !!!
صــح هذي مستحيلــه يعنــي البيت للحيـن بيت عمتــي بس ...!!
(1):هـي أنت وش تســوي فبيتنـــا ..؟!!!
(2) ايه صــح وش تبــي فبيتنا بتطلــع ولا نتصــل بالشرطــه ..؟؟!
(3)هي وكاله من غيــر بواب ترى عنــدنا رجال بس ماودي نخرب على أبوي نومتــه ونصيحــه عشـان حرامــي غبي مثلك ...
(2)وش تحتــري أطلع انفذ بجلــدك ولاترى أختـي ضحــى بتقتلك بالمســدس ...
(3)ياربــي يحسبنـا نلعب عليــه أطلع يامتخلف أنت ولابنصـرخ ونلم الحاره كلها عليك ...
(1) ماما الحــرامي الغبــي مايبغى يطلـــع أضربيه بالمسدس بس مع رجلــه عشـان مايمــوت ...
(2) لايكــون هربانـه من مستشفـى المجـانين شوفوا كيف يطالعنــا تقـل خبـــل ...
(3)ولايمكــن من الأرهـابين .. ايه ترى لوكنت أرهابــي حنا نحب الدولــه وماحنـا خايفيــن منك استغفر الله العظيــم كيف تفجـر بدولتك خاف ربك ...
حرامــي وأرهابــي ومجنــون كل هذا طلعتنـه فينــي بنات مبــارك هـذا أنتــن وماراح أتغيــرن الخــوف ممســوح من قامـوسهـن ولارجال غريب وجالسـات يسولفــن معه طيب لو طلعت صدق حــرامــي ..!!
ولا ياضحــى بتقتليــن بمســدسك ماهــي بعيــده عنك يازوجتــي العزيــزه ..!!!
سألتهــن بأستخفـاف ..
عســاف :افاا بنات العــم ماعرفتنـــي ..!!
(2) حلــوه بنات العــم هذي ..!!
(3) أتوقع بيقـول بنات عمـه بالأســلام ..
ضحــى :سارا مــلاك بس بلا أستهبــال ... هذا زوج عمتكـــن المحـترم ...
زوج عمتكــن يعنــي للحيــن مايدرون طيب أنجاريك ...
(1) أي عمـــه ..؟؟!!
وتكلمــوا مع بعض بصـوت واطــي وبعدها طلعـوا فــوق .. وأنا جالــس مكانـي مأدري وش مصيــري ..
وبعـد عشـردقايق نزلـت وحـده منهــم ومعهـا فراش وغطــاء ...
وقالت :أطلــع نام فالحـوش ..
عسـاف :وليش ان شاءالله لاتخافــون ماني بأكلـكم ...
:ماحنا بخايفيــن بس حنا نبــي الأفضل لك لأن هنا مافيــه مكيف بعديــن وش يقولون الناس عنا مدخليــن واحد غريب فبيتنا ومرقدينــه فصالتنــا ..
مانقشتهـا أكثــر حملـت الفراش اللي عطتنــي وطلعت للحــوش وسمعت صوت تقفيل الباب بالمزلاج يعنـي أفهمهـا طــرده ...
فرشت الفراش على الثيل تحـت وحده من النخــل لا وبعـد مافيــه مخــده كورت الغطاء وتوسدتــه نعمــه بعــد فيهــن الخيــر بعد يمكــن لو أني جاي بهالوقت لبيت واحد من اخوانــي طاردينــي بالشـارع ..
بس بعد النــومه على الأرض ماهــي مريحــه بعــد أكثر من عشـر ساعات بالطيـاره كنت احلــم بالدش بارد يزيــل تعب السفــر وفراش مريــح بس الواقـع قاســي
نايم فملابس السفر وعلــى الأرض حــر وقرف .. جلست اتقلب تقريبــن ساعتيـــن وغطيت بعــدها بنــوم عميق .. وصحيـت بعدها بكــوب ماء بارد على وجهــي رفعت راسي بشــوف من ســوى الحـركه هذي مايسويهــا غير هشــامووه الواطــي ..
وصـرخت بقهــر ..
عساف :ياكــلب ...
وسكت يوم شفت شــي طويل أســود واقف فوق راسي
رجعـت راسي على ورى وتذكـرت أنا ويــن ..؟؟َ!!
ضحــى :ماكان عنــدي حل غيرهذا لأنك كنت نايم مثل القتيــل ..
قلت لها بلسـان ثقيل من النــوم وأنا احك شعــري ..
عسـاف :لي فوق الاربع وعشـرين ساعـه مانمت ...
قالت بدون اهتمــام لشرحـــي ..
ضحــى :تبغى فطــور ادخــل ...
وش فيها تكلم معي من الطـرف خشمها هذي ترى مو جالس فبيت أبوها هذا بيت عمتـــي ..
لحقتها وأنا امشط شعــري بيدي ..
دخلت بعدها الصاله اللي كانت تعج بالســواد وللل عليك يامبـارك كل ذولي بنــاتك ..
جلست على الكنب وحطت قدامــي طاولـه وفوقها حطت صينيــه فيها الفطــور ..
وطلعت فــوق .. واول ماطلعت نطت وحــده من خواتها كانت بس لابســه مريـول بدون عبـاه وفصلت فيش التلفــون وطالعت بالمـوجوديـن وقالت :ياويــل اللي تعلم ياعســاها للمــوت ...
قالت ثانيــه :قسم بالله أنك حوطيــه بيدقـون على جوالهــا ...
:هاه لاياربـــي وش الفال هــذا ..

وطلعن بعــد ماسمعــوا بوري باص المدرســـه وجلست بالصاله لحالي ومعــي بنوته صغيــره أول ماطلعن قفزت لفيش التلفــون اللي فصلته اختها وشبكتــه وطلعت فوق
...

جلست أقلب نظــري فالصـاله كبيــره بس اثاثهـا جداً متــواضع مافيهـا أي زينـــه كل اللي فيهـا طاولة التلفزيــون وملحقـاته ومكتــب يجــي فوسط الصـاله تحـت السلــم فقط لاغيــر خلصت فطــور وصابني الملل فتحـت التلفزيــون وجلست أتابــعه ياحبيبــي الدش أوربــي الصـراحه صدمـه لي عمتــي كيف ترضــى بالشـي هذا فبيتهــا خبـري فيهـا متشدده..
ماحسيت الا علـى صوتي طفـولي :حطه على ستارأكاديمــي ...
طالعتها فغبـاء هذي من متــى هنا ..
:لاتطالعنــي كذا هذا تلفزيــونا ...
ضحــى :شدن عيب أتكلميــن مع الكبـار كـذا ...
شدن بنتـــي ياءالله أخــر شي كنت اتوقعه شدن تكبــر
توقعتهــا ماتت مو قالــوا مريضـــه وعمــرها قصيــر ..
كيف عــاشت ..؟؟!!!.. مستحيــل لاياربـــي أخر شي أبيـــه أكـون مسئول عــن بنت يعنــي أنا ناقص ...
أنا ليش تزوجـت من الأسـاس كله من أبــوي هو اللي غصبنــي اخخخ يالقهـرمو كفايـه انجبـرت على الزواج مــرتيــن يكـون عنــدي بنت
...ياهي حالـه بس هم قالوا بتمــوت كيف عاشت ...
سألتنــي ضحــى بلهجـة أستخفـاف
ضحــى:وش رجعـــك ..؟!
عسـاف :أبوي مــات ...
قالت بالطــريقه استفزتنـــي ..
ضحــى :الله يرحمــه أرتاح وريــح ..
عمــري ماشفت احد وقح بالكلمــه كثرهـــا ..
عسـاف :استحــي على نفسك اللي تكلميــن عنـه هذا عمــك ...
ضحـى :لاتغلط عم أبوي ماهــو عمــي ولا أتشـرف فيــه ..
لاهذي مستــقويــه مارديت عليها هي حـره برأيهــا ..
ماني مجبــر الناس تحب أبوي .. اذا أنا ماحسيت الا بحــزن بسيط كان قاسي الله يسامحـه ويغفـر له ..
أي صــح عمتــي ماشفتهـا سألتهـا ..
عسـاف :الا وش أخبــارها عمتــي ..
تأخــرت بالرد بعدين قالت ...
ضحــى :طاحت علينا من ست سنيـــن وبعدها انشلت وللحيــن هذي حالـــها ..
الخبــر وقع مثـل الصاعقــه علــي وشلــون يعنـي أنشلت ومن ست سنيــن يعنــي بعد سفــري .. أذا عمتــي راعيـة البيت أنشلــت ومبــارك هاجــرهم من السنيــن كيف عايشيــن من يعيلهــم ماتجـــرأت اسأل هالسؤال لأن الجــواب اللي بيجينــي أكيــد ماراح يعجبنــي والشــي الأكيــد أن أخوانـــي ماوقفوا معهـــم يعنــي أسكت أفضل لـــي ..
طاحت عينــي على شناطــي اللي ورى باب الصـاله ماتحــركت من مكــانها .. وطــرت فبالـي فكــره وقلت على طــول بدون تفكيــر ..
عسـاف :بنســوي عــزاء أبــوي هنــا ...
ضحــى :هـذا من سـابع المستحيــل ..
عسـاف :وليش أن شاءالله ..
ضحــى :أولاً حنــا بيتنــا على قدنا ثانياَ عــزاء أبوك بيجــي فيــه ناس أنقطعت علاقتنا فيهـم من دهـــر ومانبغى علاقتنـا فيهم تجدد ...
عسـاف :ومن هالنـاس قصدك أبوك ...
ضحــى :أبوي وغيـــره مو معناتها فتحنــا لك بيتنـا بتستغلنــا وعلى فكــره الأفضــل أنك انت بعد تبتعــد عنا مأنت ملزوم وأنت فاهم وش أقصد جدتــي ومريضــه والوجــه من الوجــه أبيض ...
قصدها أطلقهــا طيب وأنا أبيها من الله بس مأعجبتنــي الفكــره انها تجي منهـــا ... فقلت بشـي عمري مافكـرت فيــه ونسيته مع الزمــن ..
عسـاف :وبنتـــي ..
شفت الأرتباك بعيــونها لأنها كانت متنقبــه
وقالت لشدن اللي كانت تابع التلفزيـون وأذنها عنــدنا ...
ضحــى :شدن اطلعــي فوق ..
شدن بتلكع :لا ماما كيف اطلــع فوق وأخليك مع الرجال لحالك ...
هذي كم كبرت بالسنيــن اللي سافرت فيها شكلها كل سنه عن سنتيــن ...
ضحــى :يوم أقولك أطلعي فوق تطلعين وبدون نقـاش يالله فوق ...
طلعت شدن بدون أي كلمـــه ..واجهتنــي ضحــى والشرار يتطاير من عينهــا ..
ضحــى :أسمعنــي عاد ياولد محمــد لاتقعـد تعذر لــي فبنتك تبــيها تفضل خذها مأحد مانعك بالعكــس بتريحنــا .. وأشــوف كيف بترد عليها لسألتك ويــن كنت عنــي هالمــده وليه رميتنــي وأنا صغيره بحضانة المستشفــى وماسألت عنـــي ...
عسـاف :قالوا بتمـــوت ...
ضحــى :حلـو بتقــولها قالوا لــي أنك بتمــوتيــن ...
ماقدرت أرد عليهـــا قويــه تعرف من وين تنمسك العصــى ..
عســاف :والمطلــوب اللحيــن ...
ضحــى :أطلـــع من حيـاتنا لأن رجعتك هذي ماراح تجلب لنا غير المصــايب حنا مرتاحيــن كذا...
تحـركت بعصبيـه وأخذت شنطتــي وعنـد الباب قلت لها ..
عســاف :أنا اللحيــن طالع بس راجع بعد العزاء وأعرف كيف أتعامل معك ...
×××××××××××××××××
((2))
<<..الماضــي يعود..>>

ضحـــى

قلعـــت ماردي فقدت هالـوجـــه حسبــي الله عليك وش مرجعــك وأبوه ذا مالقــى يمـوت الا اللحيــن استغفـر الله العظيــم وهو مأدري وش البــر اللي نازلــه عليـه عشـان يرجع بعـزى أبوه طيب دامك اللحيــن مازرتـه وهو مريض تجـي بعد مامات وش الفايده ماهـو داريـن عنك حضـرت أو لااا .. وأنا وش دخلنــي فيه يصطفــل منه لأبوه دامنــه بعيــد عنا بس خله يحـاول يقرب أويتدخــل في شئونـا ان اعرف كيف أوقفــه عنـد حده والله هذا اللي ناقصنــا ولد محمــد يتدخــل بحيـاتنا موكفايـه أبوه هو اللي دمـر حيـاتنا وأبعــد أبونا عنــا الله لايحللــــه ...
ست سنيــن ومحد سأل عنـا ياخــوفي برجعتــه ينفتح المــاضـي خـوفي ماهــومنــه خوفــي خواتــي يدرن عــن سري اللي دفنتــه فبيـر عميق من ست سنيــن من طيحت جدتــي وساعدتنــي بكتمــه مشـاعل لو درن وش بتكــون ردت فعلــهن بيشكـن أني ممكــن اتخلــى عنهـن عشـان رجــال وهذا اللي مستحيـــل يصيــر بس كيف بقنعهــن بصدق مــوقفــي وأني ببقــى طول عمـري معهــن ومستحيــل يفرقني عنهــن الا المــوت ...
وش فيك ياضحــى صايره ضعيفــه .. ؟!! .. مو مهم يقتنعــن خل يشكــن على كيفهــن وبالأخيـــر فعلــي هو
اللي بيأكد صدق نيتـــي .. وشــدن .. وش فيهـا شــدن ياضحــى ..؟!خايفـه يأخذهــا ..!!!.. الشمــس اقرب له من نـــول مطلبــه أصلاً هــذا أذا فكـر يأخذها لأنــه مو وجــه يتحمل مسئوليـة نفسـه عشـان يتحمل مسئوليــه طفلـــه ,,لاتلعـب فيك الهـواجــس ياضحــى شدن باقيــه وعســاف بيرجع من مكــان ماجاء وبيجلس ست سنيــن ثانيــه قبل مايرجــع مره ثانيــه وأكيـد بيلقى اللي نسيــه زواجــه وأذا سافـر المـره ذي برفع قضيــة طلاق بالمحكمـــه وبأذن الله بأكسبهـا لأن فيــه عوامــل كثير تأقف بصفـــي ... وبصك قضيــة زواج أنجبــرت عليــه من جدتــي العزيــزه وأنجبـر عليه عسـاف مثلـــي والعـذر عشـان شدن ماتضيـع
وبالأخيــر أبوها رماها وأنا اللي تورطـت فيهــا .. لاتغلطيــن ياضحـى شدن مو ورطــه شدن بهجــة هالبيـــت .. بـــس عيبهــا فالحيــاه أبــوها مثل محنــا عيبنـا أبونــا ..,,.. ليـــه أهلنــا يحسبونا عـار عليهم مايدرون أنا حنــا بعد مانتشــرف فيهـــم ..؟؟!!
أنتبهت من غفلتــي على سؤال شدن ..
شدن :ماما زوج عمتــي طلع بيــرجع ...؟!
ياحليلك ياشــدن زوج عمتــك صدق شر البليــه مايضحك ...
ضحــى :مأعتقــد يرجــع وحتــى لورجــع بنطرده من حيـاتنا مثل مادخلهــا بدون استئذان ...
شدن :ماما صايره تكلميــن مثل اللي بتلفزيــون ...
سكت ماردت عليهـا وش أقولها بعــد بس شدن مستحيــل تسكت ..
شدن :ماما ليـه مارحتــي للمدرسـه اليوم ... ؟!!
قلت لها بالسخـريه ..
ضحــى :عشان زوج عمتــك مايقعد لحــاله..
شدن :ماما بقول شـي بس ماتقـولين لـوعد اني علمتك ...
قلت بالتسليــه ..
ضحــى :لاماني قايله لها بس أنتي قولي ..
شدن :وعد فصلة فيشة التلفــون قبل ماتطلـــع تروح للمدرســه ...
الله يستر أي مصيبـــه مسويتها ياوعــد ..
ضحــى :قومي اشبكيــه ..
شدن :اصلاً انا شابكتــه من زمــان ..
ضحـى :زين سويتــي ومره ثانيــه أي تصـرف غريب مثـل هذا تجيـن تخبرنــي ..
وأنا أتكلم مــع شدن سمعنــا صوت الجــرس اووف لايكــون هذا رجــع ماراح أفتح له الباب أمــس رأفت فيـه وخليتــه ينـام فالحــوش مع أنه كان بأمكــاني أطرده ومـوعشــانه بس خايفــه من كــلام الناس اللي مايرحـــم ..
شدن :ماما أروح أفتح الباب ..
ضحــى :روحــي وسألي مــن وأذا كان زوج عمتك وأنا متأكده أنه هو لاتفتحيــن له الباب ..
وطلعت شدن بتفتــح الباب وأنا واقفــه على باب المدخـل اراقبهــا ..
شــدن بصوت عالـــي :ميــــن ..؟!!
منيــر :شدونه أنا أفتحــي الباب ...
شدن بسرعه فتحــت الباب ومنيــر اللي مأنتبــه لي دخـل وصك الباب ومبــاشره سأل شدن
منيــر :من اللي كان عنــدكــم ...؟؟!!
قلته له عشـان الفت أنتبـاه للوجودي ..
ضحــى :الناس تسلــم ..
ياحليــه شكلــه انصدم لأن لون وجـهه تغيـر وتلعثم بالكـلام وهويقــول ..
منيــر :هاه .. مأنتبهـت أسف ..
قلت له بالتسليـــه ..
ضحــى :مأنتبهــت ولامأتوقعت وجــودي يالغايب ... ليش مارحت المدرســه ..
تأافف وهـويقــول ..
منيـر :أنتـي هنا وقيسـوه فالبيت منيــروه ماغسلت لبسـي حق الرياضــه وش أســوي ...
عذر أقبــح من ذنــب .. بــس بسيطـه اذا ماخـربت عليك فرحتك بالغيــاب ,,قلت لــه بلعــانه ..
ضحـى :زيـن بعد جيت لأني هالوقت فاضيـه أدخــل اشـرح لـك رياضيــات ..
هههههههه أمــوت واعرف ليــش هالجيـل يكـرهون الرياضيــات ليتكـم بس تشــوفون وجـه الواحد منهــم لأطـريت له الرياضيــات ...
قضيت ساعتيــن اشــرح له بس أيــش والله الـولد أبلــه يمكـن لوشارحــه لشدن فهمـت من زمـان بــس يأنا يامخــه المقفـــل وبالأخيـــر انا اللي أنتصــرت ذكــرني هالمــوقف بمعلمــه مصـريه كانت تدرسنـا بالثانوي تقـول أنا يعنــي هي لواشـرح لصخـر نطق أستغـفرك يارب ...
كانت الساعـه عشر يوم نزلت مشـاعل من فوق ومبـاشره سألتنـــي ..
ميشــو :ماذا حــدث هــل غادر ..؟؟!!
قلت لهـا وقصدي ألمح لهــا تنتبــه لاتغلط .
ضحــى :أيه أنقلـــع تعرفيـن هوحيـا الله زوج عمــاتنا وماتوقع يجــي مـره ثانيــه الاعشــان يزور جدتـــي ..
ميشــو :أجل معكِ حــق هل تأتيــن لدقيقــه أريد الحديث معك ...
وراحـت للمطبــخ وأنا لحقـت فيهــا .. وأول مادخلـت قالت ..
ميشـــو :قولي الحقيقــه نحــن الآن لوحدنا .. لمـاذا عـاد .؟!
ضحــى :يقــول أبوه مــات .. تبين الصراحـه ماني متطمنتلــه أخاف يأخذ شــدن ولايطالب بالشــي ثانــي ..
ركلت ميشو الجداربالرجلهــا وهي تقــول ...
ميشــو :اللعنـــه لما عاد ...
قلت أواسيهـا ..
ضحــى :قدر ومكتـــوب ...
ميشـــو:أجــل قدر وقدرنا في هذه الحيـاه أن نعيش بالتعـاسه والشقـــى متى ستطرق السعـاده باب منزلنا ...
قلت أغيــر الموضـوع ..
ضحــى :اشوفك لابسـه بتروحيـن الجامــعه ...
ميشــو :أجل أنا ذاهبــه وأذا طــرأ جديد أتصــلي بي ...
وطلعت وهي تلبس نظارتها الشمسيـــه من فوق لثامهـا ...
××××××××××××××
((3))
<<.. ميشـــو بالجـامعه ..>>

ميشـــو


وعادت الطيــور المهــاجره لأعشــاشها وكلـي أمــل أن لاتجــد في أعشــاشها مايدعـوها للبقــاء ... عســاف ياعســاف أي ريح خبيثــه حملتك لنــا وبأي الأحــوال عدت ألينـا ياسارق فرحــة أختــي وميتــم أبنة عمتـــي
رابــع أكره الرجال فــي قامــوسي ,, لما عـدت سألت أختــي ولم تجبنــي اذاً أيــن سأجد لسؤالــي جــواب ..؟!
.. وماهــي خطوتك القادمــه ..؟!!
أنظروا ماذا فعــل هذا الأحمـــق سفــر صحت به ..

ميشــو :حسناً لست متفرغــه لغبـائك استاذ سفــر فأرجـوك أنتبــه لطريق ..!!
سفــر :ماما أنا شنـو سوي ...


يالك مــن بريء .. جميعكــم رجــال لـن تكــون أفضل من أبنـاء جنسك ,, وأخيـراً وصلت للجــامعه ..
كنت فــي دورة المــياه حيــن حجبـت يدان عينـاي على غفلــه مــني أخذت اتحـسس يديهــا فطبعت قبلــه على خدي ... فقلت وأنا احاول أخلص عينـاي من يديهـا ..
ميشــو:ريدا أبعـدي يديك القذره عنـــي ...
أطلقت سـراحــي وقالت بلهجــه أمقتهــا ..
ريدا :وش فيــه القمــر معصب ...
لم أجبهـا بل أكملت ترتيبــي لهندامـــي ..
ريدا :اقول ميشــو طلبتك قوليلي كيف تحافظيـن على لون جسمك واحد ..
رمقتهـا بنظرة احتقــار ولم أجبهـا ياللوقاحتهــا ..
ريدا :يووه ترى مــوغيرانـه منك بالعكـس الله يزيد بس قصدي أمدحك وأستفيــد منك وغمزت بعينهــا ..
ميشــو :أرجــوكِ ريدا أجعلنـي بعيـد عــن أفكـارك السيئــه .. ولاتحلمــي كثيراً ..
امسكت بيدي وهــي تقــول ..
ريدا :ياعمــري شكلك مأفطــرتي وجالسـه تقطين خيط وخيط ... تعالي مع بس للكفتــريا نفطـر ونسولف ...
ولم تدع لي فرصــه للأعتــراض كانت تمسك بيدي وأنا أسير مجبره معها أخشــى أن ينفصل جلدي عن العظــم ..
وبالكافتـريا وبعد أن جلسنـا على طاولـه أعتدنا الجلــوس عليهــا ..سألتنــي ..
ريدا :وش تفطــرين ...
ميشــو :علـى ذوقك ..
وقفت ريدا ..
ريدا :اوكي دقايق وجايــه لتحـركين من محلك ..
وبعد أن أبتعدت عنــي قليلاً ناديتهــا ...
ميشـو :ريدا لاتنســي الكابتشينــو ..
ابتعــدت عنــي وبقيت أنا لوحدي اجــول بنظــري على الطالبات التــي تعج بهــن الكافتـريا رفعت نظارتــي فوق رأســي لأتيح لعينـاي فرصــه اكبر لرؤيا .. لفت أنتباهــي فتاة تحمــل بيدها دفتــر كبيربلون الأورنج حينمــا التقت نظراتنـا غمـزت لي بعينهــا سؤالي هــل كنتــي أنتــي عاشقـه ولكــن ألم تخبــريني أن الاورنج ليس من الوانك المفضلـــه ..؟!! (.. نقطــه على السطــر ميشــو موكل ماينشاف ينقـال ..)
الطريقــه البدائيه التــي وضعت بها ريدا الأغراض على الطـاوله اعادتنــي للأرض الواقع بعيــد عـن أحـلام اليقضــه .. وبادرتنــي بقول مستهلك ..
ريدا :اللي مأخذ عقلك ..
لــن أتم لهـا الجملـــه فالفراغات مستساغــه في حيـاتنا ..
ريدا :رجعنا على السرحان ياماما ركــزي معي شوي وأسمعـي وش بقول لك ترى موعازمتك على الفطــور كرم ...
قلت لهـا بلهجـه ساخـره تحبط من عزيمتها ..
ميشــو:كلي اذان صاغيــه ..
ريدا :بليز خلــي عنك هالسوالف ...
ألم أخبــركم .؟؟!!
ريدا :وش أخبارك مـع هايــدي ..؟!!
هايدي مــن هايدي ولكـن قبل أن أطـرح عليها السؤال أسعفتنـي ذاكـرتي ,, اســم التشفيــر ..!!
ميشــو:ترسل تحيـاتها أليك ..
ريدا :تحبــك ..؟!!
بكــل غرور أجبتهـــا ..
ميشــو :بالتــأكيــد بل هــي مغرمــه بــي ..
فقالت بحقــد ..
ريــدا :وأنتــي مبسوطـــه ..
ضحكـت وأنا أجيبهــا ..
ميشــو:علاقــه بريئــه والكثيـر من الهدايا أيــن الخلل ...
ريدا:ماكان هذا كــلامك يوم قلت لك بعرفك علــى هدى ..
ميشــو :أيـن التشفيــر ..
ريدا:ماهم عارفينها مليــون هدى بالسعــوديـه ..
قلت بأنفعــال ..
ميشــو:ريـدا ارجــوك لاتذكــري هذا الأســم أمامـــي .. يالهـا من باغيــه ..
حذرتنــي بصوت منخفض ..
ريدا :اشششش أسكتــي الله يفضحك شوفي كيف الناس تطالعنــا ياشريفة مكــه ..
ميشــو:على أدنــى حد أشرف منك ومنهـــا ..
حملت حقيبتـــي وكـوب الكابتشينــو وغادرت الكافتـريا وأنا ارتشف منــه جرعات تهدأ أعصـابـي وتطفأ نار غضبــي ... أخذت أبحــث في ذاكــرتي عن مـوقع المحاضـره وحينمـا وصلت للقـاعه المنشوده كانت ساعة يدي تشيــر لحاديـه عشر وخمـس وعشرون دقيقــه ..
تأخــرت خمس دقائق كفيلــه بطـرد طالبه اخـرى من المحـاضره خصوصاً عنـد هذه الدكتــور اما بالنسبــه لي فهناك مقياس اخــرى منها زرقــة عينـاي المثيره للجدل ...
صدق أو لاتصــدق
سعــوديــه بعيــون زرقـاء ..
ثلاث ساعات من الشرح المتــواصل وهــز الرؤاس وعقـولنا لم تفقــه شـيء من ممايقال ,, مــوضع واحد تشــرحه الدكتــوره ووصلنــي ثلاثيــن موضـوع مما تتحدث بها الطــالبات تتراوح بيـن الروتينــي المعتاد و المشفــر الخطيــر .. أي أنا من كــل هذا ..
كلمــات مبعثره على صفحات دفتـري الورديــه
أختزلتها من هنــا وهناك حصيلة سمعــي الثاقب ..
وفي رأس الصفحــه أقترب المــوعد ..
أعادت الدكتــوره للمـــره الألف فــي هـذه المحاضـره كلمـات ايليـا أبوماضــي :
قال السماء كئيبة ! وتجهم قلت: ابتسم يكفي التجهم في السما !
قال: الصبا ولى! فقلت له: ابتــسم لن يرجع الأسف الصبا المتصرما !!
قال: التي كانت سمائي في الهوى صارت لنفسي في الغرام جــهنما
خانت عــــهودي بعدما ملكـتها قلبي , فكيف أطيق أن أتبســما !
قلـــت: ابتسم و اطرب فلو قارنتها لقضيت عــــمرك كــله متألما
قال: الــتجارة في صراع هائل مثل المسافر كاد يقتله الـــظما
أو غادة مسلولة محــتاجة لدم ، و تنفثـ كلما لهثت دما
قلت: ابتسم ما أنت جالب دائها وشفائها, فإذا ابتسمت فربما
أيكون غيرك مجرما. و تبيت في وجل كأنك أنت صرت المجرما ؟

أجــل أيكــون غيــرك مجــرما وتبيت في وجــل وكأنك أنت صـرت المجــرما ..؟!؟!
حقـاً كم أنت رائع ايليـــا .. ائذن لـــي أن أبدي أعجــابي الشديد بك .. فلم يمــريوم أكــون فيــه في غاية الكدر وأقرأ كلمـاتك هذه وأبقــى على حالـــي ..بل بقدرة قادر أرى نظــرتي السوداويــه للحيــاه قد تحــولت نظره بيضـاء تنضخ بالأمـــل ...
××××××××××××××××

((4))
<<.. أغتالـــوا فرحتـــي..>>

ســارا

شفتــوا وش صــار ..؟!! .. رجع عساف .. ومــن رجع ونوم مازار عينــي .. اللحيــن وش بيصيــر أكيــد حيــاتنا ماراح تبقــى هاديــه مثل قبــل .. بتنعفس
وبتفتــح جروح نسينــاها وبترجــع مشـاكلنـا مـع أهــل أبوي اللي مانقدر حتــى نتكلــم فيهــا مع بعضنا ...
أكــره هالأنسـان ليــه .؟! لأن أسمــه أرتبط بذكــرى سيئه في حيــاتي ..حادثـه أصعب من أنــي انسـاها والبطــل فيهـا قيس يعلــه المـــووت .. قبــل عشـر سنوات بعــرس عمتــي وعســاف يومهـا كنت طايره من الفرحــه شعـري الطــويل أستشــورتـه لي ضحــى وهذا كان حلم بالنسبــه لي وبعد مالبست فستاني أرسلتنــي لدكان ويوم طلبت منهــا ملاك تجــي معـي رفضت ... رحت لدكـان وجبت الغرض اللي طلبتـــه منــه جدتــي وأنا طالعــه شفت الوحــش جالس يشرب ببســي قدام الدكــان مع عيال الحــاره مريت من عنــدهم بالســلام بس اقفيت عنهــم ماحسيت الا شـــي بارد علــى ظهــري التفيت لهم بقهـــر كان هو اللي كب علــي الببســي مأكتملـــت فرحتــي بالفستــان وشعــري ... ومن حســرتي تجرأت وسبيتــــه وهو ماصدق فرغ علــى شعــري لعبــة ببســـي عائليـــه غســـله غســال ... والعيــال يضحكــون علــــي .. ماكنت اول مره يسوي هالحــركه ياما غسل شعــري من قبل بكل أصناف المشــروبات .. بس اليوم ذاك غيـــر لأنــه قتل فيــه فرحتـــي كانت هذي أمنيـــه لي ويوم تحققت أغتالهــا قيس بوحشيـــه .. وبعــدها صـرت مأفرح ولا أحلـــم لأنــي عارفــه فيـــه اللي بيحـرمنـي من هالفـرحــه ,, وأخرهـا اللي صـار يوم العزيمــه اللي سواها أهـــل خالد كنت فرحـانه لخالد اللي بمثـابة اخ لــي أغليـه كثير بـــس ايش طلــع قيس بالصــوره ودمــر كل شــــي ...



ماحسيت بنفســـي الا أطيــح على الأرض وملاك تصـارخ علــي ...
قلت لها بقهـــر ..
سارا :وجـع ياحمــاره .. وش سويــت عشـان ترمينــي من السرير ..
ملاك :وش اصلح لك من الصبح اناديك وانتي ولاهنا انزلي شوفي المستبــده تبيك ...
الله يستـــر ملاك ماتقول عن ضحــى مستبــده الا أذا كانت بينهم مشكلــه ..
سارا :وش صـار بينكــم ...
ملاك :أنا ماسوت شــي هي اللي صايره ماتنكلــم ,, انزلي لها لاتهد هالبيت على روسنــا ...
سارا :لاتلــوميــن ضحــى
كله من عسـافوه من رجـــع ماشفنــا خيـر ...
ملاك :توني بلير مأدري وش رجعـــه ... لوطايحــه فيه الطياره ومسوين عزاه وعزى ابوه مــره وحــده ...
قلت لهــا بالطريقــه مجنــونه ...
سارا :أي عزى الا عيـــد .. احد يعزي بمــوت الشيطــان ...
مــلاك :والله جبتيهــا وش رايك نسويهــا أفراح وليــالي مـلاح بهالمنــاسبـه السعيــده ...
سارا :والله فكـــره مش بطـاله بس اخاف تدري الحكــومـه وتزج فينــا بالسجــن ..
ملاك :لا ماعليك منهـا ماهي داريــه وش مناسبة الأحتفــال بس أيـــش والله بنخلــي الحاره تنام زيــن الليلــه ...
شوفــي الغبــاء وعلى بالهـا ضحــى بترضــــى نصج خلق الله .... قلت لهـا باستخفــاف ..
سارا :تصدقيـن أنك مره ذكيـــه .. فاكــره أن ضحــى بتسكت لك ...
ملاك :أكيــد بتسكت أذا كانت حجتنــا قويــه والسبب مقنــع ..
ياربـــي بدينــا بالفلسفــه .. هذا ملاكــوه مأدري وش فاكــرتني لماحــه لهدرجــه بعرف وش قصده ..
سارا :ياماما عطينـــي الزبده .. وقولــي وش هوالعـذر المقنع..
مــلاك : مايبيلهـا حرفنـــه القصد نطيــر عسافــوه من البيت ...
تستهبــل هذي اصلاً عسـافوه من طلـع الصبح ماشفنا خشتــه ..
سارا :بــس هوخلاص طار ...
ملاك :أي طار يالخبلــه اذا مارجع الليــله مأكــون مـلاك ...
جت والله جابهــا اذا طلع خطأ عليهـا بخليها تغير أسمهــا ولا هي مــلاك وأنا سارا مايصيـــر ...
سارا :أجل خلاص اتفقنـا اذا ماجاء الليلـــه بتغيـرين اسمــك لرفعـــه ...
يمــه والله أهتزت فيهــا شعـره ..
ملاك :ولايهمــك أتفقنــا بس ماقلتــي لي ليش رفعــه يعنــي ... ؟!
سارا :مادري بس أول أسم طرى على بالي تبغيــن أتخيـر لك اسم بعــد ...
وقطــع كلامي صــرخة ضحــى من تحــت ...
ملاك :ياويلك جاك الموت ياتارك الصـلاه شكـلها بترش على غرفتنا قاز وتحـرق فينـا ...
طلعت ركــض على تحـــت .. واول مالمسـت رجلي ارض الصاله اللي تحــت ...
أطلعت علي ضحــى من المطبـــخ ...
ضحــى :اخيراً تنازلتــي ياسنيـوره ونزلتـي لنـا ...
قلت لهـا عشان اقطـع اندفاعها بالكـلام ...
سارا :وش تبيـــن ...
ضحــى :ابي صوره وتوقيع وش أبي يعنـــي ,, جدتك عطيتيهـا علاجهــا ...
ياهــي وهقــه كيف راحـت عن بالي .. قلت لها وعيوني بالأرض ..
سارا :لانسيت بس صدقينــي أول مــره ...
ضحـى :أول مــره ياحبيبــي ليه كم مره تبيــن تكررينهــا ...
قلت لها بعصبيـــه ... والله تفــور الدم هالأنســانه ...
سارا :لاتجلسين تنافخيــن علي ترى ماني بأصغر عيالك بعــدين انا أنسـانه ماني معصومــه عن الخطأ ...
ضحــى :وليه تخطأين وش وراك مشغلك .. الدراســه ولا الوظيفــه أسمعينــي ياسارا علمن ياصلك ويتعادك والكـــلام للجميـــع أي غلطــه بسجن اللي تسويهــا أسبوع فالغرفــه اللي فالسطــح ...
لا مستحيــل ضحــى عمــرها ماعاملتنــا بهالطريقــه وش صاير لهدرجــه رجعت عســاف ماسببهـا لها قلق ... الله يلعنـــ .. من عرفانــه ماعرفنــا الخيـــر ...
الفت علــى خواتــي اشوف ردة فعلهــن على المــوضوع كانــت رواسهــن فالأرض .. يعنــي مافيــه أحتجاج اعتــراض راضيــن بأستبداد ضحــى ...
ودي أعترض بس مأقدر أخاف تنفذ فينــي التهديد ماتعرفون ضحــى كثر مأعرفهــا اذا عصبت ماتعرف حــلال من حــرام ...
بعــد صلاة العشــاء فرشنـا بالحـوش وبدينـا حفلتنا الطربيــه بعد موافقت ضحـــى ...
ملاك وهي تدق على الطبــل ..
ملاك :وش نفتتح فيــه ...
منيــر :ليله حقت فرقـة ميـامي ..
وعد :لا سهـرتنا لرباح صقــر ...
سارا :لاذي ولاذي الأماكـــن ...
ملاك :ياربي منكم أتفقــوا ولاتدوروا غيــري يطبل لكــم ..
فهالحضــه طرى على بالي سؤال لمنيـــر ...؟!
سارا :منيـــر جابر فيــه فبيتكــم ..
منيـــر :ايه ورى تسأليــن ...
سارا :أتطمـــن انه بيسمع الاهداءت ...
هنــد :بدينا بالمصـاخه ترى بنسحـب من اللحيــن ...
اللحيــن هذي وش ملقفهـــا ...
سارا :نقطينا بسكاتك حنا جايبينك عشـان تصفقين معنا فقط لاغيــر .. واللحيــن ورونـي شطارتكــن وبديت اغنــــي
هلــي لاتحـرمونــي منــه
هلــي لاتبعــدونــي منــه
مثـل ماهــوقطعــه منــي
أنا ترانــي قطعــه منــه
أحبــه أمـــوت أنا أذوب
أنا أدوخ أنا والله ميــت فيـه
احبــه وعقلـــي وروحـــي
وقلبــي ياعلنــي مأبكيــه
هلــي لاتحــرموني منـــه ...
ملاك بالصــرخه :عاشـــواااااااااااااااااااا ...
وضيعــت باقــي الأغنيـــه أشوا أني مو بالستــار ...
منيــر :جاء دوري بغنـــي .......... وقطع كلامــه يوم سمعنا طق علــى باب الشارع ...
سألت من محلـــي بصوت عالـــي ...
سارا :منـــووو ..؟!
:أفتحــوا أنا عســـاف ...
التفت علــى ملاك اللي قالت بفرحـــه ..
ملاك :كسبت التحدي يالله ندخــل لين يخش المجلـــس ونرجع نكمــل السهـره ...
منيــر :فتحتــوا المجلـــس ...
ضحكـت وأنا أقول على الي سويناه ...
سارا :/فتحنــاه بس مانظفنــاه خله يعيــش بين الغبـار والحشــرات بس حطينا له فراش ولحـاف..
دخلنـا للبيت وفتح منيــر له الباب تكلــم معه شــوي وبعــدين دخــل للمجلس وطفـى النور شكلــه نام ...
خفنــا نسوي شـــي نندم عليــه فرجعنــا نسأل ضحـــى ...
اللي قالت لنا بأبتســامه راضيــه وبالفم المليــان :حلالكـــم الليلــه ليلة خميـــــس ...
وفعلـــن احيينهــا ليلــه ماتنســــى ..!!!




نهــاية الحلقـــــه السابــعه
أنا فأنتظــار تعليقاتكــم على الحلقــــه
خذوا راحتـــكم
أي أنتقــاد بتقبلـــه بالصدر رحـــب ...
تحيــاتي لكم

[..الحلقــه الثامنــــه ..]

((1))


<.. أم الخيـــر ..>


وقفت علــى باب بيت تهالكت جدرانــه مافتحــوا لها الباب طــولوا مــره مع ذالك انتظــرت تحت حــر الشمس بكــل اصرارتـدقـه لين أنفتح الباب ...
طلعت لهــا عجــوزوأول ماشافت من ورى الباب تهلل وجهــا ...
أم فيصــل :هلا والله باللي جانا ..
شوشو وهي تمد لها ظرف :تفضل خالتي هذا المقســوم .. ولاتنسينــي من دعائك ...
أم فيصل مسكت يدها :لويــن يابنتــي تو النــاس ...
شوشو وهي تفك يدهـا بأحتــرام :مستعجلــه ياخالتــي خليها مره ثانيــه ...
جلست أم فيصل تتبعهـا بالنظــرها وهي تدعـــي لها بأخيــر الدعوات وأصدقهــا ..
قطعت شــوشو شارعيـــن بعــد بيت أم فيصل
ووصلت لبيت مايزيــد عن اللي قبلــه بالشــي
دقت على باب البيت الحديد بالحجر كان بيدهــا وبعد المحـاوله الثانيــه فتح لهـا الباب ولد صغير ..
شوشو :هاااي زيـد كيفك حبيبــي ...
زيد :هااااااي شوشو جبتــي لي شكـلت ...
شوشو :طلعت من شنطتها الشكلت حقــه ...
زيد بأنبهـار :وآآآآآآآآو كبيـــــر ..
شوشو وهي تمسـح على راســه :تستاهل حبيبــي ..
ويــن ماما ...
زيد :ماما داخــل ماتقدر تطلــع أمــس طقهـا بابا وتعورت ...
شوشو :لاحــول ولاقوة الا بالله ... جدتك العقــربه فيــه ..
زيد :ايه بغرفتهــا ..
شوشو :طيب خوذ هذا وعطــه ماما وانتبــه جدتك تشــوفه ...
كملـــت شوشومشــاورها اللي تســويه كــل شهــر بتوزيــع كل اللي تكسبـه طــول الشهــر على ألاسـر الفقيره اللي تعرفهــــا وبعد مأنهــت المهمــه ماهان عليهـا يمــر يوم ماتغلس فيــه على مديــر البنك فراحــت قدام فـرعه تشحد وفعلاً بعد عشـر دقايق من وصولهــا طلع لهــا وطردهـــا رجعت للبيتهـــا راضيـه بعد أخــر موقف بــس اللي ماتعــرفه أن مــدير الفــرع بعــد دخــل لمكتــبه راضي على جيتهــا اللي مايحــلى يومـه الا فيهــا...
××××××××××××××
((2))
<..فيهـــا أنـا..>

مــــلاك

صحيت من النــوم وأنا أحــس راســـي ثقيل بعد سهــرت أمــس .. وكماتوقعت مالقيت ساراو الجنيــه ماتفــوت فرصــه .. طلعت من الغـرفه وأنا للحيــن تحت تأثير النــوم عيــن مفتحــه والثانيــه مقفله وصلــت السلــم وسمعــت صوت هوشه جايــه من تحــت كانت بيــن ضحــى وزوج عمتــي عسـاف أييييييه خيبـه هذا وش مدخلــه فالبيت طليت براســي بشوف وش صـاير ... وشفت صدمــة عمـــــرري ضحـــى ماهــي متغطيــه عن عسـاف صح عليـها عباتــه بس طرحتهـا على كتــوفهــا .. وش اللي صـار ضحــى مستحيــل تسوي تصـرف مثل هــذا وش صايــر ...وصلنــي صوتها تقــول ..
ضحـــــى :قلت لك أنا كبيــرة هالبيت وأسوي اللي أبيــه فيه أنت وش تبــي فينـا ياخي حل عنا ورجـع من محـل ماجيت ..
عســاف :هذا اللي تمنيــه بس بأحلامك أنه يصيــر تعودتــي أنتي وخواتك على الهيــاته ...
ضحــى :عساف ترانــي للحيــن محتــرمتك فالرجاء الزم حدودك ...
عسـاف :اذا كانت طريقتك فالتعامل هذي تسمينها أحتــرام فيأسفنــي أقولك غلطــانه ...
ضحــى :ماطلبت منك تهذب أخــلاقــي .. المـوضوع اللي كنا نتكلم فيــه واضح وغير قابل للنقــاش واللحيــن ممكــن تتفضــل تطلــع قبل ماتنــزل وحده من خواتي وتشوفني واقفـه معك بهالطــريقــه ...
عسـاف :هذا أكبــر همك خواتــك وأنا طقــاق ...
وشفتــه يطلــع ويرزع الباب وراه يامــل قص اليد بــس وش قصته ذا مــع ضح ضح والله السالفــه فيها أن لايكـونوا يحبــون بعض ولا من هالسوالف ولايقــولها انتي أهــم شــي عندك خواتك وأنا طقــاق صدقوني السالفـه فيها أن!!! ..
ورجعت للغرفتــي بالســرعه قبل ماتشوفنــي ضحــى اللي كانت تطلــع السلم وعيونهـا بنص راسهــــا خخخخخخ ...
رجعت أنام وصحيــت المــره الثانيــه على خبطــه كانت بتطلــع قلبــي من محلــه لو ماكنت رابطتـــه .. هذي العنــز سارااو ...
مــلاك : جيتــي يالعنــز ..
سارا :لا رحــــــت خخخخخ ..تعالي يالدبا بنتغداء ...
نتغداء خيبــه تخيب عدوك ياملاكــووه ليــــه كم رقدتــي .. سألتها ..
ملاك :الساعــه كم ...
ســارا:ايه الساعه الحمــراء ولا الفسفوريــه ...
ياملاقتهــا مسويــه نفسهـا مره خفيفة دم ...
دزيتها عن طريقــي ورحت اغسل وجهـــي .. نزلنـا تحت وكانوا كلهم علــى السفــره ماعدا ضح ضح ...
ومع أندماجنــا بالأكـــل .. دق الجــرررس وبشكــل متواصــل ...
فقفزوا شدن ووعــد ونواف كلهم يتهاوشــون بيفتحــون الباب ...
وأنا وسارا لحقــناهم بالنشـوف وش السالفــــه ...
وصلنا صـراخ منيــر من ورى الباب..
منيــر :وجعـووه أفتحــوووا الباب ...
فتحــت له الباب شدن ..
وعلى طــول خــش وقفل الباب وتسنــد عليـــــه ...
سارا :وش فيـــــك ...
منيــر :قيسوه عازم اصحابه فالشغل على الغداء ويبغانــي أقهــويهم وأنا ...
والله المسكيــن هذا وين يقهــويهم ذا مايعرف يمسك قوطــي البيبســي عدل ويشرب منــــه .. قلت له أواسيــه ..
ملاك :لاتخاف مو حاس أكيــد بيلقى واحد من الكتيبــه اللي فالبيت يقهـويهم وبينســى انه قالك ...
منيــر ووده يصدق :تهقيـــن ...
سارا :الا تهقــى ليــه ماتهقــى ياكــل الهقــاوي ... بس تصدق جيت بوقتك حماتك تحبــك تعال تغداء معـانا ...
وبعد الغداء جلسنــا نلعب ... وفجأه طلعت من جيبــي عشرين ريال وقلت ...
ملاك :يالله من يروح يجيب لنــــا ايسكــــريم ...
منيــر :لاتحاولون انا موناقص يشوفنــي قيس ويقصبنــي ...
قلت بالتــرجي ..
ملاك :نواااف ...
نواف :روحــي زين بهالقايلــه مستحيــل أروح ...
شوفوا اللعـانه يوم اشتهيـت ايسكــريم محد رايح يجيب لــي أيه الأيام هذي بالنعمــه ماهــو مثل قبل كم يوم ندورعلى الريال ... مابقــى لي غيــر وعد .. قلت لها أدلعهــا ..
ملاك :وعــووده ياحبنيلك لاتخيبينــي طلبتك ...
وعــد قامت وخطفت منــي العشــرين وحطتها بجيب بنطـلونها الجينز ... وقالت بأشمئزاز ...
وعــد :ياشينكم لاجلستــوا ترجــون الواحــد بهالطــريقـه .. انا رايحــه بس لاتسألينــي عن الباقــي ..
ملاك :ايه بس انقلعــي ولاجــاء الايسكــريم أشوف شغلــي معك يالزطيــه ...
وعــد : ترى أسمعك مانــي صمخــاء .. ولبست كابها وطلعــت ..
××××××××××××××
((3))
<..عيال النعمــه ..>

وعــــد

ذبحتنــي هالمــلاك ماسكت لــي على هالسالفـه تجلس تمسكــن وتخلـي الواحد غصبً عنــه يطيعهــا .. طلعت من بيتنــا وفالبراحــه اللي قدام أرض أم كايد شفت سيـارات شـــي انواع الكشخـــه الصراحــه ذبحتنــي الغيــره وكأنهم جايين يغيضونا فيهــا ... وطرت فبالي فكــره مجنــونه بس أيـش رهيبه جلست اتلفت حــولي ماشفت أحـــد بديت بالمهمـــه كانن أربع سيــارات نسمـة الهــوا حق كفــر واحد لكــل سياره ويوم خلصت وللحيــن محد طلــع حسيت للحيــن فينــي حارق عليهــم هذا مايكفــي لازم أشوه منظــرهن جلست أدور لين لقيت شــي حاد وبديت أحك فيــــه سيارتهــم لين شوهت بعضهـا قدر المستطــاع وحطيــت رجلــي وركض على الدكــان .. اشتـريت اسكــريم حقهم وحــلاو مصــاص عمــلاق أحبـــــه .. كنت بطلــع من الدكـان يوم جــوا شلة صيع الحــاره ..جلســوا يتمصخــرون علــي وأنا ماقصـرت عطيتهــم اللي سكتهـــم ..
واحــد منهم قالـــي :وين نــواف مانشــوفه معك ...
صدق خسيــس يمـل الماغص ....
وعد :نــواف ميـــن مأعرف أحد بهالأســـم ...
رجع يقــول :ومنيــر ماتعرفيــن أحد بهالأسم يقولون بس مطيــح فبيتكم ..
قلت له وانا خلاص طفرانه منــه ..
وعــد :وأنت شكــو غيـراااااان ..
:اغار مــن ايش ياحســره أغار من المستــرجلــه ولامــن الخكري ...
انقهــرت مستحملت يغلط علــى منيــر ونواف ... وبغلفــه منــه خطفت قوطـي البيبــسي اللي بيده ورشيتـه بوجهــه وحطيت رجلــي وركــض على بيتنــا ولاأهتميــت أني قطعت الشـارع العام ركــض بس هم ماقدروا خافــوا على أرواحهــم ...
ويوم وصلت بيتنــا كانت هناك المصيبـه الثانيــه اللي سويتهــا ونسيتها ... وقفت بعيــد شوي عن الرجال اللي كانوا يعاينــون سياراتهم بعد التخــريب وقيس واقف معهم وهـو بالنص ثيابــــه من الفشلــه خخخخخ أحسن حوبــة سارا .. قلت بالتطفــل وأنا أطلع حلاو المصـاص من فمــي ...
وعد :وش صــار ..؟!!
جابــراللي كان واقف مع الرجال :وانت وش دخلك أدخلــي بيتكم ..
يعرف يكسح هــو ووجهه بــس ايش طرت فبالي فكــره تكمــل كل هالسيناريــو فقلت بدون تردد ..
وعـــد :هذا جزاي اللي بخبــركم من اللي مسوي هذا ...
شفت كل العيــون تعلق فينـــي والله ضيوفهم حلــويــن
يوووه وينكن يابنات فاتكــن نص عمـركن ...
وسألنــي جابر :تعرفيــن من سوى هذا طيب قولــي ميــن ..؟!!
وعــد :ايه أقــول بس كم تعطــوني ..؟؟!!
واحــد من الرجــال :اعطيك اللي تبيــن بس قولــي من اللي مســوي هالسواه بسيارتــي ..
بس قيــسوه قاطعــه بلقافه ...
قيــس :لاتعطــونها شــي الشحـاده هذي بتقــول ومن ورى خشمهــا ...
اشهـدوا هــو اللي بدأ بالغلط ..
وعـــد :عــن الغلط عــااد .. وشــوف من بيعلمك ..
رجال ثانـي غير اللي أولى قال لقيس :الله يهديك يالرجال خلها بنعطيهــا اللي تبـــي ..
قيــس :والله ماتعطيهــا شي وبتنطق غصباً عنهــا ..
قلت وانا اتربع قدام باب بيتنــا ..
وعــد :اشــوف من بينطقــني غصبً عنـــي ... وانتم ماني قايله لكــم لين قيسووه يعتذر لـــــي ...
قيس :تخسين الا أنتــي اعتذر منك يابنت الشوارع ...
شوفوا ابـــن التبــن هذا وش يقــــول بس هيــن أنا وعد اذا مأخذت منكم اللي أبي ومن ورى خشومكم ماكــون تربيت ضح ضح ...
وعــد :اجل بعد هــذي والله لوتجيبــون لي قيس بن الملــوح يعتذر لــي ماني بقايلـه لكم ..
شفت واحــد من الرجــال يطــلع مية الريال ويمــدها لــي ماني مصدقــه بأنهبــل مية الريال مـرره وحـــده بس الثقل زيــن ...
صديت للجهــه الثانيــه ..وقلت ..
وعــد :ماهــو قبل الأعتذار كــرامــتي اهــم عنــدي من فلوس الدنيــا كلهــا ...
ياحليلــي مسويــه عزيزة نفس وأنا عشـان القرش أبيع أهلــي ..
قال لي الرجــال :بعطيك كثرها بدال الأعتذار ...
والله أقنعنــــــي بس لحظـه والباقيــن لازم كل ً يدفع على حده ..
وعــد :ميتيــن الريال من كــل واحد ..
وفعــلاً ماصدقــوا طلعــوها والله عيـال نعمــه عيال لذينــا وحنــا نمــوت عشــان الريال الصـراحه تقرفت منهــم وكرهتهم زيــاده بس أيـــش انا بعد كسبــانه خربت سياراتهم وأخذت فلوسهـــم ... وبعد ماحطيت الفــلوس بمخبـاتي ...قلت لهم ...
وعــد :اللي خربوا سياراتكم عزوز الدب والدحمــي و
فواز ...
قال الرجــال :وذولي ويـن نلقاهم ...
قلت لهم وانا أفتح بابا بيتنــا بدخل ..
وعــد :قيســوه ماراح يقصــر يدلكم عليهم .. مع السـلامه وفرصه سعيــده اللي جمعتنا بكم ..
ورزعت الباب فوجيهــم ...
يووووه الاسكـــــريم شكلــه ذااااااب ...
بس كسبت ثمان ميــة ريال ...
وقبل مأوصــل للباب البيت الداخلـــي جانــي صوت ضحــى ...
ضحـــــى :هاتي الفلــوس اللي معك ...
هووووووميقاد من وين طلعت هذي .. كانت وراي وبتردد لفيت عليهــا ...وشفت كــل الرعيــه موجوديــن أكيـــد سمعــوا كــل اللي صار .. قلت بغبـاء ..
وعــد :كل اللي بقى رياليـــن ..
ضحــى :أقولك هاتــي الفلوس يالنصـابه..
وعــد :حرام عليك خلينــي اتهنــى فيهـا هم ماهم محتاجينــها..
ضحــى :محتاجينهـا ولاماهم محتاجينهـا المـوضوع هذا مايخصنــي كيف تأخذين شــي موحقك هذا الي ربيتك عليــه ياوعــد ...
وش نفعتنــي فيه التــربيه قضينا طــول عمــرنا بفقــر نتمنــى الشي ومانلقـاه وغيــرنا عايشين بالنعيــم والفلــوس تجــري بيديهــم مثل المــــاء ...
قلت لهــا ..
وعــد :اعطيك الفلوس بس وش تســوين فيهــا .,.
ضحــى :وش بسوي فيها باكلهــا أكيــد برجعها لهـــــم ..
وسحبــت الفلوس من يدي وطلعت ورمت الفلوس بوجيهـــم ورجعت ادخلت للبيت وأنا جالسـه اراقبها بحســره وقلة حيلـــه جت الحزينــه بالتفرح ملقتلهاش مطــرح ..
×××××××××××××
((4))
<..نوبة غضب..>

ضحـــــــى

لأحــد يكلمنـــــي لأنـــي مأضمــن لكم نفســـــي .. استغفــرك يارب .. أنا وش سويــت بالدنيــاي يوم كــل يوم طايحه على راسي مصيبــــــه .. موكفـايه عساف تجينــي وعد تمشكل لــي مع جيــران الفلــس ..
وكــل قهــري وضيقــي حطيتــه بالأسئلــه اللي جالســه أكتبهـا لأمتحــانات أعمـال السنـــه كتبت خمــس نماذج لأنــي أدرس ثلاث فصول بمــدرســه وفصلين بالمــدرســه ثانيــه اللي منتــدبه لها... جلست أراجع الأسئله اللي كتبتهــا كانت مثل مابغيت فــــــــن ...
حسيت نفســي أرتحـت شوي بس رجــع ضغطــي يرتفع يوم تذكــرت اللي قاله لــي عسـاف بعد ما طلبت منــه يطلع من بيتنــا لأنه مسبب ضيق لخــواتي..
عســاف :أذا طلعت انا بتجيــن أنتي وشدن معــي ولامانـــي طالع ...

خلاص مأبغـــى أتذكــر وش صـار بعد كذا لأنه بس بيضيق خلقــي اللي من الأساس ضايق ...
بس غصبً عنـــي رجعت أتذكـــر ردي عليـــه والحــرب الكــلاميــه اللي صارت بعد كذا ..
ضحـــى :أذا طارت النعــامــــه ... تبغــاني أترك خــواتي وأجــي معك وأنت اللي تخليت عنــي وأنا فأمــس الحــاجه لك تذكــــــر وش قلــت لي فليلة الدخلــه أذا كنت ناســي اذكـــرك ..
عســاف اللي ترك كلامهـا كله وماعلق الا علـــــى :خواتك ماهــن بالصغـار أنتي كنتــي بعمـر أصغـرمنه
يوم تحملتــي مسئوليتهــن
واللحيــن عندك ثلاث خوات فوق العشـرين يقدرن يهتمـن بأنفسهـن وبخــواتهن ...
ضحـــى :هذا اللي تبيـــــه بس مستحيــل تصيـــر ماهو بأنا اللي أتخلــى عن خواتــي عشـان رجال ...
عسـاف :بتصيــرين مطلقــه ...
ضحــى :ماتفرق معــي مثل مافرقت معــي يوم تزوجـت واحد أكبــر مني بفوق عشــر سنيــن وعنده بنت وبعــدها رضيت بكــل الكــلام الســم اللي قاله لــــي وحطم فيه حيـاتي ...
عســاف :صدقينــي بالتندميــن على كــلامك هذا لاتحسبينــي ميتً عليك بــس عشــان كــلام النـاس ولا أنا ماهميتينــــــــي ...
ولا أنت هامنـــــــي ياعســـاف ...!!!
:ماما تكلميــــــن نفسـك ..؟!!
شفتهــا جالســه على طرف مكتبــــــي .. سالتها ..
ضحــى :خيــر شدن وش تبيـــن ..؟!
شدن :وعـــد تبكـي ..
ضحــى :وش تبينــي أسوي لهــا ...؟!!
شدن :ليش هاوشتيهـــا ...؟!!
ماكان ودي أصارخ عليــها بس غصب عنــــــي ...
ضحــى :شدن أنقلعــي عني لايجيك الاجــاء لوعـــد ...
قالت وهــي تنزل من علــى المكتـــب
شــدن :لوعنــدنا أم وابــــو ماصارختــي علينــا ...
وطلعت تركــض للحــــــوش ...
ماشاءالله من بقــى اليــوم مازعــل علي ...
أنتـــوا بعـــــــد ماتبــون تزعلــــون ...؟؟!!!
×××××××××××××××
((5))
<.. رجــل حقيـــر ..>

ميشـــو
منذ ساعــه وأنا اتحـــدث مع سـوسو علــى الهــاتف فهــي تحاول ان تقنعنــي بحضـور الحفلــه التي سيقيمــوها بأستراحــتهم غــداً ...
سوسو :ميشو ياحبيلك أمشــي بس نروح لســوق ونشتــري لنا لبس مسكــت عشــان الحفلـــه أنتي تدريــن بعد طلاقي ماحضــرت مناسبات العائله وأنا ودي اوضح لهم أنه ماتغيــر علي شــــــي ...
ميشــو:أذهــب معك لتسوق لابأس ولكــن الحفلــه أطردي هذه الفكــره من رأسك ...
ولكنهــا عادت تترجانــــــي وتغرينـــي بالأحــداث المثيــره التــي ستحــدث بين زوجـات اخيـها وبنت خالتهــا ...
سوسو :تعالي معـــي والله ماتنــدميــن ولبسك هــديه من عنــدي يالله عاد ميشــــو مالك عذر ...
استسلمــت للفكــره ليــس رضى بهــا ولكــن لحاجــه في نفــس يعقــوب...
ميشــو:ولكــن بالشروط ..
سمعت تنهيــدة الراحـــه تخــرج منهـــا ..
سوسو :تأمــرين أنتي ياقلــبن ..
ميشــــو:لاأريد أي لفت للأنتبــاه ولاتطـالبيــني بالتعـرف على عائلتك لأمــك ...
سوسو :طيب هــذا مقدور عليــه ... بــس ألبسي عدســات لأنك لوجيتــي بعيونك الزرق لاتلــومينــي أوكــي ...
ميشــو:حسناً,,سأنتظــرك في السادسـه مساءً ...
وعلــى هذا الأتفــاق حظــرت سوسو فالســادســه وذهبنـا معاً لتســوق بأحد المجمعات التجــاريـه الكبيــره ...
وأثنــاء تسوقنــا شاهــدت سوسو طليقهــا أحمـــد ...
فقالت لــي بقهــر وهــي على وشك البكــاء ...
سوسو :ميشــو شوفيــه كيف يضحك معهــا آآآآه أحــس قلبـــــي بيحتــرق منهــا ....
أشفقت عليهــا وطرأت على بالــي فكــره لألقــن تلك المتحاذقــه صديقـــة أحمــد الجديده درس لن تنســاه عن الرجــال ...
ميشــو:لابأس لاتهتمــي ياعـزيزتــي هل تريديــن أن أنهــي فرحتهم هذه بخصــام ...
سوسو :تكفيــن ياحبيلك لوتقــدريــن تسويـن شـي لاتقصــرين بردي خاطــري ...
دخلنـا في أحدى محــلات الاكسسوار عدلت بهــا لثامـــي حتــى اصبحت عينــاي واضحــه للعيــان وجـزاء من وجنتاي البارزتيـن ..
رمقت سوسو الواقفــه الى جانبــي بنظــرة غرور وسألتها مارأيك ...
سوسو :فتانـــه بس قولــي وش بتســوين ..
لم أجبهــا ولكــن طلبت منها أن تغطــي عينيهــا حتــى لايتعــرف عليهـا ...
وعنـدما اقتربــنا منهم بنظــره واحده لفت أنتبــاهه كم هــورائــع ولكــنه ساذج لم أبذل الكثيــر حتى اجعلــه يتبعنـا هوورفيقتــه التــي تحايل عليهــا ولكــن يبدو أن الشك قد تســرب أليهــا .. سمعتها تسأله اذ كــان يتبعنـا ولكــنه ضحك من سؤالهــا وأنطفت ضحكتــه بأنبهــار عنــدما نظــرت أليــه وبالســرعه خرجت من المحــل الذي كنـا به ودخلــت أخـــر وبالفعــل تبعنـــا هو رفيقتــه التــي صارحتــه هذه المــره بالشك على مسمـع منــا أتجهـت أليــه بخطــوات بطيئــه سمعتها تطلــب منه الخــروج معهـــا أذا كـان يريد أن يستمــر معها ,, ولكنــه تجـاهل طلبهــا وبقــى بأنتظــار حضــوري .. اقتــربت منــه كثيراً ومــددت له بيدي ورقــه صغيـره كنت كتبتهـــا بعجلــه في محـل الاكسسوار ... وفــي هذه الحظــه خرجت رفيقتها بعــد ماتأكــدت انه باعهــا من أجلـــي ,, عدت ألا سوسو اللتــي كانت بأنتظــاري واخبــرتها أنه حان الوقت الــذي تكشف به عينيهــا ... يبدو أنه ظــن الورقـه تحتــوي على الرقم ولكــن ياللدهشتــه عنـدما كشف محتــواها فقد رفع عينيــه ألينــا وتسمــرت على الـ سوسو التــي ضحكـت بكـل شجـاعه وأعادت عليــه المكتــوب بالصوتهــا (خيــرها بغيـرها تعيــش وتأكــل أكثـــر ) .... لم نسمح له بالحديث معنـا لأنا خــرجنا من المحــل هذا ومن ثم من المجمــع بأكمــله .. وفالسيــاره سألت ســوســو ..
ميشـــو:هل أنتــي راضيــه ...
سوسو :اكيــد ياعمــري راضيـه كل الرضا بعد الخيبــه اللي شفتها على وجهه بعد ماعــرف انها لعبــه منــــي ..
ميشـــو:هل رأيتـــي كم هــو حقيـــر لقد تخلــى عنها بكــل بروده من أجلــي وقبل حتــى أن يعـرف حقيقتــي ...
سوسو :عمــري ماتصورت أني بحتقـره كثر مانــي محتقتـرته اللحيــن الواطـــي ..
ميشــو :جميع الرجــال على هذه الشاكلـه ..
سوسو :خليك منهم بــس .. محمد شغل لنــا شــي يعدل الميــزاج ..
وبعــد هذا عــدنا ألــى الشقــه التــي قضينـا ليلتنـا بهـــا ...
××××××××××××××
((6))
< ..خوف لــن ينتهــي .. >


ســــارا

هااااي كيفكـــن .. أنا اللحيــن جالســه مع خواتــي المطفق فالحــوش ونتقـهوى بس ضحــى اللي ماهــي بمعنا وأكــيد ميشــو وطبعاً وش أكيــد منيــر معنــا ..
بس والله الجلســه موحلــوه بــسبب وعــدوه اللي مسويـه اضــراب عن الكــلام بعــد مأخذت منهــا ضحــى الفلوس ورجعتهــا .. ومنيــر الضعيف بذل كل المحـاولات عشـان يخليها تنطق بس هي ثابتـه على موقفها .. أنا ومــلوكــي جالسين نلعب اونو بــس هذي مــوملاك هذا شيطــان صارخت عليهـا يوم الصبر تعدى حدوده والغش صار على أصوله ..
سارا :هييييييي انتي وأخرتها معك يالغشــاشه ...
رمـت الأوراق اللي بيدها وقالت بنــبره تعودتهـا ..


مــلاك :هذا أنتــي اذا مافزتــي سويتيـلي فيهـا مظلومــه قالت ايش أغش حبيبتــي الحقوق محفوظـه لك مافيه أحد فبراعتك بالغش ...
هذي مدحــه ولاسبــه .. الصــراحه ماصرت أفهم على مــلاك كويس هاليــوميــن كنت بقول شي نسيته مع صوت الاصطدام اللي جاي من برى ..
تقافزنا كلنا بنشـــــوف وش صاير فتحتنا باب الشــارع على الاخـــر عشـان نشــوف كويس كان حادث بــس بيــن ميــن وميــن ماراح تحــزرون الوحــش وعســاف ..
سمعت وعد اللي شكلها نست اضرابها مع الأنفعــال ..
وعد :احســــــن هذي حــوبتـــي ...
خخخخ ياحليلها للحيــن محتــره من اللي صـار بس عســاف هذا من وين له سياره ماله يوميــن من رجع,, شفنــاهم يتخــانقــون ومأدري وش يقــولون شفت عســافوه يطـالع فينــا ويرجع يناظــر بقيس وشي هذا نبــه قيس لنــا أو بشكــل ادق لــي وعطــاني نظـره جمدت الدم بعـروقــي ياربي حتــى وهو فمشكلــه لازم يخــوفنــي .. لوالحـادث هذا قوي وميــت فيــه ماهو أحســـن ..
أنتبهــت على مــلاك تقــول ...
ملاك :خلــونا ندخـــل جاءكـم عســافوه منتفــــــخ ..
صح دخلت للبيت وقيس ماعاد مــوجود بس الرعب اللي سببته نظــراته للحيــن مسيطــر علي
والرجفــه اللي بداخلــي ماتوقفها كل كلمــات الامــان بالعالم ..
ملاك :وش فيك سارا ..؟؟!!
سارا :شفتي قيس كيف يطــالعنــي ...
ملاك :ماجبتــي شي جديد هو دايم وهذي نظــرته لك ...
قلت لها بالتهــور ..
سارا :نفسي أروح أسأله ليش يطــالعني كذا ...
ملاك :هيـــي أنتي لاتنهبليــن وتسوينهــا هذا على الحقــد اللي بعيــونه يذبحك بدم بارد ...
لا يامــلاك حرام عليك أنا ناقصـــه زيادة تخــويف تكــومت على نفســـي وأنا أفكـــر أي غلطــه أرتكبتهــا خلتــه يحمــل كل هالكــره لـــــي ...

××××××××××××××××

((7))
< .. أنا ضعيـــــف .. >

عســاف
كنت راجــع من آخــر أيام العــزاء بالسيـارة مالك ولد أخــوي يوم صـارلــي حادث مــع جارهم ياهــو كـريه هالأنســان مابلعتــه .. فور لــي دمــه بغــروره ..واللي قهــرني زياده القرود ذولــي اللي متجمعيــن على الباب ... دخلــت للبيت وفالحــوش لقيت شدن و وعــد واختهــا الثانيــه معرف أسمــها وولد جيـرانهم اللي مبلط هنــا ...
سألتهن ..
عسـاف :ويــن أختكـــن ..
وعـد :أي أخت عنـدنا ثمـان خوات ...
ياحظك والله مألوم مبــارك فيكــن ولا مــن يتحمـل ثمان بنـات أنا وحــده ومانــي متحملهــا ..
عســاف :ضحــى ..
وعــد :ايه ضحـــووه نايمـــه ...
عســاف :روحــي صحيهــا ...
شدن :اصلاً حنــا متهاوشـين معها قــول لنوف تصحيهـا لك ...
ياربــي انا وين طحت بهالوراعيــن .. صارخت عليهــا عسـاف :بتروحيــن تصحينهــا ولاكيـف ..
شدن :لاتصــارخ علــي مانــي بأصغــر عيالك ...!!
قلت بتلعثم .. وكلمتها المفاجئـه ربطت لســاني ...
عسـاف :هاه ..لا مأنتــي بصغــر عيالي بس أنتي شطــوره وبتروحيــن تناديهـا لــي ...
طالعت فينــي بنظـرة ملل وقالت لــوعد وكأنــي ماني مـوجود ...
شدن : روحــي صحــي ماما وفكينــا منـــه ...
وعــد :هذا اللي ناقصنــي أشتغــل لكم مرسال ....
هذي مشكلــة البنــات بدون تربيـــه ولا ابيهــن يطيعنــي وهن ماتعــودن يكــون لهن كبير يطيعنه ويحتــرمنه ...
جلست معهــم وهــم مطنشينــي وجالسين يلعبـــون ..
سألت الولـــد ...
عســاف :أنت مالك بيـــت ...
منيــر :الاعنــدي بيت بس هــذا بيتـي الثاني ,,عنــدك اعتراض على جيـاتي هنا ...
وعــد :والله هذا اللي ناقص يعترض بعــد هو يحمـدربــه أنا لامينــه فبيتنــا ولاتلقــونه بايت فالشــارع ...
وجلسوا يضحكــون علي .. صعبــه أنك تنهــزأ من عيال أنت بعمــر أبوهم بس وش السـواه صدق عيال هالوقت مايحتــرمــون احد .. ولا هالبنــات بالخصـــوص الأحتــرام وفــرق الســن عنـدهن مالــه أعتبــار
.... تذكــرت بهالحظـه مبــارك اللي شفتــه اليـــوم بالعــزاء بس اليوم اللي حضـر لأنه كان مسـافر من شهــر وللحيــن أذكــر الشحــوب اللي صابه يوم جاوبتــه على سؤاله عــند ميـن ساكــن ...
وبعــدها صار يتجنب الكــلام معـي عشـان مايسمع أي شـــي عن بنــاته وأمـــــه ... آآخخ بـــس لوتجــي يامبارك وتشـوف الهيـاته اللي عايشـات فيها بناتك ...
ضــروري أكلمــه بهالمــوضوع الا متــى يعنــي بيتــركــهن بــدون رقابــه لين يجيبــن العـار والفضـايح للعائله ذولــي بنات ماينتــركن علــى هـواهــن ... اليــوم لشفتــه على العشـاء اللي فبيت صــلاح بكلمــه بهالمــوضوع ...
بــس للأســف ماجــاء سألت خلف اللي كان جالس جنبـــي ...
عسـاف :وينــه عمـــك ..؟؟!
خلف :أي عــم ...
عسـاف :عمك رجــل أمك مبــارك ...
هــز خلف راســـه بتفهم وقال ..
خلف :ايه قل من البدايــه عمــي مبارك الله يسلمك طار لدمام ...
عسـاف :ايه على طاري الدمـام من متــى وأنتوا من سكـان الرياض ...
خلف :توك تسأل ولاأنت وش دراك عن النــاس من أربع السنيــن وحنـا هنا ..
عسـاف:انت ساكــن مع اهلك ولاطــالع برى ..
خلف :لاويــن اطلــع برى وأتركهم بدون رجال تعرف عمــي مبارك مايجــي للرياض غيــر يوميــن فالشهــر على الكثيــر ...
عســاف :وأخوانك وينهــم ..؟!!
خلف :وأخواني احد يعتمــد عليهم ...
قلت له بنغزه ..
عســاف :أجل ماهــم بالرجـــال غيــرهم حــريم ودبـرن حالهــن ..
خلف :أقطــع السيــره ذولي ماهــن بحــريم ذولـي ساحرات ..
ضحكــت بمـراره أجــل لو انه ذايق اللي ذقت منـهن وش قال.....
عســاف :ليش وش جاك منهـن ..
خلف :يعنــي يمديك نسيت مأتذكــر يوم جدي يحتضــر طلب يشوف بنتك رحــنا ندور عليهــا ورنــى الويــل والبنت فص ملح وذاب ...
عسـاف :وأبوي وش ذكـره فينـي وفبنتــي ..
خلف :مانسـاك الله يرحمــه ويغفرله مامــر عليــه يوم الا وسأل عنك فيـــــــه ...
تنهــدت بألم وش ينفع فيــه العتب اللحيـــن أبــوي ومات الله يرحمــــه ...
عســاف :صدق اللي سمعتـــه ..
خلف :وش سمعت ...؟!
عســاف :يقولون بتأخــذ الرابعــه ...
خلف :ايه مفكـــر بس للحيــن ماعزمــت ...
عســاف :ياصبرك على الحــريم انت كيف متحملـهن ...
خلف :ليش مانــي بالرجــال ..
عســاف :الا ماقلنا شــي رجــال ونعم فيك بس الحريم وجـع راس ...
خلف :كلن حــر بالرايه بــس انا أحــس اللي مايتزوج أكثــر من مره ماهــو بالرجــال ...
أيه أنغــز ياولد أخــوي ماهــي بغــريبه عليك ... بس مهما قلت ماراح يأثـر فينـــي .. ولا أفضل أني انتحــر ولا أتزوج حرمتيــن مــوأربع ..
خلف :عمــي وين وصلت ..
عســاف :هنـا وين بروح يعنــي ,, بــس وينـه أخــوك أخذت سيارتــه وسويت فيهــا حادث ...
خلف :لاعاد وش هــوحادثــه عسى ماصابك شي ...
عسـاف :لا الحمــدالله جت سليمــه بس صدمـت لي واحــد أقشــر ...
خلف :ايه شباب هاليوميــن مايبـي أحد يكلمــه حتى لوهــو الغلطــان ...
عســاف :أنا لو أنه غــريب ماهمنــي بس هذا جـارهم ..
خلف :طيب وأنت وش لك تعــور رأسك فيهـــم خذ مرتك وبنتك واطلــع من عنــدهم ...
ياليت المــوضوع بهالسهـــوله أنا يوم أقترحت عليها هالأقتراح بغت تذبحنـــي ونبشت المـاضي كلــه واللي صــار فيــــه ...
عســاف :خلها على الله بـــس انا مصيــري هذا أنربط بهالعائله من عشــر سنيــن مافيــه مفـــر ...
خلف :وش بتســـوي يعنـــي ذولا مالهــن كبيــر مأنت بقادر عليهـــن منفلتات ...
عسـاف :وش اســوي تبغانــي اوقف وأتفــرج على انفلاتهــن تبغــى النــاس تأكل وجيهنـــا ...
خلف :أبوهــن للحيــن حــي ...
عسـاف :ابوهــن حــي عنــدنا وميــت بحيــاتهن ...
خلف :يعنـــي حتى لوطلــعن فحيــاتهن اللحيــن ماراح يختلف شـــي ..
عسـاف:بس بيقدر يلجمهـــن ذولا بنـــات ...
خلف :والبنــات أقوى من العيــال لتمــردن ,, خذ بنتك منهـــن أذا ماتبيــها تلحق بنات خالها ...
عســاف :أخذها ومن أنا عشــان أخذها حتــى ماتدري أني أبوها تقــول لضحــى ماما وانا اللي أبوها صدق ماتدري أني أبوها .. وتبغى الصدق مأبيهــا تدري ..
خلف :بكيفك عاد بنتك وأنت أدرى بمصلحتها وأذا كان عنــدك نيــه تسافر مره ثانيــه خلها على جهلها ...
ياليت أقدر أسافــر مره ثانيـــه وأنســى كل اللي هنــا
بس صعبــه بعد كــل اللي شفتـــه أرجــع أسافــر كــرامتــي كرجال تمنعنـــي أترك زوجتــي تكافح فالسبيــل عائلتها وأنا عاجــز حتى عن الأعتــراف لبنتـــي أنــــــي أبوها ....

×××××××××××××××××
(()
<.. هــدف جــديد ..>

ميشــو

كنت أجلــس ألى جــوار سوسو في مجلـــس أستراحتهــم الكبيــر سألتنـــي ...
سوسو :كيف الوضع عنــدك ...
بماذا اجيبك بالحقيقـــه أني أرتجف من الرعب لمجــرد فكــرة أن ينكشف ســـري في هذا التجمــع الهـائل أم أطمئنك بالكذب علــيك ..
ميشـــو:حتــى الآن جيــد ولكنــي أخشـى ان تكتشفنــي والدتك أو ريم ..
ضحكـت سوسو بحده وقالت ...
سوسو :ياحليلك ياميشــو مستحيــل يعرفـونك بلبسك الكشخــه هذا بــس لوراضيــه ومخليتنــي أسوي لك ميك آب والله لويجيبــون ساحـره تطلـعك من بين المــوجوديـن ماقدرت ..
ميشـــو:دعــي عنك المبـالغه وأخبــريني أين هــي فتاة السـاعه ..
سوسو :بدري ياعمــري للحيــن ماجـات ...
ميشــو:وهل هي حفلـة خطــوبه ..؟!
سوسو :ياشينك أذا تغيبيتـــي تدريــن أنه لااا بس المـوضوع صار مفهــوم ونص هالحاضـرين جايين يشوفونهـا ويتأكدون من صحـة الخبــر ...
انشغلت سوسو فالدقائق التــاليه بالحديث مع أحدى معـارفهـا فاستغليت الفــرصه قمـت بأخـراج هاتفي الجــوال وتظـاهرت بالحديث بــه بينمــا ركـزت كامــرته على عدت شخصيات من الحضــور صورهـن تسـاوي الكثيــر عنــدي وحينمــا أنهيت مهمتــي كانت سوسو قد انهت حديثها وعادت لتحدثنــي عن بعض الحاضـرين ,,, صــوره واحده تبقت لتكتمــل تشكيلتي صعب علــي الحصــول عليهــا وهي لم تظــهر الى الآن ... وبما أن المــلل والضجــر قد تسلل نفســي بحثت عن حديث أسلــي نفسي بــه ولم أجد أفضــل من مفاجئة سوسو ...
ميشــو:أنتهيــت من حبك الخطـــه .. امازلتــي راغبـه فالأنتقــام ...
سوسو :يووووووه أنتي تذكــرين حسبتك نسيتــي ...
ميشـو:هل يعنـــي هذا أن عزيمتك هبطت ...
بحــركة نفــي من يدهــا أنكــرت ...
سوسو :اكيــد لا بالعكــس زادت رغبتــي وخصوصاً بعد اللي صـار أمــس ...
جيد هذا مأرغب في سمـاعه فلا أروع من الأنتقــام ...
ميشــو:رائع ,, أخبــرتينــي يومً انه يوجد له صديق قريب جداً منـــه ..
سوسو :ايه مشــاري وهم مع بعض صحبـة عمــر كانوا مع بعض من هم صغــار ...
ميشـــو :وعلــى هذا الأســاس وضعت خطتــــي ...
سوسو :اوووووف مافهمتك بليز تكلمــي عربـــي ...
ميشـــو :حسناً سأقولها لك بالعامـــي (جيبـــي راســه )...
سوسو :مــن احمـــد ...
يألهـــي ماهذا الغبــاء ... عن ماذا نتحــدث منذ الصــباح ...
ميشــو:كلا بالتأكيــد مشــاري ..
سوسو :ايه بــس كيف ..؟!
ميشـــو:لاتتظــاهري بالبراءه فلك باع طــويل في هذا المجــال ...
سوسو :لاوالله المــوضوع صعب شــوي ..
ميشـــو:سوسو أرجوك تعاملــي مع المــوضوع بجديــه أكبــر فأنا لأطلــب منك فقط التعــرف على مشــاري
فالذي أريده منك أكبـــر من هذا أريده أن يحبــك ...
سوسو :ماشاءالله وكيف تبغيــني أنفذ فكــرتك العبقــريه هذي ....
ميشــو:هل تسخــريني منـــي ...
سوسو :لا ياعمــري بس فهمينــي كيف أقدر أخلـــي اي انســان يحبنــي ..
ميشــو:صدقينــي ياعزيزتي تستطيعين وبغاية السهــوله ...
قاطعتنــي سوسو بقولهــا ..
سوسو :لايفوتك شوفــي هنــوده اخخخخخخخخخخخخخ والله مأتصورها زوجــة خلــفان ...
نظــرت الى الفتــاة المقصـوده وأطلت بنظــراتي أليهــا كانت فتــاة في غايــة الجمــال والاناقــــه رائعه بكــل ماتحملــه الكلمــه من معنــى لأعلم مالذي يجعلهــا تدفــن نفسهــا بزواجهــا من رجــل متزوج بالثالث ...
ولم أستطــع أن أمنــع نفســـي من طرح هذا السؤال علــى سوسو ...
ميشــو:مالذي يجعــل فتاة بجمالها تــرضى بالزواج من رجــل متزوج ..؟!!!
اجابتنـــي سوسو بأنفعــال ...
سوسو :هذا دليـــل على شعبيــة أخــوي ...
حسناً من هنــا تبدأ نقطـــة الخــلاف فدعــونا نتغاضــى عن هذا المــوضوع في هذه السـاعه على الأقــل ...
سوسو :وش فيك سكتـــي .. ألاميشــو ماقلتــي لي وش رايك بأخــوي خلف ...
هل حقـاً تريد رأي به .. ولكــن بالتأكيــد لن يعجبهــا ...
ميشــو:هـل أنتي جاده ...
سوسو :أكيــد جاده بس بعيــد عن نظــرتك السيئه عن الرجال ...
ميشــو:اذن أنتــي لاتسألينــي رأيي ...
رنيــن هاتفها الجــوال قاطــع حديثنــا كانت والدتها تطلب ملاقاتها في ماكان ما .. أخذتنــي الأفكــار فلم أنتبه على الشخص الذي جلـــس بجـواري ...
حتى وصلنــي صوتها كفحيح الأفعـــى ...
ريم :تصدقيــن محلــوه ماعرفتك ,, بس والله شـي عجيب حتــى المتشرديــن صاروا يعرفون يلبسون مثلنــا آآه بس لوتشوفك عمتــي ولاخلــوفي بتصيــر بلاوي ...
تستطيعــون أنتم معرفة ماهــو ردي عليها الصمت ولن تجد عنــدي غير الصمت جــواب ...
أكملــت وهي تضـع قدم علــى قدم بوقاحــه ...
ريم :شفتــي عاد بيأخذ الرابــعه .. ضاعت عليك الصيده اللي تحـومين حــولها ,,بس والله عنــدك طمــوح يعنــي كيف متصــوره خلف يطالع بوحده مثلك تدريــن أنه يصاب بالقــرف لادرى أنك فبيتنـــا وياما خانق سعــاد والسبب أنتـــي ,, الصــراحــه أشفق عليك وشلــون فكــرتي بس أن خلف ممكـــن يأخذ وحــده مثلك وعلـــى ميـــن تصدقيــن حنا ليه مانامـــع يوم يتزوج علينــا لأنه يختـار ناس راقيــه من نفس مستـــواه ....


ورمقتنــي بنظــرات مستعليـه ...وأكملــت .
ريم :عاد أنتــي مره ثانيــه دوري أحد على قدك موتطفحيــن بطمـــوحاتك ...
وتركتنــي بعد ان نفثت سمــومها فـــي ...
حسنـاً ريم حفــرتي قبرك في يدك قــولي على زواجــك الســــــلااام ...



نهــاية الحلقـــــه الثامنـــــه .

تحيـــاتي للجميــع

الحلقه الثانيه عشـــر

((1))

<< ..عمـــــلاق.. >>


ضحــى
شفته عمــلاق ضخم أكثر من
الواقع وأنا وخواتي ملتفين حوله بلبس الخدم وهو كان يتأمر علينا ومن طاعتنا له عرفت أنه يقدر يقص روسنــا لوعصيناه ...
كان جالس وفجأه وقف وبدى يطردنا برى البيت بيتنــا حاولت أوقف بوجهه بس ماقدرت رمانا بالشارع وألتمت علينا كلاب الشوراع كانوا خواتي يصرخون بالرعب وأنا أحاول أحميهم فاتحه يديني وضامتهم لي وهم متجمعين فحظنــــــي ... والكــلاب تنهش فيني من كل جهه لين خارت قواي وسقطت ....... صحيت بعــدها وأنا أرجع أضم خواتي بس تبين لي أني موقاعــده اضم خواتي لأن اللي بين يدي كان الهوى ..... نطيت من فراشي بفزع تعوذت من الشيطان وأنا لين اللحيــن أرتجف والعرق كان يتصبب منــي مأدري من الكابوس اللي شفته ولامن الحر اللي لقيت نفسي فيـــــه وكاني نايمه بفرن .... لأله الا الله رددتها مع المؤذن بس لحضه من متى حطــو مؤذنات حريم ... طلعت من غرفتي وشفت خــواتي اللي مسطلات من النوم وقفات على أول الدرج وكل وحــده ماسكه الثانيه لاتطيح وعيونهم على العرض اللي قاعد يصير تحــــت مريت من بينهم ونزلت تحتهم بالدرجــه ...
ملاك :ولاله الا الله ... كلوووووووووووووش ...
هذا المؤذن حسبي الله عليك يأبليس ...
ضحــى :وش هالجنون على أخر الليل حسبي الله على أبليسكم أنتوا أبد ماتهجدون ...
كلاً وقف على حركتــه وكأنا نتابع عرض مســرحي ...
الغضب اللي لقيته مسيطر علي بعــد ماصحيت من الكابوس ... حطيته كله فيهم .. طردتهم برى وقفلت الباب عنهم أحسن خل يباتون الباقي من الليل بالحـــــــوش ... والتفت على الباقين
ضحــى :وأنتو وش جالسين تنتظرون أطلعوا كملوا نومكم...
نوف :بعد ايش خلاص طار النوم ...
هنــد :من زين الجو اللي كنا نايميــن فيه ...
شهد اللي جلست على الدرج من القهر :قولوا لي أحد غيرنا بالسعـــوديه ينام بدون مكيف ...
ناقصه أحباط أنا اصلاً وش بيدي أسويه .. كل اللي أقدر عليه سويتيه عشان مايحسون أنهم أقل من الناس بس للحيــن هالنقص موجـــود وبيظل موجـود لأن اليد الوحـده ماتصفق لازم كلهم يتعاونـــون معي عشــان نقدر نعيش ....
ضحـــى :عفيه على الشاطرين ليه سكتوا كملــوا تكلمــوا عن حالتكم المزريه وظلم أبوكم لكـــم ولاتنســون الأمهات وقولوا نبذه عن حياة الشقى اللي عشناها فصحة جدتي ...
شفت كلام أعتراض كثير بعيونهم مأنطقته شفاهم بس كان مــوجــود...
ضحــى :ادري أن عيشتنا موعيشه وفيه غيرنا كثير أحسن منا بس لاتنسون أن فيه اللي حالتهم أردى من حالتنا ...
شهد بالضحكــه :اردى منا فين ذولا دلينا على بيتهم ..
هنــد :أنا آسفه ضحــى بس ماني قادره أصدقك أن فيه اللي أردى من حالنا ...
مأهتميت لكــلامهم الساخر اللي يحرقون فيه قلوب بعض بس ...
ضحــى :الا فيه ياشهد فيه ياهنــد اللي يمــوت من الجــوع مو يجــوع بس لايمـــوت موت حقيقي مأقصد فيها أي تشبيه بلاغي ... واللحين أنصحكم أبتعــدوا عن الأفكار الكئيبه وأطلعوا نامـــــوا ...
نوف :أنا موقادرانام بطلع فالحوش مع البنات ...
وطلعت ...
ضحــى :وانتوا ..؟!
هنـد :أنا مونايمه بعد بالشوف التلفزيون ...
شهـد :وأنا بعـــد ...
تركتهم على راحتهم ورحت لشدن ..
ضحى :يالله حبيبتي نروح نام ..
شدن :مأبي بطلع مع وعــد ونواف وسارا وملاك ...
ضحــى :طيب روحي لهم ... بس برى ظلام ماتخافين ...
شدن :لامأخاف .... وطلعت تركض ...
حتى انتي ياشدن لنا الله ...
عارفه أن مافيني نوم وقفت أطل مع الدريشه على الشارع اللي كان هادي لدرجـــة الملل ...
وجلست أسترجع أحداث يومــي الطــويل نقاش حاد مع المديره أنتهى بهــوشه كلاميــه وخصم عشرين بالميه من الراتب وبترفع فيني تقرير للتوجيــه مأقول الاحسبي الله على الظالم ... طلعت بعد هالمصيبه عشــان القى المصيبه الثانيه فصل وعــد .. وبعــــد كل هالمصايب أرجع للبيت عشـــان القى الكلـــ عساف بادي يبني له مستعمره فبيتنــا لاوبدون ترخيص بعــــد انا ناقصه مشاكل من البلديه بعــــــد ...
دخلت عليه بالمجلس وهو واقف مع العمال ...
ضحـــى :انت وش قاعــد تسوي هنا بأذن مين جالس تشتغل ....
عساف :أنتي اللي كيف تدخلين هنا والمكــان كله عمال ....
ضحـــى :خذ عمالك وأطلع برى ...
ماحسيت نفسي الامجروره ومحشــوره فمكان ضيق بين المجلس والبيت ...
عساف والشرار يتطاير من عيونه :أنتي كيف تتكلميــن معي بهالطريقه ..
نفضت يدي من يده ..


ضحــى :أكلمك بالطريقه اللي تعجبني يأخي ماتفهم مانبيك فبيتنا مأحد فهالبيت يطيقك الكــل يبيك تطلع منه ...
عساف :أناجالس بكيفي وماني جاي بشاوركم لو بغيت أسوي شي فهالبيت فاهمه ولاتبغيني أفهمك بالطريقتي ...
قلت وأنا منقهره منه والله لو أني رجال محط عينه فعيني الرخمـــــه ...
ضحــى :اصلاً انت لورجال ماجلست عنــدنا وبيوت أخوانك وش كثرها .. بس اللي مثلك ماينشره عليه وعزى الله اللي رباك ماعرف يربي....
طلعت من عنـــده وأنا أسمع صوت ضرب أيده على الجدار لو بقيت لحضه كان يمـديني فعداد المــوتى بس الله ستر ...

×××××××××××××


((2))

<< ..نهاية كل فرحه مؤساه ..>>

وعـــــد


واووووو وينكوا لايفوتكم الجو فلــــــــه ... بعد ماطردتنا ضح ضح من البيت جلسنا فالحـــوش اللي جهة بيت جيرانا اللي أمهم أم كايد وعيالها كايد وقيس وجابر ومرمر و........ الخ .. لاتقولون ماعرفتوهم بعد كل هالشرح ...
نواف :والله الجلسه مالها داعي من غير منير ...
سارا :معك حق ....
ملاك :وش رايكم نعزمه ....
ترى هالفكره أنا أول من فكر فيها بس ياخساره لونطقت لحضتها حفظت حقوق السبق صدق المثل اللي قال من سبق لبق ..
سارا :بس كيف ....
لاعاد المره ذي محد راح يسبقني ...
وعد :أنا عنـدي الحل وأنا أم الحلول ...
ملاك:لاتكفين مانبغى واحد من حلولك الغبيـــــــه ...
بل بل وش فيها ذي علي ...
وعــد :على كيفك تحكمين أن حلولي غبيــــه ...
سارا :حلولك قمــــة الغباء ...
لا عاد التوأم شكلهم متفقين علي ...
وعــد :خير أن شاءالله وش ماسكين علي ...
ملاك :نسيتي يوم رحتي تطقين الجرس وطلع عليك قيس .....
بل وهذي وش دراها ماكانت معنا ...
وعــد :وانتي وش دراك ماكنتي معنا ...
ملاك :مو لازم أصير معكم عشان أعرف وش صار ...
وعد :أجل كيف دريتم ...
سارا:قريناه بالحلقه العاشره ...
وعـد :ويييه ومسويات فيها فاهمات أنقعلن بس ... وحلي هذا أذكى من الذكاء نفسه ...
وأشرت على وحــده من الشبابيك ...
وعــد :تدرون وش ذا .....؟!
سارا :جدار ...
وعــد :حماره أنتي مأقصد الجدار أقصد اللي وسطه ..
ملاك :بلك وجبس ...
لااا هو مايقاد وش هالغباء ...... ..
وعـــد :مأقصد اللي فيه أقصد اللي عليه ..
نواف :ندري قصدك الشباك وش فيه ...
اخيراً طلع فيه أحد منهم فاهم ...
وعـــد :هذا شباك غرفة منير ...
جلسوا مبلمين ثواني ثم صرخوا التوأم ...
سارا وملاك :نطب عليه ......
لا لا قمة الغباء هذي مشكلة اللي مامعهم غير شهادة متوسطــــه لا أنا خلاص قررت أكمل دراستي عشان مايصير مصيري مثلهم .......
نواف :نحذف على دريشته لين ينزل ....
سارا بتردد :لااا أنا خايفه ...
اووووف بدينا بحركات البزرنه ...
وعد :ليش خايفه قولي وش فيه يخوف ...
سارا :تصوروا قيــ ...س صحى علينا والله يذبحنا ...
وعـــد :أنتي غبيه قيس بالجهه الثانيه من البيت والمكيف مشغل على راسه كيف بيسمعنا ...
ملاك :ايه وعد معها حق يالله نجمع حصى حلو عشان نرجم فيه أبليس قصدي دريشة منير ...
وبدينا نجمع حصى بمزدلفه ماتجمعون كثره وبدينا نرجم الدريشه على قولة ملاك وأغلب حصانا يطيح قبل مايوصل الدريشه وأكثر واحد حصاه يوصل نواف رماي من الدرجـــه الأولى ..... وفجأه صار اللي حذرتنا منه سارا طلع علينا قيس من الدريشه المرجــومــه وكان لابس سراول السنـــه وفانيلته
ومعه مسدس ....
اول ماشفنا ه وقف الحصى وتجمــدنا بأماكنا بس بالسرعه أستوعبنا الوضع وطرنا داخل وسارا ماقدرت التحرك بس ملاك كانت تجرها معها ولا لو عليها تلقونها صامده بمحلها حتى المـــــوت .. بس وربــــــي أن المسدس كان مصوب على سارا لدرجه الأعمـــى يميزها ...
طررخ طرررخ طررخ طحنا على بعض اول مادخلنا البيت ... هنــد :وش فيكم يالمرجج ...
سارا اللي أول من وقف :كان بيذبحنا ...... ورجعت تطيح علينا شكــله أغمى عليها ..
ملاك :سااررررررررررا ...
تجمعنا كلنا عليها وحاولنا نصحيها ...
ملاك بالصياح والنياح وهي تضرب خدودها :ياويلي عليك يأختي ذبحك اللي مايخاف ربه ...
وعد :هييي أنتي يالمجنونه لاترجينا مثل ذيك المره البنت من الخلعه أغمى عليها ...
بس ملاك راسها وألف سيف أن سارا ماتت حسبي الله عليها بتذبح البنت غصب ... ماحسينا الا بماء مثلج ينكب علينا كلنا لأن كلنا ملتفين على سارا ...
وعد :ووووااو بارد ... حسبي الله عليك شهوده ماتشوفين غرقتينا ...
شهد اللي ماسكه سطل المويا الفاضي بيدها :وش أسوي لكم ماتركتوا لي طريق أدخل معه عشان أكب عليها ...
هند :وبترشين عليها المويا المثلج هذا البنت حتى لوكانت حيه بتموت ....
شهــد :اووووف هذا ذنبي اللي بساعدها ...
وعد :وين تساعدينها شوفيها للحيــن مغمى عليها ...
ملاك :أختي ماتت وأنتم جالسين تهاوشون ياحسرتي عليك ياسارا رحتي وأنتي فأول شبابك حسبي الله على الظالم ....

مشكوووووره حبي


مره اتحمسسست ....






ننتظر الباقي ...

×××××××××××××

((3))

<< ..اتصال من امريكـــــــا ..>>

مـــــــلاك

انا ذابحته الليله ذابحته دم أختي مايروح مـــويا ...
قفزت من محلي وركضت للمطبخ وسحبت الساطـــــور ...
أول ماشافنه خواتي صارخن ...
وعـــد :وش بالتسوين يالمجنونه ....
ملاك :بقتله بأخذ ثأر أختــــــي ....
فجأه هجمـــن علي خواتي وأخذن الساطـــور مني ....
شهــد :حشى بالصعيـــد عشان تأخذين الثأر ....
كنت أتقاتل معها على الساطـــــور يوم سمعت صوت رد الروح فينـــــي ...
سارا :ملاااك ...
أسرعت وطحت عنــد رجولها ...
ملاك :سارا ياعمري أنتي لسى عايشه ...


سارا :ملااك كان بيذبحني قلت لكم والله قيس بيذبحنا ...
وجلست تبـــــكي بالطريقه تخلي حتى اللي ماعنده قلب يشفق عليها ... كثر حبي لسارا كرهي لقيس ليش يسوي فيها كذا حرام عليه والله حرام أكره اللحظه هذي اللي تكون فيها سارا تألم وأكثر ألمها خوف .. تكــون بعيده عن روحها المــــــرحه وحبها للحيـاه تصير فحالة يأس كبيره وتطلع منها مثل هالكلمات اللي أسمعها اللحيــــن ...
سارا :يارب أمووت وأرتاح أنا المفروض مأعيش ياليتني أموت ياليت ...
لاسارا أرجــوك كفايه والله اللي فيني يكفيني مو ناقصه أسمع دعائك على نفسك .... يارب هو اللي يمــوت ونرتاح منه ...
سارا :ابي أنام ..
فرحت ماصدقت سندتها عشان تقوم وأنا أقول ...
ملاك :يالله حبيبتي نروح ننام فوق ....
حسيت برجفتها الواضحه بين يدي ...
سارا :بس أخاف يجينا ...
مــلاك :لاحبيبتي ماراح يجينا شوفي كل البنات فيه مستحيل نخليه يلمسك ....
طلعتها فوق وحاولت أنام بس ماقدرت لأن سارا كل شوي تفز من مكانها تدور الوحــــش ...
الله يعينك على مأبتلاك يالتوأمي الصراحه مأتصور نفسي محلها مسكينه أختي ماسوت بحياتها شــي عشـان تستق عليه هالعقـــاب الجائر بحقها منك ياقيس المتوحش .....
مأدري كم الساعه بس حسيت أن الصبح طلع وسارا حركتها وقفت يعني نامت قمت من مكاني ونزلت تحت لأن النوم مجافيني قلت يمكــن القى وحده من خواتي أقرق معها قبل مايروحـون المدرسه بس للأسف البيت كان خالي للحضــه فيه صوت جاي من المطبخ ... على اخر ثانيه تراجعت قبل مأدخل بكل أندفاع عقب مالمحت اللي فيه اخخ يالقهـرهذا وش يسوي هنا الوقح أكيد عرفتم من أقصد وفيه غيره يستحق هاللقب ماصار زوج عمــه ذلنا على هالقرابه ومــن قربه عاد ياخال أمي حك ظهري ... أنا اللي قاهرني الغبيات ذولا ورى مايقفلن الباب عقب مايطلعن بس من تعلم .... حسيته جاي بيطلع وقفت مكــاني ولصقت بالجدار مر من جنبي ولا ألتفت أخخخ شكله شافني وأنا الغبيه لازم اوقف مكاني وأفكر واللي زاد ثقتي انه شافني وهو جاي يقفل الباب مالف لأخذه وراه وهو ملقيني ظهره ...
طيب درينا أنك شفتني ولاحتحرك فالراسي شعـــره ...
مأدري وش اللي خلاني واقفه محلي لمين طاحت علي وعـــد متلبسه ...
وعـد :ملاك وش تسوين واقفه هنا ...
بدينا بالتحقيق ... هالوعد عليها فضول ماهو على احد ...
ملاك :شفتي عســاف ...
وعــد :لاوينه ...
ملاك :كان فالمطبخ ...
وعــد :طيب ...
ياربي شكلها مافهمت ...
ملاك :هو كان فالمطبخ وأنا كنت واقفه هنا وجاء مر وطلع ...
وعــد بالصدمه:وشافك..
ملاك :أكيد شافني بس هو كمل دربه ولا ألتفت ...
وعــد :أكيد بيكمل دربه من زينك عشان يجلس يتمنظر فيك ...
اخخ يعني ماني حلـــوه من حلوها عاد هي ...
ملاك :ورى ماكملتي نومك والله لوالموضوع فيه روحه للمدرسه ماصحيتي هالحزه ...
وعــد :افكورس يبيلها ذكاء يعني .. ياالله أنابروح أخذ لي لفه بالحاره تبين شــــي ...
خيبه ماعنــدها وقت بتبداها هياته ...
ملاك :لاسلامتك الله معك ...
وعــد :وش رايك تنكرين بلبس نواف وتجين معي ...
بتخربني معها صدق جليس سوء ...
ملاك :لاشكــراً وش قالوا لك أنخبلت على اخر عمري ...
شكلها ماعجبها كلامــي حطت كابها على راسهــا وطلعت ... والله شكلها تحفه لابسه جينز أزرق لونه رايح من عرفتها وهي تلبسه ورافعه أطرافه من تحت لنص ساقها وطلعت وهي حافيه صدق هيلق ......
انا شكلــي بحنط فهالمكــان كأن ماوراي شغله الا أوقف هنا ... لازم اخذ جولتي الصباحيه اطل على جدتي وأديها علاجها والفطـور بعدها أطئس على سارا ومن ثما يبدأ شغلي الخاص ...
أخذت جولتي الصباحيه وخلصت وأنا جايه بطلع سمعت صوت التلفون كنت بطنشه بس شي داخلي قال ردي ...
مـلاك :الووووووووووووووووووو ......
الطرف الثاني :وجع ماله داعي كل هالصراخ أسمعك ...
قلت بأندهاش وأنا ماني مصدقه الصوت اللي وصلني .....
ملاك :الحج متولي من أمريكــــــاااا ....
:أزيك يابنتي عامله ايه وأزي خواتك ووالدتك طمنيني عليها وجدتك عامله أيه .......
مـــلاك :كلهم كويسين أزيك أنت ياحج وأزيهم حسن وحسنين اولادك...
:الحمدالله بنشكــــر ربنا .... فينها البنت وعد ...
ملاك :وعد مش موجــوده عاوز منها حاقه ضروري يعنـــي ...
:آآآآه هي عنــدي وبتقول .......
قاطعته ..
ملاك :وعد وجع خلاااص تعالي بعدين من وين جالسه تكلميــــن ...
وعد :من الدكان .. أقول مــلاك نازل بيبسي جديد بنكهة الفراوله تبغين أجيب لك واحــــد ...
ملاك :لاوجع لاتجيبين أنا مقاطعه المنتجات الأمريكـــيه ..
وعد :ايه صح نسيت ... طيب وش تبغين اجيب لك هديه معــي من أمريكا ...
ملاك :رجعتك بالســـلامه ياحج هي أكبر هديه لنــــا ... وأذا مصر تجيب لي هديـــه جيب البيت الأبيض بس غلفه بتغليفه خضـــــراء ......
وقبل مأسمــع ردها قفلت بوجهي اخخخخخ أكيد متولي مأدري صالح لووول نسيت أسمه العامل اللي فالدكان سحب منها التلفون ....... بنت الحــلال تكلم من مال أبوها فالتها ...

×××××××××××××

((4))

<< ..ضحى في ورطـــــــه .. >>

ضحـــــى


تنحنحت ورجعت أعيد الدرجات مره ثانيــه تحت اصرار البنات لأن الأغلبيه ماسمعوها ......
ضحـــى :بقول مجموعة أسمــاء وبعدها بقول الدرجه لأنه ماشاءالله عليكم درجاتكم مره متشابهه منال ومنى و ..و..و...و..و..و..و... صفـــــــر ,, صفيه وهديل ولمياء ثلاثة أرباع ,, جيهان نصف ,, و..و...و... و... درجـــــه واحده فقط لاغيـــــر ,, ريم و..و..و..و..و.. خمس درجـــــات ,, سلوى و..و..و..و.. ثلاث درجات ,,ورحاب وهي أعلى درجــــه سته ونصف ..... وسلامتكـــــم ...
ماخلصت كلامي الا بدأ الأحتجاج من كل جهه وأنا مثل الأطرش فالزفه مأدري وش يقولون .......
ضحـــــى :بسسسسس خلاص أسكتوا عشان اقدر أسمعكم وحــده بس تكلم ....
وداد :أبله باقي أسمــــاء كثيره ماعديتيها ...
ضحــى :حبيبتي اللي ماعديت أسمها بس اللي مادخلت الأمتحان ......
ورجع الصراخ وزعيق من جديد ......
ضحــــى :بس والا والله كلكم تأخذون صفر عنــدي .....
وداد :أبله والله انا داخله الأمتحان ....
ضحــى :أجل أكيـــد خطك مثل وجهك فماصححت ورقتك .... يالله عاد نرجع لدرسنا مأبي كلمــة أعتراض وحــده زياده .....
وعلى هالمنــوال مريومــي لين جانــــي اتصال من عســاف ومثل كل مره كان مصيــره التطنيش بس المــره ذي كان مصــــر بشكــل غير طبيعــي ... وبمأني كنت بغرفة المعلمــات وماعنــدي حصــه فكان الجــوال على العام وعشــان أتخلص من نظرات المعلمات الفضوليه لتطنيشي المستمــر لهالمكالمات رديت ....
ضحــى :آآلووو ...
عسـاف :مابغيتــي تردين ...
ضحــى :طيب ...
عســاف :وش اللي طيب أنا قلت شــــي ... واضح انك موفاضيه لي أسمعيني بجــــي أخذك من المــدرسه زين ....
خير وش يقول حضرته .... ترى انا صايره مأسمــع زين هاليوميـــن ...
ضحــى :ماسمعت وش تقولون .....
عساف :الا سمعتـــي أقول بمــر اخذك لاخلص دوامك الساعه كم تخلصين .....
طلعت من الغرفه خفت أفقد أعصابي والمكان ماهو مناسب ....
ضحــى :عساف انت جنيت وش تبـــــي تجي تأخذني ...
عساف :ابغــى أتفاهم معك وبالبيت لاجيت أتكلم معك كلمــه مألحق أكملها الا تبــدين خواتي وخواتــي قلت أجي اخذك نطلع للمطعم نتغداء ونتفاهـــــم ....
ياربي هذا من وين طلع لي وش نتفاهم عليـه شكلي بنفضح بين الناس على يــــده ...
قلت بالرجاء يمكـــن يرحمنــي من بلاويه ...
ضحــى :عساف واللي خليك شل هالمــوضوع من راسك طلعه معك ماني بطالعه ...
بس من قال يرحمنـــي هذا ذيب لاهميته ولاهمه رجاءي .......
عساف :ماتبغين خواتك يدرون أطلعي معـــي ولاترى ماتلوميــن الانفسك على اللي بيصير تحذير وحذرتك ......
خسيس نذل حقيــــر صك كل الأبواب بوجهـــي مسكني مع الايد اللي توجعنـــي ...
عساف :وش افهم من سكوتك يعني موافقه .....
ضحــى :وعنــدي خيار ثاني يعنـــي ....
ضحك وقال ....
عساف :للأسف لااا.. تعرفين السياره اللي معــي صح وانا ثنتيــن الاربع عنــد الباب ......
وقفل وأنا تقفلت بوجهــي كل الأبواب .. ياربي ليش يصير معــي كذا وش يبي من هالأنســان مليون مره قلت له اللي بينــا مستحيل يتصلح خلاص هو اختار طريقه من سبع السنين وأنا أخترت طريقي ليش راجــع اللحيــن ينبش بالماضــي ويبغى كل شــي يمشــي على ميزاجــه يعني هو ينسحب بالوقت اللي يحــب ويرجــع بالوقت اللي يحــب وأنا المطلــوب منــي ابقى كما أنا كل شــي يتغير من حولي وأنا ثابته مجمــده حياتي أحتريـــه يرجع ..... بس لاياعسـاف أنا تغيرت وحياتي تغيرت وأنت مالك مكــان بهالحيــاه وبالتشــوف كيف ببعـــــدك عنها ...... كنت مثل اللي جالسه على نار احتري بس نهاية الدوام وعيني معلقه بعقرب الساعـــــه ...
ومع كل هذا يوم جيت اطلع تأخرت عشــــر دقايق ماكنت متعمــده لأن المــديره اطلبتني فجأه وحاولت اتخلص منها بالســرعه ..... لأول مره أحس بالخــوف وصدقت أن فيه شــي بالداخلي أسمــه قلب لأني حسيت بدقاتــــــه ..... عنــد البوابه كان زحمة سيارات وزحمـــــة بنات وأخينا بالله كان موقف قريب مـــره وتعرفون حركات البنات بعضهن أوقح من الشباب عيونهن مفتــوحه على الأخــر على الرجـــال ...
وعليهــن حركات ترفع الضغط الصراحــه مألوم الشباب اللي يتجمعون على المــدراس اذا كانوا شايفيــن منهن مثل هالتصـــرفات...
ركبت بالســرعه وقفلت الباب وطبعاً ركبت قدام مع أنه خاطري اركــب ورى بس صدق مغفله لوسويتها وفتحت عيــون الناس علــــي مع أني ماني سالمــه اخاف وحــده من المعلمـات ولا البنات تعرفنـــــي ... قلت له بقهر بعــد ماحرك ..
ضحــى :غبي أنت فاتح الدريشــــه ليش ...
فسخ نظارتــه وطالعنـــي ..
عساف :عشــان تلقينها حجه وتقولين ماعرفتينـــــي ...
ضحــى :ماكنت بقـــول على الأقل مثل مأحترمت وعــدي لك خل عنــدك شويت احســاس وراع ظروفي يعني لوشايفتك وحــده من خواتي وش بسوي لحظتها ....
عساف :مابتسوين شــي بتقولين لهن الحقيقه .. وبتريحــن نفسك وتريحين معــك ....
يالناس خاطري اذبح هالبارد مأصدق أني كنت بهالسلبيه اللي تخليني أوافق على أنســان مثل هــذا الله يشفيك ياجدتي ماسويتي فينــــي خير يوم أجبرتينــي على هالزواج ......
عساف :أنزلي وصلنــــا ......
نزلت مانــــي معه وأنا مقهــوره من نفســي وكأني جالسه أسوي جريمــــــه بس اللي أسويه خطأ وأكبــر خطأ بس قولوا وش أقـــــدر اسوي غيــري كذا ....
دخلنا قســــــم العوائل ...
سألنــي وحنا نجلس :وش رايك نشــرب شــــي قبل الغداء ...
ضربت يديني اللي كانت ترتجف من التوتر ببعــض ..
ضحـــى :مأبــــي شي خلصيني قول اللي عنــدك وطلعني من هالمكـــــان ....
عساف :هدي وش فيك معصبــــــه لاتصعبين المــوضع على نفسك وعلـــــي ...
وحاول يمســـــك يدي بس انا ماسمحت له .... وحركته هذي زادتني توتر... قلت له وأنا أرتجف من الغيض ....
ضحــى :حاول تكرر الحركــة هذي معــــي ثاني ....
ضحــك وحرك يده بوجهـــــي بأستخفاف ...
عســاف :يعني وش بتســـوين ..... بتكســرينها لــي يابنت أبوك .....
شفت ناس وقحـــه قليلة ذووق ناكــرة جميــل بس مثله ماشفت ياعــايرني بأبوي يعنـــــــــي بس أنا أوريك ياولد محــــــمد ....
ضحــــى :بنت أبوي وأفتخـــــــرورغم كل الظروف اللي أبعــــدته عنا بيظل أبونا وعلى روسنـــــا من فوق ولودارت الدواير بيبقــى أبونا الباقي علـى الرجــــال يتعوزى فيهم أبوهم ويوم طاح مالقى منهم احد يسنـــده ....
ضربه من يـــــده على الطــاوله هزتني من الأعماق بس طرفي مارتـــــد وماهـــو انت ياعســاف اللي بيخــوفني .......
كان يطالعنـــي بالنظره قاسيه محــرقه وانا عينـــي ماحولتها عن عينـــــــه وأخرتها ياعســـاف والله لو نجلس اليوم كله على الحــركه ماراح أكـــون أنا المهــزومـــــه ........ تغيرت ملامح وجــهه وبعــد الغضب اللي كان كاسي ملامحــه تحــولت للبرود ثم أبتســــم وكأنه مغصــوب ......
عساف :ونعـــــم بنت مبـــــارك .... ماجبتك هنا عشـــان نتهاوش وش رايك نتغــدى بعــدين نتكلم ....
طنشــته خل يسوي اللي يبــــــي وأشــوف أخرتها معه ....

×××××××××××××

((5))

<<..الوجـــه الثاني ..>>

عســاف


تعايرنـــــي بنت مبــارك بس أنا أوريك مأكـــــون رجال لوماكســرت لك هالخشم اللي مأدري على أيش مرتفــع أنا من زمان ساكتلها تغلط وترفع صوتها شكــل الأبله تحسبنــي وحده من طالبتها .... حسبالها أراكض وراها عشــان سواد عيــونها والله ولافكــــرت فيها
بس من ردات حضـي محســوبه علي زوجــه.. فكرت استفيد من الوضع اللي لقيت نفســي فيــه ولا أنا كنت ناســــي أني متــزوج الله لايعيــدها من ساعه اللي رضيت فيها أتزوجهــــا كانت لحضة ضعف منــي
أستغلتها هي وجــدتها وتــدبست فيهــــا ...
واجازتـــي اللي بقضيها هنــا
ماتروح بلوشـــــي لازم أترك لها شــي أتذكرني فيـــــه بوريك يأبله ضحـــى كيف بعلقك فينــــي وأمشـي وأخليك بطلع من حيــاتك مثل ماطلبتــي وللأبــــد بس بدون طـــــلاق بخليهــا معلقه لامتزوجـه ولامطلقــــه .......
طالعت فيهــا مامــدت يدها على الأكـــل أحسن موتي جــوع ولا أنتــي وجه اكل زي هــذا ياوجـه الفقــر ...
شفتها تأفف وتطالع فالســــاعتهــا .....
عساف :ضحــــى ....
ضحــــى :خيــر ..
عسـاف :تبين ترجـعين للبيت ...
طالعتني بأستغراب ...
ضحــى :أكيــــد ...
قلت وأنا أكتم ضحكتـــي ..
عساف :أجل يالله قومـــي عشان ماتأخرين ...
ماعلقت اخذت شنطتها اللي شكلها دارسـه فيها الأبتدئي والثانـوي والجامعه وللحيـن عنـدها ...
اول ماحــركنا من عنـــد المطعم سألتنــي ...
ضحــى :على وين رايح ...؟!
تستهبل ذي مو قايله بوديها على البيت لاتكــون فاكره اني بخطفها يعنـــــــي ....
عســـاف :على البيت ولاتبغين نروح مكان ثاني ...
طالعتني بالنظره تقهر ترفع.. ضغطي فيها وكأنــي أصغــر عيالهــا أيه موتعــودت دايم تكــون كبيره تأمر وتنهـــــى وكلمتها مسمــوعه وتطالع اللي حولها بكبــر بس مو انا اللي تطالعنـي بهالنظــره ..
.. وتغاضت عن تعليقي ..
ضحــى :نزلني عنــد ....... قالت اسم سوبر ماركـــــت ومن هناك بيجي السواق يأخذنـــي ....
أخخ يالقهر طلعتني غبـــــي ....
عساف :واذا ماطعتك ووصلتك للبيت بالنفســــي ....
طالعتني بالنظره كلها تحــدي ....
ضحـى :ماتقـــــدر ...
رجعت تتحــــــدى لاتلومــوني لوسويت اللحيـن حادث بـــس عشـان تنفضح وتنكشف أنها كانت معــــــــي ....
صدق أني غبي بذبح نفســــي بس عشان أفضحها بس أي فضيحه هذي اللي أتكلم عنهــــا
تقدر بكل هدوء تقول الحقيقــــه
اللي ماعليها غبـــــار .. وأنا بس أكــون عرضت نفســي للخطــــــر ......
نزلتها وين مابغـــت وطلعت على أستراحة خلف يمكن القاه هناك ولا القــى احد من الشــــباب .... أي وجه ينسينـي وجـه بنت أبليـــــس ....
أتوقع أستغــربتوا كلامــــي صح بس ليش الأستغراب هذا أنا
ماتغيـــرت بس أنتم اللي ماعرفتونـــــي زيـــن ..... ومافهمتــــوا ناوياي صح ......بس ضحــى كانت أفهم منكــم شوفـــــوامع كل اللي سويته معها صدتنــــي ,,, جميع الطرق اللي تطري على البال أستعملتهـا عشـان اكسبها بس ما نجحت,, سويت نفســي عساف الطيب اللي غيرته السنيــــــن مانفع ...هددتها بالشــدن بعد مانفــــــع ,, تحايلت عليـــها ومثلت أنــي خايف عليــــها ومقدر تضحيتها لخـواتها بس هــــم اللي مـو مقدرين هالتضحـــيه وحاولت أشككها
فيهم وأنهم مايستحقـون اللي سوته عشـــــانهم ومــــع كل هذا مانفــــــع ..... واللحيـن شكلي بطلع لها بالوجــه الثاني وجهي الحقيقي لأنها تمادت معي كثير وأنابعــد سكت لهـــاكثير واللحيـن جاء الوقت اللي ماينفع فيه الاشخصية عســاف اللي معها ماتقدر حتى تفتح فمها بوجودي .....

×××××××××××××

((6))

<< .. ميشومبارك والحـــــب .. >>

ميشــــــو
يألهـــــي لأصدق مايحــدث لـــي ماهذا النحــس الذي أصبح يرافقنــي هذه الأيــام ... الايكفـــي الورطــه التي وضعتنا فيها سوسو مع شقيقها الأخــرق خلف لتأتي الدكتــوره المتحاذقه بأسئلتها العوجــاء لتفقدنــي ماتبقــى من صوابي ..... أخخخخخ كلا ... صرخت بالمجنونه التي أصطدمت بــي ....
ميشــــو:ريدا هل فقدتي بصرك بالأضافه لأخلاقك ......
ضحكـت بمجـون وأجابتنــــي ...
ريدا :لا أبشرك للحيـن عيوني شغاله ولاعيون زرقاء اليمــامــه تبين أقولك وش أشوف على بعــد عشـر أيام .. بس هذي حركه الفت فيها أنتباهك لأنــي ناديت عليك لي أنبح صوتي مالقيت الا أوقف بطريقك ....
يبدو أني بحاجه لأعادة برمجــــــــه ....
ريدا :ميشو يابعـدي وش فيك ... اللي مأخذ عقلك يتهنى به .......
تظاهرت بالكــــدر ...
ميشـــو :ومن سواه فهــــــد ....
صاحت بذهول وهي تدور حولهــــا لتلفت أنتباه الناس لنا .....
ريدا :ياعالم يالناس هو أنا جنيت ولا اللي أسمعه صدق ميشو مبــارك تحــــب ...!!!!
ضحكت بالداخلــي على هذه المجنــونه تعيش فقط من أجــــل الحب وتهيم بالسمــاع قصص الحــــــب .....
ميشو :ريدا عزيزتي أستأذنك لأجــري
مكــالمــه ضروريه ......
أبتسمــت بغباء وسألتنــــــي ..
ريدا :من بتكلمــين فهــودي صح ياحبنيلك والله يابعــــــدي طوايف طوايفــي روحي يابعـد روحي خذي راحتك وسلمــي لي على فهــــــد.....
و ابتعــدت وهــي تكرر عبـارات عن الحــــب والعشق وكم تعشقهما وعن الحبيب الجديد فهــــــد ......
قررت العـوده للمنزل لأجري المكالمه من هناك حيث الهدوء والأستقــــلاليه ..
بعـد أن وصلت للمنزل وأستقريت فغـــرفتــي ذهبت للرقم المسجــل باسمه فهــــــد وضغطت على أختيار الاتصال سمــعت رنيــن للمـره واحده فقط وقطعت الأتصــــال ... ليعــاود الأتصــال علي بعــدها
وهذه هي المكــالمـه الثانيـــــه لنا ......
فهـــــد :هلا والله ياحــي هالصوت بالفصحــــى ....
ميشـــــو :مرحبــا أتصلت بــــي للمرات عديده أتسأل لمــاذا ....؟!
فهــــد :تسأليني لمــاذا... انا لي فوق الأربع أيام وكل يوم أدق عليك فوق الألف مـــره وأنتي ولامعبــرتني .....
يارب السمــوات لقد تحطم قلبـــــي عليه .....
ميشــــو :لقد طرحت سؤالي لمــــاذا ...؟!
فهـــد :سحرتيني يالساحـــــره من أول كلمــة مرحبا منك وأنا مثل المجنــون لا ليلي ليل ولانهاري نهــــــار ....
يال الصغيـــر المسكـــــين كم أشفق عليـــــه ..
ميشو :لايعجبنـــي هذا الكــلام مالذي تريدني افهم منــه ...
تنهـــد وكأنه العاشق المتيـــــــم ...
فهـــــد :كل هذا ومافهمتــــــي مأبي شــي بس أسمــع صوتك العذب صدقينــي مأبي شــي أكثـــــر من كذا تصــدقين أحس عمــري كله قبل مأسمـــع صوتك ماكنت عايش ماحسيت بالطعم الحيـاه الا بعــد ماسمعت صوتك ......
بعــد كل هذا الكـــلام من المفروض اين تجدوني قد ذبت أسفل الكـــــــرســـي أوطرت حتى وصلت السقف لاكــــن أنا كنت جالسه بمكــاني أبتسم بلؤم لأجيبـــــه ...
ميشـــو :كم أمقت الرجل المنـــــــــافق ....
أختفــى صوتــه أين ذهـــــب .؟! .. صمت أنتظر رده ..... عاد بعــد دقيقه كاملـــه ليسألنــي بمكــر لعيــــن .....
فهـــــــد :وش بـعـــد اللي ماتحبينــــه بالرجال ...
حسن أليك ياعزيــــزي ....
ميشـــو :هل تريد الحق ....
فهــد :أكيـــــد ...
ميشــــو :أنا الرجل بحد ذاته بالنسبه لي مخلــوق كريه .... أما بالنسبــه للصفات اوبالأحــرى التصرفات التي تعجبني من الرجال الزواج في سن مبكـــــره ...
صمت قليلاً ويبدو أنها أصابته ...
فهـــد :قصدك اللي تزوجــون وهم الصغار طيب ومتى المفروض يتزوجــون وكم عمارهــم .....؟!
ميشــو :في ســـن الثــــلاثين ....
صاح بــــي وكأني أسن قانـــــون ......
فهــد :ايشششش لشيبنا يعني .....
ميشــو:وماشأني أنا بك أنا أقول مايعجبني ومالايعجبنـــي لا أهتم أو أبه أذا كان يوافق أرائك اولا يوافقها ....
سعــل بحده ثم سألني أن اكمـــــل حديثي .......
ميشــــــو :أحتقر الرجل الذي يتزوج أكثر من أمـــرأه .....
هذه المره بالتأكـــــيد أصابته بالصميــــــم .....
فهـــد :ماعليــه وش بعـــد ...
ميشـــو :عـــدوي الرجل اللذي يعتقــد بأن المـرأه مكــانها المنزل .....
فهـــــــد :وأنا بعــــــــد ....( خللك ســاكت أحسن لك مأبي أفضحك قدام ميشو والقراء )
ميشـــــو :لأستسيغ الرجال المــدخنين والذين يسافرون بكثره للخــارج ...
وســردت عليه باقــي صفاته بالطريقه مهذبه وكأني أتحدث عن شخص أخـــــر ...
ميشــــو :حسناً مارأيك ...
لكــن لم يجبني بل صمــت قليلاً ثم سألنــــي..
فهــــد :وش أسمك ...
كنت اتوقع مثل هالسؤال ..... وقد حضرت الأجابه مسبقاً ..
ميشو :وماشأنك أنت انا حتــى لم اسألك عن اسمك ..؟!
فهــــد:بس من عيوني أسمـــــي ...
قاطعتــه ..
ميشـو :فهــــــد ....
فهـــد :ولايهمك أذا بغيتـــي أصير لك فهــــد ...
اجبت بالنبره حالمـــــه أضناها الشوق ....
ميشـــــو :وأنا لأريــــــد سوى فهـــــد ....

الحلقه الثالثه عشــر
((1))

<<..من أجل من اضحـــي ..>>

ضحــى ..

وصلت البيت بعد معاناه مع الحر وزحمــة السير وزياده عليهــا التوتر اللي مصـاحبني من وافقت أطلع مع عسـاف ... دخلت البيت وكانت الصدمــه لي يوم لقيت أو بالأحرى مالقيت أحد ......
بديت أنادي :ساراا ملااك وعــد .....
ماجاني رد غير صدى صوتي .. جلست أكلم نفسي :يعني وين راحــو ذولااا ........
حسيت بحركه جايه من فوق .... وبعدها بالثواني نزلت روبــي وراها مشاعــــل .....سالتها ..
ضحــى :وينهم مولاقيه أحد ......
ميشو :لأعلم .. لم أخرج من غرفتـــي منذ ساعتيـن .....
لاعاد هذي حاجه تحط العقل بالكف يعني وين راحــو ..
ميشو اللي جلست قدام التلفزيون وبحضنها روبـي ... قالت لي بكل برود .....
ميشــو:حسناً أي سيذهبـون لابد أنهم في مكان ما في المنزل ......
يقهرني برودها خاطري أخنقها لين تصحى من الااامبالاه اللي عايشه فيها ....
ضحـى :اللحين خواتك مولاقيتهم فالبيت وأنتي بكل برود ...........
قطعت كلامــي يوم شفت التوأم ووعــد نازلين من فوق ....
ضحــــى :وين كنتم ...
وعد :بالسطح ولاممنوع بعــد ....
ضحــى :الساعه ثلاث العصر وش تسون فالسطح ....
وعد :نصنع القنبله النووويه ....
وطنشتنــي وراحت تتهاوش مع ميشو على المكـــــان ...
سألت التوأم ....
ضحى :وين الباقيين ......
ملاك :سليب ....
لاصدقوني البيت اليوم فيه شي موطبيعي النظام كله مختل ....
سارا :ايه صح ضحـى قبل مأنسى خليني عســافوه سألنا الربع طعشــر مررره عن مــوعد رجعتك من المــدرسه ....
أرتبكــت ليه يسألهم وش قصده من هالحــركه اكيد يبي يوضح لهم شـــــي ..
ضحــى :متى صار هالكــلام وش يبـــــي ...
سارا :مأدري وش يبي هالمليق ياكرهيله ..
ملاك :ايه صح ألصبح وأنتم طالعيــن قفلوا الباب بالمفتاح مو كل شــوي لاقيته فالبيت مره بالصاله مره بالمطبــــخ ...
وعــد :ايه صح بعد احسن لو تطلبون منه يطلع من البيت كلش مأحبــه ثقيل دم ..
ياحليلكم تكرهونه أجل أنا شقول وأنا اللي مأبتليه فيــه ..
ضحــى :ايه صح وعــد قبل مأنســى اليوم رحت للمديرتكــم وبطلع الروح قدرت أقنعها تسمـح لك تدخلين الأختبــارات بس بلجنه خاصه وطبعاً ماتكملــين اليوم الدراســي تختبرين بس وتطلعيــن ...
شكله مأعجبها كلامــي مع أن كل اللي أسويه عشـان مصلحتها ..
وعــد :اووف يعني كان لازم مايحتاج ادخل هالاختبـار بالنهائي أقدر اجيب الفل وأنجح ...
ضحــــى :يازينك ساكته بس عساك تجيبين بس اللي ينجحك .. وأختك الثانيه وش عنــدها مـع أبله هيله ..
وعــد :وعععععع ياشين مأطريتي ..
ضحــى :وجــعع ان شــاءلله وأن أكلمــك تردين علي فاحترام ..بعــدين أحترمـي هالمعلمـه على الأقل أبلة ديــن ..
وعـــد :سوري مأقدر أحترمها وهي مو محترمتنــي .. وش عنــدها مع نوف تقــول لها انها متشبهه وأن اللي تســويه حرام وتقــول لاتقص شعـرها ولد ..
ضحــى :واختك المحترمـه وش ردت ..
وعــد :ماردت طنشتها وطلعــت لأن الأبله كانت طاردتها وتقول لاعاد تحضرين لي وأنتي على هالشكــل ..
عفيه على خـواتي العاقلات اللي يقدرن اللي أسويهـن عشــانهن .. يستحقن وسام الأخوات المثــــاليات .. مأقـــدر اقول الا حسبي الله ونعم الوكــيل ...
×××××××××××
((2))

<<..أهــــدي الأذى ..>>

ميشـــو
على غفله من أصحاب المنزل تسللت الا داخلـــه .. لأعلم أي جنون أصاب سـوسو لتطلب مني الحضــور وقت الظهيــره .. ولكنــه توقيت ممتـاز للتسلل الا الداخــل فالمنزل يصبح في حالة خمول كامــل فالأغلبيه ياخذون قيلولتهم أو يلتزمــون غرفهم للراحــه .. وصلت الا جنـاح ســوسو بدون ان أصادف أي كائن بشــــري ..
طرقت على باب غــرفتها أنتظرت دقائق لتفتح لــي الباب .. أستقبلني ظلام حالك وجــو بارد ببرودة القطب الجنــوبي ...
سوسو:ميشو بليز أدخلي بدون تعليقات ...
وأدارت مفتاح النور ... تجــولت بالنظري على منظر الغــرفه المزري ... ثم أنتقلت للســوسو الذي تركـت شعــرها ينزل ليغطــي جزء كبيـرمن وجهها حدقت بس بعيـنيها الحمــراء فأيقنت أن لديها ماسيصعقنــي ......
ميشـــو:لمـاذا طلبتي حضــوري ..؟!
سوسو :ميشــو خلف كشفنـــــي شافني يوم ركبت معكم وهــو اللي كان يلحقنا ... وأبعــدت الشعــر عن خدها لتكشف عن عـــلامـة زرقاء على طــوله ..
صحت بذهــول ..
ميشو :هــل هو ذالك السافــــــل الذي كاد يتسبب بمقتلنا ...
هزت راسها بالنعم وهــي غير قادره على الكـــــلام ...
سألتها وأن أتوسل بالداخلــي لله ان لاتكــون قد فضحتنا ....
ميشــو :لم تخبــريه عنا أليس كذلك ..
بدأ بالبكــاء فعرفت ماوراء هذا البكـــاء كم أمقت جبنها ولكنــي بالنفس الوقت أشفق عليها فمـن بمقدوره أن يقف امام ذالك المرعب ويصمــد ...
ميشو :حسناً أهدأي وأخبريني بمــاذا اخبرتيــه ...
سوسو :والله ماكنت بقول بس خلف والله مايرحم طقنــي لين تكلمــت مأقدر أتحمــل غضبه ميشو تصــوري مانعني من الطلعه من البيت .....
ميشو :لم أسألك عن كل هذا .. لم تخبريه عن كارميل اليس كذالك ..؟!
سوسو :ماقدرت غصب عني أخاف مأقدرأكذب عليه .. وانتي مايحتاج أقول أنه كان واثق انك معــي ...
لايحتاج أن تخبرني كيف قال ذالك فأن أعرف وأتصوره بلكنته المتعجرفه وهو يسألها أذاكنت تلك المتشــرده هي المتسببه بكل هذا ..
لم أنتبه أن أطلت الصمت حتــى سألتني اذ كنت غاضبه منها ..
ميشو :بالتأكيد لاياعزيزتي فأنا غاضبـه من نفسـي فالغلطـه غلطتي على كل حال ...
سوسو :طيب وش أسوي عشـان تسامحينــي ..
ميشـو:لاشـي ءأخبــريني هل حققتي أي تقــدم مـع مشـاري ...
تحــول بريق الدمـوع في عينيها لبريق الحمــــاس ...
سوسو :ميشو شكلــه حبنــي ...
ميشو :لم تأتي بجديد فكـــــل الرجال يحبــونك وسيحبونك ..
بدت خيبة الأمل على وجهها وهي تقــول ..
سوسو :حسيته غيـــــــر ..
ميشو :ياصغيـرتي لاتبدي بهـذا الغباء اذ رغبتي بالأنتصــار على أحمــد لاتجعلـي مشـاري فقط يحبك أريده أن يعشقك يصبح متيــــــم بحبك ...
بدا الأرتباك على وجهها دلاله على انها ستقول مالا يعجبني ..
سوسو :ميشــو انا ماتعــودت أكلم شبــاب انا لو ماقلتي لي اني بهالطريقه بأنتقم من أحمـد ماسويت اللي سويته ميشو تدرين خلف ليه كان يلاحقنــا كان يحســب أني راكبــه مــع واحــد وتدرين لو عرف أني أكلم واحـد والله ليدفنـي وأنا حيــه خلف ألزم ماعليـه سمعــت العايله .....
كفــى أرجــوك لاتخبــريني عن شــرف أخيك ونبله فأن أعلم به حتــــــى من نفســه .... أجبتها ببيت شعـــــر بالتأكيد لم تفقه ماحـــــواه ..
ميشــــو :ستبدي لك الأيامُ ما كنت جاهلا
ويأتيك بالأخبار ِ من لم تُزوّد
سوسو:وش قصدك اتوقع تذميــن بأخوي بس ماعليه أنتي ماعرفتي خلف زيــن واتمنــى ماتعرفينه ..


ميشو :بالتأكيــد لأن معرفتي به لن تزيدني أي شـــــرف ...
ولكــن أي كلمـه من كلامـي لن توقف سوسو عن ذكــر محاسن وفضائل أخيـــــها الطاهر ....
لأعلم لما أن صــامته ولم أفضح مأكتشفته حسناً يبدو أن الصوره لم تصلها ..
ميشــو:سوسو لاتخبــريني بأنكــي لم تريي تلك الصوره ..
وضح الأرتبــاك على محيــاها ..
سوسو :أنتي شفتيها بعــد ياويلــي خلف كان بيروح فيها يوم شافهـــــا ماني مصدقه كيف هنــد(اللـــــي كان بيتزوجها خلف الرابعــــه ) تكـون بهالسذاجــه وتعطي صورتها لأي أحــد ...
قلت بتملق ورياء ....
ميشو :ياعزيزتي الصور تنتشــر بكل سهـوله هذه الأيـــــام اخبــريني هل مازال مصــرعلى الزواج بهــا ...
سوسو :أكيـــد لااا أعوذ بالله أخوي مايتزوج من هالأشكال ومن اللي سمعته من امــي ,,تعرفـين بعـد اللي صـار بينا مستحيل أجلس معه فمكـان واحد وزاده موضوع هنــد ,,انه مايفكر بالزواج هالأيــام ...
يألهــي تلفظ هذه الأشكال بطريقه مقرفه ولا كأنها تتحـدث عن قريبتهـــــا ..أغفــري لي ياهـــند فلم أقصد أيذائك ومأنتي سوء وسيلـــــه للانتقــام أجل لاتحـدقوا بي هكــذا أنا من نشـــــرة صورتها وفي مكــانين في أحد المــولات التجاريه وفي الجامـعه وكما ترون لم يمضـــــي أسبوع الا وقد أنتشــــــرت للأسم المصـــــاحب لها فللأسف اسم والدها معروف نوعاً ما وللأسف أيضـاً هي جميـــــله فلهذا وذاك كان انتشــارها الســــريع ..
سوسو :ميشو وين وصلتي ياعســــــل ..
ميشو :ليس بعيــداً .. هل تعلميــن يجب أن أعود للمنزل سريعاً ...
سوسو :ياخســاره كنت أتمنــى نقدر نحضر اليوم زواج ميساء أخت ريم ..
اندهشت لم تخبـرني سوسو من قبل عن هذا الزفاف ..
ميشــو :ولماذا لانستيطع الحضــور ..
سوسو :لاني محــرومه من الطلعه الا أجل غير معلــوم وانتي شــي أكيد بدوني ماتقدرين تحضـرين ...
ميشو:بالتأكيد ومافائده ذهابي بدونك .. ولكــن كنت ارغب بمشـاهدة الريم وشقيقتها في هذا الزفاف ....
سوسو :يعني أنا اللي ماودي أشوفهم بس شــسوي حتــــى الريم من ثلاث أيام فبيت اهلــــها ..
هل صحيح ماسمــــعت الريم في منزل أهلهـا ..يبدو أن الحظ السعيــــد مصاحب لي في هذه الأيام ..ميشــو أيتها المجنونه هيا تحركـــــي ماذا تنتظرين .. قفزت بالســرعه من على السرير اللذي كنا جالسين عليه ...
ميشو :اعذريني سوسو يجب على الذهاب بالسـرعه للمنزل ولكــن سأعــود أليك بعــد العشـاء ...
سوسو :والله ياحبيلك ميشـــــو .. بس شــوفي وأنتي داخلـه أنتبهي احد يشوفك خلف متــوعد فيك بيحش رجــولك لوشافك داخله بيتنـــــا .. أسمـعي سيارتكم لاتجين عليها يعـرفها ...
ومـدت لي مبــلغ ليس بالقليل أخذت منها بدون تفكيـــــر....
سوسو :هذا عشــان تأخذين لك لليمـوزين ..لاتأخرين اوكي حبيبتي أنتظرك ..
ميشــو:سأحاول الاأتأخر وحتى لو تأخرت قليلاً كوني واثقه بأني سأعــــود ..
بالتأكيد سأعود ليس من اجلك أنتي بل من أجل
هديه صغيـــــره يستحقها الثنائي المبهج خلف والريم ..

×××××××××××
((3))
<<.. موهبــــة ملاك ..>>

ســـارا
اليوم صايبني أحـساس مقــرف بالكـائبه احس أن حيـاتي مالها طعم مملـه اليوم مثل بكــره وبكــره مثل اليوم ... ويوم الاثنين 1\3\1425 مثل طعم اليوم السبت15\4\1428
ومافيـــــه أي تغيــير .. توقعـون اللي مثلنا لادراسه ولاشغل وحيـاتهم كلها فراغ ×فراغ وبس مرابطيــن فالبيت ويطلــعون بالسنــه حســنه كيف يقـدرون يواصلــون حيـاتهم من غيــر مايصابون بالأحباط والتعاســه لأن اذا مالحقتوا علــي بالســر هالصمـود حنتحــر..


سمعت بصوت وزيز بأذنــــــي .. وجلست أحكه على بالي حشـره..
مــلاك بهمس:وجع لاتحكين أذنك هذا أنا ..
سارا :وقع أن شاءالله وش عنــدك تساسريني ...
ملاك :مابي احد يسمعنا .. بطلع للحــوش وألحقيني ..
وطلعت وش عنــدها توأمــي النكد أكيـد وراها بلــوه ...
حسيت بخبطــه على ظهري من وعــد ...
وعد :ملاكــوه يالتبنه ورى ماتردين علي ..
قلت لها وأن امسج محل يدها :التبنه انتي ومصيرك فبطن خــروف .. انا سارا يمل الضرس ...
وعد :تستاهلين كيف بدري أنك سارا وانتي لابسه بيجامة ملاك ..
سارا :بس لوطالعتي زيـن بتلقين البنطلون حق بيجــامتــي ..
وعــد :يعني وش المفــروض أفهم من كذا ...
يووووه أنا جالسه أسولف ونسيت الخبله مـلاك فالحوش ..
سارا :اقول وعـد بطلــع للحـوش بحش رجـولك لولحقتينــي ..
وعــد مبسوطـه :انقلعي خليني لو مره وحده احطه على المحطه اللي ابــــي ..
خبله المفـروض من تحذيري لها تلحقني بس شكــلها محسبتها زيــن اخخخخ غبيه ...
طلعت ركض للحــوش ولقيت مــلاك جالسه على الدرج وتــعد العـصافير اللي على الحيط جلست جبنها ..
سارا :عسى ماتأخـرت عليك ...
ملاك :لااا تطمني أنا اللي جايه قبل المـوعد بعشـر دقايق ..
سألتها بأستغـــــراب ..؟!
سارا :والله ..
مـلاك :والله ..أسمعــي سارونه اللي بأقوله لك عيزاه يفضل سر بيني وبينك ...
سارا :اوكي ولايهمك من عيـوني فضفضي لي اسمعك ..
طالعتني بالنظره تخـوف ودليل على أن اللي وراها شــي كايد ..
مـلاك ووطت صوتها :أنا شاكــه ان ضحـى وراها سالفه مــع عسافوه ..
ياويلي وش قاعده تقــول هالهــبلا ..
ملاك :سارونه لاتطلعيني كذا انا مابنيت شكــي الا على دلائل .. ولاتفهميني خطأ أنا ماشك بضح ضح انا أشك ان هالبلوه عســافوه وراه مصيبه ...
ياربي هذي جالسه تكلم بألغاز وناسيه أني بالعافيه أفهم الكلام الصريح ...
سارا :بليزملاك تكلمـي بلغه مفهــومـه وقولي وش المصيبه اللي ورى البلوه عساف بس لاتنسين مثل ماقلت لك بلغه مفهــومه ..
ملاك :وأنا وش دراني وش هالمصيبه بس اكيد شــي يتعلق فينا بنات مبــارك يعني مثلاُ شي من أملاكنا ...
مالت قالت أمــلاك قالت هذي شكــلها جايتها ضربت شمــس من الحومــه بالقوايل ...
سارا :أي املاك واللي يعافيك تكلمــين عن هالخرابه اللي عايشين فيها ولاجمس طاش ماطاش ترى هذا كل اللي ورانا وقدامنا ...
مــلاك :هالخرابه على قولتك هو اللي ساترنا لولا الله ثم هــو كان تلاقينا فالشارع ...
معها حق توامــي كيف طافت علـي هذي يعنــي لو ماسخـرلنا الله هالبيت يعنـي أكيـد بنستأجر وحنا مولاقين نأكل عشـان نسكـن فأجار بعــــد ..
سارا :طيب مــلاك يعنــي البيت بأسم جـدتي مــو ..
ملاك :أكيـد مــو بس جدتــي شقول الله يرحمها برحمتــه وعيالها مبـارك وعمتــي ...
سارا :وعمتــي ماتت ومبـارك حي يرزق يعني مافيه خــوف من هالناحيـــه لحضه لايكــون باروووك باع البيت ..
ملاك :يسويها الئيم وهذا اللي خايفه منــــه ..
ياربي شهالوهقـه مصيبه لوكانت شكـوكنا بمحلهــا بس عســاف وش بيكـون مـوقعه من هذا كلـــه ..
سارا :طيب وعســاف شكــوو ..
مـلاك :مادري يمكــن باع البيت عليــه .. أوأي شـي توقعي أي شـي منه مو ولد عم مبــارك ... وفجأه بدت تقـلد صــوته وانا فاطســه ضحك ايه صح شكل مأحد خبــركم عن موهبة ملاك فالتقلــيد عندها موهبــه غير طبيعيه فتقليد الأصوات لدرجــه ماتفرق فيها بيــن اذا كان هــذا الصوت أصلي أوتقلــيد ..وتتفنن بتقليد أوصوات الرجال من الشخصيــات المعروفه ... تحمست أسمعها تقــلد صار لنا وقت ماسمعناها تتغنــى ..
سـارا:ملاك ياعمري قلدي عبد الرحمـن بن مسـاعد ..
مــلاك :
احــــم احـــــــم .. وش رايك ألبس شمـاغ ولاغتـــره ...
سارا بقهــــر :ايه بدينا بحــركات لعانه يالله ياحبيلك ..
مــلاك بصوت قريباً نوعاً ما لصوته :

مذهله
ماهي بس قصة حسن
رغم ان الحسن فيها
بحد ذاته مشكله ...!!
مذهله ..
كل شي فيها طبيعي
ومو طبيعي
أجمل من الأخيله
طيبها .. قسوة جفاها
ضحكها .. هيبة بكاها
روحها .. حدة ذكاها
تملئك بالأسئله ..
مذهــلــــه
يابدايات المحبه ..
يانهايات الوله
هالحسن سبحان ربه ..
ظالم وما أعدله
أعذب من الأمنيات ..
عالم من الأغنيات
يا أجمل الشعر البديع ..
من آخره لين أوله
سمعنا صــــوت تصفيق ولفينا على الباب شارع لقينا ميشــو واقفه بعبــاتها وتصفق وتحـت يدها كيـــــس كشخــه وغريب ...
ميشو :رائع ملاك أنتي رائعـــه ...
طنشت كلامـها ورحت لها وانا جايه بأخذ الكيس منها طقتني ..
ميشــو:لما لاتكبري عن تصـرفات الأطفال هذه ...
مـلاك :ياحبيلك ورينا وش بالكيــــس لك ..
ميشــو:وهل تظني بأني أملك المال الذي أشتــري به من المحل الذي أسمه مكتوب على هذا الكيس .....
سارا :ولا بالأحــلام .. بس لمين اكيــد للعبيطـه سعـاد ..
كالعاده ماجاوبتني بس نظراتها لمــلاك كانت غريبه ....
ميشو:ملاك هل اطلب منك خدمـــــه ..
يؤ وش تبي هذي من مــلاك ميشو تطلب من أحد شــــي اليوم عيــــــد .. قلت بلقافه ..
سارا :امري تدللي ....
ميشو :هل حقاً كما قالت سارا يامـــــلاك ...
ملاك :وش تبين من خظك هذي الساعه المجانيه اللي أنفذ فيها الطلبات بمجاناً ..
ميشــو:حسناً هيا بنا الاحجرتي لأستطيع الحديث هنا ..
اوب اوب شكــل السالفه فيها أن اخخخخ يال الوناسه حلوه يال شكلي تأثرت بميشــــو .. بس والله شي عجيب شكلنا لأول مـره بنطلع على واحد من أسرار ميشـــــوو ..
لحقنا فيها لحجرتها تصدقون توني ألاحظ حجرتها ماتشبه غرفتنا فيها شي مختلف بس مأدري وشو .. بس أكيــــد مو صورة ميشو اللي أخذه نصف الحيط الصوره طالعه فيها راس ميشــو من فوق وشعــرها وروبــي اللي رافعتهــا بيديها الثنتين .....
ميشو :سارا لاتخبريني أنك معجبه بالصورتي ...
سارا :يال للغـــــرور .. وياشين شوفت النفس مايمدحــونها يقولون تقصــر بالعمــر ..
ميشو :ملاك اغلقي الباب أريد الحديث معك بجديه وبنفس الوقت بالسـريه ..
وقفلت الباب وبدأكـــــلام ميشــو اللي خلانا نفتح عيونا وأذونا على الآخـــــر عشان ماتفوتنا كلمـــــه من اللي تقـوله ..
×××××××××××
((4))

<<..كيــــد ميشو ..>>

ميشـــــو

سمـاعي للمــلاك وهي تلقي الشعــر للأمير عبدالرحمن بن مسـاعد أدهشنـي فقد برعت بتقليد طريقته بالألقاء رغم فشلها بتقليد صــوته .. مع ان الصوت اللذي كان يخرج منها صوت خشن كأصوات الرجال ... وهذا اللذي شدنــي هنـــــا .. عدت للتوأم العســـــل ..
ميشو :ملاك هل أستوعبتي طلبي ...
ملاك :ايه مايبيلها كــلام بتعطيني الجهاز الكسره هذا وأجلس أنتظرك لين تعطيني نغمــه فأتصل على الرقم اللي مسجل بأسم الريم .. وأقفل قبل مايرد علي أي احد ولأن الجــوال الثاني بيكون مخبأ بيطــول على بال مايرد علي احد بعـدين أرسل الرساله اللي كتبتيها لـــي ..
بعدين انتظر لين يدق على الرقم هـــذا
أبدأ انا بالكــلام وكاني حبيب الريم المسكينه اللي بتورطينها .. وأبدا بكــلام غزل بالســرعه أخلي كلامي ورى بعــض وأقول أني نفذت المهمــه بتمــام ونشرت الصوره من شان خاطر عيـونها بس .. وأذا اللي بدأ الطرف الثاني وكان رجال بالكلام أسوي نفسي مخربط وأقفل بس لحضــه أذا سكت وأنا قلت كلامــي لتكلم وش أرد عليه وشي ثاني ليش اقول كلام المهمه والصور والكلام هذا اصلاً موجــود بالـرساله ..ايه صح وأذا أحتاج الامر لأسمـــــي اسمي سلطــان ..

لاتبدو الدهشــه من سرعة بديهتها فهذه المـره الخامسـه اللذي أكرر فيها المخطط على مسمعها ..
ميشو :لاتردي عليه فقط أقفلي الخط واذاعاود الأتصال والغالب هذا ماسيحـدث لاتردي عليــه .. وبالنسبه لتكرار الكــلام الموجـود بالرساله هذا أمر تكتيكــي .. ولاتنسي قولي الكــلام خلف بعضه وهو بالتأكيد من جراء الصدمـه ولرغبته بسماع المزيد لن يقاطعك ..

ملاك :بس والله سهــل بس ماراح تقـولين لنا وش الغرض من كل هذا ...
ميشو :بالتأكيد لااا لتدعوني أندم على طلبي المسـاعده منكـما ..
صرخــن بصوت واحد :لاخــــلاااص توبه ...
ميشــو :ارجـوا منكما الألتزام بالســريه والأفضل أن تختارا مكـان هاديء وبعيد عن الأعيــن لتقضين فيه الوقت بأنتظار أتصالي ..
سارا :أوكي ولايهمــك ..
عدت لتأكيـد على ملاك ..
ميشو :ملاك أرجــوك لاتنسي أن تغيـري صوتك ...
ملاك :ولايهمك هذا شغلي وأحلى شـي انك ماطلبتي مني أقلد شخص معين ..
أرجــو من الله أن تستطيـع النجــاح ولاتتسبب بفضحــي ..
خرجت من الحجــره بعد انا أخفيت الهـديه بشنطتي الكبيــره ولبست عباءه غير العباءه المعروف بها في منزلهم .. صعدت الى الليمـوزين اللذي كان ينتظرني في الخارج والذي حضرت به من السوق ....
ذكرت له عنــوان منزل سوسو الذي يقع بحي راقي بعيــدجداً عن حينـا الفقيــــر .. وصلت قبل العاشره بخمسة عشـردقيقه لازال الوقت مبكــر لتنفيذ الخطــه ولكــن سيارة خلف ليست مــوجـوده .. لم لأتصل وادع سوسو تتأكد لي من الأمــــر ... اتصلت بها فأجابت بسرعه غير متوقعه ...
سوسو :هلا ميشو وينك تأخرتي ..
ميشو :انا بالقرب من منزلكــم .. أسمعي لن أنزل حتى تخبريني بأن شقيقك الأخرق غيـر موجـود ..
ضحكت بالطريقه غريبه ..
سوسو :أعترفي ميشو تخافين منه بس تطمنـي ماهو مـوجــود على الساعه ثنعش يمكـن يجي لأنه طالع البر مع ربعـــــه من العصـر ..
ميشو : يألهي بر بهذا الجــو الخانق أخبريني أنك تمزحيـن ..
سوسو :ميشو بتجين ولاكيف أنا حتى جناحي مأقدر اطلع منه حاط لي حرس ....
أرجــو الا يكـون قد وضع على جناحه هو الأخر حــــرس ..
نزلت بالســرعه من السياره وحرصت على الا يراني احــد من الخـدم لأنه لايوجــد سواهم بالأضافه لسعاد المحتجزه بغرفتها ..
لم يصادفني أحد حتى وصلت جناح خلف والريم الباب الخارجي كان مفتوح حاولت في باب غرفة النوم اللذي كنت أحمل مفتاح وياللدهشـه وجدته مفتــوح ,, تتسألون من أين لي مفتاحــه قصه طويله سأختصرها لكم بأني حصلت عليه من سوسو اللتي كانت تخشى أن يجده أحد معها فتركته معي ونستــه ,, دخلت الى الغرفه التي كانت أيضاً أنوارها مفتــوحـه لو لم تخبرني سوسو أن خلف والريم غيرموجـودين لشككت بالأمر..
وعلى حسب الخطــه التي رسمتها لنفسي وضعــت الهـديه المغلفه والتي تحتـــــوي على خاتم من الألمـاس دفعته من المكافأه المجزيه التي حصلت عليها من جراء تهوري مع كراميل وسوسو حينما قدت الســــياره بأكثر شوارع الرياض أزدحام .. وكان على الهـديه بطـاقه كتب فيها سلطان أعذب الكلمـات لحبيبته الريم .. وضعتها في أحد دروج دولاب الريم وبأمكــان اخرتحت ملابسها وضعــت الجوال الذي كان أحدث مــوديل وايضاً دفعت قيمتــه من المال الذي حصلت عليه من كراميـل ... هذا الجوال لايحتوي الا على رقم واحد وهـو رقم الجـوال الذي تركتــه مع مــــلاك مسجل بأسم حبيبــــي وكان الجــوال بالأضافه لرسائل الحب والهـيام الكثيره التي ضاق بها صنـدوق الوارد يحتوي على الصور التي ألتقطتها بأحد الحفــلات لزوجات خلف بأستثناء الريم ولزوجته القادمــه هند وهي نفس الصوره التي قمت بنشـــــرها وايضاً لشقيقته حبيبتي سوسو ..
حينما كنت أهم بالخروج من الغرفه احسست بحركــه قادمــه من الغرفه الأخرى التي يضمها الجناح فعدت بالســرعه لأختبأ خلف الباب وأنا أنتفض يألهي أرجــو ان لايكــون خلف قد عاد يارب يارب أنقذني من هذه الورطــه.. ومن الفتحه الضيقه بين الباب والحائط رأت عيني ولم أصدق مارأت فتلك الحركه التي كادت تتسبب لي بنوبه قلبيه لم يكــن مصدرها سوى تهاني الزوجـه الثالثه لخلف ولكــن السؤال هنا مالذي تفعله تهاني في جناج الريم .. كانت تتوجــه للغرفة نوم الذي أنا أراقبها منها لم تدخل بل مدت يدها من خلال فتحت الباب الصغيــره وأغلقت الأنوار ومن ثم سمعت صوت المفتاح يقفل به الباب من الخارج .. كنت سأقع بورطــه حقيقيه لولم يكــن معي مفتاح أخر للغرفه .. يبدو ان هذا المفتاح يوجــد له عدد لايحصـى من النسخ .. انتظرت عشر دقائق حتى فتحت الباب وخرجــــت مباشره لجناح سوسو وقد كان الظلام يصاحبني طــوال طريقي ..
اسقبلتني سوسو والتوتر بادي عليها .....
سوسو :ميشو وينك الله يأخذ أبليسك روعتيني ..
ميشو :اسف لم أقصد اقلاقك علــي ولكن الوقت أخذني وأنا أتجول في منزلكم أو دعيني أقول قصركم الرائع ..
تحولت ملامحها القلقه المتوتره الا حبــور زائد ..
سوسو :يقالك يعني اول مره تدخلينه ...
قلت بنفاق وأنا أحاول أن أصل الا مأريد ..
ميشـــــو:لا لكن لأول مره أدخله وهو خالي من أصحابه ..أخبريني سوسو هل كل هذي الأمــلاك ماشاءالله كانت ورث من والدك ..
وبدت سوسو بسرد قصة حيــاتها والتــي أصبحت احفظها أكثر منها ..
سوسو :لاطبعاً صح أبوي كان الله مغنيه بس أغلب هذي ورث امــي من جدي هذا اللي تقول أمــي وطبعاً كل هذا زاد بعــد مامسك عمي مبارك الأمــلاك بعد ماتزوج أمي ..
حسناً هانحــــن ..
ميشو :سوسولأريد التطفل ولكــن عمك مبارك أين هـــــو من كل هذا ...
ضحكة سوسو على سذاجتي المصطنعه ..
سوسو :ياحبيلك ميشو صدق أنك على نياتك ماشفتي شــي .. عمي مبارك يسكــن قصر على قولتك أفخم من هذا عشر مرات ..
أصطنعت التعجب...
ميشــو :حقاً لم أكن أعلم .. سوسو هل والدتك مـوجـوده ..
حدقت بي وكأني حمقاء..
سوسو :احسدك على ذكائك أمي وش تبينه تسـوي فيذا والعايله كلها ترقــص فقاعــة الـ....... ماعدا المنحــوسه اللي جالسه قدامك ...
ميشو :وبالتأكيــد لن تعــود قبل الرابعــــه ..
سوسو :وهذي يبيلها ذكاء ميشو حبي وش تخططين عليــه ...
ميشو :فالبدايه يجب علينا التأكد من عــودة شقيقك الأحمق حتى يتسنى لنا اللهــو كمانشاء ...
سوسو :بس ولاتهمتمي خلف ماراح يجي قبل ثنعش واذا جاء شي أكيــد بيمـرعلي عشـان يتأكد أن اوامره منفذه .. وهذا اللي كنت بقوله لك من يوم دخلتــي لازم نقفل الباب عشـان مايفاجئنا وتكــوني أنتي تخبيتي قبل مأفتح له ..
ميشـــو :لا بأس ولكن بالتأكيد لن تخرجي له هكذا يجب عليك تغيري ملابسك الجميله ..
قاطعتني ســوسو :طيران ألبس بيجامـه وأجي وأعفس شعــري كني توني صاحيــه من النوم .. ولازم نقفل الأنوار من اللحيـن لأنا ماندري متى يهف عليه ويرجـع ..
ميشـــو سألتها قبل أن تختفي بغرفة ملابسهــا ..
ميشــو:أخبريني منذ متى خلف يطلعك على مـواعيد خروجـه ورجــوعه ..
جاني صوتها من بعيــــــد وكأنها تخوض معركــه لا أرتدأ ملابسها ..
سوسو :قصده يهددنــي أويمــكن بيقص علي يقول بجي 12 وأنا أطلع وأرجــع قبل أثنعش ألقاه جاي عشــر ...
الحمـدالله لقد مضت العشــر ولم يحضــر وهاهي الساعه على مشارف الحاديه عشـر والنصف ..
عادت سوسو بعد أن أرتد بيجـامتها اطفائنا الاضواء وبدأنا الحديث بأمــور مختلفه ونحــن على هذه الحال سمعنا صوت طرقات متتاليه نهضت ان على أثرها لأختبيء بغرفة المــلابس .. وأتجهت سوسو لفتح الباب بعد أن شعثت شعــرها بصوره أكبر ..صوت فتح الباب تلاه صوت خشن مخيف يجمــد الدماء في عرقها ..
خلف :وش فيك ساعه على متفتحيــن الباب ..
سوسو بصوت مرتجف :كنت نايمـــه ...
وأتصورها تشـير لبيجامتها وشعرها وكأنها طفله تخشى تعنيف والدها ...
خلف :طيب أنقلعي كملي نومك ..
تلى هذا صوت تقفيلة الباب .. خرجت من مخبأي بعد أن
عددت للمائه عند الرقم تسـعه وتســعون ضغطت على زرالأتصـال على مــلاك وكلي امل ألا تخذلنـــــي ..
سألتني سوسو الشاحبــــه ..
سوسو :وش فيك لاتكـوني خايفه ...
ميشو:انا ومالذي يدعــوني للخــوف ..
سوسو أشارت برأسها حيث كان خلف يقف ...
سوسو :المــرعب المدمـــــر خلف الاقشــــر ..
يال السذاجـــه ..
ميشو :كلا ياعزيزتي لم أخف ..
سوسو :لاتغرك الشخصيه بس تراه الليله بزياده معصب شكل الطلعه ماجت زي مايبي ...
ميشو :كلا ياعزيزتي لاتختلقي له الاعذار
هذا هو الرجل السعــــودي يعــود من رحلته السعيــده اللذي قضــى بها أجمل أوقاته في لهــو وسمـر مع رفاقه ليصب جام غضبه على اهل بيتـــه بسبب وبلا ..
سوسو :وأنتي وش فيك على الرجل السعــودي موجايز لك ..
رغم كل ماعانت مازالت لاترضى بالحديث عنهم بسوء..
ميشو:كلاياعزيزتي وهل أجرؤ..
سوسو :يالله ميشو لاتطــولينها وهي قصيره بغيــر ملابسي وأجيب عبايتي وأنتي أتصلي على حق الليمــوزين اللي كنتي جايه معه ...
وفعــلت ماطلبت منـــــــي وقضينا أجمــل ليالينا وخصوصاً أن سـوسو قد خرجت خلســه

×××××××××××
((5))

<<.. لأمنــع جريمـــه ..>>



عســـاف

رجعت من البر وأن عايف نفســي صدق قرف مأدري وش مطري علينا الكشتات بهالحــر .. سبحت بالحمــام اللي كان ملحق بالمجلس واللي كانت حالته زفت وبحاجه للترميـم .. وبعدها طلعت والروح راده فينــي يازين البراد .. غيرت ملابســـي وتوني جاي بحط راســي على الوساده دق جــوالي اووف هذا خلف وش يبي تونا متفارقين امداه يشتاق لــي ..
عساف :هلاخلف .....
خلف :عســاف تعااال بالســرعه ولاترى برتبك جريمــــــه ...
وأنقطع الخط ... يالليل التبن هذا وش عنــده بعد وش هالجريمــه اللي بيرتكبها بعـــد ..
غيرت ملابسي للمره الثانيــه وركبت السياره وعلى بيت خلف وأنا طول الطريق أفكر وش عنــده لايكــون سعــاد طالعه لأنه زي مافهمت منه مانعها من الطلعــه .. وهي المقصـوده بالجريمــه و لالحضه
للحضه يمكـــن المزيــونه بنت خالته اللي كانت بيتزوجها وأنتشرت صورتها لايكــون نازله لها صوره جديده ولامقطع فيديو أيه البنات هالأيام مايجيبون لأأهلهم الاســواد الوجــــه .. انا وش قاعد أسوي خل ألحق على هالخبــل قبل مايرتكب جريمتــــه ..
وقفت سيارتي تمشيت حال ودقيت على خلف أشوف وينــه .. وسمعت دقت جواله العاليه شفت خياله بالظــلام يرفع جواله يطالع بالرقم ..
قربت منــه وجلست جنبــه ..الله يستر راسه اللي منزله مايبشر بخيــر ...
عســاف :خلف ..
خلف والشرار يتطاير من عيــونه:ذابحها ذابحها الله لايعــوقني بالشـــــررر .. جلس يسب ويلعن فيها وبأهلها اللي ماعرفوا يربونها ...وبنت .. وبنت .. وبنت ....ماقدر أسكته لين هزيته ..
عســاف بقهر :خلف ولعنه تكلم قلي وش السالفه ...
خلف :وش أقولك فضحتني الله يفضحها الله يلع.. الفاجـ..
مايبرد نار قلبي الا ذبحها ...
عساف :قلت لك وش صــار ... والا أقول تعال أركب وقلي وش السالفه ...
ركب خلف وصقع الباب وراه ورمــى بحجري جــوال ..طالعته بأستغراب ..
عسـاف :وش هذا .. وش اسوي فيه ...
شفت خلف يصد عنــي وركى يده اللي ترتجف من القهر على الشباك..
خلف :اقرأ الرسايل اللي فيه وركز على أخر رساله وارده ..
فتحت الجوال وأنا خايف من اللي بشـــــوفه ... وقريت أول رساله وماخلصت الا وأنا حاط راسي بين يدي من الصدمــه ريم مستحيل ماتسويها بنت عمي وأعرفها ..
(( .. آسف حبيبتي أني دقيت عليك نسيت انك بزواج السنيورا أختك وأكيد ماراح تكــونين فاضيه لي .. بس حماسي لسمـاع رأيك باللي سويته نســاني تقولين وينك من أسبوع عن التهنئه أقول لك ماكنت واثق من نجاح أنتشار الصوره لين شفت صورة جميلة الجميـلات هنــد الـ .......... بجــوال واحد من الشباب .. ماقلتي لي وش سوى زوجك عسى وصلته الصوره اذا ماوصلته انا حاضر أوصلها له بنفســي ... الريم يابعــد قلبي تدرين كل اللي سويته من شانك لاتنسين أبي أشوفك قريب حبيبتي أشتقت لك .. كل حبي سلطـانك ..))

الحلقه الرابعــه عشــــــر


((1))

[..خيــــــانه ..]

عسـاف

قريت الرساله مره وثنين وثلاثه لين صار الشك فيها قمــة الغباء المـوضوع واضح ومايحتاج له كل هالتفكيــر وكل شــي بهالجــوال يدين الريم .. اللي سوته الريم ماينغفــر كيف تكــون على علاقه مع شخص ثاني وهي متزوجــه صدق أنها حقيــره خبيثه ملعــو ......
قلتها وأكررها للمـره المليون البنات مايجي منهم الا سواد الوجـــه هذي وهي متزوجــه .. هذي خيـانه الصراحـه مألوم خلف أنا حاس أن دمــي يغلي وسط عروقــي .. اللحيــن ماني بالريم قلعتها عسـاها للحريقه تشيلها انا بخلف هذا اللي حالف أنه يقتلها ومســدسه بجيبه وجالس ينتظر رجعتها ..
عسـاف :خلف تكفى أقصر الشر لاتكلمـها ولاتجيها طلقها وأفتك من وجها ماتستاهل أنك تضيع عمـرك عشــانها علم أهلها بالسواد وجـها وأبوها وأخوانها يتولون أمــرها ...
بس خلف ولاهــو معـي وكأني أتكلم على نفســي أنا حاس باللي داخله ويمـكن بعد ماني حاس لأني ماجربت هالشعــور .. معقوله تخــوني ضحى بيوم وليش ضحــى بالذات هذي مصيري أطلقها وأنســاها ليش هي بالذات اللي أفكر بخيانتها بكل بساطه لأن ماعنــدك غيــرها اللحيــــن .. اوف حنا بأيش وأنا جالس أفكر بأيش ...
عسـاف :خلف طلبتك ....
بس خلف ولا رمــشت عين ..
قمت من عنــده وأنا أدور على نفــسي وأصفق كف بكف
خلف بيضيع وأنا واقف أطالعه ومابيدي شــي أسويه
.. من يقدر على خلف وهــو غضبان مأحد يقدر يوقف بوجـهه ولايغير من رايـــه الا لحضه فيه اللي يقدر على خلف وأبو خلف بعد زي أنه طرى على بالي ... بعــدت عنــه بمسـافه كفيله أنها ماتوصله صوتي وأتصلت بالشخص الوحيــد اللي احس أنه يقدر يغير من قرار خلف ... رنين متواصل ومحد يرد كنت خلاص بديت أفقد الأمل يوم أنفتح خط الطرف الثاني ...
عســــاف :اللو مباررك ألحق ... اوووف أنا عسـاف عســاف .. ايه أسمـــع .. أدري أنك متبري منها اللحين من جاب طاريها ..بكلمــك عن خلف .. ايه خلف أبيك تلحق عليه قبل مايضيع نفســـــه .. اسمــع ... وقلت له السالفه كامــله .. وهو صك من عنـدي حتى قبل مايقول مــع الســــلامه ... كنت بأحبط لوماكانت هذي ردت فعله .. سمعت صوت رنيــن جوال خلف وشفته متردد يرد اولا بالأخيــر زفر زفره قــويه ورفعــــــه .. طول المكــالمه كنت على أعصــابي صح خلف يحترم مبارك كثير ويعتبره بمنزلة أبوه بس خلف بهالحاله ماتقدر تخمن وش ردت فعلـــه والمــوقف اللي فيه مره صعب
اللي خانتــه زوجتــــه اللي دام زواجهــم سبع سنيــن ريم كانت أول وحــده يتزوجها خلف .. كنت احس أن علاقتهم قويه وأحترامهم للبعض كبير وشي ثانــي أن ريم بنت عم أبوه بأختصـار بنت عمــه لحمــه ودمه خيانتها له شــي كبير مايصدقه عقل والشــي الثاني اللي سوته يوم نشرت صور خطيبته خطــــــأ صعـــب يغفره ..
ماني مصدق أن ريم تسوي مثل هالــشي كنت احسب الأنحراف والتصرفات المنحله هذي ماتصدر الا من بنات الشوارع ليش بنت محترمــه مثل ريم تلجأ لمثل هالعــلاقات اللي ماتجلب لصاحبها الا الفضايح هي لاهي صغيــره ولامراهقــه عشـان تنخدع بكلام الشباب المعســول .. ماني قادر أفكر راسي بينفجــر ..ومكالمــة خلف ومبــارك عيت لاتخلص .. وصـوت خلف وصل لأخر الرياض .. وأخيراً أنتهت المكــالمه ...
خلف وهو يقوم يوقف :أعجبك يعني اللي سويتــه ...
عســاف :ماكان بيدي شــي كنت بتضــيع نفسك ... وش صار ..
خلف :ماصك من عنــدي لين حلفت له أني مأسوي لها شـي وهو بيتصرف بطريقته .. بس هين تشــوف الملعــ...... أذا مافضحتها ..
عساف :خلف انت مجنون أنت بتفضح نفسك قبل ماتفضحها ...
خلف :خلاص انا ماني قادر أفكر .. طلعني من هنا لأنها لو رجعت وانا مــوجـود بذبحها الخيـــــانه ...
ماصدقت أنه هو اللي طلب مني أنه يطلـــــع ..
سالته وانا أطلع السيــاره :تبغــى مكان معــين ...
خلف بتعب :أي مكــــان ..
شفته بطرف عينــي يحوس بجواله ... وتمتم (هذي ليش ماتررد )..
كنت بسأله عن مــن يتكلم بس خفت من عصبيته .. والله حاله أنا عمــه وأخاف منــه ..
سمعت يكلم وهو معصب :ساعه على ماترديــن ..
وسكــت وشفته يطـالع بالجــوال ... ومسكت ضحكه كانت بتفلت منــي قفلت بوجــهه .. بس أول مره أدري أن خلف يكلم بنات كنت عندي شك ويمكـن أحسـاس أن هالأمــر عادي عنـده بس اول مره اسمعه يكلم وحـده ..
بس هذي شكلها مـره تمــون عليه ولا تقفل بوجهه وشكـله الموضوع عنده عادي لأنه رجــع يدق عليها ولا ليه عليها يمكـن على وحده ثانيـــه .. ياحليلك ياخلف والله طلعت منت بهيـــــن ..


خلف :أعذريني ماكان المفروض أكلمك بهالطريقه بس تعبان شــوي ..
لاااا عاد هذي قويه خلف يعتذر ...
وكنت بهالوقت موقف بأرض فضا نزل خلف وراح يمشــي بعيد وهـو يكلــــم .. أفا أجل طلعت هذي سوالفك ياخلف لا وبعد بنت تقفل بوجهك وانت تعتذر منها مأتصور نفــسي أقول هالكــلام بوجهه ..

×@×@×@×@×

((2))

[..من اجل الأخــوه ..]

مــلاك

بعد ماتركتنــا ميشو جلست أفكر بالي أطلبته منـــي .. معقــوله مشــاعل أختــي حقيـره لهدرجــه ووصلت فيها الدناءه أنها تفرق بين مـره وزوجـها .. من الريم ووش اللي خلـى ميشـو تصرف معها بهالطريقه .. اللي أعرفه عن مشـاعل والصوره اللي أشوفها فيها تخلينــي أحتار أنا اقول أنها ماراح تسوي هالشــي الا عشـان دافع قــوي .. الكـلام هذا أقوله عشــانها أختـي ومأبي أشوفها بالصوره سيئه بس بالحقيقه انا ماعرفت مشـاعل زين عشـان أحكم أنها ممكــن ترتكــب مثل هالغلط .. أنا مأقدر أقول أن دافعها زيــن لأن مافيه أي سبب بالدنيـا كلها يسمح لها تســوي اللي تســويه الا شـــيء واحد أن ريم ســوت كل هذا صدق ومشـاعل موقاعــده تظلمـها قد ماهي قاعده تفتح عيــون زوجهــا وتكشف الحقيقه لاغيـــر .. بس لوكان ذا صدق من هالنـاس ومن وين تعرفهم مشاعل ... قطع حبل أفكــاري رنيــن الجــوال وكان الرقم
ميشــو انتظرت ثواني ألتقط فيها أنفاســي قفلت عيــوني وضغطت على زر الأتصــال دق لين قطـــع بدون مايرد أحد وأرتحـت ان الخطــه زبطت ومارد قبل مأقفل ... فتحـت على الرسائل المحفوظـه وطالعت بالرساله وحسيت بالضحكـه المكتـومه داخلى بتنفجــر لأن هذي أول مــره أشوف فيها كلام ميشو بالعــامي وكان فيه كذا كلمــه عدلانها أنا وســارا لأنها كاتبتها بالفصحــى ... ترددت قدامها بس بعدين ضغطت على زر الأرسال وماهــديت لين تم ارسال الرساله .. جلست على أعصابي أنتظر أتصاله اللي يمكــن يجي ويمكــن لا .. أنتفضت يوم رن الجــوال فجأه وكان اسم الريم يأشــر على الشاشه.. أرتجفت يدي وطالعت بـ سارا اللي تنتظرني أرد على المتصل مثل ماكـنا متفقين مــع ميشـو ..
سارا :ارفعيــه مو المفروض انت الحبيب المتيــم كيف تترك حبيبتك تنتظرك كل هالمــده .. وكررت بالســخريه ..
سارا :رد ياسلطان الولهان ...
وصوت داخلــي صررررخ ردي لاتخذليـــــــن مشــاعل ردي مثل ماوعــدتيها .. سحبت نفس عميق وأغتصبت كحـه قويه عشــان ينبح صــوتي وغمضت عيــوني وأنا أضغط على الزر الأخضـر ... سمــعت صدى أنفاس الطرف الثاني واللي كانت تعبر عن مدى غضبه ..
سلطــــان :مســاء الخير ولاأقول صباح الخيــر حبيبتي أشتقت لك حيــــل يابعـد قلبي .. وش رايك بحبيبك حبيبتي بطل مــو كل اللي طلبتيه منه سويته وزياده بلاه مأستحق مكافأه على اللي سويتــه ماراح أطلب كثير بس أشوفك بمكــانا المعتـاد بكره على العشــاء ... وسكت شوي الريامــي حبيتي وين رحتـــي ..
كان صوت دقات قلبي مثل الطبــول مأدري ليش حطيت نفســـــــي مكان الريم المسكينـــه ماحسدها على اللي بيصيـرلها الليله ..
وصلني صوت الطرف الثاني صوت جمــدني من حق سلطان المسكـين يرتجف ويتلعثم ......
الطرف الثاني :من أنت ...؟!
سلطـان :هاه أنا آسف شكلي غلطـــــان ..
وقفلت بالســرعه .. ماحسيت بالغلطه اللي سويتها لين صرخت فيني سارا ..
سارا :ملاك يالغبيه مشـاعل ماقالت كذا قالت قفلي الخط بوجهه ...
ملاك :طيب وش بيصير الكلام اللي قلته عادي ماراح يغير شــي ...
سارا :صح مأدري بس يمكـن ميشو لها غرض من السكـوت اللي طلبته منك ...
ملاك :لااا انا عارفه ليه مشـاعل قالت لي أسكت ومأرد تحسبني غبيه وماراح أقدر أتصرف ...
سألتني سارا السؤال اللي سألته نفسي مليــون مره وللحيــن ماقدرت القى له جــواب ...
سارا :وش غرض ميشو من كل هذا ..
ملاك :تفكرين باللي أفكر فيه ..؟!
سارا :قصدك أنا ميشو شريره ..
ملاك :هذا مو شــر هذا شغل الابالسه والشياطيــن ...
سارا :لاتقولين أنك ندمتي على الخدمـه اللي سويتيها لها ...
لاماندمت ولا أقدر أندم على خدمـه سويتها لأختــي حتــى لو فيها شــر حتى لو بضر أشخاص ثانيــن وش يعني أهم شــي أكـون ساعدت أختــي يمكــن بهالطريقه أقدر أكسب مشــاعل وأتغلب على الحـواجز اللي حطتها هي بينــا بالأخيــر حنا خوات ومالنا غير بعض .. تذكـرت أني ماجاوبت سارا على سؤالها ...
ملاك :لاماني نادمــه ولو بتطلب مني مره ثانيــه أي خدمـه بنفذها لها ....
سارا بأستهبال :حتى لوخارج الساعه المجانيه ..
ملاك :ايه حتى لوخارج الساعه المجانيه ..
يااحبيلها ساروانه شكلها بدت تغــــار من ميشو ..
سارا :أقول بس حطي الجـوال على الصامـت وشيليه بالدولابها وأمشـي ننزل تحـت أكيد أفتقــدونا اللحيــــن ..

×@×@×@×@×

((3))

[..فقدت الأمـــــل..]

سارا
نزلنــا ركيض من فـوق وتفاجئنا بوجـــــــــود ..
أنا ومــلاك :منيــــــرررر .....
وعــد :هوووو لايفوتكم أفرااااااج ..
مـلاك :واخيـرأً مبروك خطاك السووء ..
سارا :الف الف الف حمــدالله على السلامــه ..
منيـر :احم احم الله يسلمكم ماتشوفون شر ان شاءالله ..
ياحليله منيــر شكــله متغير كلش كلش اخخ مايستاهل اللي الحبـس اللي كان فيـــــه ..
وعــد :ايه صح تعال منيـر صدق اخوك أسمـاعيل جكـوه مـع الأرهابين اللي قتلوا العائله الفرنسيــه ...
منيـر بأستغراب :لاا من قال أسمـاعيل توني قبل امس شايفه بالمسجــد ..
ملاك :شلون لاا والأشاعه هذي منتشره بالحاره كلها ..
أي حاره صدق انا نصابين أصلاً انا وملاك مصدر هالأشاعه .. رحمته منير جالس يحلف أن اخوه بريء لايكـون حسباله حنا الأستخبـارات ..
منيــر :ياربيه والله أخوي مو أرهابي ..
ملاك :طيب طيب خلاص صدقناك ..
بس الرجال شكلـه من صدق زعـــل .. بس كالعاده مايعرف له غيـــــر نواف ..
نواف :خلك منهن يارجال ذولي حريم ماوراهن الا وجــع الراس ..
منيــر :الصراحه خواتك ذولي مايقدرن وأنا اللي جاي وجايبلهن خيــر بمليـــــون ريال ..
منير عنـده خبرلنا يافرحنا يافرحنـا أكيـد خبر عن جابر ...
سارا :وش تحتري للحيـن ساكـت هات قول غرد أطربنا ..
ملاك بحماس :نسمعك ..
قعد يسوي حركات وكأنه بيلقي خطاب سياسي ..
وعد :مرمر ياشينك ...
شهد :اوووووف بس الواحد مايقدر يتابع التلفزيــون بالراحه لازم هالقلق ...
شوفوا السخيفه مالت عليها بـــس موناقصين منحرفين حنا بعــد يجلسون يتأمرون علينا بس خلوني ساكته .. والله لوضحــى موجـوده مافتحت فمها ...
منيــر:هييي شهـوده وش فيك معصبــه ..
شهــد :وععععع شهــوده منك طالعه بايخــه ...
منيــر بخبث :بس من غيـري حلوه صح وخصــوصاً من واحد أسمه يبدأ بحرف الفاء ..
شهــد بقهر :انثبر أنت مالك دخل بعـدين لاتسـوي فيها بتهددين ترى كل هاللي جالسين هنا يدرون ...
هذولا شعنــدهم وش شهــوده وحرف الفاء ..
لايكـون عارف ان شهـد تكلم خيبه هذا وش دراه .. ومن غيرها السوسه وعد ..
ملاك :بس ياشينكم وانتي مرره فرحانه بعمــرك .. انت انجب وياويلك لو سمعتك تكلم بهالمـوضوع مره ثانيــه ويالله قول وش عنـدك ..
منيــــر :مع أن الجـو خرب والخبــر ماصار له طعم بس أمري لله بقوله ... الخايب جابــــر بيملك يوم الجمـــعه ..
وش يعني بيملك يعنــي خلااص مافيه أمل جابر بيتزوج غيــــري لامستحيل كيف ...
ملاك:سارا ياعمري ولايهمك هو الخسران وين يلقى مثلك ...
طالعني منير بالطريقه غريبه والتفت على ملاك ...
منيــر :هذي من صدقها تحبــه وعععع الحمـدالله والشكـر وش لاقيه فيه أنا أحلى منــه .. والله لو تزوجك بتضيعين حياتك معه هذا واحد غبي فارغ ماعنـده سالفه بس تجلسين معه تكرهين عمرك..ليغرك مظهره الخارجي هو من داخل أتفه منه مافيه ..مــع أني اكره قيس اكثر منــه بس لجينا للجد قيس أفضل منه بألف مره ..
مستحيل هذا وش قاعد يقول أكيد يتكلم عن واحد ثاني غيـر جابر ...
تمالكت نفســي وحبست دمــوعي مأبي أبكــي مأبغى أكون ضعيفه انا من زمان كنت عارفه انه مستحيل يفكر فينــي .. ليش اللي مثلنا فيه أحد يطالع فيهم ..
سارا :ومن بيأخذ ..
منيــر :بنت وحده من قرايب أمــي .. يالله عاد لاتقلبونها نكــد ... أناا جاااي مشتاق لكم حيـــل ...
ملاك :تشتاق لك العافيه يمل العافيــــه ...
منيــر :والله مأدري هذي دعوه لي اوعلي بس يالله نمشيها الا صدق أمكم قصدي أبوكم ضحــى وينهــا ...
سارا :الحكــومه نايمـه ليه عاوز منه حاقه يعني احنا نحل مكـانها ...


منيـر :لاثانكس مش عايزين منك انتي خصوصاً حاقه ولا أحد يحب جابرررر وعععععع ..
تبون الصراحه كلام منير بدأ يأثر فيني مادام اخوه قال عنه وعع يعنــي وعع ..
وفجأه دخلت علينا ميشو وكانت تلهث وشكـلها رايحه فيها ..
ميشو :ملاك تعالي أريدك .....
وبعد ماطلعت ميشو ومعها ملاك .. علق منير ..
منير :احلى حركات ميشو من متى تعطيكم وجـه خبري فيها تدخل وتطلــع بدون ماتعبركم ...
والله فاضي هذا يهذر وأنا خاطري ألحقهـــم أبي أعرف ميشو وش عنــدها .. أحسن شــي أصرفه بعدين ترى الوقت مره متأخر النور شوي ويطلع ..
سارا :اقول منير موكنك مرره تأخرت اخوانك يدرون أنك عندنا ..
منير :لا أعوذ بالله بس وش ورانا بكـره الخميس ...
ايه هذا شكله راعي طــويله ألحق على توأمــي العزيز قبل ماتقضي عليها المتشرده..
فتحت باب حجرة ميشو بالدفاشه خلتهم يتطامـرون ...
ملاك :سارااا ولعنـــ .. ماتعرفين تفتحيــن الباب بهدؤ ..
سارا قلت وأنا أجلس بينهم ..
سارا :متى العزا ..
ميشو بالدهشــه :عزا مــــــن ..؟!
سارا :عزا المنحــوسه ريم ..
ميشو :لأعلم سأسئل وأرد عليك ..
مــلاك :ياسخفكم والله ضميـري بدأ يأنبني ..
أحلى عندها ضميـرملاك الصراحــه معلومـه جديده
بس وين هالضميــر لصار المـوضوع فيه مقابل مادي ..
سارا:اايه صح ميشو ماسمعتي اخر الأخبــار ...
ميشو :لاتعجبني الأخبار ..
قلت بأنكســار والله كل ماتذكرت أني كل هالسنين قضيتها أنتظره أتحطم من داخل حتى لو ماكنت احبه بمعنى الكلمــــه ..
سارا :جابر خطب وبيملك يوم الجمـعه ..
الصراحه انصدمـت من حركة ميشو تصوروا بدال ماتطالع فيني كانت تطالع بمــلاك .. وأخذت يدها بين يديها ..
ميشو :لاتحزني هــو الخاسر ..
قلت بتعجب هذي وش قاعـده تقول ...
سارا :هييي على فكره انا سارراا ..
أرتبكـوا ثنتينهم ...
وقالت لي ميشو وبعيونها نظره غريبه ..
ميشو :هل حقاً ترغبين بالزواج ....
كنت بقول لها أذا صارت تشتغل خطابه ..
بس ملاكي سبقتني ..
ملاك :احلى مشاعل من متى صرتي تشتغلي خطـابه ..
كانت تنقل نظره بينا بعدين تكلمت بجديه ..
ميشو :اريد جواب صريح على سؤالي من ترغب بالزواج ...
ملاك :انا بالنسبه لي مأبي ..
شوفوا الخبله هذي وش قاعــده تقــول فيه أحد يرفض عرض مثل هذا ..
سارا :أنا أكــيد أفكورررس ياليت والله اطلع من هالفقر هذا .. بس لحضه بقول لك مواصفا ت فارس احلامــي ..
ملاك :فاضيه بعد بتحط مواصفات احمدي ربك على العريس اللي بتجيبه لك الخطابه ميشــو الفين وسبعـــه ..
ايه وش فيها ذي قاعده تحطم فينـــي .. والله أني أهبل من زينها عاد هي ولا كنا توأم هههههههه ..
لاتضحكـون انا بس أضحك ..!!
بس هذي من صدقه بتجيب لي عـريس انت شكو أسألكم هي اللي عندها الجــواب ..
سارا :ميشومن جدك عندك عريس لي ..
ميشو :لم أتلفظ بهذا ولكــن سأبحث لك ..
سارا :ايه بس لاتنسين أبيه وسيم ومليونير ..
ميشو : وايهم بالأولويه ..
أحترت اهم شــي يكون وسيم ولامليونيـــــر .. لا أنا متصور نفسي متزوجـه واحد بشـــــع يعني أهم شـي يكون وسيم ..
سارا :طبعاً الأولويه للوسامــه ..
هزت راسهـا وكأنها خلاص فهمـت لأبيه .. يااااااي ياليتها تكــون صادقه واتزوج وأبعـــد عن هالمكــان .. بس فيه شي مكـدرني كيف ببتعـد عن خـواتي لااخلاص شكـلي بغير رايي .. لاخلـوني أول أشوف عريس الغفله بعــــدين أقرر ..
×@×@×@×@×

((4))

[..تــــوأم العسل ..]

ميشـــــو

لأستطيع الا أن أبتسم وأنا أحضــر المشـادات بين توأم العســـل تستغربون هذه التسميــه لو رأيتوا التوأم لن تستغـربوأ هذه التسميــه ولأنكم لم تروهم ولن تروهــم
دعـوني أخبركم بمـواصفاتهما فهن كل مافيهـن بلون العســل البشــره حريريه سمــــــراء صفاءها كصفاء العسل.. العيــون عسليه.. والشعـــــــر بلون العســل المتخثر ..
صاحت بي ساراا ..
سارا :وش عندك معجبــه ..
كشرت عند هذه الكلمــه ..
ميشو :لم تخبريني بمواصفات فارس أحلامك ..
القت بنفسها على السرير وهي مغمضة العينين وتحدثت بعاطفه جياشه
..
سارا :ابيه أبيض وطـــويل وشعــره أسود وعنده سياره أخر موديل ودايم بيده سبحه وباليد الثانيه الجـوال
والألف عنده مثل الريال .. ومامعه الا أبتدائيه عشان مايصير أحسن مني ووبس ..
لم اتوقع مواصفات غيـر هذه من فتاة حالمـه مثل سارا ..
ظلتا ساعه اخرى في حجرتي حتى أصابني بالضجـر فضطريت لطردهـــن ...
استلقيت بعد ذالك على فراشي بالظلام وأنا أفكر بخطتي التي نجحت في نسبة 50% والخمسين الأخـرى تعتمد على قرار خلف في هذا الشأن كم أتتوق للغــد لمعرفة ماسيحـــــدث .. أشعــر بسعاده عارمــه للمافعلته بالريم
جربت ان اشعر بالذنب ولكـن لم أستطيــع كانت محاولتي مثيره للأشفاق ...

أغمضت عيناي لبرهــه ولكنــي لم أستيقظ الا بعـــــد ساعات عــديده ..
أحسست بثقل على بطنــــي فتحت عيناي بصعــوبه لأجد روبي قد اتخذتني فراش لهــا .. ابعدتها عنـي بقسوه فأنا عاده لأكون بميزاج جيــد عند الأستيقاظ من نــــوم .. وبعــد دش فاتر أحسست ببعض نشـاط
فقمـت بفتح جهازي المحـول وتركته لأرتدي ملابسي
لم يتوقف تدفق الرسائل التي كانت تصل الواحده خلف الأخرى لم أستطع ان احصيها .. وبعد ان فرغت من ارتدأ ملابسي عدت له لأجد أن اغلب الرسائل كانت من ريدا .. تخبرني فيها عن الحفله التي ستقيمها الشله في مقرها وتأمرني بأن احضر باكراً لأن هناك مفاجأه بأنتظاري .. سألت روبي القابعه أسفل قدماي اذ كانت ترغب بذهاب معــي .. ردت علي بموء أعتبرته جواب بالمــوافقه .. كنت ابحث ولكـن لأعلم عن ماذا فأفكــاري مشغــوله ولكـن بمـاذا لأعلم ووسط حيرتي تذكـرت أتصال فهــــد ليلة أمـــس الأمر اللذي لم أكن أتوقعـه منـــــه خلال الظروف اللتي يمــر بها أبتسمت للفكره غبيــه طرأت علي هل تعلق بي بهذه السرعه الم اخبركم أن الفكـــره غبيه .. حتى لو أستخدمت العصـا السحريه لن تظهر نتائجها بهذه الســـرعه.. وتحت وطأة هذه الأفكار قررت الأتصال به .. لم أنتظر طويلاً حتى رد علــــي لم يبدو عليه اللهفه لأتصــالي ولكــنه على أقل تقــدير أجاب علــى اتصالي .. وقبل أن أنهي المكالمــه ألقى علي عبــاره رسمت أبتسامة تشفي على شفـاي ..
فهـــد :تصدقين هذي اول مـره انتي
تتصلين علي فيها من نفسك بدون مأكون انا مأكسر تلفونك من الأتصـالات وأنتي مارديتي علي ..
ميشو :أجل أعلم ..
فهـــد :وتدرين بعــد أنك للحيــن رافضه تقولين لي أسمك او تخبريني أي أسم تفضلين علشان أناديك فيه ..
بهذه اللحضه بذات اختارت شدن ان تدخل وتصيح بصوت مرتفع ..
شدن :روبــــي أنتي هنا وأنا جالسه أدورك ...
وصلتني ضحكــة غير مصــدقه من فهــد .. رميت على شدن نظرات غيـــــض لم تعرها اهتمامها الذي كان مركز على الهـره الملعـــو .....,, وأنتظرتها حتى حملت روبي وخرجت لأقفل الباب ورءها ..
فهــــد :روبي ماني مصــدق .. بس مومهم اكيد لايق عليك ياعمـــــري ..
لم ارغب أن يعــرف شيء عني ولوكان هذا الشي أسم هـرتي واللذي يظنــه أسمـي .. ولشدت حنقــي صحت به ...
ميشو :هل تعلم أنك ساااااااافل فهــد أكرررهك ..
وقطعت الأتصــال ..
لم يعاود الأتصال بي يبدو أنه في ميزاج لايسمح له بذالك ولكن لايهم سيندم على عدم معاودته الأتصال فأنا غاضبـــــه ..

×@×@×@×@×


((5))

شـو شـو& قيس

كانت تشــرب ماء بارد وهي تستظل فجــدار المبنــي شافها وأرتفع ضغطه وبنفس الوقت يحــس بشي خفق بين ظلــوعه..
نزل من سيارته وقفلها وهــو جالس يمشي على مهله للمقر شغله .. ماقدر يسكت لازم يخبرها عن رجال مكافحة التسول اللي شافهم يقبضون على متسولين فالشارع الثاني وفطريقهم لهنـا .. مامداهم يسوي شــي لأنه بذيك اللحضه كانوا مــوقفين فأخر الشــارع ..
أنتبهت لهم وحس انها تجـمدت مكانها من الرعب فتح سيارته بجهاز التحكم عن بعد .. وصرخ فيها :أركبي بالســرعه ..
وقفة متردده اللي يأمرها تسويه صعـب بس الصدمـه بعض الأحيان تخلي الأنسان يسوي أشياء مايقصدها وبعدين يندم عليها ..أنتظرها لين ركبت وقفلت الباب وراها ولحقـهابهدوء قاتل يبعد عنه أي شك.. وحمـد ربه أنهم مأنتبهــوا له وتمنـى ان رجال الأمن حقين البنك بعــد مايكـونون أنتبهــوا له .. حرك السيارته بكل سلاسه وطلــــــع من المكــان .. كان يحسها موطبيعيه صمتها موطبيعـي ..
قيس :وين تبين تنزلين ..
حاولت تنطق كذا مره بس بكل مـــره لسانها يخـونها ..
شوشو :هنا بأي مكــان ..
قيس بطنازه :بس موكنا أبعدنا مره عن منطقتك ..
شوشو :الله يعافي الليموزينات .. خلاص هنا نزلني ..
قيس :لا ..
شوشو :وليه أن شاءالله لاا ..
قيس :بوصلك لبيتكم ..
شوشو :ومن قال لك أن عنـدنا بيت .. قيس لوسمحت نزلني هنا ..
قيس :استاذ قيس من فضلك ..
شوشو بطنازه :اسفه يأستاذ مادخلت مدارس عشــان أتعلم هالرسميات ..
قيس :ليش تسوين بنفسك كذا ..
شوشو :وش سويت شغله شريفه جالسه أترزق الله ..
قيس بأحتقار :تسمين الشحاده شغله شريفه..
شوشو :ايه شغله شــريفه وش فيها موشريف ..
قيس :يكفي أنك جالس تأخذين مال مو من حقك ..
شوشو :الا من حقي انا ماسرقته من احد هم اللي يعطــونيه بطيبة نفس ..
قيس :وليش أنتي تقبلينه ..
شوشو:لأني محتاجه ..
قيس بعصبيه وهو يلف بالسياره فجـأه :كذابه أشك أنك محتاجه أنتي أنســانه لعابه مأعتقد أبد أنك محتاجه أنتي أخذه الموضوع تسليه ..
شوشو :والله عاد أنا حرة نفسي ويالله نزلني هنا ولاترى بفتح الباب ...
وقف قيس بقهرعلى جنب ونزلها .. وأول مانزلت حرك من عنــدنها بالســـرعه مجنونه ..
شوشو بالضحكه :باللي مايحفظك يأستاذ قيـــــس ..
تراقب سيارته وهي تبتعــد عنها وبداخلها أحسـاس أنها مجنونه كيف ركبت معه وش اللي صـار فيها .. وش اللي وصلها لهدرجـه من الثقه الغبيه بالنفـــس ..
هذي أبد مو ثقه بالنفس لا هــذي عـدم مبالاه
لاتحسد عليها المـره هذي ركبت معه المـره الجايه الله العالم وش بتسـوي .. داخلها علامة أستفهام كبيره هو ليه ساعــــدها مع أنه دايم كان يهددها أن بيبلغ عنها معقــوله رحمها من الورطــه اللي كانت بتطيح فيها ياســــــلام يعني قيس عنـده قلب ..


صدق ورطــه عويصه اللي كانت بتطيح فيها لومسكـت بتهمــة التســول صدق فضيحتها بتصيــر بجلاجل اصلاً سلوكها هالطريق من البدايه كان غلط ..
لكن اللحين خلاص فات وقت التراجـع لأنه على عاتقهـا مسئوليات كثيــره ماتقدر تخلى عنهــا .. ناس كثيره هي مسئوله عنهــم كيف تخلـى عنهم من لهــــــم ..
بداخلها بدت تناجـي ربها وهي تستقل سيارة الأجره بترجــع للبيت يسخرها لفعل الصـواب ..

×@×@×@×@×

((6))

[..فالنهايه الدنيا فانيه..]

ضحــــــى

مـر علي الأسبوع بالسـرعه.. أسبوع سبع أيام أرتحت فيها من عســاف ماشفته فيها ولاسمـعت حسه ولافكر فيها يغثني ويتصل علــي بس راحتي مااكانت كاملــه لأني خايفه يفاجئني عسـاف مثل الثعلب غـدار مايتأمن له .. آآه بس لو أقدر أرتاح من هالهم وأصارح خــواتي بس ذولي قمــة الغباء والأنانيه لودرن بيسون لي مصايب أنا في غنى عنها ماراح أقدر أتحكم فيهن مثل قبل بكــون بنظرهن مجرد ضيف شــرف بعــد ماكنت أنا القائد ,, بيخـرب كل شــي بديت أبني فيه من ست سنــوات بس أنا ماراح أسمح لعسـافوه يخـرب كل اللي بنيتــه وخواتي امانه برقبتي قدام رب العالميــن ولازم أحافظ على هالأمانه بس من يفهـــــم ..
دخلت البيت راجعه من المستــوصف .. اول مادخلت مع الباب شلت نقـابي وبقيت بالطرحـه والنظاره الشمسيه .. كانت صدفه ماكنت منتبهه للعســـاف اللي كان واقف على باب المجلس الا بعد ماتكلم ..
عسـاف :سلامات من وين جايه المـدام ..
تلفت بعد كلمته الأخيره أتأكد أن مافيه احد يسمعنا ..
ضحـى :أنت وش تبي فيني أنا ماصدقت أرتاح منك هالأسبوع ..
عساف :أكيد أشتقتي لي صح ..
مالت عليك الا قلت أرتحت منك أشتاق للأبليس ولا أشتاق لك كان ودي أقول له هالكلمتين الأخيرات بس عارفه هذا مو من صالحي ..
ضحـى :تبي شــي ..
عساف :أكيد ياعمري أبيك ..
صدق وقح ..
ضحــى :انت صدق أنسـان ماعنـدم دم ..
عساف بثقالة دم :من قالك ماعنـدي دم أجرح لك يدي عشـان تأكدين ...
ضحــى :يمكــن عنـدك دم بس دم مايمت للدم البشري بصله دم بارد ..
ووقفت عنـد هالكلمــه ولاعنـدي كلام ودي أقوله بس أبد مو هذا وقته أخاف بأي لحضه تطلــع وحـده من خـواتي ....
عسـاف ببرود :سـلامات وش كيسة العــلاج اللي بيدك ..
أطنشه ولا أجاوب ودي أعطيه أكبر طاف بس مجبر أخاك لابطل ..
ضحــى :عنــدي حسـاسيه ..
عسـاف :وش سببها ..
أوووف هذا راعي طويله ..
ضحـى :تجيني مع تغير الأجواء برد حر عجاج وغبــار يعنــي جونا ..
عساف :يعني متعذبه معها خلاص ريح حالك وتعالي معــي للبلاد مافيها كل هالتقلبات ..
طنشتــه لأن بداخلى رد صدق بيطيــح وجهه بس بحتفظ فيه لنفــسي وأنا جايه أدخل ..
عســـــاف :ارسليلي شدن ..
صقعت الباب بأقوى ماعنـــــدي حسيت بهالقوه يوم شفت خـواتي اللي كانت جالسات منهن على كراسي طاحن على وجيهن على الأرض صدق أشكالهن نكتـــــــه .. ماشاءالله وش الأخلاق
اللي نازله عليهم اليوم مأحد علق ..
ضحــى :شدن حبيبتي أطلعي لعمك عساف يبيك برى ..
وعد :وععع اجلسي لاتروحيـن له ..
عطيت وعد نظره قويه خلتها تفك شدن اللي كانت ماسكتها ..
ضحــى :لما أوجه لك الكـلام أبدي وجهة نظرك يالله شدن حبيبتي روحــي ..
بعد ماطلـعت شدن أنتظرت دقايق أهدي فيها اعصــابي قبل مأتكلم لأني كنت على وشك أنفجار ..
ضحــى :الحركه اللي صارت قبل شــوي مأبغاها تكــرر .. وشي ثانـــي شدن ماهي غبيه عشــان ترمـون كلمات قدامهــا وبليز لاتناقشون بهمــوم شارعكم بوجــودها توها صغيــره مالازم تسودون الدنيــا بوجها هذا علــــــــــم لازم كلكم تتقيدون فيه لمصلحتكــــــم ..
وللي بالمــدرسه أتمنــى امنيه مو عشاني عشانكم التفتوا شوي لدروسكــم عطــوها شــي بسيط من وقتكــم .. صدقوني بتندمــون قد شعر راسكم على هالتفريط لكبرتم .. وماغير الشهـاده اللي بتأخذونها من الدراسه بينفعكــم
انتم تقلدون أهمال البنات اللي معكم بالمـدرسه ذولى الدراسه ماتعنبي لهن شــي لأن وراهن أهل بيصرفون عليهن لجلسن فالبيت بس انتم من لكم ياحســره غيري وانا ماني دايمــه لكــن ..
وعد بالرعب:ليه مانتي دايمه لنا وين بتروحيـن ..
ضحــى :انا ماني عالمـه للغيب وش بيصير بكـره .. لاتنسون اني فالأول والأخر أنســانه يعني بغمضة عين ممكــن أروح .. بتقدرون تعيشون بعــدي .. فحالتكم هذي مأعتقــد ..
قاطعتني وعــــد ..
وعد :ضحى بسألك سؤال بس أبغاك تجاوبيني بالصدق ممكـــن ...؟!
أستغربت من طلبها وبالنفس الوقت حسيت بالراحه داخلـي يعني كلامــي له صدى داخلهم لأروح بأحلامي بعيد عشـان مأتحطم على صخـرة الواقع فالبدايه خل أسمع السؤال ..
ضحــى :أسمعك قولي ..
وعد :يعني حنا كل مشكلتنا بالفلـــــوس ..
ضحى :الماده جزء من مشكلتنا مو كلهــا ..
ملاك :لامشكلتنا كلها بالفلوس ..لوعنـدنا فلوس تسد حاجتنا مألتفتنا ندور الأسباب اللي خلت أبونا يتركنــا ..

شهد :معها حق ملاك الفلوس حل كل مشــاكلنا وبوجودها ماراح يكــون عندنا أي مشكلـــه ,, بس مو اللي تسد حاجتنا وبس لا وتفيض عنها بعد لأن بالفلوس الكل بيحسب لنا ألف حساب وأهلنا هاللي مايتشرفون فينا لو عنـدنا فلوس هم اول ناس بيركـضون لنا..
أنفخ بقربه مخروقـــــه أنا لو بتكلم معهم من اليوم لين أخر ساعه بعمــري بيبقون على رايهم وأن الفلوس هــي مفتاح سعادتهــــــم ..
ضحــــــى :تدرون لأهل ولافلوس ولاحتــــــى الدنيا هذي كلها بتفيدكم دوروا رضا ربكــــم وأتركــوا الدنيــا لأهلها لاتنحرمــون من السعاده بالدنياكم وأخرتكم ..
أرضوا بقسمــة رب العالمـــــــين سبحانــه معدل من قسمتــه وكل زخرف الدنيـــــا بيزول ويفنــــي وماراح يبقى الا العمل الصالح ..

الحــــلقه الخامســـــه عشــر


((1))

<<..خلف عياش ..>>
عســاف
هالأنسـانه فيها شــي يشدني يغريني عشــان أحطمهــا كنت خلاص بديت أمل من مــوقفها وبتســرع وارمي بكل أوراقي والاعبها على المكشــوف بس السفــره الطارئه فتحت عقلي ضحــى عنيده راسها يابـــس حياتها القاسيه صلبتها ماهو بذيك السهــوله بتلين
وكل تهديدات الدنيــا ماتخليها تستسلم بس أنا عساف واللي أبيه بأخذه غصب ًعن اللي خلفوها ماهو انا اللي ينقالي لااا وأنا يأنتي ياضحـــى ..
خلف :عساف عمــي ..
عساف :خيــر ..
خلف :وش فيك من الصبح أكلمك مانت بمعـي ..
عسـاف :انت مارقدت ..
خلف :ماجاني النوم ..تخليني أسوق بدالك ..
عساف:ليه وش قالوا لك مهبــول لاحبيبي أنا أبي عمــري ..
مارد علي خلف ورجــع يطالع برى حنا اللحيـن على طريق بين الرياض والدمـام .. وكل هالسفره عشـان خلف مبـارك يبغاه جنبــه خايف يتهــور ويسوي شــي
بالريم .. لأنه بعــد اللي صار ريم جت للبيت بتفهم منــه سبب طلقها وحصل التصادم بينهم .. طقها خلف طق كانت بتمــوت منــه والظاهر أن البنت خلاص أنفضحت لأن خلف ماقصر ابد وبعــد هالحادثـه صارت هوشه كبيره بينها وبين أخــوانها ولكل هذا مبارك طلب من خلف يبتعــد عن هالأجــواء لين هو يسلك الأمـور بمعرفته .. مبارك تهمه كثير عــلاقته مع عيـال عمــومته ومايبغــى شــي يخرب هالعلاقه(اخ يامبـــارك بس لوتــدري أن وحــده من بناتك ثمــــارك سبب كل هذا ) وأكيـد بحنكته بيعرف كيف يرجـع للميـاه للمجـاريها بس مافيه أي أمل ترجـع الريم لخلف ..
خلف كان يتعبث بالراديو وكان على ام بي سي اف ام
أغنيــة رابح صقــــــر وطلع هالمقطع
(..انا واضح معاك من البدايه أحسب ان الزمن على الكيف جاني
جروحك للأسف جت من ورايه وحظي اللي رفعني لك رمانــي ..)
وشكله جاء على الجرح لأن خلف بس طفاه بعــد مانعفس وجهه .. وبدون مقدمات سألني ..
خلف :تعرف رامي عياش ..
عساف :اوب اوب خلف البدوي وش عرفك بالرامي عياش ..
خلف اللي خلقه ضايق تنرفز من كلمتي ..
خلف :قلي تعرف ولاشلون ..
عساف :ايه أعرفه وش تبي فيه ..
خلف :ابي أسمع له ..
لاعاد هنا وماقدرت أتحمل وأنفجرت اضحك عليه ...
وجلسنا فتره على هالحاله خلف متنرفز ويمكــن لو أني مأسوق كان طاح فيني طق من زمان بس ماسك اعصابه وانا كل ماشفت وجهه زدت ضحك .. لين بالأخير سكت ..
خلف :خلصت ولاباقي بعد ..
كنت بقوله باقي بس ماحبيت أزعله هو خلقه مقهــور ..
عسـاف :سوري خلف بس انا مأسمــع له ..
خلف :اوكي اول مانوصل أنزل عنـد محل تسجيلات وجب لنا ألبوم له واهم شــي معه صوره ..
عساف :ان شاءالله من عيــوني كم خلف عنــدنا ..
خلف اللي حس أني أتريق عليه طنشني بس من صدق هذا وش يبغــى بالرامـي عياش .. رجع يسألني ..
خلف :قلي كيف شكلــه وسيم ..
لاوالله الرجال وراه سالفه ولاوش يبي فيه حلـو ولاشين ..
عساف :ليه بتخطبــه ..
خلف :عسااااااف وجع وش هالكــلام ..
عساف :أنا أدري عنك من صبح جالس تسأل عنــه قلي بكل صراحه وش تبي بلا لف ودوران ..
خلف :يعني هو يعجب البنات ..
عساف :أكيــد البنات كل شي يعجبــهن .. بس من هالبنـت اللي معجبها وقايله لك وتبي تشــوف صورته عشان تقارن بينك وبينــه ..اذا تبغى نصحيتي لاتشــوف صورته لأنك بتحطم مافيه مجال للمقارنه ..
طنشني خلف وكن كلامــي مأعجبـــه طيب ليه يسأل وهو عارف الرد ماراح يجي على ميزاجـــــه على راحته أنا عنــدي اللحيـن اللي أهم من ميزاجية خلف ..



((2))
<<..النصر حليفي ..>>
ميشو

هأنا أجلس امام سوسو لتقص علي حكــاية خلف والريم الخرافيه وبين جمله وأخرى تقطع الحديث لتخبرني ..
سوسو :والله ميشو مو مصدقه أحس أني عايشه بحلم .. وخايفه أصحى منــه تدرين أنا قدايش مأواطن الريم كانت مثل الشوكــه بطريقي .. ومن بعــدها أحس الدنيا أبتسمــت لي ..خلف صرت أخر اهتمــاماته تصدقين من ذيك الليله اللي جاني فيها للغرفه يوم كنتي عنــدي مابين ولاتكلم معي ولا سأل عنــي الا يوم جت الريم للبيت بس ذيك الساعه شفته فيها وياليتي ماشفته ...
ميشو :سعـاد هيا أتمي حديثك لاتتوقفى هنا ..
ضحكــه بدلال .. وتجرعت كأس من الماء ..
سوسو :مرره حاميــه المهم أقولك وش صار ..
ميشو :ارجوك بكل دقه وأذكري كل التفاصيل ...
رمقتني بنظره خبيثه ...
سوسو :صدق من قال لطاح الجمل كثرت سكاكينه .. تذكـرين ميشو يوم الدكتــوره المصريه تقولنا المثل ومحرفه فيه تذكــرين صح يوم تقول لطاحت البقره ..
ألقيت بنفسي على فراشها المترف بقهر هل هذا وقت الذكــريات يال برودة أعصابها .. وكأنها فهمت مايجول بخاطري ..
سوسو :خلاص بكفي بكفي .. زي ماقلت لك فالبدايه أن أمي طلبت من الريم بعد ماخلص الحفل وهم بالقاعه أنها ترجـع للبيت أهلها وأنهم أكيد محتاجين لها اليوم والمفروض تبات عنـدهم هاليوميــن طبعاً هذا بعــد مأتصل عليها خلف متحلف ومتـوعــد ..
ميشو :أجل أجل أخبرتيني بذالك وذهبت الريم لمنزل والديها ليصلها في صباح الغــد خبرطلاقها وضجه التي صاحبته وغضب خلف الى اخره ..
سوسو :ايوه عفيه على الشاطره.. طبعاً اللي فهمته من أمي أن الريم أنصدمـت وانكرت هالكــلام وكانت بتجن من هالتهم وخصوصاً أنا أخوانها مقصروا فيها وأبوهاأخذ موقف سيء منها .. على بال مافاقت الريم من صدمـة طلاقها وأنها أنفضحت اللعينه مأدري من متى وهي على هالحاله ..المهم انها جت للبيت بكل وقاحــه وتبي تكلم مع خلف ومن سعد حظها أنه ماكان موجــود وحاولت فيها امي انها ترجــع للبيت أهلها لأن خلف أذا رجع ولقاها فالبيت بيذبحــها بس هي ولاهمـها لاوتقــول ان خلف هو اللي سبب كل هالضجه بس عشان يطلقها شفتي كيف تفكيــرها غبي ووقح ..
وبكل خبث قاطعتها..


ميشو :هل تريدين الحق اعتقد أن كلامها
فيه نوع من الصحــه لما لا فأخيك ليس ذالك الطاهر والرجال جميعاً يرتكبون حماقات الم يفعل أحمــد ماهو اسوء من ذالك ....
شحبت ملامحـها وتجمعت الدمـوع في مقلتيها يألهي ليس هذا وقت البكاء ..
ميشو :اخبريني ماذا حدث بعد ذالك ...
وتناست أمر البكاء الذي كانت على وشكه ..
سوسو :حدث المحضور وجاء خلف ياربي مأبي أتذكر اللي صار بعد كذا .. وأختصر لك اللي صار بكلمتيـــــن .. التقى زيت بالنار .. الريم بعد مافكيناها من يدين خلف كانت على وشك المــــوت أتوقع الطق اللي جاها بتبقى اثاره معلمه عليها مدى الدهر .. ولاخلف لاتسأليني عن حالته ماكنت قادره أطالع بوجــهه والله أحس بحرارته وغليانه من بعــــد كيلو ..
لأصدق هل حقاً أنا من فعل هذا لأعرف كيف سأكفاء نفســي على هذا النجاح الباهر .....
سوسو :المهم أكمل لك عاد أهل الريم مارضوا باللي صارها وشكلهم بدوا يصدقونها مأدري وش قالت لهم وخلتهم ينقلبون على خلف بعد ماكانوا بصفه وقامت حرب داحس والغبراء هذا بس بأسبوع صار مأدري عاد وش بيصير عقب خصوصاً ان سالفة الريم صارت على كل لسان وشكل هذا اللي قهر أهلها ويحسبون خلف هو اللي نشـر هالكـلام عنها بس تصدقين أحس خلف ماله يد بهالمــوضوع ..
لابأس بأمكاني ادلاء شهـادتي بهذا الأمــر من غير ان تكون شهادة زور ..
سوسو :ميشو وش فيك ساكتــه ..
ميشو :أشعر بالاساء من أجل الريم ..
ولكني لم أقاوم ان اطلق ضحكتـــــــي ...
فردت سوسو من بين قهقهاتها ..
سوسو :خبيثه ماتخلين طبعك اللحيــن ريمـوه كاسره خاطرك روحي زيــن والله أن يوم طلاقها يوم سعــدك .. تذكرين كيف كانت تشمــت فيني يوم تطلقت شوفي اللحيــن كيف أنردت لها سبحــان الله يمهل ولايهمــل ..
سوسو أيته الساذجــه لاتبحــري بأحلامك بعيــــداً ..
بنبره مرتعشــه لأستغربها على سوسو ..
سوسو :مشـاري يبي يشوفني ...
ميشو :حقاً وماذا أجبتيه ..
سوسو :قلت بفكر ..
ميشو :هل ستقبلين ..
ضمـت يدي بين يديها المرتجفتيــن ..
سوسو :ميشو حبي أنتي قوليلي أيش أعمل ..
ميشــــو :افعلي مايمليه عليك ضميــرك .. هل تستطيعين ...؟!
رأيت الأصرار على فعل الخطأ في موج عينيها ..
سوسو :ايه أقدر ليه لا بقابله تجين معـــــــي ..
هي أختارت ..
ميشو :وأحمـــــد ..
سوسو :الله يرحمــه بقلبي مااااات ..
ميشو :والأنتقـــــام ..
سوسو :ماعاد يهمني أحمــد كان غلطــه وبأنتقامي منه بعيد نفس الغلطـــــه ..
لقد بدأ عقل سعاد الصدأ يعمـــــــل .. ليتفوق على كل أحقادي الشيطانيه .. ولكني لم أخسر بعـــــد فمازال مشـــــاري ورقه رابحــه بيدي ..


((3))
<<..هدنه مع الوحش ..>>
ســـارا

اليوم الجمــعه تعرفون وش يعني هاليوم .....!! .. اليوم بيملك جابر .. غصب عني أفكر فيه ليه مأدري ... حاولت أبعد تفكيري عنه ماقدرت لأن تفكيري كله منصب عليه .. حاولت التصنع المرح والأستهبال مع خواتي بس ماقدرت شعور الحزن اللي داخلي غريب يدمي القلب .. سألت نفسي ميت مره ليش أفكر فيه ليش أحزن عليه وهــو مايعني لي فحياتي شــــــي.. ومجرد تفكيري فيه خطيئه .. جابر كان بحيـاتي مثل الحلــــــم
ايه حلـــــم مايوصل أبد للحقيقه وحتــــــى لوتحقق الأعجاز وقرب يكــــــون الحــــــــلم حقيقه أنا بنتفض بصحــى من الحـــــــلم .. لأن الحلــــم حلــــم
شي نعيشه في الخيـــــال .. والخيـال والواقع مستقيميـن متوازيين مايتقاطـــعون أبد .. واذا غيــروا نظريه المستقيمـات المتقـاطعه فالمثي بغير أنا نظرتي بجابــــــر الحلــــــم ..
بس أرجــــــع وأقول اليوم أنا حزينــــه لأني أستحق هالحــزن مليون مـره قالت لي ملاك لاتطالعين فوق عشـان ماتطيحين وتنكسر رقبتك بس ماسمعتها .. بتقولون بس انتــــــي كنتي تحلميــن وكنتي عارفه انه حلم بقول لكـــــم حتى بأحــــلامكم لاتطالعون فوق ..
وعــــد :سارا ياكثر ماتسرحيـن اليوم ..
سارا :افكر ..
ملاك :لاتفكرين كثير يتعب دماغك من وين نلقى لك قطع غيـــــار لازم نسـافر بك برى وانتي أدرى بالحال العين بصير والأيد قصيــــره ..
شهــــد :اسكتوا شوي موقادر أسمـــع ..
وعد :وش تسعميــن قرفنا من هالأغنيه من كثير مانسمعها ...
ملاك :الصراحه مأدري وش لاقيه فيها لاكلمـات ولا ألحـان ولاحتى تصويرها حلـــو ..
شهـــــد :احسها تعبر عن مشـاعري ..
بدينا بالحكي الفاضي اللحين شهد من متى صار عنــدها مشـاعر صدق بعض الناس تردد الكــلام وماتقدر قيمته ..
ملاك :سارونه وبعدين مع هالتكشيره اللي مشينتك يالله أفرديها .....
ياحبيلك يامـــلاك محد كثرك حاس فينــي ..
وعــد :اقول لكم منير ماعنـده نيه يمــرى علينا النهار دى ..
سارا :ماظنش ..
ملاك :تلقونه اللحيـــــن كارفينه ...
وقطــــع كلامنا صوت الجـــــرس واللي كان فيه أحد معلق ايده عليه .. وكان قلبي حاس أن هالأحد منيـــر ..
طلعنا نتسابق على الباب عشـان نفتحـــه ..
بس انا كان لي السبق وصلت الباب
وأنا أضحك على خــواتي المقهــــورات وراي ميلت راســــي بترحـيب وأنا أفتح الباب وراسمــــه على وجهي أحلى أبتســــــامه .. دارت الأرض من تحتي وظلمت الدنيــــا بعيــــوني يوم طاحت عيني على اللي ورى الباب .. وقفت جامــده مكانه وعيوني تطالعه برعب صوت داخلي يصرخ لاتوقفين تطالعينه أهربي هذا الوحش قفلي الباب قبل مايهجم عليك بس اطرافي كلها أنشلت عن الحركــــه من الصدمــــه ولاني قادره حتى أحافظ على نفسي واقفه كان كل ثقلي حاطته على الباب اللي متمسكــه فيه لأطيح .. بس الوحش ماهجم على مثل ماكان مفروض لاااااا سألني وكأنه مو هـــو ..
قيس :وين منيـــــر ....
حسيت بأحد يسحبني على ورى لين صرت ورى الباب ....
ملاك :منير مو عنــدنا ..
قيس :أمي أرسلته لكم من نص ساعه كيف ماجاكم ..
واختفى صوته وقفلت ملاك الباب اللي كانت واقفه وراه معـــــي.. وسمعنا صوته من بعيد ..
قيس :منيـــــــر وينك من الصبح ...
سمعنا منير يرد عليه وابتعد صوتهـــــم ..
ملاك :ليش وقفتي قدامــه ..
خلاااص يعني راااح ماطقني ولاقال أي شـــــي ونظارته منعـت عني أي نظره من نظراته المـرعبه .. حسيت بالراحــه غير طبيعيه ولأني للحين تحت تاثير الصدمـه جلست على الأرض ..
حسيت بيد ملاك على كتفي ..
ملاك :سارا انتي كويسه ..
حاولت أبتسم مأبغى أخوفهم علي ..
سارا :أنا كويسه بس أنصدمـت .. أخر مره أفتح الباب بدون ماسأل ميـــن ..؟!
ملاك :ايه صح لازم تسألين بعدين لونسيتي وفتحتي وكان اللي عند الباب رجال لاتوقفين تحركي بالسرعه وقفلي الباب ...
ملاك كانت تكلم وكأن اللي صار شي عادي وممكن يصير كل يوم ولاكأن اللي ورى الباب كان قيس !!
وعد :الا صدق منيـــر ليش قال أنه جاااي عندنا وماجاء ..
نواف :معك حق شعنده منيــــر ..
وحنا نتكلــــم سمعنا صوت قوي جاي من الحوش اللي ورى البيت وكأنه شي طاح رحنا نركض بنشوف وش صاير لقينا منيــر واقف على الحيط ..
منيــر :هاااااااي شباب ...
ملاك :اوب اوب منيــر قطو صاير ..
منيــر :خلو عنكم الحكي الزايد .. وخذوا الكيس ..
وأشر على كيس كان راميــــه على الأرض ..
راحت ملاك تشوف وش بالكيس ....
ملاك :حلاوووووو ياســــلام شكلـه من الغالي ..
منيـــر :ايه هذا حلاوة ملكــه جابر بقته لكــــم ..
وعد :وععع لامانبي شي مبيوق ..
منيــر :يازينك ساكته أنتي تحمدين ربك أنك بتذوقينه ..
ملاك :بس مو حرام هذا لضيوفكـــم ...
منيـــر :فيه واجد بعــدين من زين اللي بيأكلــون منــــه مالت عليهــم بس ... يالله مابي أتأخر اللحيـن بنمشـــي ..
ملاك :وانت لازم تروح معهــم ..
منير :ماتعرفين أخواني يعنـي لازم اروح معهم عشـان يتأمرون علي مالت بس ..
نواف :منير بتلبس ثوب ..
منيــر :اكيد وشمـاغ وعقال بعــــد ..
سارا :اكششششششـــــخ ياشيخ ..
منيــر :وأخيراً نطقــت الليدي سارا .. ايه صح شفت قيس قدام باب بيتكــــم وش يبي ..
استغربت من منيــــر ليش ربط بتعليقه علي وعلى جية قيس ..
وعــــد :يسأل عنك ... وكتمت ضحكتها :سارا اللي فتحت له الباب ..
اهتز منير وكان بيطيـح من فوق بس ثبت نفســه ..
منير بالرعب :سوى لك شــي ..
هزيت راسي بلا بدون مأتكلم ...
منير :الحمـدالله .. يالله بااااي ..
و سمعنا صوت طيحته فحوش بيتهـــــم ...
شدن :أنتم هنا وماما تدور عليكــــــم .. بسرعه تعالوا أمــي بتقول لنا شـــــي ..
ورجعت تدخل للبيت وخـواتي لحقـوا فيها الا أنا اللي ماكنت قادره أمشــي للحيــن أحس بالرجـولي ثقيله

((4))
<<..بعيـــــد عن الهـــــم ..>>
ضحـــــــى



اليوم أنا حاسه بفرحــه كبيره فبعــد عســـاف عنا بسفتره اللي دعيت انه مايرجـع منها ولأني فرحـانه حبيت أفرح خواتي معــي ..
وعـــــد :يالله ضح ضح تكلمي حرقتي أعصابنا ..
ضحكت على وعـد اللي دايم حاميــــه ..
وعــد :احلى ضحــــــى تضحك يالل العجب يالل العجب ..
ضحـى :وعد بلا تريقه ولاماراح تطلعي معنا ....
ملاك وسارا :نطلع ويــــــــن ...؟!
ضحــى :نتمشــى ونتعشــــى ..
نوف تصفر :واااااااو ويــــــــن ..؟!
ضحــى :عاد مافيه مكان فبالي نطلع ونشــوف يالله بالســـرعه البسوا أتصلت على سفر وعلى وصـول ..
ويوم شفتهم ماتحركــوا ..
ضحــى :وش فيكم ولاماتبون نطلــــع ..
بغمضة عين أختفوا من قدامـي ..
شدن :مهبل ..
ضحكت على كلمة شدن صدقت مهبل .. دق جـوالي شفته كان عساف خيـر وش عنده هذا بعــد ماصدقت أرتاح من شوفته اللحيــن يزعجني بأتصالاتها .. ماحبيت أرد عليه قدام شــدن لأنا أكيد بنتهاوش وشدن ماهي غبيــه فهيمــه بسم الله عليها .. ولابغيت أطنشــه لأنه مايمـل وبيستمـر يتصل لين أرد عليــه وأنا أبغى أرتا ح بطلعتي .. قلت أصرفها..
ضحـى :وأنتي ماودك تروحين تلبسين ..
شدن :امبلا بروح ..
ضحى :أجل وش تحترين روحي ..
شدن :تعالي أنتي معي ..
اللهم طولك ياروح ..
ضحـى :طيب روحي وانا بلحقك ..
اول مبتعدت عني رديت عليـــــه ..
ضحـــــى :نعــــــم ..
عســــاف :السـلام عليكم ..
ضحــى بملل :وعليكم الســلام ..
عساف :وش فيك تقولينها بدون نفــــس ..
ضحـى :أقولها بالطريقه اللي تعجبنــــي خير وش تبـــي ..
عسـاف :مابي شـي بس حبيت أسمـــع صوتك ..
يملقك ياشيخ خاطري اسكر بوجـهه بس هذا غثيث بيطفر فينــي وبيدفعني ثمـن هالحـركــه بس صبرك علي ياعســــاف أنا أعرف كيف أداويك ..
ضحــى :عساف أنا مشغــوله اللحين أوكي وخواتي كلهم عنـدي بليز مالها داعي هالحركات ..
عسـاف :ولااا يهمك من عيوني ياحيـاتي دام هذا اللي تبينه كم مره قلت لك اهم شــي عندي راحتك ....
كذااااااب خسيس نذل على باله غبيـــه بنت اليوم أنا مأعرف لحركاته بس هين ياعسـاف أذا ماراويتك من هي ضحــى على بالك بتقدر تقص علي بلسانك السكـــر ..
قفلت من عنـده وطلعت أشوف شـــــدن ..
وبعد نص ساعــه كنا بالسياره وخـواتي أنواع الهيصــه ..


((5))
<<..جت الحزينه بتفرح ..>>
وعــــــد

تصدقون اول مره أحس أني أحب ضحــــى حيل .. ياحبيلها والله جت هالطلعه بوقتها لأني كنت ضايقه حــدي من المذاكــره والأمتحــــانات .. أنا كنت جالسه عند الباب ومطلعه راسـي من الدريشه واطالع بالناس ونواف جالس بالكرسي اللي جنب السواق وكاشخ بالثوب والشمـــاغ الصراحه احسده .. واللحيـن حنا واقفين عند الأشاره وانا أطالع بالسيارات اللي واقفه قريب منا واللي كلها أحلى من سيارتنا مالت علينا بس لاحظت شخص معروف بالسياره اللي قريبه مره من سيارتنا بس كان يتكلم اللي معه وماهو منتبه كلش حاولت الفت انتباه بس هو مره منسجــم بالسوالف لين أنتبه واحد من اللي معه اني أشر عليه وشفته يكلمه ويأشر على .. وقدم بالسياره شوي وبالغصب لين صار موازي لسيارتنا كل هذا ولا وحده من خواتي أنتبهت على اللي قاعده أسويه ... فتح الدريشه ....
فادي :هلا والله وعد ...
وعد :اهلين وش تسوي فيذا ....؟!
ضحكـوا اللي معه على لقافتي .. بس انا سويت عمري ماني مهتمه ..
فادي :خير طويلة العمر وش تبيـــن ..
وعـد :ليش مو مع اهلك ..
فادي :وليش لازم أصير مع اهلي ..
وعـد :لأن اليوم ملكة أخوك ..
هههههههههههههه شكله خبر خير مايدري ..
فادي:لاعاد أحلفي أي اخو من متى هالكـــــللامم
ماكملــت كـلامــــي معه لأني ماحسيت بنفسي الا وأنا أنشـــد داخل والدريشه تسكــــر ..
بس نواف اللي حاضر سوالفنا من البدايه ماحب يتركه بحيرته فقاله والسياره تحرك لأن الأشاره أنفتحـــت ..
نواف :اخوك جابررررررر .... بااااي يالمفهي ..
ضحــــى :وش هالحركات هذي لاتخلوني اندم على اني طلعتكم مليون مره قلت لكم اتركوا عنكم حركات العيال أنتن بنات بعـدين كيف تلكمـون بهالطريقه مع احد ماتعرفونه أنتوا بالتجيبون لنا المشاكل بأستهتاركم هــــذا
اللحيـن الناس اللي كانت واقفه معنا عند الأشاره وش بتقول أكيــد شي مايســــــر .. حسبنا الله ونعم الوكيل بس ..
خيبه شكل ضحـى زعلت هذا وحنا طالعين نستانس بس اللي يشوف وجيهنا يعرف الوناسـه ..
ملاك :وعدووه نواافوه حبوا راس عمتكــــم ضحـى لأنكم تسببتوا بتكـدير مزاجها ..
شهـد بقرف :هذا عادتهم صدق مطفق ويفشلون ..
ولل أخذونا بالشراع وميداف اللحين حنا طلعنا المطفق وهم العاقلين بس ماعليه يأخت شهد بس عارفه كل هذا عشـان فاديوووه حبيب القلب بس هين طبك عنــــدي ..
وعــد :اقول شهــد شفتي اللي تو فاادي ...
هههههههههه ماودكم تشوفون وجـه شهــد كيف اختبص هين ماشفتي شـي ..
خواتي كان يطالعني بأستغراب وش قاعـد أخرف انا ..
شهـــد :وش فيه ..
وعــد :اخو منير ..
شهـــد :احلفي توني ادري ..
وعـد :ومنير يقول شهــووده ...
هههه هى هههههههههي يييي مسكينه شهـــد اخخخخخخ ..
ضحــى :وعد عن الهذره الزايده وبلا بياخه عندك شي قوليه ولااكرمينا بسكـاتك ... سفر شغل الأماكــــن ..
بللل عليك ياضح ضح ماتنرامـين على قولة أخوانا الاماراتيين .. بس وش عنــدها مع الأماكن احس أن بينهم ارتباط وكأنهم توأم سيامـــي .. وجلسنا ساكتيـن مافيه احد يتكلم فينا غير محمــد عبده ..
وعد :ضحـى خلينا ننزل هنا ..
ضحـى :وش تبين هنا عنـدك فلوس تشترين ..
وعد :مولازم نشتري بنتفرج يالله عاد ضحــى دايم اشوف هالمجمـع وخاطري أشوفه من داخل ..
شهــد :هييي انتي خبله وين تنزلين بتفشلينا الأماكـن هذي موقدها ..
وعــد :ابي انزل يعني أبي أنزل مالي دخل خير ياطير يعني الناس اللي تدخل احسن منــي بأيش ..
هنــد :احسن منك بفلوسهم ..
ملاك :وعد أنثبري لاتكـونين بزر ..
وعـد :حراام عليكم والله ابي أدخلـه اللي يسمعني يقول قلت بشتري منه بس بشوفه من داخل ..
ضحــى :خلااص وعد مره ثانيــه يكـون معي فيها فلوس أجيبك هنا ومو بس تتفرجين لاتشترين بعــــد ..
وكالعاده سكتتني ضحـى بهالكلمــه وأنا لازم ارضى مع اني مو راضيه بس وش أقدر أسوي معهم حق .. مع ان اللي أطلبه مو صعب بس الحياه صعبته علينــــا يعني حرام نعيش مثل كل هالعالم اللي أشوفهــــم لابسين كاشخيــن وعايشين حياتهــم بالعرض والطـول ليه حنا مانقدر نستانس نفرح نضحك نسوي كل اللي بخاطرنا ..
ليش حياتنا جالسه تمشـــــي بالمقلوب وبدال ماتتحسن يوم بعــد يوم تتعســـر ياخــوفي بكره نجلس نطر بالشوارع ..


((6))
<<..ورجعت للمدرسه..>>
مـــــــلاك
حزنت على وعــد صغيــره وعنـدها أحــلام وأماني وأكيد نفسها بأشياء كثيره بس محرومــه منها مع أنها مو كثير تطلب اشياء ويمكــن هذي اول مره أشوفها تطلب شـي وتصر عليه بهالطريقه لكن الحق كل الحق معها هي صغيـره وماكان مطلـوب منها تحمل هالعيشه و هي كانت أكبر من عمـرها وتحملتها بدون تأفف لكن الانســان كم بيتحمــل مصيره يمل ..
بهالحضه قررت قــراار والله يساعدني ويسهل لي امري عشــان أقدر احققه والله ثم والله ثم والله لوتسهــــل لي هالأمر ماتردد عن قبوله فالسبيل أن خواتي الصغار يعيشــون حيـاه مرتاحـــه ..
مرينا على مطـعم للوجبات الخفيفه وأخذنا لنا وجبات أكلناها بالسياره وسفر يلف فينا بالشــوارع لين خلاص دخنا ورجعنا للبيت ... شفتوا طلعاتنا كيف مثل وجيهنا بس نعمــه غيرنا ماعنـده سياره يركبها مع اني مأدري من هالغير بس متأكــده ان فيه وأحسـاسي يقولي بكره تشوفين ..
وجاء بكــــــره بس مو بكره المقصود لابكـره السبت كنت نايمــه وصحيت على زعيق وعــــــد ..
وعــد :ملوك وليخليك أصحـي بالسـرعه اسمعي وش بقولك ملااااااكي بليزززززززز ..
ياربي هالمزعجه وش تبي على هالصبح والله لوتمـوت ماني صاحيه عشــانها ..
وعد :ياررربي ملاك والله يسلمك أصحــي أذا ماصحيتي يمكـن أمــووت ..
موتي أحد قاضبك وأنقلبت على الجهــه الثانيه على أمل أني ارتاح من صوتهــا ...
وعــد :ملاااااااااك والله أنك نذله اصحــــــي يمل الماااااااحي ..
يااااربي كيف أبين لها اني نايمــه ومأسمعها أوووووف خاطري أقوم والفها بالطراق ..
وعــد :ملاااااااااااااااااااااااااااااك يارررربي وش أسوي بعمــري أووووووف ملااااك ولعنـه اصحي ...
وبدت تسحب المخـده من تحـت راسـي ..
وبهالحضه فقدت كل ذرة صبر فينــي ...
وجلست بحركه سريعه وأنا أصرخ بوجهــا ..
ملاك :وش تبين يمــــل الحمــى ..
وعــد :يعني صاحيه ياحماره ورى ماتردين علي ألعن أبو الخباثه اللي فيك تشوفيني محتاجه لك لهدرجـه وماتردين ...
ملااك :اخلصي علي وش تبين بالرجـع أناام ..
وعــد :تعالي معي للمـدرسه ..
ملاك :أي أنتي وش قاعـده تخرفين أنا ماصدقت أفصل من المدرسه تبغيـن ترجعيني لها ..
وعــــد :ملاااااااك بليز أسمعيني انا بروح اختبر وضروري أحد يجي معي عشـان أنا بس بختبر وأطلع ..
ملاك :لاااماهو ضروري ولا الأيام اللي طافت كنتي تختبرين لحالك وش حيث اليوم ..
وعــد :اليوم لأن خطتي محتاجه يكـون معي احد ..
مـلاك :لاتقولين تبغيني عشـان أغششك لاعيـوني أنا دجــه ..
وعــد :ماراح تغششيني من دماغك بعطيك المجلـه اللي بتغششيني منها ..
ملاك :خبله أنتي كيف اغششك من المجـله ..
وعـد :اوووووف أمسكـي المجله هذي شوفيها وأنا بروح ألبس مريولي اوكي لاتأخرين بالسـرعه ألبسي عبـاتك ..
أخذت المجلــه اللي رمتها على الأرض وجلست أقلب فيهــــا .. وشوفوا وش لقيت فيها صدق هالبنت داهيــه كانت ملصقـه من داخــــل الكتاب ماهـوكله لابس اللي تحتاجه بالأختبــار وباقي المجله كماهـي .. وفهمت وش الملطـوب منـي .. اووف الله يعنـي على القرف مأدري كيف بدخل المـدرسه مره ثانيــه ..
لبست عباتي بالسـرعه وأخذت لي شنطه حطيت فيها المجلـه ونزلت تحـت ...
ولقيت وعـد لابسه مـريولها وجالست تشـرب شــي ومغمضه عيونها ... صرخت فيها ..
ملاك :وعد يالخبله وش تشـربين ..
عفست وجها وكنها قرفانه ..
وعـد :عصير ليمـون ..
ملاك :وجـع ليش تشـربينه موتقولين بطنك يوجعك لاشربتيــه ..
وعـدبألم :عز الطلـب عشـان يوضح علي المـرض ..
مـلاك :والحكمه ..
وعـد :عشان يخلونك تجلسين معي لأني لوماكنت مريضه ماراح يدخلـونك معـي ونكون ماسوينا شــي ...
ملاك :الله يعينك بتذبحيـن نفسك عشان حاجـه ماتسوى راس مالها دراسه ..
وعـد :الدراسه مهمه ماتسمعين ضحـى وش تقول ذيك المـره عن أهمية الشهاده ..
بعــد نص ساعه بغـرفة المـشرفه كنا أنا ووعــد والمشــرفه .. ههههههههههههه الصراحه مت ضحك بداخلـي شكـل كل اللي سوته وعــد بيروح مع الريح بسبب غلاسة هالمشرفه الله يعينهم عليها ..
كنت جالسه بمكـان بعيـد عن وعــد وحاطـه رجل على رجل وأقلب فالمجلـه ..
مر نص الوقت وأنا أشوف وعــد ماحلت شي وزياده شكل بطنها صدق يألمها كله من عصير الليمـون اللي شربته الصراحه بديت أشفق عليها .. بس جاء الفرج يوم دق تلفون المشرفه وكانت المديره وشكلها تبغاها .. أول ماطلعت طرت عند وعــد وبديت اغششها وأنا فاتـحه أذوني على الأخر عشان أسمــع صوت جزمتها لرجعت ..
وعــد :ملاك بطني يوجعني حلي بدالي ...
ملاك :هييييييي خبله أنتي كيف تبني أحل بدالك وأنا من ثلاث سنوات مامسكـت القلم تغبيــن أحوسك بالســرعه حلي ... والسؤال الثالث حله مرره طويل خليه على جنب اذا خلصتي بالسرعه نرجــع له ..
وأنا أملي ووعـــد الأجابه ومنحنيه على الطاوله قدامها سمـعت الباب وراي ينفتح وجمـد الدم بعروقي لاياربي وش هالوهقــــه لفيت على المــشرفه وأنا أدور لي مخرج لهالورطــه ... وأنصدمت يوم شفت من اللي سبب لي هالرعب ...
ملاك :ضحــى ........!!!
ضحــى :وش فيك اخترعتي أيه ضحــى .. سمعت أن وعــد مريضه وجيت أشوفها وأستغربت يوم دريت ان أحد جااي معها ..
الحمـدالله شكلها مانتبهي للي كنا نسويه.. وقلت عشـان مأشككها فيني ...
ملاك :زيني أنك جيتي شوفي وعــد مافهمت السؤال هذا وش المطـلوب منه ..
وأنطلت عليها الحيله وبالطبيعتها العمليه جلست تشرح لوعد السؤال بالتفصيل ..
وأنا رجعت للمكاني وكملت تقليب بالمجله بس بحرص أخاف ضحـى تكشفني ترى هذي عيونها ماشاءالله تشـوف حتى الي ورى الجدران .. خلصت ضحــى من وعــد وجلست على مكتب المشـرفه ومأدري وش قاعده تســوي على الكمبيوتر ...
ملاك :اقول ضحــى ..
ضحـى :هلا ..
ملاك :غريبه كيف واثقين فيك ومخلينك تجلسين عند وعــد وهي تختبر ..
ردت علي وعيونها على الكمبيوتر ..
ضحى :روحي أسأليهم ..
لا الأخت شكلها أبد مومعي بس والله التغليس عليها شــي وهي بهالحاله مندمجـه بالشغل ..
ملاك :اقول ضحى ..
ضحى :قولي ..
ملاك :وش نسوي غدى اليوم ..
ضحــى :سوي اللي تبين ...
ياحليلها بتسكتني عنها بس صبرها علي ماشافت شي ...


ملاك :انا عطشانه ابي ماء ..
ضحـى :اطلعي لساحه تلقين برادت أشربي منها ..
بلل عليها ترد علي وعينها مانزلتها عن الشاشه .. يالله فرصه بطلع اشم هــوء واشرب مااي ..
طلعت من غرفة الأشراف وجلست أفتر على المـدرسه وتذكـرت شي مريت على الأداره ..
طقيت على الباب ودخلت كان فيه أبله عطــوف المـديره وكذا معلمــه وكم وحـده شكلهم اداريات .. ياحليلهم شكل عنـدهم اجتماع ...
ملاك :سلام ...
الموجـودين :وعليكم السـلام ..
ملاك :وش أخبارك أبله عط ... عواطف ..
يؤ وش هالوهقه كنت بقول معيارتها قدامها صدق أني مخفه ...
أبله عطــوف جلست تمقل فيني وزينة بنظارتها على خشمها ..
ابله عطوف :أعرف هالصوت وهالشبهه موغريبه علي ...
رديت عليها وأنا أنفخ لبانه وأفقعها ..
ملاك :افااااااااااا ماعرفتيني أنا ملاك مبـــــــارك ...
خيبه وش فيها ذي لوقايله لها شيطـون بن أبليس ماتنرفزت كذا ...
أبله عطوف :والخيبه وش تبيــــــن ...
الخيبه تخيبك يالحمــاره ..
ملاك :افاا أبله تعامليني كذا وأنا جايه أسلم عليك وماجيت للمـدرسه الاعشـان أشوفك ..
ياحلوي قدرت أحرجها وبعــد الأستقبال السيء اللي أستقبلتني فيه رحبت فيني وجلست تسأل وش مســويه ومن هالسوالف وأنا جلست انصب عليها وسـألتني ليش جايه خبرتها عن وعــد وجها تغير وعرفت انها مقهــوره من وعد وجلست تشكى منها وأنا طبعاً سويت نفســي الكبيره العاقله ووعدتها اعدلها وعـــد وهي مبسوطـه تحسبني أتكلم من صدقي موجالسه أتريق عليها صدق مخفــه ..
وبالأخيــر وودعتها ورحت لوعد اللي لقيتها خالصه ورجعنا للبيت ....

الحلقه السادسه عشــر



((1))

عساف

وخرت الجوال عن اذني تحسب لصرخه اللي بتصدر منها وبتفقع طبلة أذنـــي .. مرت ثواني ماسمعت فيها أي صوت لصراخ ولاغيره .. بتردد رجعت الجوال على أذنــي ..وهمست ..
عساف:ضحــى وينك ..
ضحـى :انا هنا وين بروح يعنـي ..
عساف :أجل مارديتي علي ..؟!
ضحى :ارد على أيش هو أنت قلت شي ينرد عليه ..
لاهذي تبغى تطلعني من طوري..تتعمــد البروده معــي بكلامهاوتعاملها ..
عساف :ضحــى انتي فاهمتني زين وعارفه وش اقصد ..
ضحــى :لا أعذرني صايره غبيه هاليوميـن مأفهم فهمني أنت ..
عساف :ان شاءالله من عيوني بس هذا اللي تطلبينه بفهمــك وبخليك تحفظين الدرس بعد يامــدام ..
وماصبرت أكثر قفلت قبل مأسمع ردها ..فقعت مراراتي بكلامها ..مع أنه المفروض هي اللي تنقهر تعصب تنفعل وتصـارخ .. بس ضحى دايم تفاجئني بردود أفعالها اللي مستحيل الواحد يتوقعها مرات تهيج مثل حمم بركان .. ومرات ببرودها تجلد صيف الرياض ..
كل شــي فيها يغريني يحمسني يعطيني دافع عشان أكتشفها أكثر وأكثر لين أوصل لها ..
خلف : عساف ..
لفيت للخلف اللي كان واقف وراي ..
عســاف :هلاخلف..
خلف :أدخل بيقلطـون العشـاء ..
عساف :يالله جااي ..
سألني وهويأشــر على الجوال اللي بيدي ..
خلف :بنت مبارك ..
عسـاف :ايه ..
خلف :كنت متوقع من سمعت صوتك عالي ماينرفزك الا هــي ..
عساف :طيب بعد العشـاء لتنام أبيك ..
خلف :وين يجيني النوم وأنا بعـيد عن الرياض وهواها ..
دزيته يمشــي قدامــي وأنا أضحك وأتريق عليه ...
عسـاف :ليه الأخو سمكــه مايعيش الا بالماء وحارمينه منه ..
خلف :يالعم محد قالك من قبل أنك ثقيل دم ..
بعد العشـاء كنت جالس مع خلف بعــد ماطلع عنا مبــارك راح ينام ..
كنا نسولف عن معارف مبـارك اللي كانوا معنا على العشى ومن بين كلامناسألني خلف ..
خلف :كان عندك سالفه لي ..
عساف :ايه كنت بشاورك ..
تحمس خلف وتعــدل بجلسته شكله يحسبني بشاوره أني أتزوج مره ثانيه لأنه من طلعنا من الرياض وهو ماسك علي هالسالفه ..
خلف :هاه بشر عزمــت ..
ماقلت لكم ..تكلمت بالســرعه عشان مايروح بعيد بأحلامه ..
عســاف:لاا ماهو اللي مفكــره فيه .. انا بشاورك أني أكلم عمــي بموضوع بنته ...
شفته خلف يطالعني بنظرات وكأنه يستسخف اللي قاعــد اقوله ..
خلف :تبي شوري خلك منها طلقها وريح نفسك وريحها يعني هي بعــد ماهي ناقصتك قايمــه بجدتها وخـواتها وهذا يفكفيها..
عساف :والله هي اللي رضت فيني وتزوجتني واللحين خلاص عايفتني ماهو بكيفها ..بعدين وش عندك تدافع عنها ..
خلف :لأنك لوعت كبودنا فيها ماعنــدك الاسالفتها ..
عساف :وش قلت أكلم مبارك هذا عمك وأنت أعرف الناس فيه تهقى بيساعدني..
خلف :تبي رايي كلمــه اذاماكان قدامك غير هالحل لأن عمي حتــى وهو متبـري من بناته ماراح يرضى باللي تسـويه فيك لأنه رجال وفاهمك وأكيد بياقف معك ...
تطمنت لكلام خلف صح هذي كيف راحت عن بالي مبــارك أكيد بيوقف معــي ماهو عشــان شــي متعلق فيني بس لأنه دايم ضد النسوان وهن دايم الغلطــانات والعيب مايجي الا منهن ..
سمعت تنهيده طالعه من خلف ..
عساف :ولل طالعه من قلب..
خلف :شفت عمي وش يبي مني ..
عساف :لا وش يبي ..
خلف :مدبر لي زواج مصلحه ..
عساف :كيف مافهمت ليكون بيزوجك وحــده من بناته ..
خلف :لا تصدق مافكرت فيها من قبل مع أن الفكره ماهي شينه تعرف ولد عمك مايأخذ الا مزايين وأكيد بناته طالعات على أمهاتهن
وسكت شوي كنه يفكره ...وقف ثمن جلس وهو يهز راسه بـ لااا ..


خلف :لا لا بتوهقني معه اذا أخذت وحده منهن بتبدس فيها ولوبغيت أطلقها ماراح أقدر وأبوها عمي مبارك وش تقول الناس عني ...
اللحين الناس ماراح أتكلم الا اذاطلق بنت عمه مبارك مأدري كيف يفكر هالخلف ..
عساف :يعني بتفهمني أن الناس ماتكلمت فيكم للحين أنت وعمك أحلق شنبــي لوكان كلامك صدق ..
خلف :خلهم يتكلمون لين بكره محدن هامني .. بس فكرة أني أتزوج من بنت عمي مبارك ماراقت لي انا ماني ناقص ريم جديده ...
وبدأ يسب ويشتم فيها ..وبلحضة غضب ..
خلف :الواطيه ماهو كفايه اني ساكت عن سالفت عقمها ..
انصدمت هذا وش قاعـديقول ..
خلف :لاطالعني كذا ايه بنت عمك ماتجيب عيال كان لنا سنه من تزوجنا يوم أكتشفت هالشي وطينت عيشتي بصياحها عشان كذا دبرت سالفة أنه انا اللي مابي عيال ومشت السالفه ولاصدق أنها هي ماتجيب عيــال ..
واخيراً طلع صوتي من بعد الصدمه ..
عساف :وأنت كنت تبي عيال كيف صبرت كله هالوقت ...
خلف :فالبدايه كنت أبي عيــال بس بعدين مع الوقت صار المــوضوع مايهمنــي لأن الوحــيده اللي حسيت معها بالأستقرار وكنت ناوي أستمر معها طول العمـر طلعة ماتجيب عيــال .. وكل اللي تزوجتهم بعــدها مأتخيل ولاوحــده منهن أم عيــالي ..
سكت عني وقعــد يقلب فجــواله شكــلي قلبت عليه المــواجع ياصبــرك ياخلف اللحين كلها هذا سوته فيك الريم .. صدق لئيمــه جازتك بالخيــانه رغــم كل الخيـر اللي سويته فيها..


((2))


ضحــــــى

داخلي نار مولعــه من كلام عساف النذل يعرف كيف يجرح ويقط نغزات حتى وهو بعيــد ماهـو فاكني من شـره يهددني بأبوي اللي متبري منا .. والا الثاني مرره ميت على عيال زوجته وحناحتى سؤال مايسأل عنا مايدري عايشين ولاميتيــن .. أنا واثقه أن عساف تعمــد يقولي هالكــلام عشان يجرحني بس للأسف ماعرفتني زين يأستاذ عساف أنا ضحــى لوتغرس بحشاي سكيــن ولاكأنك جرحتني ..
أنتبهت على ملاك تكلمني بس مأدري وش تقــول ..
ضحــى :تكلميني ..
شفت الصدمه بوجها يحـوول انا وش صاير فيني أمشــي بين الناس وعقلي مو معي ..ردت علي بعد مأستوعبت الصدمـه ..
ملاك :لا أكلم عمـــري ..انا من الصبح أهرج على مين ..
بدينا عاد بثقالة الدم والمصاله عاد ملاك خلقه رايقه وتحسب الناس مثلها ..
ضحى :ملااكوه اخلصي علي عندك شـي قوليه ..
ملاك :ايه عندي شي وأشياء يابنتي أقولك العلاج حق جدتي خالص ..
ضحــى :كم اللي خالصين ..
ملاك :ثلاثه والرابع مابكيفي يوميــن ...
قلت لها وأنا افتح بدروج مكتبي ادور البوك ..
ضحــى :تروحين تجيبيه من الصيدليه ..
ملاك :يعني فيه أحد غيري بيروح يالله هاتي ..
ياحرام معذبتها معي من كثر مأطلب منها اخخخخخ بس عليها هي وأختها مارافع لي الضغط بهالبيت غيــرهم ..أكل ومرعه وقلت صنعه ..قلت لها بالطنازه يمكن تحس على دمها شوي ..
ضحى :أعذرينا أخت ملاك معذبينك معنا بس وش نســوي الله مارزقنا بخوان يخدمونا بس الحمـدالله الله رزقني بخــوات مريحيني وشيلين عنــي حمل البيت ..
بس الغبيه مافهمتني ولايمكنها فهمتني بس تغيبى كل شي جايز ..
ملاك :ياحبيبيييييييي شعندها ضحــى راضيه علينا ..
ضحــى :ملاك بتروحين ولاشلون ...
برشاقه قفزت من مكانها وأخذت الفلوس اللي مديتهــم لها ..
ملاك:أتصلي على الخبل سفرروه وأنا بروح أشوف توأمــي الغالي عشان نروح ..
غابت عشـر دقايق ونزلت بعدها مع سارا وهن لابسات عبايتهــن .. بس مأعجبتني حركتهن يوم متلثمــات ..
ضحــى :الا متى يعني ورى ماتغطن ولاعلى الأقل نقــاب أستــر ..
سارا :انا زيــن أني متلثمــه كان خاطري بس أتحجب ...
ملاك :ياحبيبي من بيسمحلك أصلاً ...
وبدوا بالمناقر ..الصراحه مأدري كيف يتحملن بعض احس عليهن ثقالة دم ماشفتها على أحد غير عساف اووووف مووقته هو الثاني ..
سارا :وأنتي شكو من معينك علي ولي ..
ملاك :موسالفت ولايه بس ياعيــوني أنا ماحب أحد يشوف وجهــي واذا كشفتي أنتي كني أنا كشفت لأنا توام فهمتي اللحيـن ياذكيه ..
هذي أخرتها ماكذبت يوم قلت ثقيلات دم ..
ضحــى :ملاك سارا أنقعلن من قدام وجهــي موناقصه أنا عشان اتفرج على غبائكن ...
وجرن بعض وطلعن وهن يتناقشن بصوت عالي بموضوعهن المهـــــم مررره مأقول الا مالت ...